ಹೊಸದಿಲ್ಲಿ: ಕೊರೊನಾ ವೈರಸ್ ಪ್ರಕರಣಗಳು ಭಾರತದಲ್ಲಿ ಹೆಚ್ಚು ದಾಖಲಾಗುತ್ತಿರುವ ಹಿನ್ನೆಲೆಯಲ್ಲಿ 13ನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯನ್ನು ಯುಎಇಯಲ್ಲಿಆಯೋಜಿಸಲಾಗುತ್ತಿದೆ. ಈ ಬಗ್ಗೆ ಮಾತನಾಡಿರುವ ನ್ಯೂಜಿಲೆಂಡ್ ತಂಡದ ನಾಯಕ , ಕೋವಿಡ್-19 ಅಪಾಯದ ನಡುವೆ ಐಪಿಎಲ್ ಟೂರ್ನಿಗೆ ತಯಾರಿ ನಡೆಸಲು ಆತಂಕ ಉಂಟಾಗುತ್ತಿದೆ ಎಂದು ಹೇಳಿದ್ದಾರೆ. ಸೆ.19 ರಿಂದ ಐಪಿಎಲ್ ಆರಂಭವಾಗಿ, ನವೆಂಬರ್ 10ಕ್ಕೆ ಟೂರ್ನಿ ಅಂತ್ಯವಾಗಲಿದೆ. ಕಳೆದ ವಾರ ಚೆನ್ನೈ ಸೂಪರ್ ಕಿಂಗ್ಸ್ ತಂಡದಲ್ಲಿ ಇಬ್ಬರು ಆಟಗಾರರು ಸೇರಿದಂತೆ 13 ಮಂದಿಗೆ ಕೋವಿಡ್-19 ಪಾಸಿಟಿವ್ ಬಂದಿತ್ತು. ಕೊರೊನಾ ವೈರಸ್ ಪಾಸಿಟಿವ್ ಪ್ರಕರಣಗಳನ್ನು ಆಧರಿಸಿ ಟೂರ್ನಿಯನ್ನು ಆರಂಭಿಸುವ ಸಾಧ್ಯತೆ ಇದೆ. ಕೇನ್ ವಿಲಿಯಮ್ಸನ್ ಸೇರಿದಂತೆ ಆರು ಕಿವೀಸ್ ಆಟಗಾರರು ಶ್ರೀಮಂತ ಫ್ರಾಂಚೈಸಿ ಲೀಗ್ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ನ್ಯೂಜಿಲೆಂಡ್ ನಾಯಕ ಗುರುವಾರ ಯುಎಇಗೆ ಪ್ರಯಾಣ ಬೇಳೆಸಿ ಸನ್ ರೈಸರ್ಸ್ ಹೈದರಾಬಾದ್ ತಂಡವನ್ನು ಕೂಡಿಕೊಳ್ಳಲಿದ್ದಾರೆ. ದುಬೈಗೆ ತೆರಳುವ ಮುನ್ನ ಕೋವಿಡ್-19 ಬಗ್ಗೆ ಕೇನ್ ವಿಲಿಯಮ್ಸನ್ ಆತಂಕ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ರೇಡಿಯೋ ನ್ಯೂಜಿಲೆಂಡ್ ಜತೆ ಮಾತನಾಡಿದ ಕೇನ್ ವಿಲಿಯಮ್ಸನ್, "ಕೊರೊನಾ ವೈರಸ್ ಕಾರಣದಿಂದಲೇ ಪ್ರತಿ ತಂಡವನ್ನು ಬೇರೆ-ಬೇರೆ ಹೋಟೆಲ್ಗಳಲ್ಲಿ ಉಳಿಸಲಾಗುತ್ತಿದೆ," ಎಂದು ಹೇಳಿದರು. "ಯಾರಿಗಾದರೂ ಕೋವಿಡ್-19 ಪಾಸಿಟಿವ್ ವರದಿ ಬಂದಿದೆ ಎಂದು ಯಾರ ಕಿವಿಗೂ ಬೀಳಬಾರದು. ಒಂದು ವೇಳೆ ಬಿದ್ದರೆ ಅದು ನಿಜಕ್ಕೂ ಕೆಟ್ಟ ಸುದ್ದಿ. ಅವುಗಳು ಪ್ರಧಾನವಾಗಿ ಲಕ್ಷಣರಹಿತವಾಗಿವೆ ಎಂದು ಕೇಳಿದರೂ, ಮತ್ತೊಂದು ಲಾಕ್ಡೌನ್ ಅವಧಿಯ ಮೂಲಕ ಅವುಗಳನ್ನು ನಿಯಂತ್ರಿಸಬಹುದು ಹಾಗೂ ಪರಿಸ್ಥಿತಿ ಸರಿಯಾಗುತ್ತದೆ," ಎಂದು ಹೇಳಿದರು. "ಖಂಡಿತವಾಗಿಯೂ ನೀವು ಸಮಯಕ್ಕೆ ಹತ್ತಿರವಾಗುತ್ತಿದ್ದಂತೆ ...ನಿಸ್ಸಂಶಯವಾಗಿ ಸ್ವಲ್ಪ ಆತಂಕ ಉಂಟಾಗುತ್ತದೆ. ಎರಡು ದಿನಗಳು ಮುಗಿಯುತ್ತಿದ್ದಂತೆ ನೀವು ಹೆಚ್ಚು ಜಾಗರೂಕರಾಗಿರಬೇಕು ಮತ್ತು ಶಿಸ್ತುಬದ್ಧವಾಗಿರಬೇಕು ಎಂದು ಯೋಚಿಸಲು ಪ್ರಾರಂಭಿಸುತ್ತೀರಿ" ಎಂದು ಅವರು ಹೇಳಿದರು. ಕಳೆದ ಮಾರ್ಚ್ ತಿಂಗಳ ಬಳಿಕ ಕೇನ್ ವಿಲಿಯಮ್ಸನ್ ಅವರ ಮೊದಲ ಪ್ರಯಾಣ ಇದಾಗಲಿದೆ. ಅಲ್ಲದೆ, ಕಳೆದ ಮಾರ್ಚ್ನಿಂದಲೂ ನ್ಯೂಜಿಲೆಂಡ್ ಯಾವುದೇ ಬಗೆಯ ಕ್ರಿಕೆಟ್ ಆಡಿರಲಿಲ್ಲ. ಆದರೆ, ಕೊರೊನಾ ವೈರಸ್ ಕಾರಣದಿಂದ ಆಸ್ಟ್ರೇಲಿಯಾ ವಿರುದ್ಧ ಸೀಮಿತ ಓವರ್ಗಳ ಸರಣಿಯನ್ನು ರದ್ದು ಮಾಡಲಾಗಿತ್ತು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/31QSe2M
