ಹೊಸದಿಲ್ಲಿ: ಭಾನುವಾರ ರಾತ್ರಿ ವಿರುದ್ಧ ಸೋಲುವುದಕ್ಕೂ ಮುನ್ನ ಪಂದ್ಯ ನಮ್ಮ ಪರವಾಗಿತ್ತೆಂದು ತಂಡದ ನಾಯಕ ತಿಳಿಸಿದ್ದಾರೆ. ಆದಾಗ್ಯೂ ಸೋಲಿನಿಂದ ನಾವು ಕಲಿಯುತ್ತೇವೆ ಹಾಗೂ ಬಲವಾಗಿ ಕಮ್‌ಬ್ಯಾಕ್‌ ಮಾಡುತ್ತೇವೆಂದು ತಿಳಿಸಿದ್ದಾರೆ. ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ನೀಡಿದ್ದ 224 ರನ್‌ಗಳನ್ನು ರಾಜಸ್ತಾನ್‌ ರಾಯಲ್ಸ್ ಯಶಸ್ವಿಯಾಗಿ ಗುರಿ ಮುಟ್ಟಿತು. ಇದು ಐಪಿಎಲ್‌ ಇತಿಹಾಸದಲ್ಲಿಯೇ ಚೇಸ್‌ ಮಾಡಿದ ಗರಿಷ್ಟ ಮೊತ್ತವಾಗಿದೆ. ಸ್ಟೀವನ್‌ ಸ್ಮಿತ್‌ ನಾಯಕತ್ವದ ತಂಡ 4 ವಿಕೆಟ್‌ಗಳಿಂದ ಜಯ ಸಾಧಿಸಿತು. ಮಯಂಕ್‌ ಅಗರ್ವಾಲ್‌ ಶತಕ ಸಿಡಿಸಿದ್ದು, ಕಿಂಗ್ಸ್ ಇಲೆವೆನ್‌ ಪಂಜಾಬ್‌ ತಂಡದ ಗೆಲುವಿಗೆ ಸಾಕಾಗಲಿಲ್ಲ. ಪಂದ್ಯದ ಬಳಿಕ ಮಾತನಾಡಿದ ಕೆ.ಎಲ್‌ ರಾಹುಲ್‌, "ನೊಡಿ, ಇದು ಟಿ20 ಕ್ರಿಕೆಟ್, ಕಳೆದ ಹಲವು ವರ್ಷಗಳಿಂದ ಇಂತಹ ಫಲಿತಾಂಶವನ್ನು ಕಂಡಿದ್ದೇವೆ, ನಾವು ಸಾಕಷ್ಟು ಕೆಲಸಗಳನ್ನು ಸರಿಯಾಗಿಯೇ ಮಾಡಿದ್ದೇವೆ, ನಾವು ನಮ್ಮ ಗಲ್ಲವನ್ನು ಉಳಿಸಿಕೊಳ್ಳಬೇಕು ಮತ್ತು ಬಲವಾಗಿ ಕಮ್‌ಬ್ಯಾಕ್‌ ಮಾಡಬೇಕು. ಕಳೆದ ರಾತ್ರಿ ಸಾಕಷ್ಟು ಸಕಾರಾತ್ಮಕ ಅಂಶಗಳಿದ್ದವು, ನಾವು ಒಳ್ಳೆಯ ಕೆಲಸಗಳನ್ನು ಮಾಡಿದ್ದೇವೆ. ಆದರೆ, ಆಟ ಎಂದ ಮೇಲೆ ಇಂತಹ ಸಂಗತಿಗಳು ಸಂಭವಿಸುತ್ತವೆ. ಈ ಕಾರಣದಿಂದಲೇ ಕ್ರಿಕೆಟ್ ಆಟವನ್ನು ಶ್ರೇಷ್ಠ ಕ್ರೀಡೆ ಎನ್ನಲಾಗಿದೆ," ಎಂದು ಹೇಳಿದರು. "ಆಟವು ನಿಮ್ಮನ್ನು ಸಾರ್ವಕಾಲಿಕ ವಿನಮ್ರವಾಗಿರಿಸುತ್ತದೆ, ನಮ್ಮ ಜೇಬಿನಲ್ಲಿ ಪಂದ್ಯವಿತ್ತು ಎಂದು ನಾನು ಪ್ರಾಮಾಣಿಕವಾಗಿ ಭಾವಿಸಿದೆ. ಕೊನೆಯಲ್ಲಿ, ಅವರು ಉತ್ತಮವಾಗಿ ಬ್ಯಾಟಿಂಗ್ ಮಾಡಿದರು ಮತ್ತು ನಮ್ಮ ಬೌಲರ್‌ಗಳ ಮೇಲೆ ಒತ್ತಡ ಹೇರಿದರು, ಇದು ತಪ್ಪುಗಳಿಗೆ ಕಾರಣವಾಯಿತು. ಬೌಲರ್‌ಗಳು ತಮ್ಮ ಕಾರ್ಯವನ್ನು ನಿರ್ವಹಿಸಲು ನಾನು ಬೆಂಬಲಿಸುತ್ತೇನೆ, ಅವರು ಕಳೆದ ಎರಡು ಪಂದ್ಯಗಳಲ್ಲಿ ಉತ್ತಮವಾಗಿ ಬೌಲಿಂಗ್‌ ಮಾಡಿದ್ದಾರೆ. ಪರವಾಗಿಲ್ಲ, ಒಂದು ಕೆಟ್ಟ ಪಂದ್ಯ ನಮ್ಮದಾಗಿದೆ. ಇದು ಟೂರ್ನಿಯ ಆರಂಭದಲ್ಲಿ ಬಂದಿರುವುದು ಒಳ್ಳೆಯದು, ಅವರು ಇದರಿಂದ ಮಾತ್ರ ಕಲಿಯುತ್ತಾರೆ ಮತ್ತು ಬಲವಾಗಿ ಕಮ್‌ಬ್ಯಾಕ್‌ ಮಾಡುತ್ತಾರೆ," ಎಂದು ತಿಳಿಸಿದರು. ಪಂದ್ಯದಲ್ಲಿ ಮಯಾಂಕ್‌ ಅಗರ್ವಾಲ್‌ ಹಾಗೂ ಕೆ.ಎಲ್‌ ರಾಹುಲ್‌ ಜತೆಯಾಟದ ಮೂಲಕ ಹೊಸ ದಾಖಲೆಯನ್ನು ಬರೆದರು. ಈ ಜೋಡಿ ಮುರಿಯದ ಮೊದಲನೇ ವಿಕೆಟ್‌ಗೆ 183 ರನ್‌ಗಳನ್ನು ಗಳಿಸುವ ಮೂಲಕ ಐಪಿಎಲ್‌ ಟೂರ್ನಿಯಲ್ಲಿ ಎರಡನೇ ಗರಿಷ್ಠ ಜತೆಯಾಟ ಇದಾಗಿದೆ. ರಾಜಸ್ಥಾನ್‌ ರಾಯಲ್ಸ್ ಪರ ಫಾರ್ಮ್‌ ಮುಂದುವರಿಸಿದ ಸಂಜು ಸ್ಯಾಮ್ಸನ್‌ 85 ರನ್‌ಗಳನ್ನು ಗಳಿಸಿದರು ಹಾಗೂ ರಾಹುಲ್‌ ತೆವಾಟಿಯಾ ಕೊನೆಯ ಓವರ್‌ಗಳಲ್ಲಿ ಸಿಡಿಸಿದ ಸಿಕ್ಸರ್‌ಗಳಿಂದ ರಾಜಸ್ಥಾನ್‌ ರಾಯಲ್ಸ್ ಗೆಲುವಿನ ಹಾದಿ ಮರಳಲು ಸಾಧ್ಯವಾಯಿತು. 53 ರನ್‌ಗಳನ್ನು ಗಳಿಸಿದ ತೆವಾಟಿಯಾ 18ನೇ ಓವರ್‌ನಲ್ಲಿ ಶೆಲ್ಡನ್‌ ಕಾಟ್ರೆಲ್‌ಗೆ ಐದು ಸಿಕ್ಸರ್‌ಗಳನ್ನು ಸಿಡಿಸಿದರು. "ಚಿಕ್ಕ ಅಂಗಣದಲ್ಲಿ ಇಂತಹ ದೊಡ್ಡ ಮೊತ್ತಗಳು ದೊಡ್ಡ ವಿಷಯವಲ್ಲ. ಕಳೆದ 7 ಅಥವಾ 8 ಪಂದ್ಯಗಳಲ್ಲಿ ನಾವು ಇದನ್ನು ಗಮನಿಸಿದ್ದೇವೆ. ಶಾರ್ಜಾ ಅಥವಾ ದುಬೈ ಅಂಗಳಗಳಲ್ಲಿ ಬೌಲರ್‌ಗಳು ಅಂತಿಮ ಓವರ್‌ಗಳಲ್ಲಿ ತಮ್ಮ ನಿಯಂತ್ರಣವನ್ನು ಕಳೆದುಕೊಳ್ಳುತ್ತಿದ್ದಾರೆ. ಡೆತ್‌ ಓವರ್‌ಗಳಲ್ಲಿ ಬ್ಯಾಟ್ಸ್‌ಮನ್‌ಗಳು ಪ್ರಾಬಲ್ಯ ಸಾಧಿಸುತ್ತಿದ್ದಾರೆ. ಸಂಜು ಸ್ಯಾಮ್ಸನ್‌ ಹಾಗೂ ರಾಹುಲ್‌ ತೆವಾಟಿಯಾ ಅದ್ಭುತವಾಗಿ ಬ್ಯಾಟಿಂಗ್ ಮಾಡಿದರು. ಈ ಗೆಲುವಿಗೆ ಅವರು ಅರ್ಹರಿದ್ದಾರೆ," ಎಂದು ಕೆ.ಎಲ್‌ ರಾಹುಲ್‌ ಶ್ಲಾಘಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/338AkJu
