ದುಬೈ: ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ನ ರೋಚಕ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ಗೆಲುವಿನ ಬಳಿಕ ಪ್ರತಿಕ್ರಿಯಿಸಿದ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ವಿರಾಟ್‌ ಕೊಹ್ಲಿ, ಸೂಪರ್ ಓವರ್‌ನಲ್ಲಿ ಎಬಿ ಡಿವಿಲಿಯರ್ಸ್ ಹಾಗೂ ತಾವು ಬ್ಯಾಟಿಂಗ್ ಮಾಡುವ ಹಿಂದೆ ಇದ್ದ ಭಾವನೆಗಳನ್ನು ವ್ಯಕ್ತಪಡಿಸಿದ್ದಾರೆ.ಸೋಮವಾರ ರಾತ್ರಿ ಆರ್‌ಸಿಬಿ ಹಾಗೂ ಮುಂಬೈ ಇಂಡಿಯನ್ಸ್ ಎರಡೂ ತಂಡಗಳು 201 ರನ್‌ಗಳನ್ನು ಗಳಿಸಿದ ಬಳಿಕ ಪಂದ್ಯ ಸೂಪರ್ ಓವರ್‌ಗೆ ತಲುಪಿತ್ತು. ಬಳಿಕ ಸೂಪರ್ ಓವರ್‌ನಲ್ಲಿ ಮುಂಬೈ ನೀಡಿದ್ದ 8 ರನ್‌ಗಳ ಗುರಿಯನ್ನು ಕೊಹ್ಲಿ ಹಾಗೂ ಎಬಿ ಡಿವಿಲಿಯರ್ಸ್ ಸುಲಭವಾಗಿ ಮುಟ್ಟಿದರು. ಎಬಿ ಡಿವಿಲಿಯರ್ಸ್ ಹಾಗೂ ತಾವು ಸೂಪರ್ ಓವರ್‌ನಲ್ಲಿ ಎರಡು ರನ್‌ಗಳನ್ನು ಪಡೆಯುವುದಲ್ಲಿ ಉತ್ತಮವಾಗಿದ್ದೇವೆ ಎಂದು ಕೊಹ್ಲಿ ಪಂದ್ಯದ ಬಳಿಕ ತಿಳಿಸಿದರು. "ಈ ರೋಚಕ ಪಂದ್ಯದ ಬಗ್ಗೆ ಮಾತನಾಡಲು ನನ್ನಲ್ಲಿ ಪದಗಳಿಲ್ಲ. ನಾವು ಅತ್ಯುತ್ತಮವಾಗಿ ಬ್ಯಾಟಿಂಗ್ ಮಾಡಿ 200 ರನ್‌ಗಳನ್ನು ಗಳಿಸಿದೆವು. ಅದರಂತೆ ಬೌಲಿಂಗ್‌ನಲ್ಲಿಯೂ ಉತ್ತಮ ಆರಂಭ ಕಂಡಿದ್ದೆವು. ಆದರೆ, ಮಧ್ಯಮ ಓವರ್‌ಗಳಲ್ಲಿ ಮುಂಬೈ ಇಂಡಿಯನ್ಸ್ ಉತ್ತಮವಾಗಿ ಆಡಿತು. ಆದರೆ, ಮಂಜು ನಮ್ಮ ಬೌಲಿಂಗ್‌ ಪ್ರದರ್ಶನದ ಮೇಲೆ ಗಂಭೀರ ಪರಿಣಾಮವನ್ನು ಉಂಟಮಾಡಿತು. ಕೊನೆಯ ಐದು ಓವರ್‌ಗಳಲ್ಲಿ 90 ರನ್‌ ನೀಡಿದ್ದರಿಂದ ನಾವು ಕೆಲಸವನ್ನು ಉತ್ತಮವಾಗಿ ಮುಗಿಸಿದ್ದೇವೆ ಎಂದು ಭಾವಿಸುವುದಿಲ್ಲ," ಎಂದು ವಿರಾಟ್‌ ಕೊಹ್ಲಿ ತಿಳಿಸಿದರು.ಸೋಮವಾರ ರಾತ್ರಿ ನಡೆದ ಹದಿಮೂರನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ಸೂಪರ್ ಓವರ್‌ನಲ್ಲಿ ಗೆಲುವು ಸಾಧಿಸುವುದಕ್ಕೂ ಮುನ್ನ ತಾವು ರೂಪಿಸಿದ್ದ ಮಾಸ್ಟರ್‌ ಪ್ಲ್ಯಾನ್‌ ಅನ್ನು ವಿರಾಟ್‌ ಕೊಹ್ಲಿ ರಿವೀಲ್‌ ಮಾಡಿದರು.
ದುಬೈ:
ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ನ ರೋಚಕ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ಗೆಲುವಿನ ಬಳಿಕ ಪ್ರತಿಕ್ರಿಯಿಸಿದ ರಾಯಲ್‌ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ವಿರಾಟ್‌ ಕೊಹ್ಲಿ, ಸೂಪರ್ ಓವರ್‌ನಲ್ಲಿ ಎಬಿ ಡಿವಿಲಿಯರ್ಸ್ ಹಾಗೂ ತಾವು ಬ್ಯಾಟಿಂಗ್ ಮಾಡುವ ಹಿಂದೆ ಇದ್ದ ಭಾವನೆಗಳನ್ನು ವ್ಯಕ್ತಪಡಿಸಿದ್ದಾರೆ.
ಸೋಮವಾರ ರಾತ್ರಿ ಆರ್‌ಸಿಬಿ ಹಾಗೂ ಮುಂಬೈ ಇಂಡಿಯನ್ಸ್ ಎರಡೂ ತಂಡಗಳು 201 ರನ್‌ಗಳನ್ನು ಗಳಿಸಿದ ಬಳಿಕ ಪಂದ್ಯ ಸೂಪರ್ ಓವರ್‌ಗೆ ತಲುಪಿತ್ತು. ಬಳಿಕ ಸೂಪರ್ ಓವರ್‌ನಲ್ಲಿ ಮುಂಬೈ ನೀಡಿದ್ದ 8 ರನ್‌ಗಳ ಗುರಿಯನ್ನು ಕೊಹ್ಲಿ ಹಾಗೂ ಎಬಿ ಡಿವಿಲಿಯರ್ಸ್ ಸುಲಭವಾಗಿ ಮುಟ್ಟಿದರು. ಎಬಿ ಡಿವಿಲಿಯರ್ಸ್ ಹಾಗೂ ತಾವು ಸೂಪರ್ ಓವರ್‌ನಲ್ಲಿ ಎರಡು ರನ್‌ಗಳನ್ನು ಪಡೆಯುವುದಲ್ಲಿ ಉತ್ತಮವಾಗಿದ್ದೇವೆ ಎಂದು ಕೊಹ್ಲಿ ಪಂದ್ಯದ ಬಳಿಕ ತಿಳಿಸಿದರು.
"ಈ ರೋಚಕ ಪಂದ್ಯದ ಬಗ್ಗೆ ಮಾತನಾಡಲು ನನ್ನಲ್ಲಿ ಪದಗಳಿಲ್ಲ. ನಾವು ಅತ್ಯುತ್ತಮವಾಗಿ ಬ್ಯಾಟಿಂಗ್ ಮಾಡಿ 200 ರನ್‌ಗಳನ್ನು ಗಳಿಸಿದೆವು. ಅದರಂತೆ ಬೌಲಿಂಗ್‌ನಲ್ಲಿಯೂ ಉತ್ತಮ ಆರಂಭ ಕಂಡಿದ್ದೆವು. ಆದರೆ, ಮಧ್ಯಮ ಓವರ್‌ಗಳಲ್ಲಿ ಮುಂಬೈ ಇಂಡಿಯನ್ಸ್ ಉತ್ತಮವಾಗಿ ಆಡಿತು. ಆದರೆ, ಮಂಜು ನಮ್ಮ ಬೌಲಿಂಗ್‌ ಪ್ರದರ್ಶನದ ಮೇಲೆ ಗಂಭೀರ ಪರಿಣಾಮವನ್ನು ಉಂಟಮಾಡಿತು. ಕೊನೆಯ ಐದು ಓವರ್‌ಗಳಲ್ಲಿ 90 ರನ್‌ ನೀಡಿದ್ದರಿಂದ ನಾವು ಕೆಲಸವನ್ನು ಉತ್ತಮವಾಗಿ ಮುಗಿಸಿದ್ದೇವೆ ಎಂದು ಭಾವಿಸುವುದಿಲ್ಲ," ಎಂದು ವಿರಾಟ್‌ ಕೊಹ್ಲಿ ತಿಳಿಸಿದರು.
ಇಶಾನ್ ಕಿಶಾನ್‌ ಸೂಪರ್ ಓವರ್‌ಗೆ ಫ್ರೆಶ್‌ ಆಗಿ ಕಾಣಿಸಲಿಲ್ಲ
ಅದ್ಭುತ ಪ್ರತಿಭಾನ್ವಿತ ಎಡಗೈ ಬ್ಯಾಟ್ಸ್‌ಮನ್‌ ಟೈ ಆದ ಬಳಿಕ ಸಂಪೂರ್ಣವಾಗಿ ಬರಿದಾಗಿದ್ದರು ಮತ್ತು ಸೂಪರ್ ಓವರ್‌ನಲ್ಲಿ ಬ್ಯಾಟಿಂಗ್ ಮಾಡದೇ ಇರಲು ಇದು ನಿಜವಾದ ಕಾರಣವಾಗಿದೆ ಎಂದು ರೋಹಿತ್‌ ಶರ್ಮಾ ತಿಳಿಸಿದ್ದಾರೆ.
"ಇಶಾನ್ ಕಿಶಾನ್‌ ಪಂದ್ಯ ಟೈ ಆದ ಬಳಿಕ ಬರಿದಾಗಿದ್ದರು ಹಾಗೂ ಅವರು ಆರಾಮದಾಯಕವಾಗಿರಲಿಲ್ಲ. ನಾವು ಅವರನ್ನೇ ಕಳುಹಿಸಬೇಕೆಂದು ಅಂದು ಕೊಂಡಿದ್ದೆವು. ಆದರೆ, ಅವರು ಫ್ರೆಶ್‌ ಆಗಿ ಕಾಣಿಸಿಕೊಂಡಿಲ್ಲ. ಆದರೆ, ದೊಡ್ಡ ಹೊಡೆತಗಳನ್ನು ಹೊಡೆಯುವಲ್ಲಿ ಹಾರ್ದಿಕ್‌ ಪಾಂಡ್ಯಗೆ ಎತ್ತಿದ ಕೈ ಹಾಗಾಗಿ, ಅವರನ್ನು ಸೂಪರ್ ಓವರ್‌ನಲ್ಲಿ ಕಳುಹಿಸಿದೆವು. ನಾವು 7 ರನ್‌ಗಳನ್ನು ಗಳಿಸಿದ್ದರೂ, ನಾವು ಒಂದು ಅನಿರೀಕ್ಷಿತ ಬೌಂಡರಿ ನೀಡಿದ್ದರಿಂದ ಪಂದ್ಯ ಸೋಲಬೇಕಾಯಿತು. ನಿಯಮಿತ ಓವರ್‌ಗಳಗಳಲ್ಲಿ ನಾವು ಮಾಡಿದ್ದ ಕಮ್‌ಬ್ಯಾಕ್‌ ಅದ್ಭುತವಾಗಿತ್ತು," ಎಂದು ರೋಹಿತ್‌ ಶರ್ಮಾ ತಿಳಿಸಿದರು.
ಸಿಎಸ್‌ಕೆ ನಾಯಕ ಎಂಎಸ್‌ ಧೋನಿಗೆ ಉಪಯುಕ್ತ ಸಲಹೆ ಕೊಟ್ಟ ಬ್ರೆಟ್‌ ಲೀ!
17 ಓವರ್‌ನಲ್ಲಿ ಮುಂಬೈಗೆ ತಿರುವು ಸಿಕ್ಕಿತ್ತು
ಕೊನೆಯ 5 ಓವರ್‌ಗಳಲ್ಲಿ ಮುಂಬೈ ಇಂಡಿಯನ್ಸ್‌ಗೆ 90 ರನ್‌ಗಳ ಅಗತ್ಯವಿತ್ತು. ಆದರೆ, 17ನೇ ಓವರ್‌ನಲ್ಲಿ ಪಂದ್ಯಕ್ಕೆ ತಿರುವು ಸಿಕ್ಕಿತು. ಕೀರನ್‌ ಪೊಲಾರ್ಡ್, ಆಡಮ್‌ ಝಂಪಾ ಓವರ್‌ನಲ್ಲಿ ಸತತ ಸಿಕ್ಸರ್‌ಗಳನ್ನು ಸಿಡಿಸುವ ಮೂಲಕ 27 ರನ್‌ಗಳನ್ನು ಕಲೆಹಾಕಿದರು. ನಂತರದ ಓವರ್‌ನಲ್ಲಿ ಯಜ್ವೇಂದ್ರ ಚಹಲ್‌ಗೆ ಇನ್ನೂ ಮೂರು ಸಿಕ್ಸರ್‌ಗಳನ್ನು ಸಿಡಿಸಿದರು. ನಂತರ ಕೊನೆಯ ಎರಡು ಓವರ್‌ಗಳಲ್ಲಿ 31 ರನ್‌ಗಳ ಅಗತ್ಯವಿತ್ತು.
19ನೇ ಓವರ್‌ನಲ್ಲಿ ನವದೀಪ್‌ ಸೈನಿ ಚಾಣಾಕ್ಷತನದಿಂದ ಬೌಲಿಂಗ್‌ ಮಾಡಿದ್ದರು. ಅವರು ಕೇವಕ 12 ರನ್‌ಗಳನ್ನು ನೀಡಿದ್ದರು. ಆದರೆ, ಕೊನೆಯ ಓವರ್‌ನಲ್ಲಿ ಇಶಾನ್ ಕಿಶಾನ್‌, ಇಸುರು ಉದಾನ ಅವರಿಗೆ ಸತತ ಎರಡು ಸಿಕ್ಸರ್‌ಗಳನ್ನು ಸಿಡಿಸಿದರು. ನಂತರ ಮುಂಬೈಗೆ ಕೊನೆಯ ಎರಡು ಎಸೆತಗಳಲ್ಲಿ 5 ರನ್‌ಗಳ ಅಗತ್ಯವಿದ್ದಾಗ ಇಶಾನ್ ಕಿಶಾನ್‌ ಕ್ಯಾಚ್‌ ನೀಡಿದರು. ಕೊನೆಯ ಎಸೆತದಲ್ಲಿ ಕೀರನ್‌ ಪೊಲಾರ್ಡ್ ಬೌಂಡರಿ ಸಿಡಿಸಿ ಸೂಪರ್ ಓವರ್‌ಗ ಕರೆದುಕೊಂಡು ಹೋದರು.
ಸುಲಭವಾಗಿ ಗೆಲ್ಲೋ ಪಂದ್ಯವನ್ನ ತಿಣುಕಾಡಿ ಗೆಲ್ಲಬೇಕೆಂದು ತೋರಿಸಿಕೊಟ್ಟ ಆರ್‌ಸಿಬಿ!
ಆರ್‌ಸಿಬಿ ಹೋರಾಟವನ್ನು ಶ್ಲಾಘಿಸಿದ ರೋಹಿತ್‌ ಶರ್ಮಾ
ಕ್ಷಣ ಕ್ಷಣದಲ್ಲಿ ಆರ್‌ಸಿಬಿ ತಂಡ ತೋರಿದ ಹೋರಾಟವನ್ನು ರೋಹಿತ್‌ ಶರ್ಮಾ ಶ್ಲಾಘಿಸಿದರು. "ಇದು ಕ್ರಿಕೆಟ್‌ನ ಅದ್ಭುತ ಪಂದ್ಯ. ಗುರಿ ಬೆನ್ನತ್ತಿದ್ದ ನಾವು ಆರಂಭದಲ್ಲಿ ಪಂದ್ಯದಲ್ಲಿ ಇರಲಿಲ್ಲ. ಆದರೆ, ಇಶಾನ್ ಕಿಶಾನ್‌ ಹಾಗೂ ಕೀರನ್‌ ಪೊಲಾರ್ಡ್ ಅವರು ತಂಡಕ್ಕೆ ಅದ್ಭುತ ಕೊಡುಗೆಯನ್ನು ನೀಡಿದರು. 200 ರನ್‌ಗಳನ್ನು ಗುರಿ ಹಿಂಬಾಲಿಸುವ ಸಾಮರ್ಥ್ಯ ನಮ್ಮ ತಂಡಕ್ಕಿದೆ. ಆದರೆ, ನಾವು ಉತ್ತಮ ಆರಂಭ ಕಾಣಲಿಲ್ಲ. ಆರಂಭಿಕ 6-7 ಓವರ್‌ಗಳಲ್ಲಿ ನಾವು ಮೂರು ವಿಕೆಟ್‌ಗಳನ್ನು ಕಳೆದುಕೊಂಡೆವು. ಪೊಲ್ಲಿ(ಪೊಲಾರ್ಡ್) ಕ್ರೀಸ್‌ನಲ್ಲಿ ಇದ್ದರೆ, ಏನು ಬೇಕಾದರೂ ಆಗಬಹುದು. ಇಶಾನ್ ಕೂಡ ಅದ್ಭುತವಾಗಿ ಹೊಡೆಯುತ್ತಿದ್ದರು. ನಮಗಿಂತ ಆರ್‌ಸಿಬಿ ಅತ್ಯುತ್ತಮವಾಗಿ ಹೋರಾಟ ನಡೆಸಿದ್ದರು," ಎಂದು ರೋಹಿತ್‌ ಶರ್ಮಾ ಹೇಳಿದರು.
ಆರ್‌ಸಿಬಿ ತಂಡದ ಡೆತ್‌ ಬೌಲಿಂಗ್‌ ಸುಧಾರಣೆಗೆ ಇರ್ಫಾನ್ ಪಠಾಣ್ ಸಲಹೆ!
ಎರಡೆರಡು ರನ್‌ಗಳನ್ನು ಪಡೆಯುವ ಸಾಮರ್ಥ್ಯ ನಮ್ಮಲ್ಲಿತ್ತು
"ಫೀಲ್ಡಿಂಗ್‌ ವಿಭಾಗದಲ್ಲಿ ನಾವು ಇನ್ನಷ್ಟು ಪರಿಶ್ರಮ ಪಡುವ ಅಗತ್ಯವಿದೆ. ಸಿಕ್ಕ ಅವಕಾಶಗಳನ್ನು ಸದುಪಯೋಗಪಡಿಸಿಕೊಂಡಿದ್ದರೆ, ನಾವು ಇನ್ನಷ್ಟು ಬೇಗ ಜಯ ಸಾಧಿಸುತ್ತಿದ್ದೆವು. ಸೂಪರ್ ಓವರ್‌ನಲ್ಲಿ ಫೀಲ್ಡಿಂಗ್‌ ವೈಫಲ್ಯದಿಂದ ಒಂದು ಬೌಂಡರಿ ಬಿಟ್ಟದ್ದು, ಈ ಬಗ್ಗೆ ನಾವು ಹೆಚ್ಚಿನ ತರಬೇತಿ ಪಡೆಯಬೇಕಾಗಿದೆ. ಜಸ್ಪ್ರಿತ್‌ ಬುಮ್ರಾ ಬೌಲಿಂಗ್‌ನಲ್ಲಿ ಬೌಂಡರಿಗಳಲ್ಲಿ ಫೀಲ್ಡಿಂಗ್‌ ನಿಲ್ಲಿಸಿಕೊಳ್ಳುವುದರಿಂದ, ಎರಡೆರಡು ರನ್‌ಗಳನ್ನು ಪಡೆದುಕೊಳ್ಳಲು ನಾನು ಮತ್ತು ಡಿವಿಲಿಯರ್ಸ್ ಉತ್ತಮ ಆಯ್ಕೆ," ಎಂದು ವಿರಾಟ್‌ ಕೊಹ್ಲಿ ತಿಳಿಸಿದರು.
ಇದಕ್ಕೂ ಮುನ್ನ ಆರೋನ್‌ ಫಿಂಚ್‌, ದೇವದತ್‌ ಪಡಿಕ್ಕಲ್‌ ಹಾಗೂ ಎಬಿ ಡಿವಿಲಿಯರ್ಸ್ ತಲಾ ಅರ್ಧಶತಕಗಳನ್ನು ಸಿಡಿಸಿದ್ದರು. ಆ ಮೂಲಕ ಆರ್‌ಸಿಬಿ 201 ರನ್‌ಗಳನ್ನು ದಾಖಲಿಸಿತ್ತು. ಶಿವಂ ದುಬೆ ಕೂಡ ಅದ್ಭುತವಾಗಿ ಬ್ಯಾಟಿಂಗ್ ಮಾಡಿದ್ದರು. ಅವರು ಕೇವಲ 10 ಎಸೆತಗಳಲ್ಲಿ 27 ರನ್‌ಗಳನ್ನು ಗಳಿಸಿದ್ದರು. ಮುಂಬೈ ಇಂಡಿಯನ್ಸ್ ಪರ ಇಶಾನ್ ಕಿಶಾನ್‌ 99 ರನ್‌ಗಳು ಹಾಗೂ ಕೀರನ್‌ ಪೊಲಾರ್ಡ್ 24 ಎಸೆತಗಳಲ್ಲಿ ಅಜೇಯ 60 ರನ್‌ಗಳನ್ನು ಸಿಡಿಸಿದ್ದರು.
ಸೂಪರ್ ಓವರ್‌ನಲ್ಲಿ ಇಶಾನ್ ಕಿಶಾನ್‌ ಆಡಿಸದೆ ಇರಲು ಕಾರಣ ತಿಳಿಸಿದ ರೋಹಿತ್‌ ಶರ್ಮಾ!
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3mUIOvD
