ಸ್ಟೀವನ್‌ ರೇಗೊ ಮಂಗಳೂರು ಮಂಗಳೂರು: ಮಹಾನ್‌ ಲಾಗಿನ್‌ ಡೇ ಎನ್ನುವ ಅಭಿಯಾನದ ಮೂಲಕ ಭಾರತೀಯ ಅಂಚೆ ಇಲಾಖೆಯ ಕರ್ನಾಟಕ ವೃತ್ತದಲ್ಲಿಒಂದೇ ದಿನ ಅಂದರೆ ಮಂಗಳವಾರ ಈ ಕಾರ‍್ಯಕ್ರಮಕ್ಕೆ ಚಾಲನೆ ನೀಡಿತ್ತು. ಇದರ ಪರಿಣಾಮ ಕರ್ನಾಟಕದೊಳಗಿನ ಎಲ್ಲಅಂಚೆ ಕಚೇರಿಗಳಲ್ಲಿ 1,22,631ರಷ್ಟು ಸಾರ್ವಜನಿಕರು ತೆರೆಯುವ ಕಾರ‍್ಯಕ್ಕೆ ಮುಂದಾದರು. ಬೆಳಗ್ಗೆ 8ರಿಂದ ಆರಂಭವಾದ ಈ ಖಾತೆಯ ಅಭಿಯಾನದಲ್ಲಿ ಪ್ರತಿ ಅರ್ಧ ಗಂಟೆಗೊಮ್ಮೆ ಎಷ್ಟು ಮಂದಿ ಖಾತೆ ತೆರೆದಿದ್ದಾರೆ ಎನ್ನುವ ಮಾಹಿತಿ ಸಂಗ್ರಹಿಸುವ ಕಾರ‍್ಯ ಕೂಡ ಸಾಗಿದೆ. ಅಂಚೆ ಅಣ್ಣನ ಕೈಗೆ ಮೊಬೈಲ್‌ ಹಾಗೂ ಬೆರಳಚ್ಚು ಸಾಮಗ್ರಿ ನೀಡಿದ ಪರಿಣಾಮ ಅವರು ಕಚೇರಿಗೆ ಬರುವ ಬದಲು ಎಲ್ಲಿಂದ ಸಾಧ್ಯವಿದೆಯೋ ಅಲ್ಲಿಯೇ ನಿಂತು ಖಾತೆ ತೆರೆಯುವ ವಿಶಿಷ್ಟ ಅವಕಾಶ ಕೂಡ ನೀಡಲಾಗಿತ್ತು. ಇದರ ಪರಿಣಾಮ ರಾತ್ರಿ 10ರವರೆಗೂ ಖಾತೆ ತೆರೆಯುವ ಕಾರ‍್ಯ ಸಾಗಿದೆ. ಐಪಿಪಿಬಿಗೆ ಭರ್ಜರಿ ಸ್ಪಂದನೆಕರ್ನಾಟಕ ವೃತ್ತದಡಿ ಬರುವ ನಾನಾ ವಲಯಗಳ ಲೆಕ್ಕಾಚಾರದಲ್ಲಿ ಹೇಳುವುದಾದರೆ ಅಂಚೆ ಕಚೇರಿಯಲ್ಲಿರುವ 12,639 ಮಂದಿ ಈ ಖಾತೆ ತೆರೆಯುವ ಕಾರ‍್ಯದಲ್ಲಿ ನಿಯೋಜನೆಗೊಂಡಿದ್ದರು. ಅವರಿಗೆ ಲಾಗಿನ್‌ ಐಡಿ ನೀಡಲಾಗಿತ್ತು. ಇದರಲ್ಲಿ ಮಂಗಳೂರಿನಲ್ಲಿ 923 ಮಂದಿಗೆ ಅವಕಾಶ ನೀಡಲಾಗಿತ್ತು. ಕರ್ನಾಟಕ ವೃತ್ತದಲ್ಲಿ ಬೆಳಗ್ಗೆ 8ಕ್ಕೆ 2,511 ಮಂದಿಯ ಖಾತೆ ತೆರೆದಿದ್ದರೆ, ಸಂಜೆ 4.30ರ ಹೊತ್ತಿಗೆ 99,495 ಮಂದಿ ಖಾತೆ ತೆರೆದಿದ್ದಾರೆ. ಬೆಳಗಾವಿಯಲ್ಲಿ 12,473, ಚಿಕ್ಕೋಡಿಯಲ್ಲಿ8,156, ಇಟ್ಟಿಗೆಗುಡ್ಡೆ-9,383, ಮಂಡ್ಯ-8,449, ಚಾಮರಾಜನಗರ-7957 ಹಾಗೂ ಮಂಗಳೂರು-7,253 ಮಂದಿ ಐಪಿಪಿಬಿ ಖಾತೆ ಮಾಡಿಸಿಕೊಂಡಿದ್ದಾರೆ. ಬ್ಯಾಕಿಂಗ್‌ ಮನೆ ಬಾಗಿಲಿಗೆ ಎನ್ನುವ ಉದ್ದೇಶದಲ್ಲಿ ಕೇಂದ್ರ ಸರಕಾರದ ಐಪಿಪಿಬಿ ಖಾತೆಯ ಮೂಲಕ ಮನೆಯಲ್ಲಿಇದ್ದುಕೊಂಡೇ ನಾನಾ ಬಿಲ್‌ ಪಾವತಿ, ಬ್ಯಾಂಕ್‌ಗಳಿಗೆ ದಿನದ 24 ಗಂಟೆಯೂ ಹಣ ಕಳುಹಿಸುವ ಹಾಗೂ ಇತರ ಬ್ಯಾಂಕ್‌ಗಳಿಂದ ಹಣ ವರ್ಗಾವಣೆ ಮಾಡುವ ಜತೆಗೆ ಅಂಚೆ ಇಲಾಖೆಯ ನಾನಾ ಯೋಜನೆಗಳಿಗೆ ಇದರ ಮೂಲಕವೇ ಪಾವತಿಸಲು ಐಪಿಪಿಬಿ ನೆರವಾಗುತ್ತದೆ. ಅಂಚೆ ಕಚೇರಿಯಲ್ಲಿ ಆಧಾರ್‌ ಸಂಖ್ಯೆ, ನಿಮ್ಮ ಬೆರಳಚ್ಚು, ಮೊಬೈಲ್‌ ಫೋನ್‌ ನಂಬರ್‌ ಹಾಗೂ ಆರಂಭಿಕ ಖಾತೆ ತರೆಯಲು 100 ರೂ. ಕಟ್ಟಿದರೆ ಸಾಕು, ಐಪಿಪಿಬಿ ಖಾತೆ ಹೊಂದಲು ಅವಕಾಶವಿದೆ. ಕರ್ನಾಟಕ ವೃತ್ತದಲ್ಲಿ ಐಪಿಪಿಬಿ ಖಾತೆ ತೆರೆಯಲು 1 ಲಕ್ಷದಷ್ಟು ಗುರಿ ಇಟ್ಟುಕೊಳ್ಳಲಾಗಿತ್ತು. ಆದರೆ ಅದಕ್ಕಿಂತ ಜಾಸ್ತಿ ಖಾತೆ ತೆರೆಯುವ ಮೂಲಕ ರಾಜ್ಯದ ವಲಯಗಳು ಉತ್ತಮ ಸಾಧನೆ ತೋರಿಸಿವೆ. ಗ್ರಾಮೀಣ ಭಾಗದ ಹಾಗೂ ನಗರದ ಜನರ ಆರ್ಥಿಕತೆಗೆ ನೆರವಾಗುವ ದೃಷ್ಟಿಯಿಂದ ಇಂತಹ ಐಪಿಪಿಬಿ ಖಾತೆ ತೆರೆಯುವ ಅಭಿಯಾನ ಮಾಡಿದ್ದೆವು. ಇದು ಪ್ರಧಾನಿ ಅವರ ಡಿಜಿಟಲ್‌ ಪರಿವರ್ತನೆಯ ಕನಸಿಗೆ ಮೊದಲ ಹೆಜ್ಜೆಯಾಗಿದೆ. ಶಾರದಾ ಸಂಪತ್‌, ಕರ್ನಾಟಕ ವೃತ್ತದ ಚೀಫ್‌ ಪೋಸ್ಟ್‌ ಜನರಲ್‌
from India & World News in Kannada | VK Polls https://ift.tt/36kwfnm
