ಮೈಸೂರು: ಲಂಡನ್ ಮೂಲದ ಬ್ರಿಟಿಷ್ ಬಹುರಾಷ್ಟ್ರೀಯ ಜಾಗತಿಕ ' ಬ್ಯಾಂಕ್'ನ ಸಿಇಒ ಆಗಿ ಮೂಲದ ಅವರನ್ನು ನೇಮಕ ಮಾಡಲಾಗಿದೆ. ಬರ್ಕ್ಲೇಸ್ನ ಮಾರುಕಟ್ಟೆಯ ಜಾಗತಿಕ ಮುಖ್ಯಸ್ಥರಾಗಿದ್ದ, ಮತ್ತು ಅದಕ್ಕೂ ಮುನ್ನ ಮುಖ್ಯ ಸಮಸ್ಯೆ ನಿರ್ವಹಣಾ ಅಧಿಕಾರಿಯಾಗಿದ್ದ ವೆಂಕಟಕೃಷ್ಣನ್ ಅವರಿಗೆ ಮಹತ್ವದ ಹುದ್ದೆ ಒಲಿದಿದೆ. ಬ್ರಿಟಿಷ್ ಬ್ಯಾಂಕ್ನ ಸಿಇಒ ಆಗಿದ್ದ ವಿರುದ್ಧ ಹಣಕಾಸು ಉದ್ಯಮಿ ಮತ್ತು ಲೈಂಗಿಕ ಅಪರಾಧಿಯಾಗಿರುವ ಜೆಫ್ರಿ ಎಪ್ಸ್ಟೀನ್ ಅವರೊಂದಿಗಿನ ನಂಟಿನ ಕಾರಣ ಸೋಮವಾರ ಬ್ರಿಟನ್ ನಿಯಂತ್ರಣ ತನಿಖೆ ವರದಿ ಹಿನ್ನೆಲೆಯಲ್ಲಿ ಸ್ಟೇಲಿ ಅವರು ತಮ್ಮ ಹುದ್ದೆಯಿಂದ ಕೆಳಕ್ಕಿಳಿದಿದ್ದರು. 2019ರಲ್ಲಿ ಲೈಂಗಿಕ ಕಳ್ಳಸಾಗಣೆಯ ಆರೋಪಗಳಡಿಯಲ್ಲಿ ಬಂಧಿತರಾಗಿದ್ದ ಎಪ್ಸ್ಟೀನ್ ಜತೆಗಿನ ಸಂಬಂಧದ ಬಗ್ಗೆ ಬ್ಯಾಂಕ್ನ ಮಂಡಳಿ ಸಭೆಯಲ್ಲಿ ಒಪ್ಪಿಕೊಂಡ ಬಳಿಕ ಸ್ಟೇಲಿ ವಿರುದ್ಧ ಬ್ರಿಟನ್ ನಿಯಂತ್ರಣ ಅಧಿಕಾರಿಗಳು ಹಲವು ವರ್ಷಗಳ ತನಿಖೆ ಬಳಿಕ ಬರ್ಕ್ಲೇಸ್ಗೆ ತನಿಖೆಯ ಪ್ರಾಥಮಿಕ ವಿವರಗಳನ್ನು ಹಂಚಿಕೊಂಡಿದ್ದರು. ಇದರ ಬಳಿಕ ಸ್ಟೇಲಿ ತಮ್ಮ ಹುದ್ದೆ ತ್ಯಜಿಸಿದ್ದಾರೆ. ವೆಂಕಟ್ ಎಂದೇ ಚಿರಪರಿಚಿತರಾಗಿರುವ ಮೈಸೂರು ಮೂಲದ ವೆಂಕಟಕೃಷ್ಣನ್ ಅವರು ಸುಮಾರು ಐದು ವರ್ಷಗಳಿಂದ ಬ್ರಿಟಿಷನ್ ಮಲ್ಟಿನ್ಯಾಷನಲ್ ಯುನಿವರ್ಸಲ್ ಬ್ಯಾಂಕ್ನಲ್ಲಿ ಕೆಲಸ ಮಾಡುತ್ತಿದ್ದಾರೆ. 2016 ರಿಂದ 2020ರವರೆಗೆ ಅವರು ಬರ್ಕ್ಲೇಸ್ನಲ್ಲಿ ಚೀಫ್ ರಿಸ್ಕ್ ಆಫೀಸರ್ ಆಗಿ ಕೆಲಸ ಮಾಡಿದ್ದರು. ಬಳಿಕ ನ್ಯೂಯಾರ್ಕ್ನಲ್ಲಿರುವ ಗ್ಲೋಬಲ್ ಮಾರ್ಕೆಟ್ಸ್ ಮುಖ್ಯಸ್ಥರಾಗಿ, ಬರ್ಕ್ಲೇಸ್ ಬ್ಯಾಂಕ್ ಪಿಎಲ್ಸಿ ಉಪಾಧ್ಯಕ್ಷರಾಗಿ ಹಾಗೂ ಗ್ರೂಪ್ ಎಕ್ಸಿಕ್ಯೂಟಿವ್ ಸಮಿತಿಯ ಸದಸ್ಯರನ್ನಾಗಿ ನೇಮಿಸಲಾಗಿತ್ತು. ತನಿಖಾಧಿಕಾರಿಗಳು ನೀಡಿರುವ ವರದಿಯ ವಿವರಗಳು ಬಹಿರಂಗವಾಗಿಲ್ಲ. ಬ್ರಿಟಿಷ್ ಬ್ಯಾಂಕ್ನ ಅತಿ ದೊಡ್ಡ ಹುದ್ದೆಗೆ ಆಯ್ಕೆಯಾದ ಸಂತೋಷ ಒಂದೆಡೆಯಾದರೆ, ತಮ್ಮ ತಾಯಿಯನ್ನು ಕಳೆದುಕೊಂಡ ಆಘಾತವೂ ಇದೆ. ಹೀಗಾಗಿ ತಾವು ಮಿಶ್ರ ಭಾವುಕತೆಯಲ್ಲಿ ಇರುವುದಾಗಿ ವೆಂಕಟಕೃಷ್ಣನ್ ಹೇಳಿಕೊಂಡಿದ್ದಾರೆ. 'ನಮ್ಮ ಅತ್ಯಂತ ಸಂಕಷ್ಟದ ಸಂದರ್ಭವೊಂದರಲ್ಲಿ ಸ್ಟೇಲಿ ಅವರು ಬರ್ಕ್ಲೇಸ್ನ ಸಿಇಒ ಆಗಿ ಆಯ್ಕೆಯಾಗಿದ್ದರು, ತಮ್ಮ ಅಭೂತಪೂರ್ವ ದೂರದೃಷ್ಟಿ ಮೂಲಕ ಯಶಸ್ವಿ ಚೇತರಿಕೆಯ ತಂತ್ರಗಳೊಂದಿಗೆ ಸುಧಾರಣೆ ತಂದರು' ಎಂದು ಅವರು ತಿಳಿಸಿದ್ದಾರೆ. ವೆಂಕಟ್ ಅವರು ಸ್ಟೇಲಿ ಅವರೊಂದಿಗೆ ಅಮೆರಿಕದ ಬಹುರಾಷ್ಟ್ರೀಯ ಹೂಡಿಕೆ ಬ್ಯಾಂಕ್ ಜೆಪಿ ಮಾರ್ಗನ್ ಚೇಸ್ನಲ್ಲಿ ಒಟ್ಟಿಗೆ ಕೆಲಸ ಮಾಡಿದ್ದರು. 1994ರಿಂದ 2016ರ ಮಾರ್ಚ್ವರೆಗೂ ಅವರು ಮಾರ್ಗನ್ ಚೇಸ್ನಲ್ಲಿ ಕೆಲಸ ಮಾಡಿದ್ದರು. ಅಲ್ಲಿಂದ ಬರ್ಕ್ಲೇಸ್ ಅವರನ್ನು ತನ್ನತ್ತ ಸೆಳೆದುಕೊಂಡಿತ್ತು. 2015ರಲ್ಲಿ ಬರ್ಕ್ಲೇಸ್ ಸೇರಿಕೊಂಡಿದ್ದ ಸ್ಟೇಲಿ, ವೆಂಕಟ್ ಅವರನ್ನು ತಮ್ಮ ಬ್ಯಾಂಕ್ಗೆ ನೇಮಿಸಿಕೊಂಡಿದ್ದರು. ಆಪರೇಷನ್ಸ್ ರೀಸರ್ಚ್ನಲ್ಲಿ ಪಿ.ಎಚ್ಡಿ ಸೇರಿದಂತೆ ವೆಂಕಟ್ ಅವರು ಹಲವು ಪದವಿಗಳನ್ನು ಪಡೆದಿದ್ದಾರೆ. ಆಪರೇಷನ್ಸ್ ರೀಸರ್ಚ್ನಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ವೆಂಕಟ್ ಅವರಿಗೆ ತಮ್ಮ ಪೂರ್ವಾಧಿಕಾರಿ ಸ್ಟೇಲಿ ಅವರಿಗಿಂತಲೂ ಅಧಿಕ ವೇತನ ಸಿಗಲಿದೆ. ಅವರಿಗೆ 3.7 ಮಿಲಿಯನ್ ಡಾಲರ್ ಸಂಬಳ ನಿಗದಿಯಾಗಿದೆ. ಸ್ಟೇಲಿ ಅವರ ಸ್ಥಾನಕ್ಕೆ ಕಂಪೆನಿಯ ಹೊರಗಿನ ವ್ಯಕ್ತಿಗಳನ್ನು ನೇಮಿಸುವ ಬಗ್ಗೆ ಸಾಕಷ್ಟು ಚಿಂತನೆ ನಡೆದಿತ್ತು. ಆದರೆ ವೆಂಕಟ್ ಅವರೇ ಅದಕ್ಕೆ ಸೂಕ್ತ ವ್ಯಕ್ತಿ ಎಂದು ವರ್ಷದ ಹಿಂದೆಯೇ ಗುರುತಿಸಲಾಗಿತ್ತು ಎಂದು ಬ್ಯಾಂಕ್ ತಿಳಿಸಿದೆ. ಲೈಂಗಿಕ ಕಳ್ಳಸಾಗಣೆ ಪ್ರಕರಣದಲ್ಲಿ ಬಂಧಿನರಾಗಿದ್ದ ಎಪ್ಸ್ಟೀನ್ ಅವರು 2019ರ ಆಗಸ್ಟ್ ತಿಂಗಳಲ್ಲಿ ತಮ್ಮ ಜೈಲಿನ ಕೊಠಡಿಯಲ್ಲಿ ಶವವಾಗಿ ಪತ್ತೆಯಾಗಿದ್ದರು. ಅವರು ಆತ್ಮಹತ್ಯೆ ಮಾಡಿಕೊಂಡಿದ್ದಾಗಿ ಪೊಲೀಸರು ತಿಳಿಸಿದ್ದರು.
from India & World News in Kannada | VK Polls https://ift.tt/2ZQSHDF
