ಹೊಸದಿಲ್ಲಿ: ಆಸ್ಟ್ರೇಲಿಯಾ ತಂಡದ ಮಾಜಿ ಆಟಗಾರ ಈ ಬಾರಿ ಐಪಿಎಲ್‌ ಟೂರ್ನಿಯಲ್ಲಿ ಕಳಪೆ ಪ್ರದರ್ಶನ ತೋರುತ್ತಾ ಸಾಗಿದ್ದಾರೆ. ತಂಡದಲ್ಲಿ ಈ ಹಿಂದಿನ ಆವೃತ್ತಿಗಳಲ್ಲಿ ತೋರಿದ್ದ ಲಯವನ್ನು ಅವರು ಈ ಬಾರಿ ಮುಂದುವರಿಸುವಲ್ಲಿ ವಿಫಲರಾಗಿದ್ದಾರೆ. ಇದಕ್ಕೆ ಕಾರಣವೇನೆಂಬುದು ತಂಡದ ಕೆಲವರಿಗೆ ಮಾತ್ರ ತಿಳಿದಿದೆ. ಮುಂಬೈ ಇಂಡಿಯನ್ಸ್ ವಿರುದ್ಧ ಹದಿಮೂರನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಆರಂಭಿಕ ಪಂದ್ಯದಲ್ಲಿ ಶೇನ್ ವ್ಯಾಟ್ಸನ್ ಕೇವಲ ನಾಲ್ಕು ರನ್‌ ಗಳಿಸಿ ವಿಕೆಟ್‌ ಒಪ್ಪಿಸಿದ್ದರು. ಆದರೂ, ಸಿಎಸ್‌ಕೆ ಪಂದ್ಯ ಗೆದ್ದು ಭರ್ಜರಿ ಆರಂಭ ಕಂಡಿತ್ತು. ನಂತರ ರಾಜಸ್ಥಾನ್‌ ರಾಯಲ್ಸ್ ಹಾಗೂ ತಂಡಗಳ ವಿರುದ್ಧ ಕ್ರಮವಾಗಿ 33 ಮತ್ತು 14 ರನ್‌ಗಳನ್ನು ಗಳಿಸಿದ್ದಾರೆ. ಬ್ಯಾಟಿಂಗ್‌ ವೈಫಲ್ಯದಿಂದ ಈ ಎರಡೂ ಪಂದ್ಯಗಳಲ್ಲಿ ಚೆನ್ನೈ ಫ್ರಾಂಚೈಸಿ ಸೋಲು ಅನುಭವಿಸಿತ್ತು. ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯ ಆಡುವುದಕ್ಕೂ ಮುನ್ನ ತಮ್ಮ ಅಜ್ಜಿ ತೀರಿಕೊಂಡ ವಿಷಯವನ್ನು ಸ್ಟಾರ್‌ ಆಲ್‌ರೌಂಡರ್‌ ಬಹಿರಂಗಪಡಿಸಿದ್ದಾರೆ. ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಪಂದ್ಯಕ್ಕೂ ಎರಡು ದಿನಗಳ ಮೊದಲೇ ಅಂದರೆ ಕಳೆದ ಬುಧವಾರ ವ್ಯಾಟ್ಸನ್ ಅವರ ಅಮ್ಮನವರ ತಾಯಿ ರಿಚಿ ಕೊನೆಯುಸಿರೆಳೆದಿದ್ದರು. ಈ ಸಮಯದಲ್ಲಿ ಅಲ್ಲಿಗೆ ಹಾಜರಾಗದಿದ್ದಕ್ಕಾಗಿ ಆಲ್‌ರೌಂಡರ್‌ ಕ್ಷಮೆಯಾಚಿಸಿದರು. "ನನ್ನ ಪ್ರೀತಿಯನ್ನು ಮನೆಯಲ್ಲಿರುವ ತಮ್ಮ ಕುಟುಂಬಕ್ಕೆ ಕಳುಹಿಸಲು ಬಯಸುತ್ತೇನೆ ಮತ್ತು ನನ್ನ ತಾಯಿಗೆ ನನ್ನ ಅಜ್ಜಿ ಎಷ್ಟು ನಂಬಲಾಗದ ತಾಯಿ ಎಂದು ನನಗೆ ತಿಳಿದಿದೆ. ನನ್ನ ಹೃದಯವು ಮನೆಯಲ್ಲಿರುವ ನನ್ನ ಕುಟುಂಬದ ಜತೆ ಇದೆ. ನಾನು ಈಗ ಅಲ್ಲಿರಲು ಸಾಧ್ಯವಿಲ್ಲ ಎಂಬುದಕ್ಕೆ ಕ್ಷಮಿಸಿ. ನನ್ನ ಪ್ರೀತಿ ನಿಮಗೆ ತಲುಪುತ್ತದೆ," ಎಂದು ಶೇನ್ ವ್ಯಾಟ್ಸನ್ ತಮ್ಮ ಯೂಟ್ಯೂಬ್ ಶೋ 'ದಿ ಡಿಬ್ರೀಫ್' ನಲ್ಲಿ ತಿಳಿಸಿದರು. ಇತ್ತೀಚೆಗೆ ಹೃದಯಾಘಾತದಿಂದ ಮುಂಬೈನಲ್ಲಿ ಅನಿರೀಕ್ಷಿತವಾಗಿ ವಿಧಿವಶರಾಗಿದ್ದ ಆಸ್ಟ್ರೇಲಿಯಾ ತಂಡದ ಮಾಜಿ ಆಟಗಾರ ಡೀನ್‌ ಜೋನ್ಸ್ ಅವರಿಗೂ ಇದೇ ವೇಳೆ ವ್ಯಾಟ್ಸನ್ ಸಂತಾಪ ಸೂಚಿಸಿದರು. "ಡೀನ್‌ ಜೋನ್ಸ್ ಸಾವಿನ ಸುದ್ದಿ ತಿಳಿದು ಆಘಾತ ಉಂಟಾಯಿತು. ಕಳೆದ ನಾಲ್ಕು ವರ್ಷಗಳ ಹಿಂದೆ, ಅವರ ಬಗ್ಗೆ ತುಂಬಾ ತಿಳಿದುಕೊಂಡಿದ್ದೆ. ಕಳೆದ ಎರಡು ವರ್ಷಗಳು ಅವರು ಇಸ್ಲಾಮಾಬಾದ್‌ ಯುನೈಟೆಡ್‌ಗೆ ಕೋಚ್‌ ಆಗಿದ್ದರು. ಆಸ್ಟ್ರೇಲಿಯಾ ಪರ ಆಡುವುದನ್ನು ಬಿಟ್ಟ ಮೇಲೆ ಇವರ ಬಗ್ಗೆ ಹೆಚ್ಚಾಗಿ ತಿಳಿದುಕೊಂಡೆ. ಆಟದಲ್ಲಿ ಹಚ್ಚಿನದನ್ನು ಕಲಿಯಲು ಅವರಂಥ ವ್ಯಕ್ತಿ ಬೇಕು," ಎಂದು ಅವರು ತಿಳಿಸಿದರು. ಚೆನ್ನೈ ಸೂಪರ್‌ ಕಿಂಗ್ಸ್ ಮುಂದಿನ ಪಂದ್ಯ ಅಕ್ಟೋಬರ್‌ 2 ರಂದು ಸನ್‌ ರೈಸರ್ಸ್ ಹೈದರಾಬಾದ್‌ ವಿರುದ್ಧ ಸೆಣಸಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3i0O1OM
