ಹೊಸದಿಲ್ಲಿ: ಮೊದಲನೇ ಮಗುವಿನ ನಿರೀಕ್ಷೆಯಲ್ಲಿರುವ ಆಸ್ಟ್ರೇಲಿಯಾ ತಂಡದ ಕೇನ್ ರಿಚರ್ಡ್ಸನ್ ಅವರು ಸೆ.19 ರಿಂದ ಆರಂಭವಾಗುತ್ತಿರುವ 13ನೇ ಆವೃತ್ತಿಯ ಇಂಡಿಯನ್‌ ಪ್ರೀಮಿಯರ್‌ ಲೀಗ್‌ನಿಂದ ಹೊರ ನಡೆದಿದ್ದಾರೆ, ಹಾಗಾಗಿ ಅವರ ಸ್ಥಾನಕ್ಕೆ ಸಹ ಆಟಗಾರ ಹಾಗೂ ಲೆಗ್‌ ಸ್ಪಿನ್ನರ್‌ ಅವರನ್ನು ಹೆಸರಿಸಿದೆ. "ಆಡಮ್‌ ಝಂಪಾ ಆರ್‌ಸಿಬಿ ಕಲರ್ಸ್ ತೊಡಲು ಆಗಮಿಸುತ್ತಿರುವುದರಿಂದ ನಾವು ರೋಮಂಚನಗೊಂಡಿದ್ದೇವೆ. ಅವರು ಅವರ ಸ್ಥಾನವನ್ನು ತುಂಬಿದ್ದಾರೆ," ಎಂದು ಫ್ರಾಂಚೈಸಿ ಸೋಮವಾರ ರಾತ್ರಿ ಟ್ವೀಟ್‌ ಮಾಡಿದೆ. ಕೇನ್ ರಿಚರ್ಡ್ಸನ್ ಹಾಗೂ ಅವರ ಪತ್ನಿ ಮೊದಲ ಮಗುವಿನ ನಿರೀಕ್ಷೆಯಲ್ಲಿರುವ ಬಗ್ಗೆ ಆರ್‌ಸಿಬಿ ಕುಟುಂಬ ಉತ್ಸಕವಾಗಿದೆ ಹಾಗೂ ಅವರ ನಿರ್ಧಾರವನ್ನು ನಾವು ಗೌರವಿಸುತ್ತೇವೆ," ಎಂದು ತಿಳಿಸಿದೆ. ಯಜ್ವೇಂದ್ರ ಚಹಲ್‌, ಮೊಯಿನ್‌ ಅಲಿ ಹಾಗೂ ಪವನ್‌ ನೇಗಿ ಅವರ ಸ್ಪಿನ್‌ ವಿಭಾಗಕ್ಕೆ ಇದೀಗ ಆಡಮ್‌ ಝಂಪಾ ಸೇರ್ಪಡೆಯಾಗಿದ್ದಾರೆ. ವೇಗದ ಬೌಲಿಂಗ್‌ನಲ್ಲಿ ಅತ್ಯುತ್ತಮ ಕೌಶಲವನ್ನು ಹೊಂದಿರುವ ಕೇನ್ ರಿಚರ್ಡ್ಸನ್ ಅವರನ್ನು ಈ ಬಾರಿ ಐಪಿಎಲ್‌ಗೆ ವಂಚಿತರಾಗುತ್ತಿರುವುದಕ್ಕೆ ನಮಗೆ ಬೇಸರವಾಗಿದೆ," ಎಂದು ಹೇಳಿದೆ. "ಆದಾಗ್ಯೂ, ಐಪಿಎಲ್ ಸಮಯದಲ್ಲಿ ಕೇನ್ ಮತ್ತು ಅವರ ಪತ್ನಿ ನಿಕಿಯ ಮಗು ನಿರೀಕ್ಷೆಯಲ್ಲಿರುವುದಕ್ಕೆ ನಾವು ತುಂಬಾ ಉತ್ಸಕರಾಗಿದ್ದೇವೆ ಹಾಗೂ ಇದು ಒಂದು ರೋಮಾಂಚನಕಾರಿ ಸಮಯವಾಗಿದೆ. ಮೊದಲ ಮಗುವಿನ ಜನನದ ಸಮಯದಲ್ಲಿ ಕೇನ್ ರಿಚರ್ಡ್ಸನ್ ತನ್ನ ಪತ್ನಿಯ ಜತೆ ಇರಬೇಕೆಂಬುದಕ್ಕೆ ನಾವು ಸಂಪೂರ್ಣವಾಗಿ ಬೆಂಬಲಿಸುತ್ತೇವೆ," ಎಂದು ಆರ್‌ಸಿಬಿ ಟ್ವೀಟ್‌ ಮಾಡಿದೆ. "ಟೂರ್ನಿ ಸಮಯದಲ್ಲಿ ಪರಿಸ್ಥಿತಿಗಳು ಹೊಂದಾಣಿಕೆಯಾದರೆ ಆಡಮ್‌ ಝಂಪಾ ಹೆಚ್ಚುವರಿ ಸ್ಪಿನ್ನರ್‌ ಆಗಲಿದ್ದಾರೆ," ಎಂದು ಆರ್‌ಸಿಬಿ ನಿರ್ದೇಶಕ ಮೈಕ್‌ ಹೇಸನ್‌ ತಿಳಿಸಿದ್ದಾರೆ. ಈ ಹಿಂದೆ ರೈಸಿಂಗ್‌ ಪುಣೆ ಸೂಪರ್‌ಗೈಂಟ್ಸ್‌ ಪರ ಆಡಿದ್ದ ಝಂಪಾ ಪಾಲಿಗೆ ಇದೀಗ ಎರಡನೇ ಐಪಿಎಲ್ ಆಗಿದೆ. ಕಳೆದ ವರ್ಷ ಡಿಸೆಂಬರ್‌ನಲ್ಲಿ ನಡೆದಿದ್ದ ಹರಾಜಿನಲ್ಲಿ ಝಂಪಾ ಅವರನ್ನು ಯಾವುದೇ ಫ್ರಾಂಚೈಸಿ ಖರೀದಿಸಿರಲಿಲ್ಲ. ಆದರೆ, ರಿಚರ್ಡ್ಸನ್ ಅವರನ್ನು ಆರ್‌ಸಿಬಿ 4 ಕೋಟಿ ರೂ.ಗಳಿಗೆ ಖರೀದಿಸಿತ್ತು. ಕೇನ್ ರಿಚರ್ಡ್ಸನ್ ಹಾಗೂ ಆಡಮ್‌ ಝಂಪಾ ಸದ್ಯ ಸೀಮಿತ ಓವರ್‌ಗಳ ಸರಣಿ ಆಡಲು ಇಂಗ್ಲೆಂಡ್‌ನಲ್ಲಿದ್ದಾರೆ. ಸೆ.4 ರಿಂದ 16ರವರೆಗೆ ಎರಡೂ ತಂಡಗಳು ಮೂರು ಪಂದ್ಯಗಳ ಟಿ20 ಸರಣಿ ಹಾಗೂ ಹಲವು ಪಂದ್ಯಗಳ ಓಡಿಐ ಸರಣಿ ಆಡಲಿವೆ. ಕೊರೊನಾ ವೈರಸ್‌ನಿಂದಾಗಿ 13ನೇ ಆವೃತ್ತಿಯ ಐಪಿಎಲ್ ಟೂರ್ನಿಯನ್ನು ಭಾರತದಿಂದ ಯುಎಇಗೆ ಸ್ಥಳಾಂತರ ಮಾಡಲಾಗಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2GkIg1n
