ಬೆಂಗಳೂರು: ಮಾದಕ ವಸ್ತುಗಳಿಗೆ ಕಡಿವಾಣ ಹಾಕುತ್ತಿರುವ ಮಾದಕವಸ್ತು ನಿಯಂತ್ರಣ ದಳ(ಎನ್‌ಸಿಬಿ) ಅಧಿಕಾರಿಗಳು ಇದೀಗ ಭರ್ಜರಿ ಬೇಟೆಯೊಂದನ್ನು ಮಾಡಿದ್ದಾರೆ. ಡಾರ್ಕ್ನೆಟ್ ಮೂಲಕ ಆರ್ಡರ್‌ ಮಾಡಿ, ಕ್ರಿಪ್ಟೋ ಕರೆನ್ಸಿ ಮೂಲಕ ಹಣ ಪಾವತಿಸಿ, ನೆದರ್‌ಲ್ಯಾಂಡ್‌ನಿಂದ ಕೊರಿಯರ್‌ ಮೂಲಕ ತರಿಸಲಾಗಿದ್ದ 750 ಎಂಡಿಎಂಎ ಮಾತ್ರೆಗಳನ್ನು ಜಪ್ತಿ ಮಾಡಿರುವ ಮಾದಕವಸ್ತು ನಿಯಂತ್ರಣ ದಳ(ಎನ್‌ಸಿಬಿ) ಅಧಿಕಾರಿಗಳು ನಾಲ್ವರನ್ನು ಬಂಧಿಸಿದ್ದಾರೆ.ಮಾದಕವಸ್ತು ಜಾಲದ ಆರೋಪಿ ಕೆ.ಪ್ರಮೋದ್‌ ಎಂಬಾತ ಮೊದಲು ಸಿಕ್ಕಿಬಿದ್ದಿದ್ದಾನೆ. ನಂತರ ಜಾಲದ ಮಾಸ್ಟರ್‌ಮೈಂಡ್‌ ಫಾಹೀಂ ಮತ್ತು ಆತನ ಸಹಚರರಾದ ಎ.ಹಶೀರ್‌ ಮತ್ತು ಎಸ್‌.ಎಸ್‌.ಶೆಟ್ಟಿ ಎಂಬುವರನ್ನು ಬಂಧಿಸಲಾಗಿದೆ. ಪ್ರಮುಖ ಆರೋಪಿಯಾಗಿರುವ ಫಾಹೀಂ ವೆಬ್‌ ಸೀರೀಸ್‌ನಿಂದ ಪ್ರೇರಿತನಾಗಿ ಡಾರ್ಕ್ನೆಟ್ ಮೂಲಕ ಮಾದಕವಸ್ತುಗಳನ್ನು ಅರ್ಡರ್‌ ಮಾಡುವ ಐಡಿಯಾ ಕಲಿತಿದ್ದ.
ಬೆಂಗಳೂರು:
ಮಾದಕ ವಸ್ತುಗಳಿಗೆ ಕಡಿವಾಣ ಹಾಕುತ್ತಿರುವ ಮಾದಕವಸ್ತು ನಿಯಂತ್ರಣ ದಳ(ಎನ್‌ಸಿಬಿ) ಅಧಿಕಾರಿಗಳು ಇದೀಗ ಭರ್ಜರಿ ಬೇಟೆಯೊಂದನ್ನು ಮಾಡಿದ್ದಾರೆ. ಡಾರ್ಕ್ನೆಟ್ ಮೂಲಕ ಆರ್ಡರ್‌ ಮಾಡಿ, ಕ್ರಿಪ್ಟೋ ಕರೆನ್ಸಿ ಮೂಲಕ ಹಣ ಪಾವತಿಸಿ, ನೆದರ್‌ಲ್ಯಾಂಡ್‌ನಿಂದ ಕೊರಿಯರ್‌ ಮೂಲಕ ತರಿಸಲಾಗಿದ್ದ 750 ಎಂಡಿಎಂಎ ಮಾತ್ರೆಗಳನ್ನು ಜಪ್ತಿ ಮಾಡಿರುವ ಮಾದಕವಸ್ತು ನಿಯಂತ್ರಣ ದಳ(ಎನ್‌ಸಿಬಿ) ಅಧಿಕಾರಿಗಳು ನಾಲ್ವರನ್ನು ಬಂಧಿಸಿದ್ದಾರೆ.
ಸುಳಿವು ನೀಡಿದ ಕೊರಿಯರ್‌!
2020ರ ಜು.30ರಂದು ನೆದರ್‌ಲ್ಯಾಂಡ್‌ನ ವಿದೇಶಿ ಅಂಚೆ ಕಚೇರಿಯಿಂದ ಭಾರತಕ್ಕೆ ಪಾರ್ಸೆಲ್‌ವೊಂದನ್ನು ರವಾನಿಸಲಾಗಿತ್ತು. ಆದರೆ, ಪಾರ್ಸೆಲ್‌ ಸ್ವೀಕರಿಸಬೇಕಿದ್ದ ಸಂಸ್ಥೆ ಅಥವಾ ವ್ಯಕ್ತಿಯ ಹೆಸರು, ವಿಳಾಸ ನಮೂದು ಮಾಡಿರಲಿಲ್ಲ. ಈ ಹಿನ್ನೆಲೆಯಲ್ಲಿ ತಾಂತ್ರಿಕ ಮಾಹಿತಿ ಸಹಿತ ಎನ್‌ಸಿಬಿ ತಂಡಗಳು ವಿವರವಾಗಿ ತನಿಖೆ ನಡೆಸಿದಾಗ ಪಾರ್ಸೆಲ್‌ ಸ್ವೀಕರಿಸಬೇಕಿದ್ದ ಮಾದಕವಸ್ತು ಜಾಲದ ಆರೋಪಿ ಕೆ.ಪ್ರಮೋದ್‌ ಎಂಬಾತ ಸಿಕ್ಕಿಬಿದ್ದಿದ್ದಾನೆ. ನಂತರ ಜಾಲದ ಮಾಸ್ಟರ್‌ಮೈಂಡ್‌ ಫಾಹೀಂ ಮತ್ತು ಆತನ ಸಹಚರರಾದ ಎ.ಹಶೀರ್‌ ಮತ್ತು ಎಸ್‌.ಎಸ್‌.ಶೆಟ್ಟಿ ಎಂಬುವರನ್ನು ಬಂಧಿಸಲಾಗಿದೆ. ಪ್ರಮುಖ ಆರೋಪಿಯಾಗಿರುವ ಫಾಹೀಂ ವೆಬ್‌ ಸೀರೀಸ್‌ನಿಂದ ಪ್ರೇರಿತನಾಗಿ ಡಾರ್ಕ್ನೆಟ್ ಮೂಲಕ ಮಾದಕವಸ್ತುಗಳನ್ನು ಅರ್ಡರ್‌ ಮಾಡುವ ಐಡಿಯಾ ಕಲಿತಿದ್ದ.
ಅಶ್ಲೀಲ ವೆಬ್‌ಸೈಟ್‌ಗೆ ಶಿಕ್ಷಕಿ, ಸಹಪಾಠಿಗಳ ಫೋಟೋ ಅಪ್‌ಲೋಡ್‌ ಮಾಡಿದ ಕಾನೂನು ವಿದ್ಯಾರ್ಥಿ; ಮತ್ತೇನಾಯ್ತು?
ವಿವಿಗಳು, ಕಾಲೇಜುಗಳಿಗೆ ಸರಬರಾಜು!
ಆರೋಪಿ ಫಾಹೀಂ ದೇಶದ ವಿವಿಧ ಸ್ಥಳಗಳಿಗೆ ಡ್ರಗ್ಸ್‌ ಸರಬರಾಜು ಮಾಡುತ್ತಿದ್ದ. ಉಡುಪಿಯ ಮಣಿಪಾಲ್‌ ವಿವಿ, ಎನ್‌ಎಂಎಎಂಐಟಿ ಕಾಲೇಜು, ಮಣಿಪಾಲದಲ್ಲಿನ ಕ್ಲಬ್‌ಗಳು, ಚೆನ್ನೈನ ಎಸ್‌ಆರ್‌ಎಂ ವಿವಿ ಸೇರಿದಂತೆ ಹಲವು ಸ್ಥಳಗಳಿಗೆ ಮಾದಕವಸ್ತುಗಳನ್ನು ಪೂರೈಸುತ್ತಿದ್ದ.ಈ ಮಾದಕವಸ್ತುಗಳ ಜಾಲ ಕಳೆದ ಎರಡು ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿದೆ. ಬಂಧಿತ ಫಾಹೀಂ ಮತ್ತು ಪ್ರಮೋದ್‌ ಕೇರಳ ಮೂಲದವರಾಗಿದ್ದಾರೆ. ಎ.ಹಶೀರ್‌ ಮತ್ತು ಎಸ್‌.ಎಸ್‌.ಶೆಟ್ಟಿ ಕರ್ನಾಟಕದವರಾಗಿದ್ದಾರೆ. ಜಾಲದೊಂದಿಗೆ ನಂಟು ಹೊಂದಿರುವವರಿಗಾಗಿ ಶೋಧ ಮುಂದುವರಿದಿದೆ ಎಂದು ಎನ್‌ಸಿಬಿ ತಿಳಿಸಿದೆ.
ಅ.1ರಂದು ಹಸಿರು ಮಾರ್ಗದಲ್ಲಿ ಮೆಟ್ರೋ ಸೀಮಿತ ಸಂಚಾರ, ಜಕ್ಕೂರು ವಾಯುನೆಲೆ ಬಳಿ ಕಾಮಗಾರಿಗೆ ಹೈಕೋರ್ಟ್‌ ನಿರ್ಬಂಧ
ಕ್ರಿಪ್ಟೋ ಕರೆನ್ಸಿ ಮೂಲಕ ಹಣ ಪಾವತಿ
ಪ್ರಮುಖ ಆರೋಪಿಯಾಗಿರುವ ಫಾಹೀಂ, ಡ್ರಗ್ಸ್‌ ಕುರಿತಾದ ಜನಪ್ರಿಯ ವೆಬ್‌ ಸೀರೀಸ್‌ ನೋಡಿ ಪ್ರೇರಿತನಾಗಿ ಡಾರ್ಕ್ನೆಟ್ ಮೂಲಕ ಮಾದಕವಸ್ತುಗಳನ್ನು ಆರ್ಡರ್‌ ಮಾಡುವ ಐಡಿಯಾ ಕಲಿತಿದ್ದ. ಮೊದಲು ಕ್ರಿಪ್ಟೋ ಕರೆನ್ಸಿ ಖರೀದಿಸುವುದು, ಆ ಕ್ರಿಪ್ಟೋ ಕರೆನ್ಸಿ ಮೂಲಕ ಹಣ ಪಾವತಿಸಿ ಡಾರ್ಕ್‌ನೆಟ್‌ನಲ್ಲಿ ಮಾದಕವಸ್ತುಗಳಿಗೆ ಆರ್ಡರ್‌ ಮಾಡುತ್ತಿದ್ದ ಎಂದು ಎನ್‌ಸಿಬಿ ತಿಳಿಸಿದೆ.
from India & World News in Kannada | VK Polls https://ift.tt/3jhNBEX
