ಬಿಹಾರ ಸಿಎಂ ಕುಮಾರ್, ಪ್ರಧಾನಿ ಹಾಗೂ ಆರ್ಜೆಡಿ ನಾಯಕ ಯಾದವ್ ಅವರು ತ್ರಿವರ್ಣ ಧ್ವಜದ ವೇದಿಕೆ ಮೇಲೆ ನಿಂತು ಭಾಷಣ ಮಾಡುವ ಫೋಟೋ ಒಂದು ವೈರಲ್ ಆಗಿದೆ. ಈ ನಾಯಕರು ರಾಷ್ಟ್ರಧ್ವಜಕ್ಕೆ ಅಪಮಾನ ಮಾಡಿದ್ದಾರೆ ಎಂದು ಬಿಂಬಿಸಲಾಗಿದೆ. ಕೆಲವು ಪರಿಶೀಲಿಸಿದ ಟ್ವಿಟ್ಟರ್ ಖಾತೆಗಳಲ್ಲೂ ಈ ಫೋಟೋ ಶೇರ್ ಆಗಿದೆ. ಈ ಪೈಕಿ ಶುಭ್ರಸ್ತ ಎಂಬುವರು ತ್ರಿವರ್ಣ ಧ್ವಜದ ವೇದಿಕೆ ಮೇಲೆ ತೇಜಸ್ವಿ ಯಾದವ್ ನಿಂತಿದ್ದರು ಎಂದು ವಾದಿಸಿದ್ದಾರೆ. ಸತ್ಯಾಂಶವೇನು..? ತ್ರಿವರ್ಣ ಧ್ವಜದ ವೇದಿಕೆ ಮೇಲೆ ತೇಜಸ್ವಿ ಯಾದವ್ ನಿಂತಿರುವ ಫೋಟೋ ಮಾತ್ರ ಅಸಲಿ, ಮಿಕ್ಕಿದ್ದೆಲ್ಲವೂ ನಕಲಿ. ಬಿಹಾರ ಸಿಎಂ ನಿತೀಶ್ ಕುಮಾರ್, ಪ್ರಧಾನಿ ಮೋದಿ ಅವರ ಫೋಟೋಗಳನ್ನು ತೇಜಸ್ವಿ ಫೋಟೋ ಜಾಗಕ್ಕೆ ಡಿಜಿಟಲ್ ತಂತ್ರಜ್ಞಾನ ಬಳಸಿ ಅಂಟಿಸಲಾಗಿದೆ. ಪತ್ತೆ ಮಾಡಿದ್ದು ಹೇಗೆ..? ರಿವರ್ಸ್ ಇಮೇಜ್ ತಂತ್ರಜ್ಞಾನ ಬಳಸಿ ಹುಡುಕಿದಾಗ ಝೀ5ನಲ್ಲಿ ಅಕ್ಟೋಬರ್ 26, 2020ರಂದು ಪ್ರಕಟವಾದ ವಿಡಿಯೋ ಒಂದು ಲಭ್ಯವಾಯ್ತು. ಬಿಹಾರ ಚುನಾವಣೆ ವೇಳೆ ತೇಜಸ್ವಿ ಯಾದವ್ ಅವರು ತ್ರಿವರ್ಣ ಧ್ವಜದ ಬಣ್ಣ ಬಳಿದಿದ್ದ ವೇದಿಕೆ ಮೇಲೆ ಹತ್ತಿ ಜನರತ್ತ ಕೈ ಬೀಸಿದರು ಎಂದು ಮಾಹಿತಿ ನೀಡಲಾಗಿತ್ತು. ಸಮಾವೇಶದಲ್ಲಿ ತಮ್ಮೊಂದಿಗೆ ನಿಂತಿರುವ ಎಲ್ಲರಿಗಿಂತಲೂ ಉದ್ದ ಕಾಣಬೇಕೆಂಬ ಸಲುವಾಗಿ ಯಾದವ್ ಅವರು ತ್ರಿವರ್ಣ ಧ್ವಜದ ವೇದಿಕೆ ಏರಿರೋದು ಕಂಡು ಬರುತ್ತೆ. ರಾಷ್ಟ್ರೀಯ ಲೋಕಸಮತಾ ಪಕ್ಷ ಅಕ್ಟೋಬರ್ 22, 2020ರಲ್ಲಿ ಈ ಫೋಟೋವನ್ನು ಟ್ವಿಟ್ಟರ್ ಖಾತೆಯಲ್ಲಿ ಪ್ರಕಟಿಸಿತ್ತು. ತೇಜಸ್ವಿ ಅವರ ಈ ಫೋಟೋವನ್ನು ಸೂಕ್ಷ್ಮವಾಗಿ ಗಮನಿಸಿದರೆ, ನಿತೀಶ್ ಕುಮಾರ್ ಹಾಗೂ ಮೋದಿ ಅವರ ಫೋಟೋಗಳನ್ನು ಬಳಸಿಕೊಂಡು ಡಿಜಿಟಲ್ ತಂತ್ರಜ್ಞಾನದ ಮೂಲಕ ತಿರುಚಿರೋದು ಗೊತ್ತಾಗುತ್ತದೆ. ಟೈಮ್ಸ್ ಫ್ಯಾಕ್ಟ್ ಚೆಕ್ನ ಸಮಗ್ರ ಅಧ್ಯಯನದ ಬಳಿಕ ಹೇಳೋದಾದ್ರೆ, ತೇಜಸ್ವಿ ಯಾದವ್ ಫೋಟೋ ಜಾಗದಲ್ಲಿ ಬೇಕಂತಲೇ ಪ್ರಧಾನಿ ಮೋದಿ ಹಾಗೂ ನಿತೀಶ್ ಕುಮಾರ್ ಫೋಟೋ ಬಳಸಲಾಗಿತ್ತು.
from India & World News in Kannada | VK Polls https://ift.tt/3oT88mr
