ಹೊಸದಿಲ್ಲಿ: ಭಾರತ ಕ್ರಿಕೆಟ್ ತಂಡದ ನೂತನ ಪ್ರಧಾನ ಕೋಚ್‌ಗಾಗಿ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯು (ಬಿಸಿಸಿಐ) ಅರ್ಜಿಗಳನ್ನು ಆಹ್ವಾನಿಸಿತ್ತು. ಇದೀಗ ಬಂದ ಮಾಹಿತಿಗಳ ಪ್ರಕಾರ 2000ಕ್ಕೂ ಹೆಚ್ಚು ಅರ್ಜಿಗಳು ಮಂಡಳಿಗೆ ಸಲ್ಲಿಕೆಯಾಗಿದೆಯಂತೆ! ನೇತೃತ್ವದ ತ್ರಿಸದಸ್ಯ ಕ್ರಿಕೆಟ್ ಸಲಹಾ ಸಮಿತಿಯು ನೂತನ ಕೋಚ್ ಆಯ್ಕೆ ಮಾಡಲಿದೆ. ಮುಂಬರುವ ವೆಸ್ಟ್‌ಇಂಡೀಸ್ ಸರಣಿಯ ವೇಳೆಗೆ ಹೊಸ ಕೋಚ್ ಆಯ್ಕೆ ನಡೆಯಲಿದೆ. ಏತನ್ಮಧ್ಯೆ ಈಗಿನ ಕೋಚ್ ರವಿಶಾಸ್ತ್ರಿ ಅವರಿಗೆ ಯಾರೇ ಸವಾಲೊಡ್ಡುವ ಸಾಧ್ಯತೆ ಬಹಳಷ್ಟು ಕ್ಷೀಣವಾಗಿದೆ. 2017ರಲ್ಲಿ ಕೋಚ್ ಹುದ್ದೆಗೇರಿರುವ ಶಾಸ್ತ್ರಿ ಉತ್ತಮ ದಾಖಲೆಯನ್ನು ಕಾಪಾಡಿಕೊಂಡಿದ್ದಾರೆ. ಸದ್ಯ ಶಾಸ್ತ್ರಿ ಹೊರತಾಗಿ ಕೋಚ್ ರೇಸ್‌ನಲ್ಲಿ ಟಾಮ್ ಮೂಡಿ, ಮೈಕ್ ಹೆಸನ್, ರಾಬಿನ್ ಸಿಂಗ್, ಮಹೇಲಾ ಜಯರ್ಧನೆ, ಲಾಲ್‌ಚಂದ್ ರಜಪೂತ್ ಹೆಸರುಗಳು ಕೇಳಿಬಂದಿದೆ. ಇನ್ನು ದಕ್ಷಿಣ ಆಫ್ರಿಕಾದ ಮಾಜಿ ಆಟಗಾರ ಜಾಂಟಿ ರೋಡ್ಸ್, ಫೀಲ್ಡಿಂಗ್ ಕೋಚ್ ಹುದ್ದೆಗೆ ಆಸಕ್ತಿಯನ್ನು ತೋರಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2M0INHp
