ಕೋಲ್ಕತ್ತಾ: ಪೂರ್ವಾಪರ, ಸತ್ಯಾಸತ್ಯತೆ ಪರಿಶೀಲನೆ ನಡೆಸದೇ ಸಾಮಾಜಿಕ ಜಾಲತಾಣಗಳಲ್ಲಿ ಯಾವುದೇ ಸುದ್ದಿಗಳನ್ನು ಹಂಚಿಕೊಳ್ಳಬೇಡಿ ಎಂದು , ಭಾರತರತ್ನ ದೇಶದ ಜನರಿಗೆ ಕಿವಿಮಾತು ಹೇಳಿದ್ದಾರೆ. ಕೋಲ್ಕತ್ತಾದಲ್ಲಿ ನಡೆದ ಮಾಧ್ಯಮ ಪ್ರಶಸ್ತಿ ಪ್ರದಾನ ಸಮಾರಂಭವೊಂದರಲ್ಲಿ ಮಾತನಾಡಿದ ಪ್ರಣಬ್, ಸಾಮಾಜಿಕ ಜಾಲತಾಣಗಳಲ್ಲಿ ಮಾಹಿತಿ ಹಂಚಿಕೊಳ್ಳುವ ಸಂದರ್ಭದಲ್ಲಿ ಸಾಕಷ್ಟು ಜಾಗರೂಕರಾಗಿರಬೇಕೆಂದು ಹೇಳಿದ್ದಾರೆ. 'ಕಿಡಿಗೇಡಿಗಳು ಕೋಮು ಸೌಹಾರ್ದತೆ ಕದಡುವ ವದಂತಿಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಡುತ್ತಾರೆ. ಜನರೂ ಕೂಡಾ ಪೂರ್ವಾಪರ ಅರಿಯದೆ ತಾವೂ ಇತರರಿಗೆ ಹಂಚುತ್ತಾರೆ. ಈ ಮೂಲಕ ದುಷ್ಕೃತ್ಯದಲ್ಲಿ ಭಾಗೀದಾರರಾಗಿಬಿಡುತ್ತಾರೆ' ಎಂದು ಪ್ರಣಬ್ ಬೇಸರ ವ್ಯಕ್ತಪಡಿಸಿದ್ದಾರೆ. 'ಪತ್ರಕರ್ತರು ತಮ್ಮ ಮಾಧ್ಯಮದ ಸಂಪಾದಕೀಯ ವಿಭಾಗದಲ್ಲಿ ತಮ್ಮ ಅಭಿಪ್ರಾಯ ಹಂಚಿಕೊಳ್ಳಬಹುದು. ಆದ್ರೆ, ಸುದ್ದಿ ವಿಚಾರದಲ್ಲಿ ವಸ್ತುನಿಷ್ಟತೆ ಅತಿಮುಖ್ಯ' ಎಂದು ಮಾಜಿ ರಾಷ್ಟ್ರಪತಿ ಕಿವಿಮಾತು ಹೇಳಿದ್ದಾರೆ.
from India & World News in Kannada | VK Polls https://ift.tt/2L7pBEN
