ನಾಗಪ್ಪ ನಾಗನಾಯಕನಹಳ್ಳಿ ಬೆಂಗಳೂರು: ಕಡಿಮೆ ದರದಲ್ಲಿ ಊಟ, ತಿಂಡಿ ಒದಗಿಸುತ್ತಿರುವ ಇಂದಿರಾ ಕ್ಯಾಂಟೀನ್‌ಗಳ ನಿರ್ವಹಣೆಯ ಗುತ್ತಿಗೆಯನ್ನು ಅದಮ್ಯ ಚೇತನ ಸೇರಿದಂತೆ ಮೂರು ಸಂಸ್ಥೆಗಳು ಪಡೆದುಕೊಂಡಿವೆ. ಆ. 1ರಿಂದಲೇ ಹೊಸ ಟೆಂಡರ್ ಪದ್ಧತಿ ಜಾರಿಗೆ ಬಂದಿದ್ದು, ಮೆನುವಿನಲ್ಲಿ ಕೊಂಚ ಬದಲಾವಣೆ ಮಾಡಲಾಗಿದೆ. ಇಂದಿರಾ ಕ್ಯಾಂಟೀನ್‌ಗಳಲ್ಲಿ ಸದ್ಯ ಇಡ್ಲಿ, ಸಾಂಬಾರು, ಬಿಸಿಬೇಳೆ ಬಾತ್‌, ಬೂಂದಿ, ವೆಜ್‌ ಪಲಾವ್‌, ಆಲೂ ಪಲಾವ್‌, ಟೊಮೊಟೊ ಬಾತ್‌, ಮೆಂತ್ಯ ಪಲಾವ್‌, ಪೊಂಗಲ್‌, ಅನ್ನ, ಸಾಂಬಾರು ಮತ್ತು ಮೊಸರನ್ನ ನೀಡಲಾಗುತ್ತಿದೆ. ಇದಲ್ಲದೇ ತರಹೇವಾರಿ ತಿಂಡಿ-ತಿನಿಸುಗಳನ್ನು ಪರಿಚಯಿಸಲು ಗುತ್ತಿಗೆ ಸಂಸ್ಥೆಗಳು ಆಸಕ್ತಿ ವಹಿಸಿದ್ದು, ಬಿಬಿಎಂಪಿಯಿಂದ ಅನುಮತಿ ಸಿಕ್ಕಿಲ್ಲ. ಸಾರ್ವಜನಿಕರನ್ನು ಆಕರ್ಷಿಸುವ ಸಲುವಾಗಿ ಚಪಾತಿ, ರಾಗಿ ಮುದ್ದೆ, ಕ್ಯಾಂಟೀನ್‌ನಲ್ಲೇ ಬಿಸಿ ಬಿಸಿ ಇಡ್ಲಿ ಸಿದ್ಧಪಡಿಸಿ ಕೊಡಲು ಅನುಮತಿ ಕೋರಿ ಪ್ರಸ್ತಾವ ಸಲ್ಲಿಸಲಾಗಿದೆ.ಕೊರೊನಾ ವೈರಾಣು ಸೋಂಕು ನಿಯಂತ್ರಣಕ್ಕೆ ಬಂದ ಬಳಿಕ ಕ್ಯಾಂಟೀನ್‌ಗಳಲ್ಲಿ ಚಪಾತಿ, ರಾಗಿ ಮುದ್ದೆ ಸೇರಿದಂತೆ ಇತರೆ ಆಹಾರ ಪದಾರ್ಥಗಳನ್ನು ನೀಡಲು ಉದ್ದೇಶಿಸಲಾಗಿದೆ. ಚೆಫ್‌ಟಾಕ್‌ ಮತ್ತು ರಿವಾರ್ಡ್ಸ್ ಸಂಸ್ಥೆಗಳ ಗುತ್ತಿಗೆ ಅವಧಿಯು 2019ರ ಆಗಸ್ಟ್‌ನಲ್ಲೇ ಮುಕ್ತಾಯಗೊಂಡಿತ್ತು. ಹೀಗಾಗಿ, ಪಾಲಿಕೆಯ ಎಂಟು ವಲಯಗಳಲ್ಲಿನ ಕ್ಯಾಂಟೀನ್‌ಗಳ ನಿರ್ವಹಣೆಗೆ 4 ಪ್ಯಾಕೇಜ್‌ಗಳನ್ನಾಗಿ ವಿಂಗಡಿಸಿ ಟೆಂಡರ್ ಕರೆಯಲಾಗಿತ್ತು. ಈ ನಾಲ್ಕೂ ಪ್ಯಾಕೇಜ್‌ಗಳಲ್ಲೂ ಎರಡೂ ಸಂಸ್ಥೆಗಳು ಭಾಗವಹಿಸಿದ್ದವು. ಒಂದು ಪ್ಯಾಕೇಜ್‌ನಲ್ಲಿಅದಮ್ಯ ಚೇತನ ಸಂಸ್ಥೆ ಪಾಲ್ಗೊಂಡಿತ್ತು.ಇಂದಿರಾ ಕ್ಯಾಂಟೀನ್ 2017ರ ಆ. 16ರಂದು ಆರಂಭವಾಗಿತ್ತು. ಅಂದಿನಿಂದಲೂ ಚೆಫ್‌ಟಾಕ್‌ ಮತ್ತು ರಿವಾರ್ಡ್ಸ್ ಸಂಸ್ಥೆಗಳೇ ಕ್ಯಾಂಟೀನ್‌ಗಳಿಗೆ ಊಟ, ಉಪಾಹಾರ ಪೂರೈಸುತ್ತಿದ್ದವು. ಕಡಿಮೆ ಜನರಿಗೆ ಊಟ, ತಿಂಡಿ ನೀಡುತ್ತಿದ್ದರೂ, ಹೆಚ್ಚಿನ ಲೆಕ್ಕ ತೋರಿಸಿ ಬಿಲ್‌ ಪಡೆಯುತ್ತಿರುವ ಆರೋಪ ಈ ಸಂಸ್ಥೆಗಳ ಮೇಲಿದೆ. ಅಲ್ಲದೇ ಟೆಂಡರ್ ಪ್ರಕ್ರಿಯೆ ಪೂರ್ಣಗೊಳ್ಳುವ ಮುನ್ನವೇ ಅವ್ಯವಹಾರದ ಆರೋಪದ ಹಿನ್ನೆಲೆಯಲ್ಲಿ ಬಿಬಿಎಂಪಿಯು ಈ ಸಂಸ್ಥೆಗಳ ವಿರುದ್ಧ ಎಫ್‌ಐಆರ್‌ ದಾಖಲಿಸಿತ್ತು. ಈಗ ಮತ್ತೆ ಅದೇ ಸಂಸ್ಥೆಗಳಿಗೆ ಇಂದಿರಾ ಕ್ಯಾಂಟೀನ್‌ಗಳ ನಿರ್ವಹಣೆಯ ಗುತ್ತಿಗೆ ನೀಡಿರುವುದಕ್ಕೆ ಆಕ್ಷೇಪ ವ್ಯಕ್ತವಾಗಿದೆ.ಇಂದಿರಾ ಕ್ಯಾಂಟೀನ್ ಅವ್ಯವಹಾರ: ಸಿದ್ದರಾಮಯ್ಯಗೆ ಲೋಕಾಯುಕ್ತ ಕ್ಲೀನ್‌ ಚಿಟ್ಇಂದಿರಾ ಕ್ಯಾಂಟೀನ್ ನಿರ್ವಹಣೆಯನ್ನು ಮೂರು ಸಂಸ್ಥೆಗಳಿಗೆ ಗುತ್ತಿಗೆ ನೀಡಲಾಗಿದೆ. ಅದ್ಯಮ ಚೇತನ ಹೆಗಲಿಗೆ 44 ಇಂದಿರಾ ಕ್ಯಾಂಟೀನ್ ಸಿಕ್ಕಿದ್ದು 6.70 ರೂ. ಕಡಿಮೆ ದರಕ್ಕೆ ಬಿಬಿಎಂಪಿ ಟೆಂಡರ್ ನೀಡಿದೆ. ಹೊಸ ಟೆಂಡರ್‌ನಿಂದ ಪಾಲಿಕೆಗೆ ವಾರ್ಷಿಕ 4 ಕೋಟಿ ಉಳಿತಾಯದ ನಿರೀಕ್ಷೆ ಇದ್ದು, ಚಪಾತಿ, ರಾಗಿ ಮುದ್ದೆ ನೀಡಲು ಗುತ್ತಿಗೆ ಸಂಸ್ಥೆಗಳು ಚಿಂತಿಸಿವೆ.
ನಾಗಪ್ಪ ನಾಗನಾಯಕನಹಳ್ಳಿ
ಬೆಂಗಳೂರು
:
ಕಡಿಮೆ ದರದಲ್ಲಿ ಊಟ, ತಿಂಡಿ ಒದಗಿಸುತ್ತಿರುವ ಇಂದಿರಾ ಕ್ಯಾಂಟೀನ್‌ಗಳ ನಿರ್ವಹಣೆಯ ಗುತ್ತಿಗೆಯನ್ನು ಅದಮ್ಯ ಚೇತನ ಸೇರಿದಂತೆ ಮೂರು ಸಂಸ್ಥೆಗಳು ಪಡೆದುಕೊಂಡಿವೆ. ಆ. 1ರಿಂದಲೇ ಹೊಸ ಟೆಂಡರ್ ಪದ್ಧತಿ ಜಾರಿಗೆ ಬಂದಿದ್ದು, ಮೆನುವಿನಲ್ಲಿ ಕೊಂಚ ಬದಲಾವಣೆ ಮಾಡಲಾಗಿದೆ. ಇಂದಿರಾ ಕ್ಯಾಂಟೀನ್‌ಗಳಲ್ಲಿ ಸದ್ಯ ಇಡ್ಲಿ, ಸಾಂಬಾರು, ಬಿಸಿಬೇಳೆ ಬಾತ್‌, ಬೂಂದಿ, ವೆಜ್‌ ಪಲಾವ್‌, ಆಲೂ ಪಲಾವ್‌, ಟೊಮೊಟೊ ಬಾತ್‌, ಮೆಂತ್ಯ ಪಲಾವ್‌, ಪೊಂಗಲ್‌, ಅನ್ನ, ಸಾಂಬಾರು ಮತ್ತು ಮೊಸರನ್ನ ನೀಡಲಾಗುತ್ತಿದೆ. ಇದಲ್ಲದೇ ತರಹೇವಾರಿ ತಿಂಡಿ-ತಿನಿಸುಗಳನ್ನು ಪರಿಚಯಿಸಲು ಗುತ್ತಿಗೆ ಸಂಸ್ಥೆಗಳು ಆಸಕ್ತಿ ವಹಿಸಿದ್ದು, ಬಿಬಿಎಂಪಿಯಿಂದ ಅನುಮತಿ ಸಿಕ್ಕಿಲ್ಲ. ಸಾರ್ವಜನಿಕರನ್ನು ಆಕರ್ಷಿಸುವ ಸಲುವಾಗಿ ಚಪಾತಿ, ರಾಗಿ ಮುದ್ದೆ, ಕ್ಯಾಂಟೀನ್‌ನಲ್ಲೇ ಬಿಸಿ ಬಿಸಿ ಇಡ್ಲಿ ಸಿದ್ಧಪಡಿಸಿ ಕೊಡಲು ಅನುಮತಿ ಕೋರಿ ಪ್ರಸ್ತಾವ ಸಲ್ಲಿಸಲಾಗಿದೆ.
ಕೊರೊನಾ ವೈರಾಣು ಸೋಂಕು ನಿಯಂತ್ರಣಕ್ಕೆ ಬಂದ ಬಳಿಕ ಕ್ಯಾಂಟೀನ್‌ಗಳಲ್ಲಿ ಚಪಾತಿ, ರಾಗಿ ಮುದ್ದೆ ಸೇರಿದಂತೆ ಇತರೆ ಆಹಾರ ಪದಾರ್ಥಗಳನ್ನು ನೀಡಲು ಉದ್ದೇಶಿಸಲಾಗಿದೆ. ಚೆಫ್‌ಟಾಕ್‌ ಮತ್ತು ರಿವಾರ್ಡ್ಸ್ ಸಂಸ್ಥೆಗಳ ಗುತ್ತಿಗೆ ಅವಧಿಯು 2019ರ ಆಗಸ್ಟ್‌ನಲ್ಲೇ ಮುಕ್ತಾಯಗೊಂಡಿತ್ತು. ಹೀಗಾಗಿ, ಪಾಲಿಕೆಯ ಎಂಟು ವಲಯಗಳಲ್ಲಿನ ಕ್ಯಾಂಟೀನ್‌ಗಳ ನಿರ್ವಹಣೆಗೆ 4 ಪ್ಯಾಕೇಜ್‌ಗಳನ್ನಾಗಿ ವಿಂಗಡಿಸಿ ಟೆಂಡರ್ ಕರೆಯಲಾಗಿತ್ತು. ಈ ನಾಲ್ಕೂ ಪ್ಯಾಕೇಜ್‌ಗಳಲ್ಲೂ ಎರಡೂ ಸಂಸ್ಥೆಗಳು ಭಾಗವಹಿಸಿದ್ದವು. ಒಂದು ಪ್ಯಾಕೇಜ್‌ನಲ್ಲಿಅದಮ್ಯ ಚೇತನ ಸಂಸ್ಥೆ ಪಾಲ್ಗೊಂಡಿತ್ತು.
ಇಂದಿರಾ ಕ್ಯಾಂಟೀನ್ 2017ರ ಆ. 16ರಂದು ಆರಂಭವಾಗಿತ್ತು. ಅಂದಿನಿಂದಲೂ ಚೆಫ್‌ಟಾಕ್‌ ಮತ್ತು ರಿವಾರ್ಡ್ಸ್ ಸಂಸ್ಥೆಗಳೇ ಕ್ಯಾಂಟೀನ್‌ಗಳಿಗೆ ಊಟ, ಉಪಾಹಾರ ಪೂರೈಸುತ್ತಿದ್ದವು. ಕಡಿಮೆ ಜನರಿಗೆ ಊಟ, ತಿಂಡಿ ನೀಡುತ್ತಿದ್ದರೂ, ಹೆಚ್ಚಿನ ಲೆಕ್ಕ ತೋರಿಸಿ ಬಿಲ್‌ ಪಡೆಯುತ್ತಿರುವ ಆರೋಪ ಈ ಸಂಸ್ಥೆಗಳ ಮೇಲಿದೆ. ಅಲ್ಲದೇ ಟೆಂಡರ್ ಪ್ರಕ್ರಿಯೆ ಪೂರ್ಣಗೊಳ್ಳುವ ಮುನ್ನವೇ ಅವ್ಯವಹಾರದ ಆರೋಪದ ಹಿನ್ನೆಲೆಯಲ್ಲಿ ಬಿಬಿಎಂಪಿಯು ಈ ಸಂಸ್ಥೆಗಳ ವಿರುದ್ಧ ಎಫ್‌ಐಆರ್‌ ದಾಖಲಿಸಿತ್ತು. ಈಗ ಮತ್ತೆ ಅದೇ ಸಂಸ್ಥೆಗಳಿಗೆ ಇಂದಿರಾ ಕ್ಯಾಂಟೀನ್‌ಗಳ ನಿರ್ವಹಣೆಯ ಗುತ್ತಿಗೆ ನೀಡಿರುವುದಕ್ಕೆ ಆಕ್ಷೇಪ ವ್ಯಕ್ತವಾಗಿದೆ.
ಇಂದಿರಾ ಕ್ಯಾಂಟೀನ್ ಅವ್ಯವಹಾರ: ಸಿದ್ದರಾಮಯ್ಯಗೆ ಲೋಕಾಯುಕ್ತ ಕ್ಲೀನ್‌ ಚಿಟ್
6.70 ರೂ. ಕಡಿಮೆ ದರಕ್ಕೆ ಬಿಡ್‌:
ಬಿಬಿಎಂಪಿಯ ಪೂರ್ವ ವಲಯದ ಇಂದಿರಾ ಕ್ಯಾಂಟೀನ್‌ಗಳ ನಿರ್ವಹಣೆಯ ಟೆಂಡರ್ ಪ್ರಕ್ರಿಯೆಯಲ್ಲಿ ಭಾಗವಹಿಸಿದ್ದ ಸಂಸ್ಥೆಗಳ ಪೈಕಿ ಗಿರಿಜಾ ಶಾಸ್ತ್ರಿ ಸ್ಮಾರಕ ಟ್ರಸ್ಟ್‌ (ಅದಮ್ಯ ಚೇತನ) ಅತಿ ಕಡಿಮೆ ದರ ನಮೂದಿಸಿತ್ತು. ಈ ಸಂಸ್ಥೆಯು ನಗರದಲ್ಲಿನ 1.50 ಲಕ್ಷ ವಿದ್ಯಾರ್ಥಿಗಳಿಗೆ ಬಿಸಿಯೂಟ ಪೂರೈಸುತ್ತಿದೆ. ಈ ಸಂಸ್ಥೆಗೆ ಇಂದಿರಾ ಕ್ಯಾಂಟೀನ್‌ಗಳ ನಿರ್ವಹಣೆಯ ಗುತ್ತಿಗೆ ಸಿಕ್ಕಿದೆ. ಪೂರ್ವ ವಲಯದ 44 ವಾರ್ಡ್‌ಗಳಲ್ಲಿನ ಕ್ಯಾಂಟೀನ್‌ಗಳಿಗೆ ಮೂರು ಹೊತ್ತು ಆಹಾರ ಪೂರೈಸಲು ಅದಮ್ಯ ಚೇತನ ಸಂಸ್ಥೆಯು ದಿನಕ್ಕೆ 55.30 ರೂ. ನಮೂದಿಸಿತ್ತು. ಚೆಫ್‌ಟಾಕ್‌ ಮತ್ತು ರಿವಾರ್ಡ್ಸ್ ಸಂಸ್ಥೆಗಳು ದಿನದಲ್ಲಿಎರಡು ಹೊತ್ತು ಊಟ, ಬೆಳಗ್ಗೆ ಉಪಾಹಾರ ಪೂರೈಸಲು 62 ರೂ. (ಗ್ರಾಹಕರು ನೀಡುತ್ತಿದ್ದ 25 ರೂ. ಸೇರಿ) ಪಡೆಯುತ್ತಿದ್ದವು. ಸರಕಾರವು 32 ರೂ. ಸಬ್ಸಿಡಿ ನೀಡುತ್ತಿತ್ತು. ಅದಮ್ಯ ಚೇತನ ಸಂಸ್ಥೆಯು 6.70 ರೂ. ಕಡಿಮೆ ದರ ಬಿಡ್‌ ಮಾಡಿರುವ ಹಿನ್ನೆಲೆಯಲ್ಲಿಚೆಫ್‌ಟಾಕ್‌, ರಿವಾರ್ಡ್ಸ್ ಸಂಸ್ಥೆಗಳಿಗೂ ಅದೇ ದರ ನಿಗದಿಪಡಿಸಲಾಗಿದೆ. ಸದ್ಯ ಪಾಲಿಕೆಯು 30.30 ರೂ.ಗಳನ್ನು ಮಾತ್ರ ಗುತ್ತಿಗೆ ಸಂಸ್ಥೆಗಳಿಗೆ ಸಬ್ಸಿಡಿ ರೂಪದಲ್ಲಿನೀಡಲಿದೆ. ಇದರಿಂದಾಗಿ ಪಾಲಿಕೆಗೆ ವಾರ್ಷಿಕ 4 ಕೋಟಿ ರೂ. ಉಳಿತಾಯವಾಗುವ ನಿರೀಕ್ಷೆ ಇದೆ.
ಅದಮ್ಯ ಚೇತನದಿಂದ 400 ಹಕ್ಕಿ-ಪಿಕ್ಕಿ ಕುಟಂಬಗಳಿಗೆ ದಿನಸಿ ಸಾಮಗ್ರಿ ವಿತರಣೆ
ಸರಕಾರದ ಅನುದಾನವಿಲ್ಲ
ಇಂದಿರಾ ಕ್ಯಾಂಟೀನ್‌ಗಳ ನಿರ್ವಹಣೆಗೆ ಸರಕಾರವು ಅನುದಾನವನ್ನೇ ಒದಗಿಸುತ್ತಿಲ್ಲ. ಹೀಗಾಗಿ, ಕ್ಯಾಂಟೀನ್‌ಗಳ ಭವಿಷ್ಯವು ತೂಗುಯ್ಯಾಲೆಯಲ್ಲಿಯೇ ಇದೆ. ಕ್ಯಾಂಟೀನ್‌ಗಳ ನಿರ್ವಹಣೆಗೆ 2019-20ನೇ ಸಾಲಿನಲ್ಲಿ ರಾಜ್ಯ ಸರಕಾರವೂ ಅನುದಾನ ನೀಡಿಲ್ಲ. ಇನ್ನೊಂದೆಡೆ ಪಾಲಿಕೆ ಬಜೆಟ್‌ನಲ್ಲೂ ಹಣ ಮೀಸಲಿಟ್ಟಿಲ್ಲ. ಕ್ಯಾಂಟೀನ್‌ಗಳ ಭದ್ರತಾ ವ್ಯವಸ್ಥೆ ಮತ್ತು ಆವರಣ ಗೋಡೆಗಳಿಗಾಗಿ 2017ರಲ್ಲಿ24.37 ಕೋಟಿ ರೂ. ವೆಚ್ಚ ಮಾಡಲಾಗಿತ್ತು. 2018-19ರಲ್ಲಿಸರಕಾರ ಹಂಚಿಕೆ ಮಾಡಿದಷ್ಟು ಹಣ ಬಿಡುಗಡೆಯಾಗದ ಕಾರಣ 21.66 ಕೋಟಿ ರೂ. ವೆಚ್ಚವನ್ನು ಪಾಲಿಕೆ ಭರಿಸಿದೆ. ಇದನ್ನೂ ಸೇರಿಸಿ 2019-20ನೇ ಸಾಲಿಗೆ 210 ಕೋಟಿ ಅನುದಾನ ಹಂಚಿಕೆ ಮಾಡಲು ಕೋರಿ 2019ರ ಜ. 9ರಂದು ಸರಕಾರಕ್ಕೆ ಬೇಡಿಕೆ ಸಲ್ಲಿಸಲಾಗಿತ್ತು. ಆದಾಗ್ಯೂ, ಸರಕಾರ ಬಜೆಟ್‌ನಲ್ಲಿ ಅನುದಾನ ಒದಗಿಸಲಿಲ್ಲ. ಆದ ಕಾರಣ, ಪಾಲಿಕೆಯು ತನ್ನ ಸ್ವಂತ ಸಂಪನ್ಮೂಲದಲ್ಲೇ ಇಂದಿರಾ ಕ್ಯಾಂಟೀನ್‌ಗಳ ನಿರ್ವಹಣೆಗೆ ತಗಲುವ ವೆಚ್ಚವನ್ನು ಭರಿಸುತ್ತಿದೆ.
ಗುಣಮಟ್ಟವಿಲ್ಲದೆ ಸೊರಗಿದ ಇಂದಿರಾ ಕ್ಯಾಂಟೀನ್‌ಗಳು, ಗ್ರಾಹಕರ ಸಂಖ್ಯೆ ಶೇ.50ರಷ್ಟು ಕುಸಿತ!
175 ಸ್ಥಿರ, 23 ಮೊಬೈಲ್‌ ಕ್ಯಾಂಟೀನ್:
ಅದ್ಯಮ ಚೇತನ ಸಂಸ್ಥೆಯು ಪೂರ್ವ ವಲಯದಲ್ಲಿ4 ಮೊಬೈಲ್‌ ಕ್ಯಾಂಟೀನ್ ಸೇರಿ ಒಟ್ಟು 44 ಕ್ಯಾಂಟೀನ್‌ಗಳ ನಿರ್ವಹಣೆಯ ಗುತ್ತಿಗೆ ಪಡೆದುಕೊಂಡಿದೆ. ಈ ಸಂಸ್ಥೆಗೆ ಈವರೆಗೆ ಕೇಂದ್ರೀಕೃತ ಅಡುಗೆ ಮನೆಗಳನ್ನು ಹಸ್ತಾಂತರಿಸಿಲ್ಲ. ಹೀಗಾಗಿ, ಸಂಸ್ಥೆಯ ಅಡುಗೆ ಮನೆಯಲ್ಲಿಯೇ ಆಹಾರ ಸಿದ್ಧಪಡಿಸಿ ಕ್ಯಾಂಟೀನ್‌ಗಳಿಗೆ ಪೂರೈಸುತ್ತಿದೆ. ಮೊಬೈಲ್‌ ಕ್ಯಾಂಟೀನ್‌ಗಳಲ್ಲಿಊಟ, ತಿಂಡಿ ವಿತರಣೆ ಶುರು ಮಾಡಿಲ್ಲ. ಚೆಫ್‌ಟಾಕ್‌ ಸಂಸ್ಥೆಯು ಪಶ್ಚಿಮ, ದಕ್ಷಿಣ, ಬೊಮ್ಮನಹಳ್ಳಿ ವಲಯದಲ್ಲಿ 104 ಕ್ಯಾಂಟೀನ್‌ಗಳನ್ನು ನಿರ್ವಹಣೆ ಮಾಡುತ್ತಿದೆ. ರಿವಾರ್ಡ್ಸ್ ಸಂಸ್ಥೆಯು ಮಹದೇವಪುರ, ದಾಸರಹಳ್ಳಿ, ರಾಜರಾಜೇಶ್ವರಿನಗರ ಮತ್ತು ಯಲಹಂಕ ವಲಯದಲ್ಲಿರುವ 50 ಕ್ಯಾಂಟೀನ್‌ಗಳಿಗೆ ಆಹಾರ ಸರಬರಾಜು ಮಾಡುತ್ತಿದೆ.
ಏಕ ಬಳಕೆ ಪ್ಲಾಸ್ಟಿಕ್ ವಿರೋಧಿಸಿ ಅದಮ್ಯ ಚೇತನದಿಂದ ವಾಕಥಾನ್
from India & World News in Kannada | VK Polls https://ift.tt/34aLvke
