ಹೊಸದಿಲ್ಲಿ: ಹದಿಮೂರನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಸೆ.19 ರಿಂದ ಯುಎಇಯಲ್ಲಿ ಆರಂಭವಾಗುತ್ತಿದೆ. ಹಿಂದಿನ ಎಲ್ಲಾ ಆವೃತ್ತಿಗಳಂತೆ ಈ ಋತುವಿನಲ್ಲೂ ಪ್ರತಿಭಾವಂತ ಯುವ ಪ್ರತಿಭೆಗಳು ಬೆಳಕಿಗೆ ಬರುವುದರಲ್ಲಿ ಯಾವುದೇ ಸಂಶವಿಲ್ಲ. ಆಸ್ಟ್ರೇಲಿಯಾ ತಂಡದ ಮಾಜಿ ಆರಂಭಿಕ ಬ್ಯಾಟ್ಸ್‌ಮನ್‌ ಅವರು 2020ರ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿಯಲ್ಲಿ ಮಿಂಚಲಿರುವ ಬೌಲರ್‌ಗಳನ್ನು ಹೆಸರಿಸಿದ್ದಾರೆ. ಇದರಲ್ಲಿ ಇಬ್ಬರು ವೇಗಿಗಳನ್ನು ಹಾಗೂ ಇಬ್ಬರು ಸ್ಪಿನ್ನರ್‌ಗಳನ್ನು ಗುರುತಿಸಿದ್ದಾರೆ. ಐಪಿಎಲ್ ಬ್ಯಾಟ್ಸ್‌ಮನ್‌ಗಳ ಸ್ನೇಹಿ ಟೂರ್ನಿಯಾಗಿದ್ದು, ಇದರಲ್ಲಿ ಕೆಲವೇ ಕೆಲವು ಬೌಲರ್‌ಗಳು ಮಾತ್ರ ಪಾರಮ್ಯ ಮೆರೆದಿದ್ದಾರೆ. , ಡೌಗ್‌ ಬೊಲಿಂಜರ್‌, ಡ್ವೇನ್‌ ಬ್ರಾವೊ, ಭುವನೇಶ್ವರ್ ಕುಮಾರ್‌ ಹಾಗೂ ಸ್ಪಿನ್ನರ್‌ಗಳಾದ ಅಮಿತ್‌ ಮಿಶ್ರಾ, ಯುವರಾಜ್‌ ಸಿಂಗ್‌, ಆಡಮ್‌ ಝಂಪಾ ಹಾಗೂ ಯಜ್ವೇಂದ್ರ ಚಾಹಲ್‌ ಉತ್ತಮ ಪ್ರದರ್ಶನ ತೋರಿದ ಬೌಲರ್‌ಗಳ ಪಟ್ಟಿಯಲ್ಲಿದ್ದಾರೆ. ಮ್ಯಾಥ್ಯೂ ಹೇಡನ್‌ ಭಾರತ ತಂಡದ ಅನುಭವಿ ವೇಗಿ ಭುವನೇಶ್ವರ್ ಕುಮಾರ್‌ ಅವರು ಎದುರಾಳಿ ಬ್ಯಾಟ್ಸ್‌ಮನ್‌ಗಳಿಗೆ ತಲೆ ನೋವಾಗಿ ಪರಿಣಮಿಸಲಿದ್ದಾರೆ ಎಂದಿದ್ದಾರೆ. ಕಳೆದ ಆವೃತ್ತಿಗಳಲ್ಲಿಯೂ ಅವರು ಬೌಲಿಂಗ್‌ನಲ್ಲಿ ಗಾಢವಾದ ಪ್ರಭಾವ ಬೀರಿದ್ದರು. ಭಾರತದ ವೇಗಿ 2016 ಹಾಗೂ 2017ರಲ್ಲಿ ಸತತವಾಗಿ ಪರ್ಪಲ್‌ ಕ್ಯಾಪ್‌ ಗೆದ್ದಿದ್ದರು. ಕ್ವೀನ್ಸ್‌ಲ್ಯಾಂಡ್‌ ಮೂಲದ ಮಾಜಿ ಆಟಗಾರ, ಮುಂಬೈ ಇಂಡಿಯನ್ಸ್ ವೇಗಿ ಜಸ್ಪ್ರಿತ್‌ ಬುಮ್ರಾ ಅವರನ್ನು ಎರಡನೇ ಬೌಲರ್‌ ಆಗಿ ಆಯ್ಕೆ ಮಾಡಿದರು. "ಅನುಭವಿ ವೇಗಿ ಈ ಬಾರಿಯೂ ಮಿಂಚಲಿದ್ದಾರೆ ಹಾಗೂ ಮುಂಬೈ ಇಂಡಿಯನ್ಸ್ ತಂಡದ ವೇಗಿ ಜಸ್ಪ್ರಿತ್‌ ಬುಮ್ರಾ ಕೂಡ ಪ್ರಭಾವ ಬೀರಲಿದ್ದಾರೆ," ಎಂದು ಸ್ಟಾರ್‌ ಸ್ಪೋರ್ಟ್ಸ್‌ ಶೋ ಕ್ರಿಕೆಟ್ ಕನೆಕ್ಟಡ್‌ನಲ್ಲಿ ಹೇಡನ್‌ ತಿಳಿಸಿದರು. ಸ್ಪಿನ್‌ ವಿಭಾಗದಲ್ಲಿ ಮೊದಲನೇಯದಾಗಿ ಹರಭಜನ್‌ ಸಿಂಗ್‌ ಅವರನ್ನು ಮ್ಯಾಥ್ಯೂ ಹೇಡನ್‌ ಹೆಸರಿಸಿದರು. ಕಳೆದ ಆವೃತ್ತಿಯಲ್ಲಿ ಆಡದ ಹೊರತಾಗಿಯೂ ಹಿರಿಯ ಆಫ್‌ ಸ್ಪಿನ್ನರ್‌ ಪಂದ್ಯದ ದಿಕ್ಕನ್ನು ಬದಲಾಯಿಸುವ ಸಾಮರ್ಥ್ಯವನ್ನು ಹೊಂದಿದ್ದಾರೆ. ಇವರ ಜತೆಗೆ ಕೂಡ ಪಂದ್ಯದ ಮೇಲೆ ಪ್ರಾಬಲ್ಯ ಸಾಧಿಸಲಿದ್ದಾರೆ ಎಂದು ಆಸೀಸ್‌ ದಿಗ್ಗಜ ಅಭಿಪ್ರಾಯ ವ್ಯಕ್ತಪಡಿಸಿದರು. "ಸ್ಪಿನ್‌ ವಿಭಾಗದಲ್ಲಿ ಹಳೆಯ ಆಟಗಾರರೇ ಈ ಬಾರಿ ಐಪಿಎಲ್‌ನಲ್ಲಿ ಮಿಂಚಲಿದ್ದಾರೆ. ಕಳೆದ ಆವೃತ್ತಿಯಲ್ಲಿ ಸಾಕಷ್ಟು ಕ್ರಿಕೆಟ್ ಆಡದ ಹರಭಜನ್‌ ಸಿಂಗ್‌ ಅವರು ಈ ಬಾರಿ ಚೆನ್ನಾಗಿ ಆಡಲಿದ್ದಾರೆ. ಇವರ ಜತೆಗೆ ಸಿಎಸ್‌ಕೆ ತಂಡದ ರವೀಂದ್ರ ಜಡೇಜಾ ಈ ಬಾರಿ ಹೆಚ್ಚಿನ ವಿಕೆಟ್‌ಗಳನ್ನು ಪಡೆಯಲಿದ್ದಾರೆ," ಎಂದು ಮ್ಯಾಥ್ಯೂ ಹೇಡನ್‌ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2QKxFyA
