ಆ್ಯಂಟಿಗುವಾ: ಭಾರತ ಕ್ರಿಕೆಟ್ ತಂಡದ ಅತ್ಯಂತ ಯಶಸ್ವಿ ಟೆಸ್ಟ್ ನಾಯಕ ಎಂಬ ಹಿರಿಮೆಗೆ ಟೀಮ್ ಇಂಡಿಯಾ ನಾಯಕ ಭಾಜನವಾಗಿದ್ದಾರೆ. ಆತಿಥೇಯ ವೆಸ್ಟ್ಇಂಡೀಸ್ ವಿರುದ್ಧ ನಡೆದ ಮೊದಲ ಟೆಸ್ಟ್ ಪಂದ್ಯದಲ್ಲಿ ಟೀಮ್ ಇಂಡಿಯಾ 318 ರನ್ ಅಂತರದ ಭರ್ಜರಿ ಗೆಲುವು ಬಾರಿಸಿತ್ತು. ಇದು ಕೊಹ್ಲಿ ನಾಯಕತ್ವದಡಿದಲ್ಲಿ ದಾಖಲಾದ 27ನೇ ಗೆಲುವಾಗಿದೆ. ಈ ಮೂಲಕ ಮಾಜಿ ನಾಯಕ ದಾಖಲೆಯನ್ನು ಸರಿಗಟ್ಟಿದ್ದಾರೆ. ಕೊಹ್ಲಿ ಈ ಸಾಧನೆಯನ್ನು ಕೇವಲ 47 ಪಂದ್ಯಗಳಲ್ಲೇ ಮಾಡಿದ್ದಾರೆ. ಇನ್ನೊಂದೆಡೆ ಧೋನಿ ಇದಕ್ಕಾಗಿ 60 ಟೆಸ್ಟ್ ಪಂದ್ಯಗಳನ್ನಾಡಿದ್ದರು. ಅಷ್ಟೇ ಯಾಕೆ ಮಾಜಿ ನಾಯಕ ದಾಖಲೆಯನ್ನು ಮುರಿದಿರುವ ವಿರಾಟ್, ವಿದೇಶಿ ನೆಲದಲ್ಲಿ ಅತಿ ಹೆಚ್ಚು ಗೆಲುವುಗಳನ್ನು ದಾಖಲಿಸಿದ ಭಾರತೀಯ ನಾಯಕ ಎನಿಸಿಕೊಂಡಿದ್ದಾರೆ. ಕೊಹ್ಲಿ ತಮ್ಮ 26ನೇ ಟೆಸ್ಟ್ ಪಂದ್ಯದಲ್ಲೇ 12ನೇ ಗೆಲುವು ದಾಖಲಿಸಿದ್ದಾರೆ. ಇನ್ನೊಂದೆಡೆ ಸೌರವ್ ಗಂಗೂಲಿ 28 ಪಂದ್ಯಗಳಲ್ಲಿ 11 ಗೆಲುವುಗಳನ್ನು ದಾಖಲಿಸಿದ್ದರು. ಇದರೊಂದಿಗೆ ವಿದೇಶಿ ನೆಲದಲ್ಲೂ ಅತ್ಯಂತ ಯಶಸ್ವಿ ಭಾರತೀಯ ಟೆಸ್ಟ್ ನಾಯಕ ಎಂದೆನಿಸಿಕೊಂಡಿದ್ದಾರೆ. ಇದು ವಿದೇಶಿ ಟೆಸ್ಟ್ನಲ್ಲಿ ಭಾರತ ಗಳಿಸಿರುವ ಅತಿ ದೊಡ್ಡ ಅಂತರದ ಗೆಲುವಾಗಿದೆ. ಈ ಹಿಂದೆ 2017ರ ಗಾಲೆ ಟೆಸ್ಟ್ನಲ್ಲಿ ಶ್ರೀಲಂಕಾ ವಿರುದ್ಧ 304 ರನ್ ಅಂತರದ ಗೆಲುವು ಬಾರಿಸಿತ್ತು. ಇನ್ನು ವೆಸ್ಟ್ಇಂಡೀಸ್ ತಂಡವು ಭಾರತ ವಿರುದ್ಧ ಅತ್ಯಂತ ಕನಿಷ್ಠ ಮೊತ್ತಕ್ಕೆ ಆಲೌಟ್ ಆಗಿದೆ. ದ್ವಿತೀಯ ಇನ್ನಿಂಗ್ಸ್ನಲ್ಲಿ ಕೇವಲ 100 ರನ್ನಿಗೆ ಸರ್ವಪತನವನ್ನು ಕಂಡಿತ್ತು. ಅತ್ತ ಜಸ್ಪ್ರೀತ್ ಬುಮ್ರಾ ತಮ್ಮ ಪ್ರಥಮ ಪ್ರವಾಸದಲ್ಲೇ ದಕ್ಷಿಣ ಆಫ್ರಿಕಾ, ಇಂಗ್ಲೆಂಡ್, ಆಸ್ಟ್ರೇಲಿಯಾ ಹಾಗೂ ವೆಸ್ಟ್ಇಂಡೀಸ್ಗಳಲ್ಲಿ ಐದು ವಿಕೆಟ್ ಕಿತ್ತ ಸಾಧನೆ ಮಾಡಿದ್ದಾರೆ. ಇದೇ ಪಂದ್ಯದಲ್ಲಿ ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ವೇಗದಲ್ಲಿ 50 ವಿಕೆಟ್ ಪಡೆದ ಭಾರತೀಯ ವೇಗಿ ಎಂಬ ಹಿರಿಮೆಗೂ ಪಾತ್ರವಾಗಿದ್ದರು. ಭಾರತೀಯ ಟೆಸ್ಟ್ ನಾಯಕನಾಗಿ ವಿದೇಶಿ ನೆಲದಲ್ಲಿ ಅತಿ ಹೆಚ್ಚು ಗೆಲುವುಗಳು: ವಿರಾಟ್ ಕೊಹ್ಲಿ 12 (26 ಟೆಸ್ಟ್) ಸೌರವ್ ಗಂಗೂಲಿ 11 (28) ಎಂಎಸ್ ಧೋನಿ 06 (30) ರಾಹುಲ್ ದ್ರಾವಿಡ್ 05 (17) ಭಾರತೀಯ ಟೆಸ್ಟ್ ನಾಯಕನಾಗಿ ಅತಿ ಹೆಚ್ಚು ಗೆಲುವುಗಳು: ವಿರಾಟ್ ಕೊಹ್ಲಿ 27 (47 ಟೆಸ್ಟ್) ಮಹೇಂದ್ರ ಸಿಂಗ್ ಧೋನಿ 27 (60) ಸೌರವ್ ಗಂಗೂಲಿ 21 (49) ಮೊಹಮ್ಮದ್ ಅಜರುದ್ದೀನ್ 14 (47)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2ZsolRQ
