ಆ್ಯಂಟಿಗುವಾ: ಭಾರತೀಯ ವೇಗಿ ಐದು ವಿಕೆಟ್ ಸಾಧನೆಯ ನೆರವಿನಿಂದ ಇಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದ ಎರಡನೇ ದಿನದಾಟದಲ್ಲಿ ವೆಸ್ಟ್ಇಂಡೀಸ್ ತಂಡವು ಎಂಟು ವಿಕೆಟ್ ನಷ್ಟಕ್ಕೆ 189 ರನ್ ಗಳಿಸಿದೆ. ಈ ಮೂಲಕ ಆತಿಥೇಯ ತಂಡದ ಮೇಲೆ ಸಂಪೂರ್ಣ ಹಿಡಿತವನ್ನು ಸಾಧಿಸಿದೆ. ಅಷ್ಟೇ ಅಲ್ಲದೆ ಇನ್ನು ಎರಡು ವಿಕೆಟ್ ಮಾತ್ರ ಬಾಕಿ ಉಳಿದಿರುವಂತೆಯೇ ಇನ್ನಿಂಗ್ಸ್ ಮುನ್ನಡೆಗಾಗಿ ಇನ್ನು 108 ರನ್ ಗಳಿಸಬೇಕಿದೆ. ಇದಕ್ಕೂ ಮೊದಲು ಸಮಯೋಚಿತ ಅರ್ಧಶತಕದ ನೆರವಿನಿಂದ ಭಾರತ ತನ್ನ ಮೊದಲ ಇನ್ನಿಂಗ್ಸ್ನಲ್ಲಿ 297 ರನ್ ಪೇರಿಸಿತ್ತು. ಅನನುಭವಿ ವಿಂಡೀಸ್ ಬ್ಯಾಟಿಂಗ್ ಪಡೆಯ ಬೆನ್ನಲುಬು ಮುರಿದ ಇಶಾಂತ್ 42 ರನ್ ತೆತ್ತು ಐದು ವಿಕೆಟ್ ಕಿತ್ತು ಮಿಂಚಿದರು. ಈ ನಡುವೆ ಕೆಳ ಕ್ರಮಾಂಕದಲ್ಲಿ ಪ್ರತಿ ಹೋರಾಟ ನೀಡಿದ ರೋಸ್ಟನ್ ಚೇಸ್ 48 ರನ್ ಗಳಿಸಿದರು. ಇನ್ನುಳಿದಂತೆ ಶಿಮ್ರಾನ್ ಹೆಟ್ಮಾಯೆರ್ (35), ಶಾಯ್ ಹೋಪ್ (24) ಹಾಗೂ ಜಾನ್ ಕ್ಯಾಂಪೆಬ್ (23) ರನ್ ಗಳಿಸಿದರು. ಏತನ್ಮಧ್ಯೆ ಒಂದು ವಿಕೆಟ್ ಪಡೆದ ಜಸ್ಪ್ರೀತ್ ಬುಮ್ರಾ ಟೆಸ್ಟ್ ಕ್ರಿಕೆಟ್ನಲ್ಲಿ 50 ವಿಕೆಟ್ ಸಾಧನೆ ಮಾಡಿದರು. ಜಡೇಜಾ ಸಮಯೋಚಿತ ಫಿಫ್ಟಿ 203/6 ಎಂಬಲ್ಲಿದ್ದ ದಿನದಾಟ ಮುಂದುವರಿಸಿದ ಭಾರತಕ್ಕೆ ಆರಂಭದಲ್ಲೇ ರಿಷಬ್ ಪಂತ್ (24) ವಿಕೆಟ್ ನಷ್ಟವಾಯಿತು. ಈ ಹಂತದಲ್ಲಿ ಜತೆಗೂಡಿದ ರವೀಂದ್ರ ಜಡೇಜಾ ಹಾಗೂ ಇಶಾಂತ್ ಶರ್ಮಾ ಎಂಟನೇ ವಿಕೆಟ್ಗೆ 60 ರನ್ಗಳ ಮಹತ್ವದ ಜತೆಯಾಟದಲ್ಲಿ ಭಾಗಿಯಾದರು. ಈ ಹಂತದಲ್ಲಿ 19 ರನ್ ಗಳಿಸಿದ ಇಶಾಂತ್ ವಿಕೆಟ್ ಒಪ್ಪಿಸಿ ನಿರಾಸೆ ಅನುಭವಿಸಿದರು. ಮೊಹಮ್ಮದ್ ಶಮಿ (0) ಅವರಿಗೂ ಹೆಚ್ಚೇನು ಮಾಡಲಾಗಲಿಲ್ಲ. ಅತ್ತ ಪ್ರತಿ ಹೋರಾಟ ನೀಡಿದ ಜಡೇಜಾ 58 ರನ್ಗಳ ಉಪಯುಕ್ತ ಇನ್ನಿಂಗ್ಸ್ ಕಟ್ಟಿ ಗಮನ ಸೆಳೆದರು. 112 ಎಸೆತಗಳ ಫೈಟ್ ಬ್ಯಾಕ್ ಇನ್ನಿಂಗ್ಸ್ ಕಟ್ಟಿದ ಜಡ್ಡು ಮಗದೊಮ್ಮೆ ತಾವೊಬ್ಬ ನೈಜ ಆಲ್ರೌಂಡರ್ ಎಂಬುದನ್ನು ಸಾಬೀತು ಮಾಡಿದರು. ಇನ್ನುಳಿದಂತೆ ಜಸ್ಪ್ರೀತು ಬುಮ್ರಾ 4 ರನ್ ಗಳಿಸಿ ಅಜೇಯರಾಗುಳಿದರು. ವಿಂಡೀಸ್ ಪರ ಕೆಮರ್ ರೂಚ್ ನಾಲ್ಕು, ಶನಾನ್ ಗೇಬ್ರಿಯಲ್ ಮೂರು ಹಾಗೂ ರೋಸ್ಟನ್ ಚೇಸ್ ಎರಡು ವಿಕೆಟ್ ಕಿತ್ತು ಮಿಂಚಿದರು. ಈ ಮೊದಲು ಮೊದಲ ದಿನದಾಟದಲ್ಲಿ ಅಜಿಂಕ್ಯ ರಹಾನೆ (81), ಕೆಎಲ್ ರಾಹುಲ್ (44) ಹಾಗೂ ಹನುಮ ವಿಹಾರಿ (32) ಉಪಯುಕ್ತ ಇನ್ನಿಂಗ್ಸ್ ಕಟ್ಟುವ ಮೂಲಕ ಭಾರತವನ್ನು ಅಪಾಯದಿಂದ ಪಾರು ಮಾಡಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/33Upipj
