ಅಬುಧಾಬಿ: ಸತತ ಎರಡು ಪಂದ್ಯಗಳಲ್ಲಿ ಗೆದ್ದು ಹದಿಮೂರನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿಯಲ್ಲಿ ಶುಭಾರಂಭ ಮಾಡಿದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ, ತಮ್ಮ ಮೂರನೇ ಪಂದ್ಯದಲ್ಲಿ ವಿರುದ್ಧ 15 ರನ್‌ಗಳಿಂದ ಸೋಲು ಅನುಭವಿಸಿತು. ಪಂದ್ಯ ಬಳಿಕ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಡೆಲ್ಲಿ ಕ್ಯಾಪಿಟಲ್ಸ್ ಮುಖ್ಯ ಕೋಚ್‌ , "ಸನ್‌ ರೈಸರ್ಸ್ ಹೈದರಾಬಾದ್‌ ಎಲ್ಲಾ ವಿಭಾಗಗಳಲ್ಲೂ ನಮ್ಮನ್ನು ಮೀರಿದ ಪ್ರದರ್ಶನ ತೋರಿದೆ. ಆದ್ದರಿಂದ ಮತ್ತೊಮ್ಮೆ ನಾವು ಕೌಶಲದ ಮೇಲೆ ಇನ್ನಷ್ಟು ಕಾರ್ಯನಿರ್ವಹಿಸುವ ಅಗತ್ಯವಿದೆ," ಎಂದು ಹೇಳಿದ್ದಾರೆ. ಹೈದರಾಬಾದ್‌ ಐದನೇ ಬೌಲರ್‌ ಅಭಿಷೇಕ್‌ ಶರ್ಮಾ ಅವರ ಮೇಲೆ ದಾಳಿ ಮಾಡುವಲ್ಲಿ ನಾವು ಎಲ್ಲಿ ವಿಫಲವಾದೆವು ಎಂದು ಬಗ್ಗೆ ರಿಕಿ ಪಾಂಟಿಂಗ್‌ ವಿವರಿಸಿದರು. "ಪಂದ್ಯದಲ್ಲಿ ನಾವು ಅಭಿಷೇಕ್‌ ವರ್ಮಾ ಅವರನ್ನು ಗುರಿ ಮಾಡಲಾಗಿತ್ತು. ಆದರೆ, ನಮ್ಮ ನಿರೀಕ್ಷೆ ತಲೆ ಕೆಳಗಾಯಿತು. ರಶೀದ್‌ ಖಾನ್‌ ಎಂಟನೇ ಓವರ್‌ನಲ್ಲಿ ಶ್ರೇಯಸ್‌ ಅಯ್ಯರ್ ಅವರ ವಿಕೆಟ್‌ ಅನ್ನು ಕಬಳಿಸಿದರು. ಇದರಿಂದಾಗಿ ಮುಂದಿನ ಓವರ್‌ ಬೌಲಿಂಗ್‌ ಮಾಡಿದ ಅಭಿಷೇಕ್‌ ಶರ್ಮಾ ಬಚಾವ್ ಆದರು. ಅಭಿಷೇಕ್‌ ವರ್ಮಾ ಅವರ 3 ಹಾಗೂ 4ನೇ ಓವರ್‌ಗಳ ಮೇಲೆ ನಾವು ಗುರಿ ಮಾಡಲಾಗಿತ್ತು. ಆದರೆ, ಅವರ ಮೂರನೇ ಓವರ್‌ನಲ್ಲಿ ಹೆಚ್ಚಿನ ರನ್‌ಗಳನ್ನು ಗಳಿಸಲು ಸಾಧ್ಯವಾಗಲಿಲ್ಲ. ನಾವು ನಿರೀಕ್ಷೆ ಮಾಡಿದ ಪ್ರದರ್ಶನ ತೋರಲು ಸಾಧ್ಯವಾಗಲಿಲ್ಲ, ಹಾಗಾಗಿ, ಮತ್ತೊಮ್ಮೆ ನಮ್ಮ ಕೌಶಲದ ಕಡೆ ಹೆಚ್ಚಿನ ಗಮನ ಹರಿಸಬೇಕಾಗಿದೆ," ಎಂದು ತಿಳಿಸಿದರು. 163 ರನ್‌ಗಳ ಗುರಿ ಬೆನ್ನತ್ತಿದ್ದ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಉತ್ತಮ ಆರಂಭ ಪಡೆಯಲು ಸಾಧ್ಯವಾಗಿಲ್ಲ. ಪೃಥ್ವಿ ಶಾ ಬೇಗ ವಿಕೆಟ್‌ ಒಪ್ಪಿಸಿದರು. ಶಿಖರ್‌ ಧವನ್ ಹಾಗೂ ಶ್ರೇಯಸ್‌ ಅಯ್ಯರ್ ಸ್ಟ್ರೈಕ್ ರೇಟ್‌ ಕಡಿಮೆ ಇತ್ತು. ಈ ಇಬ್ಬರ ಪ್ರದರ್ಶನದ ಬಗ್ಗೆ ಮಾತನಾಡಿ, "ಧವನ್ ಹಾಗೂ ಅಯ್ಯರ್ ಅವರ ಸ್ಟ್ರೈಕ್ ರೇಟ್‌ ನಮಗೆ ಬೇಸರ ತರಿಸಿಲ್ಲ. ಈ ಇಬ್ಬರಲ್ಲಿ ಒಬ್ಬರು ವೈಯಕ್ತಿಕ 60 ರನ್‌ಗಳನ್ನು ಗಳಿಸಿದ್ದರೆ, ಖಂಡಿತಾ ನಾವು ಪಂದ್ಯವನ್ನು ಗೆಲ್ಲಬಹುದಿತ್ತು. ಏಕೆಂದರೆ ನಾವು ಸೋತಿದ್ದು ಕೇವಲ 15 ರನ್‌ಗಳಿಂದ ಮಾತ್ರ," ಎಂದು ಹೇಳಿದರು. "ಪವರ್‌ ಪ್ಲೇ ನಲ್ಲಿ ನಾವು ಹೆಚ್ಚಿನ ರನ್‌ಗಳನ್ನು ಗಳಿಸಲು ಸಾಧ್ಯವಾಗಲಿಲ್ಲ. ಇದು ಸ್ವಲ್ಪ ಹಿನ್ನಡೆಗೆ ಕಾರಣವಾಯಿತು. ಸೋಲಿನಲ್ಲಿ ವೈಯಕ್ತಿಕವಾಗಿ ಯಾರನ್ನೂ ಟೀಕಿಸುವ ಅಗತ್ಯವಿಲ್ಲ. ಒಟ್ಟಾರೆ, ಸನ್‌ ರೈಸರ್ಸ್ ಹೈದರಾಬಾದ್‌ ವಿರುದ್ಧ ನಾವು ಸೋಲು ಅನುಭವಿಸಿದ್ದೇವೆ" ಎಂದು ಆಸ್ಟ್ರೇಲಿಯಾ ಮಾಜಿ ನಾಯಕ ತಿಳಿಸಿದರು. ಮೊದಲು ಬ್ಯಾಟಿಂಗ್‌ ಮಾಡಿದ ಸನ್‌ ರೈಸರ್ಸ್ ಹೈದರಾಬಾದ್‌ ನಿಗದಿತ 20 ಓವರ್‌ಗಳಿಗೆ 4ವಿಕೆಟ್‌ಗಳನ್ನು ಕಳೆದುಕೊಂಡು 162 ರನ್‌ಗಳನ್ನು ದಾಖಲಿಸಿತ್ತು. ಡೇವಿಡ್‌ ವಾರ್ನರ್‌ ಹಾಗೂ ಜಾನಿ ಬೈರ್‌ಸ್ಟೋವ್‌ 77 ರನ್‌ಗಳ ಜತೆಯಾಟವಾಡುವ ಮೂಲಕ ತಂಡಕ್ಕೆ ಉತ್ತಮ ಆರಂಭ ಒದಗಿಸಿಕೊಟ್ಟರು. ಅತ್ಯುತ್ತಮ ಲಯದಲ್ಲಿರುವ ಜಾನಿ ಬೈರ್‌ಸ್ಟೋವ್‌ ಅರ್ಧಶತಕ ಸಿಡಿಸಿದ ಬಳಿಕ ವಿಕೆಟ್‌ ಒಪ್ಪಿಸಿದರು. ನಂತರ, ಕ್ರೀಸ್‌ನಲ್ಲಿ ಅದ್ಭುತ ಬ್ಯಾಟಿಂಗ್‌ ಮಾಡಿದ ಕೇನ್‌ ವಿಲಿಯಮ್ಸನ್‌ ಕೇವಲ 26 ಎಸೆತಗಳಲ್ಲಿ 41 ರನ್‌ ಗಳಿಸಿ ತಂಡದ ಮೊತ್ತವನ್ನು 160ರ ಗಡಿ ದಾಟಿಸಲು ನೆರವಾದರು. ಕಗಿಸೋ ರಬಾಡ ಡೆಲ್ಲಿ ಪರ ಅದ್ಭುತ ಬೌಲಿಂಗ್‌ ಮಾಡಿದರು. ಮತ್ತೊಮ್ಮೆ ಆಫ್ರಿಕಾ ಸ್ಟಾರ್‌ ವೇಗಿ ನಾಲ್ಕು ಓವರ್‌ಗಳಿಗೆ 21 ರನ್‌ಗಳನ್ನು ನೀಡಿ ಎರಡು ವಿಕೆಟ್‌ಗಳನ್ನು ಕಬಳಿಸಿದರು. "ದುಬೈಗಿಂತ ಈ ಅಂಗಣ ವಿಭಿನ್ನವಾಗಿಲ್ಲ ಎಂಬುದನ್ನು ನಾನು ಒಪ್ಪುವುದಿಲ್ಲ. ಬೌಂಡರಿಗಳು ಸ್ವಲ್ಪ ಸ್ಕೈರ್‌ ಮಾದರಿಯಲ್ಲಿದೆ, ಆದರೆ ನಾವು ಸನ್‌ ರೈಸರ್ಸ್ ಹೈದರಾಬಾದ್‌ ತಂಡವನ್ನು ಮೀರಿಸುವಲ್ಲಿ ವಿಫಲವಾಗಿದ್ದೇವೆ. ಅವರು ಬ್ಯಾಟಿಂಗ್‌ ತುಂಬಾ ಚೆನ್ನಾಗಿ ಮಾಡಿದ್ದಾರೆ. ನಮ್ಮ ಕಡೆ ಕಗಿಸೋ ರಬಾಡ ಅದ್ಭುತವಾಗಿ ಬೌಲಿಂಗ್‌ ಮಾಡಿದ್ದಾರೆ. ಅವರು ತಮ್ಮ ಆಟದ ಮೇಲೆ ಹೆಚ್ಚಿನ ಪ್ರೀತಿಯನ್ನು ಹೊಂದಿದ್ದು, ವಿಶ್ವದ ಅಗ್ರ ಆಟಗಾರರ ಮೇಲೆ ಆಡುವುದನ್ನು ಆಹ್ಲಾದಿಸುತ್ತಾರೆ. ಸಣ್ಣ ಸಂಗತಿಗಳನ್ನು ಸರಿ ಮಾಡಿಕೊಂಡಿರುವ ರಬಾಡ, ಟೂರ್ನಿಯಲ್ಲಿ ಅತ್ಯುತ್ತಮ ಪ್ರದರ್ಶನ ತೋರುತ್ತಿದ್ದಾರೆ," ಎಂದು ರಿಕಿ ಪಾಂಟಿಂಗ್‌ ಕಗಿಸೋ ರಬಾಡ ಅವರನ್ನು ಶ್ಲಾಘಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3l3fmlp
