ಹೊಸದಿಲ್ಲಿ: ಪಾಕ್‌ ಆಕ್ರಮಿತ ಕಾಶ್ಮೀರದಲ್ಲಿನ ಉಗ್ರರ ಶಿಬಿರಗಳನ್ನು ಭಾರತೀಯ ಸೇನೆ ಧ್ವಂಸಗೈದ 'ಸರ್ಜಿಕಲ್‌ ದಾಳಿ'ಯ ನಾಲ್ಕನೇ ವರ್ಷದ ಸಂಭ್ರಮವನ್ನು ಸೋಮವಾರ (ಸೆ.28) ಆಚರಿಸಲು ಕೇಂದ್ರ ಸರಕಾರ ತೀರ್ಮಾನಿಸಿದೆ. 2016ರ ಸೆ.18ರಂದು ಜಮ್ಮು ಮತ್ತು ಕಾಶ್ಮೀರದ ಬಾರಾಮುಲ್ಲಾ ಜಿಲ್ಲೆಯಲ್ಲಿನ ಉರಿ ಸೇನಾ ನೆಲೆಯನ್ನು ಗುರಿಯಾಗಿಸಿ ಪಾಕಿಸ್ತಾನ ಪೋಷಿತ ಜೈಷೆ ಮೊಹಮ್ಮದ್‌ ಉಗ್ರರು ನಡೆಸಿದ್ದ ದಾಳಿಯಲ್ಲಿ19 ಯೋಧರು ಹುತಾತ್ಮರಾಗಿದ್ದರು. ಇದಕ್ಕೆ ಪ್ರತೀಯಾಗಿ ಪಿಒಕೆಯೊಳಗೆ ನುಗ್ಗಿದ ಧೀರ ಭಾರತೀಯ ಯೋಧರು ಉಗ್ರರ ಶಿಬಿರಗಳನ್ನು ಧ್ವಂಸಗೊಳಿಸಿದ್ದರು.ನಮ್ಮ ಯೋಧರ ತಂಟೆಗೆ ಬಂದರೆ ಕಣ್ಣಮುಚ್ಚಿ ತೆರೆಯುವುದರೊಳಗೆ ತಂಟೆಕೋರರನ್ನು ಸದೆಬಡಿದು ಹಾಕುತ್ತೇವೆ ಎಂಬ ಖಡಕ್‌ ಎಚ್ಚರಿಕೆಯನ್ನು ಪ್ರಧಾನಿ ನರೇಂದ್ರ ಮೋದಿ, ಅಂದಿನ ರಕ್ಷಣಾ ಸಚಿವ ಮನೋಹರ್‌ ಪರಿಕ್ಕರ್‌ ಹಾಗೂ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್‌ ದೋವಲ್‌ ಸ್ಪಷ್ಟವಾಗಿ ಪಾಕಿಸ್ತಾನಕ್ಕೆ ರವಾನಿಸಿದ್ದರು. ಸೆ.28ರ ದಾಳಿ ಬಳಿಕ ಭಾರತೀಯ ಸೇನಾ ನೆಲೆಗಳ ಮೇಲೆ ದಾಳಿ ನಡೆಸುವ ದುಸ್ಸಾಹಸವನ್ನು ಪಾಕ್‌ ಬೆಂಬಲಿತ ಉಗ್ರ ಸಂಘಟನೆಗಳು ಮಾಡಿಲ್ಲ.
ಹೊಸದಿಲ್ಲಿ:
ಪಾಕ್‌ ಆಕ್ರಮಿತ ಕಾಶ್ಮೀರದಲ್ಲಿನ ಉಗ್ರರ ಶಿಬಿರಗಳನ್ನು ಭಾರತೀಯ ಸೇನೆ ಧ್ವಂಸಗೈದ 'ಸರ್ಜಿಕಲ್‌ ದಾಳಿ'ಯ ನಾಲ್ಕನೇ ವರ್ಷದ ಸಂಭ್ರಮವನ್ನು ಸೋಮವಾರ (ಸೆ.28) ಆಚರಿಸಲು ಕೇಂದ್ರ ಸರಕಾರ ತೀರ್ಮಾನಿಸಿದೆ. 2016ರ ಸೆ.18ರಂದು ಜಮ್ಮು ಮತ್ತು ಕಾಶ್ಮೀರದ ಬಾರಾಮುಲ್ಲಾ ಜಿಲ್ಲೆಯಲ್ಲಿನ ಉರಿ ಸೇನಾ ನೆಲೆಯನ್ನು ಗುರಿಯಾಗಿಸಿ ಪಾಕಿಸ್ತಾನ ಪೋಷಿತ ಜೈಷೆ ಮೊಹಮ್ಮದ್‌ ಉಗ್ರರು ನಡೆಸಿದ್ದ ದಾಳಿಯಲ್ಲಿ19 ಯೋಧರು ಹುತಾತ್ಮರಾಗಿದ್ದರು. ಇದಕ್ಕೆ ಪ್ರತೀಯಾಗಿ ಪಿಒಕೆಯೊಳಗೆ ನುಗ್ಗಿದ ಧೀರ ಭಾರತೀಯ ಯೋಧರು ಉಗ್ರರ ಶಿಬಿರಗಳನ್ನು ಧ್ವಂಸಗೊಳಿಸಿದ್ದರು.
ಸೆ.27 ಹಾಗೂ ಸೆ.28ರಂದು ಕಾರ್ಯಾಚರಣೆ!
ಜಮ್ಮು-ಕಾಶ್ಮೀರ, ಪಂಜಾಬ್‌ ಗಡಿಯಲ್ಲಿನ ಗ್ರಾಮಗಳಲ್ಲಿದ್ದ ಸ್ಥಳೀಯರ ತಾತ್ಕಾಲಿಕ ಸ್ಥಳಾಂತರ. ಸುಳಿವು, ಸದ್ದಿಲ್ಲದೇ ಏರ್‌ಡ್ರಾಪ್‌ ಮೂಲಕ ಪಿಒಕೆಯೊಳಗೆ(2-3 ಕಿ.ಮೀ) ಸೆ.27ರ ನಡುರಾತ್ರಿ ನುಗ್ಗಿ ಆರು ಉಗ್ರರ ಶಿಬಿರಗಳನ್ನು ಧ್ವಂಸಗೊಳಿಸಿ, 45ಕ್ಕೂ ಹೆಚ್ಚು ಉಗ್ರರನ್ನು ಹತ್ಯೆಗೈದು ಸೆ.28ರ ಬೆಳಗ್ಗೆ ನೆಲೆಗೆ ಮರಳಿದ ಯೋಧರ ತಂಡ. ಬೆಳಗಾದರೂ ಪಾಕಿಸ್ತಾನ ಸೇನೆ ಅಥವಾ ಸರಕಾರಕ್ಕೆ ಇದರ ಸುಳಿವೇ ಇರಲಿಲ್ಲ. ಬಳಿಕ ದಾಳಿಯ ಸ್ಥಳವನ್ನು ಸ್ವಚ್ಛಗೊಳಿಸಿ ಮುಖಭಂಗ ಮರೆಮಾಚಲು ಪಾಕ್‌ನಿಂದ ಹರಸಾಹಸ ನಡೆದಿತ್ತು. ಇನ್ನು ಉರಿ ಎಂಬ ಹೆಸರಿನ ಸಿನಿಮಾ ಭಾರತದಲ್ಲಿ ಭಾರೀ ಸದ್ದು ಮಾಡಿತ್ತು.
ಅಂದು ಏನಾಗಿತ್ತು?
2016 ಸೆ.18: ಪಾಕ್‌ ಸೇನೆ ಕುಮ್ಮಕ್ಕಿನಿಂದ ಜೈಷ್‌ ಉಗ್ರರು ಅಕ್ರವಾಗಿ ಗಡಿ ನುಸುಳಿ ಉರಿ ಸೇನಾ ನೆಲೆ ಮೇಲೆ ಗುಂಡಿನ ಮಳೆಗೈದಿದ್ದರು. ಪ್ರತಿದಾಳಿ ನಡೆಸಿ ಉಗ್ರರನ್ನು ಹೊಡೆದುರುಳಿಸಿದರೂ 19 ಯೋಧರು ಹುತಾತ್ಮರಾಗಿದ್ದರು. ಇದಕ್ಕೆ ತಕ್ಕ ಉತ್ತರ ನೀಡುವ ಉದ್ದೇಶದಿಂದ ಸೆ.24ರಂದು ಪಾಕ್‌ ಆಕ್ರಮಿತ ಕಾಶ್ಮೀರದಲ್ಲಿಉಗ್ರರ ತರಬೇತಿ ಶಿಬಿರಗಳನ್ನು ಧ್ವಂಸಗೊಳಿಸಲು ಗೌಪ್ಯವಾಗಿ 'ಸರ್ಜಿಕಲ್‌ ದಾಳಿ'ಗೆ ಮುಂದಾಗಲು ಉನ್ನತ ಮಟ್ಟದ ರಹಸ್ಯ ಸಭೆಯಲ್ಲಿನಿರ್ಧಾರವಾಗುತ್ತೆ. ತಾವೇ ಖುದ್ದು ನಿಗಾ ವಹಿಸುವುದಾಗಿ ಪ್ರಧಾನಿ ಮೋದಿ ಹೇಳಿಕೆಯಿಂದ ಯೋಧರಲ್ಲಿ ಹೆಚ್ಚಿದ ಹುರುಪು. ಪಿಸ್ತೂಲ್‌ಗಳು, ಗ್ರೆನೇಡ್‌ಗಳು, ಎಕೆ-47 ರೈಫಲ್ಸ್‌, ನೈಟ್‌ ವಿಷನ್‌ ಸಾಧನಗಳು, ಸ್ನೈಪರ್ಸ್, ರಾಕೆಟ್‌ ಲಾಂಚರ್‌ಗಳ ಸಮೇತ 30 ಯೋಧರ ಆಧುನಿಕ ಶಸ್ತ್ರಸಜ್ಜಿತ ತಂಡ ರಚನೆಯಾಗುತ್ತದೆ.
ಬಿಹಾರದಲ್ಲಿ ‘ತೇಜಸ್ವಿ’ಗಳ ಜಟ್ಟಿ ಕಾಳಗ..! ಉದ್ಯೋಗದ ವಿಚಾರಕ್ಕೆ ಇಬ್ಬರ ನಡುವೆ ವಾಕ್ಸಮರ
ಭಾರತದ ಪ್ರತೀಕಾರ!
ಇನ್ನು ಉರಿ ದಾಳಿಗೆ ಪ್ರತೀಕಾರವಾಗಿ ಸೆ.27-28ರ ರಾತ್ರಿ ವೇಳೆ ಭಾರತೀಯ ಸೇನೆ ನಡೆಸಿದ್ದ 'ಸರ್ಜಿಕಲ್‌ ಸ್ಟ್ರೈಕ್‌'ಗೆ ಪಾಕಿಸ್ತಾನ ಸೇನೆ ಮತ್ತು ಸರಕಾರ ತತ್ತರಿಸಿ ಹೋಗಿದ್ದವು. ಪಿಒಕೆಯಲ್ಲಿನ ಉಗ್ರರ ಶಿಬಿರಗಳ ನಾಮಾವಶೇಷವೂ ಉಳಿಯದಂತೆ ಭಾರತೀಯ ಯೋಧರು ನಿರ್ನಾಮ ಮಾಡಿದ್ದರು. ಇಂಥ ಪರಿಣಾಮಕಾರಿ ತಿರುಗೇಟು ನೀಡಿದ ದಿನವಾದ ಸೆ.28 ನೇ ತಾರೀಖನ್ನು 'ಸಜಿರ್ಕಲ್‌ ದಾಳಿ ದಿನ' ಎಂದೇ ಕೇಂದ್ರ ಸರಕಾರ ಕರೆಯುತ್ತಿದೆ. ನಮ್ಮ ಯೋಧರ ತಂಟೆಗೆ ಬಂದರೆ ಕಣ್ಣಮುಚ್ಚಿ ತೆರೆಯುವುದರೊಳಗೆ ತಂಟೆಕೋರರನ್ನು ಸದೆಬಡಿದು ಹಾಕುತ್ತೇವೆ ಎಂಬ ಖಡಕ್‌ ಎಚ್ಚರಿಕೆಯನ್ನು ಪ್ರಧಾನಿ ನರೇಂದ್ರ ಮೋದಿ, ಅಂದಿನ ರಕ್ಷಣಾ ಸಚಿವ ಮನೋಹರ್‌ ಪರಿಕ್ಕರ್‌ ಹಾಗೂ ರಾಷ್ಟ್ರೀಯ ಭದ್ರತಾ ಸಲಹೆಗಾರ ಅಜಿತ್‌ ದೋವಲ್‌ ಸ್ಪಷ್ಟವಾಗಿ ಪಾಕಿಸ್ತಾನಕ್ಕೆ ರವಾನಿಸಿದ್ದರು. ಸೆ.28ರ ದಾಳಿ ಬಳಿಕ ಭಾರತೀಯ ಸೇನಾ ನೆಲೆಗಳ ಮೇಲೆ ದಾಳಿ ನಡೆಸುವ ದುಸ್ಸಾಹಸವನ್ನು ಪಾಕ್‌ ಬೆಂಬಲಿತ ಉಗ್ರ ಸಂಘಟನೆಗಳು ಮಾಡಿಲ್ಲ.
ಶಿವಸೇನೆ ಜತೆ ಮತ್ತೆ ಮೈತ್ರಿ ಇಲ್ಲವೆಂದ ದೇವೇಂದ್ರ ಫಡ್ನವಿಸ್‌, ರಾವತ್‌ ಜೊತೆಗಿನ ಭೇಟಿಗೆ ಸ್ಪಷ್ಟನೆ!
from India & World News in Kannada | VK Polls https://ift.tt/2ShGjWd
