ಅಬುಧಾಬಿ: ಹದಿಮೂರನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಆರಂಭಿಕ ಪಂದ್ಯಗಳಲ್ಲಿ ಪರ ಆಡಲು ಅವಕಾಶ ಸಿಗದ ಬಗ್ಗೆ ತುಂಬಾ ನಿರಾಸೆಯಾಗಿತ್ತು ಎಂದು ಹಿರಿಯ ಬ್ಯಾಟ್ಸ್ಮನ್ ಬಹಿರಂಗಪಡಿಸಿದ್ದಾರೆ. 146 ಐಪಿಎಲ್ ಪಂದ್ಯಗಳಾಡಿರುವ ಅಜಿಂಕ್ಯ ರಹಾನೆ, 3931 ರನ್ಗಳನ್ನು ಗಳಿಸಿದ್ದಾರೆ. ಇಂತಹ ಅದ್ಭುತ ದಾಖಲೆಯನ್ನು ಹೊಂದಿದ್ದರೂ ಅಜಿಂಕ್ಯಾ ರಹಾನೆ ಡೆಲ್ಲಿ ಕ್ಯಾಪಿಟಲ್ಸ್ ಪರ 13ನೇ ಆವೃತ್ತಿಯಲ್ಲಿ 6 ಪಂದ್ಯಗಳಲ್ಲಿ ಮಾತ್ರ ಆಡಿದ್ದಾರೆ. ಸೋಮವಾರ ಶೇಖ್ ಝಾಯೆದ್ ಕ್ರೀಡಾಂಗಣದಲ್ಲಿ ಆರ್ಸಿಬಿ ನೀಡಿದ್ದ 153 ರನ್ಗಳ ಗುರಿ ಹಿಂಬಾಲಿಸುವ ವೇಳೆ ಅಜಿಂಕ್ಯ ರಹಾನೆ ಹಾಗೂ ಶಿಖರ್ ಧವನ್ ಕ್ರಮವಾಗಿ 60 ಮತ್ತು 54 ರನ್ಗಳನ್ನು ಗಳಿಸಿದ್ದರು. ಅದ್ಭುತ ಬ್ಯಾಟಿಂಗ್ ಮಾಡಿದ ರಹಾನೆ ಇನ್ನೇನು ಡೆಲ್ಲಿಗೆ 18 ರನ್ಗಳ ಅಗತ್ಯವಿದ್ದಾಗ ವಿಕೆಟ್ ಒಪ್ಪಿಸಿದ್ದರು. "ಟೂರ್ನಿಯ ಆರಂಭಿಕ ಪಂದ್ಯಗಳಲ್ಲಿ ಆಡಲು ಅವಕಾಶ ಸಿಗದೇ ಇದ್ದದ್ದು ಬೇಸರ ತರಿಸಿತ್ತು. ನಂತರ ಪಂದ್ಯದ ಗೆಲುವಿಗೆ ನೆರವಾಗಿದ್ದು ಖುಷಿ ನೀಡಿತು ಹಾಗೂ ನಿಮ್ಮ(ಧವನ್) ಜತೆ ಬ್ಯಾಟಿಂಗ್ ತುಂಬಾ ಆನಂದಿಸಿದ್ದೇನೆ. ನೀವು ಬ್ಯಾಟಿಂಗ್ ಮಾಡಿದ ಹಾದಿಯಿಂದ ತುಂಬಾ ಕಲಿತಿದ್ದೇನೆ," ಎಂದು ಶಿಖರ್ ಧವನ್ ಜತೆ ರಹಾನೆ ಮಾತನಾಡಿರುವ ವಿಡಿಯೋವನ್ನು ಐಪಿಎಲ್20.ಕಾಮ್ನಲ್ಲಿ ಪ್ರಕಟಿಸಲಾಗಿದೆ. "ರಿಕ್ಕಿ ಪಾಂಟಿಂಗ್ ಮೂರನೇ ಕ್ರಮಾಂಕದಲ್ಲಿ ಆಡುವಂತೆ ತಿಳಿಸಿದ್ದರು. ಇದು ಅತ್ಯುತ್ತಮ ಅವಕಾಶ ಎಂದು ಬಾವಿಸಿದ್ದೆ. ಒಬ್ಬ ಆಟಗಾರನಾಗಿ ನಿರ್ಣಾಯಕ ಹಂತದಲ್ಲಿ ತಂಡದ ಗೆಲುವಿಗೆ ನೆರವಾದಾಗ ಉತ್ತಮ ಭಾವನೆ ಉಂಟಾಗುತ್ತದೆ. ತಂಡ ಗೆದ್ದಾಗ ಎರಡು ವಿಭಿನ್ನ ಉತ್ಸಾಹ ಉಂಟಾಗಿದೆ," ಎಂದು ಹೇಳಿದರು. ಈ ಗೆಲುವಿನೊಂದಿಗೆ ಡೆಲ್ಲಿ ಕ್ಯಾಪಿಟಲ್ಸ್ ಮೊದಲನೇ ಕ್ವಾಲಿಫೈಯರ್ನಲ್ಲಿ ನಾಲ್ಕು ಬಾರಿ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ ವಿರುದ್ಧ ಸೆಣಸಲಿದೆ. ಈ ಪಂದ್ಯ ಗೆದ್ದ ತಂಡ ಫೈನಲ್ಗೆ ನೇರವಾಗಿ ಅರ್ಹತೆ ಪಡೆಯಲಿದೆ. ಸೋಮವಾರ ರಾತ್ರಿ ನಡೆದಿದ್ದ ಪಂದ್ಯದಲ್ಲಿ ಡೆಲ್ಲಿ 17.3 ಓವರ್ಗಳ ಒಳಗಾಗಿ ಗೆಲುವು ಪಡೆದಿದ್ದರೆ, ಕೋಲ್ಕತಾ ನೈಟ್ ರೈಡರ್ಸ್ ರನ್ರೇಟ್ ಆಧಾರದ ಮೇಲೆ ಪ್ಲೇಆಫ್ಸ್ಗೆ ಅರ್ಹತೆ ಪಡೆದಿರುತ್ತಿತ್ತು. ಸೋಲಿನ ಹೊರತಾಗಿಯೂ ರನ್ ರೇಟ್ನಿಂದ ಆರಸಿಬಿ ಪ್ಲೇಆಫ್ಸ್ಗೆ ಅರ್ಹತೆ ಪಡೆದ ಮೂರನೇ ತಂಡವಾಯಿತು. ಇಂದು(ಮಂಗಳವಾರ) ಸನ್ರೈಸರ್ಸ್ ಹೈದಾರಾಬಾದ್ ಹಾಗೂ ಮುಂಬೈ ಇಂಡಿಯನ್ಸ್ ನಡುವಿನ ಪಂದ್ಯದ ಫಲಿತಾಂಶದ ಮೇಲೆ ಕೆಕೆಆರ್ ಪ್ಲೇಆಫ್ಸ್ ಅರ್ಹತೆ ತೀರ್ಮಾನವಾಗಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2HVH5WW
