ಶ್ರೀಪಾದರಾವ್ ಮಂಜುನಾಥ್ ಹಿರಿಯ ಹಾಸ್ಯ ಬರಹಗಾರ್ತಿ ಶ್ರೀಮತಿ ರವರ " ಹೆಸರಲ್ಲೇನಿದೆ ಮಹಾ" ಹಾಸ್ಯ ಲೇಖನ ಸಂಕಲನ, ಮತ್ತು ಅವರ ಪುತ್ರಿ ಶ್ರೀಮತಿ ರವರ "ಮಾತ್ರೆದೇವೊ ಭವ" ಹಾಸ್ಯಪ್ರಬಂಧಗಳ ಸಂಕಲನ ಮತ್ತು ಅವರ ಎರಡನೆಯ ಹನಿಗವನ ಸಂಕಲನ " ಭಾವದ ಹಕ್ಕಿ" ಫೇಸ್ ಬುಕ್ ಆನ್ ಲೈನ್ ಲೈವ್ ಕಾರ್ಯಕ್ರಮದ ಮೂಲಕ ಭಾನುವಾರ ಬಿಡುಗಡೆ ಮಾಡಲಾಯಿತು. ಅಗಲಿದ ಎಸ್.ಪಿ.ಬಾಲಸುಬ್ರಮಣ್ಯಂ ರವರಿಗೆ ಶ್ರದ್ಧಾಂಜಲಿ ಅರ್ಪಿಸಿ, ಸುಧಾ ಸರನೋಬತ್ ರವರ ಹಿರಿಯ ಪುತ್ರಿ ಶ್ರೀಮತಿ ಅಂಜಲಿ ಹಳಿಯಾಳ್ ರವರ ಪ್ರಾರ್ಥನೆಯೊಂದಿಗೆ ಕಾರ್ಯಕ್ರಮ ಆರಂಭವಾಯಿತು. ಹನಿ ಚಕ್ರವರ್ತಿ ದುಂಡಿರಾಜ್ ಫೇಸ್ ಬುಕ್ ಲೈವ್ ಮೂಲಕ ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಶ್ರೀಮತಿ ಆರತಿರವರ ಹಾಸ್ಯಪ್ರಜ್ಞೆಯನ್ನು ಪ್ರಶಂಸಿಸಿ ಅವರ ಭಾವದ ಹಕ್ಕಿ ಹನಿಗವನಗಳ ಬಗ್ಗೆ ವಿಶ್ಲೇಷಿಸಿ, ಮೆಚ್ಚುಗೆ ವ್ಯಕ್ತಪಡಿಸಿದರು. ಜನಪ್ರಿಯ ಹಾಸ್ಯ ಭಾಷಣಕಾರರು, ಹಾಸ್ಯ ಸಾಹಿತಿ, ಅಂಕಣಕಾರರು, ಅಣಕು ರಾಮನಾಥ್ ಈ ಕಾರ್ಯಕ್ರಮದ ಸಾರಥ್ಯವನ್ನು ವಹಿಸಿ ಈ ಬಿಡುಗಡೆಯ ಸಂಚಾಲನೆಯನ್ನು ಮಾಡಿದರು. ತಾಯಿ ಮತ್ತು ಮಗಳು ಹಾಸ್ಯ ಬರಹದಲ್ಲಿ ತೊಡಗಿಸಿಕೊಳ್ಳುವುದು ಅಪರೂಪವೆಂದು ಶ್ಲಾಘಿಸಿದರು. ಶ್ರೀಮತಿ ಸುಧಾ ಸರ್ನೋಬತ್ ರವರ ಸಹೋದರಿ ಖ್ಯಾತ ಲೇಖಕಿ, ಕಾದಂಬರಿಗಾರ್ತಿ ಶ್ರೀಮತಿ ಜಯಶ್ರೀ ದೇಶಪಾಂಡೆಯವರು ಅಕ್ಕ ಸುಧಾ ಮತ್ತು ಅಕ್ಕನ ಮಗಳು ಆರತಿಯ ಹಾಸ್ಯಪ್ರಜ್ಞೆಯನ್ನು ಮತ್ತು ತಮ್ಮ ಬಾಲ್ಯದ ದಿನಗಳನ್ನೂ ಮೆಲುಕು ಹಾಕುತ್ತಾ, ಈ ಕೃತಿಗಳಲ್ಲಿ ಅಡಗಿರುವ ಹಾಸ್ಯದ ತಿರುಳನ್ನು ವಿವರಿಸಿದರು. ಪುಸ್ತಕವನ್ನು ವಿದ್ಯುಕ್ತವಾಗಿ ಬಿಡುಗಡೆ ಮಾಡಿದ ನಾಡಿನ ಹೆಸರಾಂತ ಪ್ರಬಂಧ ಬರಹಗಾರ್ತಿ, ಖ್ಯಾತ ಹಾಸ್ಯ ಸಾಹಿತಿ ಶ್ರೀಮತಿ ಭುವನೇಶ್ವರಿ ಹೆಗಡೆಯವರು ಸುಧಾ ಸರನೋಬತ್ ಅವರ " ಹೆಸರಿನಲ್ಲೇನಿದೆ ಮಹಾ " ಆರತಿ ಘಟಿಕಾರ್ ಅವರ "ಮಾತ್ರೆ ದೇವೋ ಭವ " ಪುಸ್ತಕದ ಪರಿಚಯವನ್ನು ಮಾಡಿ, ಸಾಮಾನ್ಯ ಸನ್ನಿವೇಶಗಳನ್ನೂ ಹಾಸ್ಯಕ್ಕೆ ವಸ್ತುವಾಗಿ ಬಳಸಿಕೊಂಡು ಸ್ವಾರಸ್ಯಕರವಾಗಿ, ಮನರಂಜನೀಯವಾಗಿ ಲಘು ಲೇಖನಗಳ ಬರೆದ ರೀತಿ ಮತ್ತು ತಮ್ಮ ಮತ್ತು ಸುಧಾಸರ್ನೋಬತ್ ಕುಟುಂಬದವರ ನಡುವಿನ ದೀರ್ಘಕಾಲದ ಬಾಂಧವ್ಯವನ್ನು ನೆನೆಸಿಕೊಂಡರು ಶ್ರೀಮತಿ ಆರತಿ ತಾವು ದುಬೈ ದೇಶದಲ್ಲಿದ್ದಾಗ ಅಲ್ಲಿ ಕಂಡ ಹಾಸ್ಯ ಸನ್ನಿವೇಷಗಳನ್ನು, ಅರಬ್ ನಾಡಿನ ಸುತ್ತ ಮುತ್ತಲ ಜನ ಜೀವನ, ಭಾರತೀಯ ಕ್ಲಿಷ್ಟ ಹೆಸರುಗಳನ್ನು ಅರೇಬಿಕ್ ಜನರ ಉಚ್ಚಾರಣೆ ಹೇಳಿ ಎಲ್ಲರನ್ನೂ ನಗೆಗಡಲಲ್ಲಿ ತೇಲಿಸಿದರು. ಅಷ್ಟೇ ಅಲ್ಲದೆ ತಮ್ಮ ನೋವಿನ ಕಿರಿ ಕಿರಿ ಅನುಭವಗಳನ್ನು ಕೂಡಾ ಮುಂದೆ ಮೋಜಿನ ಬರಹಗಳಿಗೆ ಸ್ಫೂರ್ತಿಯಾದ ಬಗ್ಗೆ ಸ್ವಾರಸ್ಯಕರ ವಿಚಾರಗಳನ್ನು ಹಂಚಿಕೊಂಡರು. ಕಾರ್ಯಕ್ರಮದ ಕೊನೆಯಲ್ಲಿ ಅಂಜಲಿ ಹಳಿಯಾಳ್ ವಂದನಾರ್ಪಣೆ ಮಾಡಿದರು .
from India & World News in Kannada | VK Polls https://ift.tt/3n6aM7u
