ಆದರ್ಶ ಕೋಡಿ ದೊಡ್ಡಬಳ್ಳಾಪುರ ಬೆಂಗಳೂರು ಗ್ರಾಮಾಂತರ: ಕೊರೊನಾ ಲಾಕ್‌ಡೌನ್‌ ಅವಧಿ ಹೂವಿನ ಉದ್ಯಮಕ್ಕೆ ಭಾರಿ ಪೆಟ್ಟು ನೀಡಿತ್ತು. ದೇಶದಲ್ಲಿ ಅನ್‌ಲಾಕ್‌ ಪ್ರಕ್ರಿಯೆ ಜಾರಿಗೊಂಡ ನಂತರ ಹೂವಿನ ವಹಿವಾಟು ಹಳೆ ಹಳಿಗೆ ಮರಳಿತ್ತು. ಹೂವಿನ ಮಾರುಕಟ್ಟೆ ಮತ್ತಷ್ಟು ಸುಧಾರಿಸುತ್ತದೆ ಎಂಬ ವಿಶ್ವಾಸದಲ್ಲಿದ್ದ ಹೂವು ಬೆಳೆಗಾರರನ್ನು ಈ ಬಾರಿ ಎಡೆಬಿಡದೆ ಸುರಿದ , ಬೆಂಕಿಯಿಂದ ಬಾಣಲೆಗೆ ತಳ್ಳಿತು. ಮೈತುಂಬ ಬಣ್ಣ ಬಣ್ಣದ ಹೂಗಳನ್ನು ಹೊತ್ತು ನಗು ತುಳುಕಿಸುತ್ತಿದ್ದ ಗಿಡಗಳೆಲ್ಲವೂ ಕೊಳೆತು ನೆಲಕ್ಕೊರಗಿದವು. ಬೆಂಗಳೂರು ಗ್ರಾಮಾಂತರ, ಚಿಕ್ಕಬಳ್ಳಾಪುರ, ಕೋಲಾರ,ರಾಮನಗರ ಸೇರಿದಂತೆ ಎಲ್ಲೆಡೆ ವ್ಯಾಪಕ ಮಳೆಯಾಗುತ್ತಿದೆ. ಇದರಿಂದ ಹೊಲದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ನೀರು ನಿಂತು ಹೂಗಳು ಬಣ್ಣ ಕಳೆದುಕೊಳ್ಳುತ್ತಿವೆ. ಲಕ್ಷಾಂತರ ರೂ. ನಷ್ಟಮಳೆಯು ಈ ಬಾರಿ ತನ್ನ ಬೆಳೆಗಳ ಮೇಲೆ ವಕ್ರದೃಷ್ಟಿ ಬೀರಿದೆ. ಹೆಚ್ಚಾಗಿ ಹೂಬೆಳೆಯುವ ಬಯಲು ಸೀಮೆಯ ಜಿಲ್ಲೆಯಗಳಲ್ಲಿ ವ್ಯಾಪಕ ಮಳೆಯಾಗುತ್ತಿದೆ. ಹೂ ಬೆಳೆದ ಹೊಲಗಳಿಗೆ ನೀರು ನುಗ್ಗಿ ಬೆಳೆ ನೀರು ಪಾಲಾಗಿದೆ. ಎಕರೆಗೆ ಹೂಗಿಡಗಳ ಪೈರಿಗೆ 40 ಸಾವಿರ ರೂ. ಖರ್ಚಾಗುತ್ತದೆ. ಎಲ್ಲಾ ರೀತಿಯ ಖರ್ಚು ಮಾಡಿದ್ದು, ಹಾಕಿದ ಬಂಡವಾಳವೂ ಬರುತ್ತಿಲ್ಲ. ಆದ್ದರಿಂದ ಸೂಕ್ತ ಪರಿಹಾರ ನೀಡಬೇಕೆಂಬುದು ರೈತರು ಮನವಿ ಮಾಡಿದ್ದಾರೆ. ಗುಣಮಟ್ಟವೂ ಕುಸಿತ ಹೂಗಳು ತಮ್ಮ ಬಣ್ಣ, ವಾಸನೆಯಿಂದ ಎಲ್ಲರನ್ನೂ ತಮ್ಮತ್ತ ಸೆಳೆಯುತ್ತವೆ. ಮಳೆಯಿಂದ ಹೂಗಳು ಬೆಳೆದ ಹೊಲಗಳಲ್ಲಿ ನೀರಿನ ಪ್ರಮಾಣ ಹೆಚ್ಚಿದೆ. ನೀರು ಹೆಚ್ಚಿದಂತೆ ಹೂಗಳ ಗುಣಮಟ್ಟ ಕುಸಿತವಾಗುತ್ತದೆ. ಹೂಗಳ ಮೇಲೆ ತೇವಾಂಶ ಹೆಚ್ಚುವುದರಿಂದ ಹೂವಿನ ಬಣ್ಣ ನಿಧಾನವಾಗಿ ಕಳೆದುಕೊಳ್ಳುತ್ತದೆ. ಜತೆಗೆ ಹೂಗಳ ಪರಿಮಳ ಕೂಡ ಮಾಯವಾಗುತ್ತದೆ. ಹಬ್ಬ, ಸಮಾರಂಭಗಳಿಲ್ಲಗುಲಾಬಿ, ಮಾರಿಗೋಲ್ಡ್‌, ಸೇವಂತಿಗೆ, ಸುಗಂಧರಾಜ ಹೂಗಳಿಗೆ ಹಬ್ಬ, ಸಮಾರಂಭಗಳಲ್ಲಿ ದೊಡ್ಡ ಪ್ರಮಾಣದಲ್ಲಿ ಮಾರುಕಟ್ಟೆ ದೊರೆಯುತ್ತದೆ. ಇದೀಗ ಹೊಲಗಳಲ್ಲಿ ಹೂಗಳಿದ್ದರೂ ಹಬ್ಬ, ಸಭೆ, ಸಮಾರಂಭಗಳಿಲ್ಲದೆ ಹೂಗಳ ಬೇಡಿಕೆ ಕುಸಿದಿದೆ. ಇದರಿಂದ ಹೊಲದಲ್ಲಿ ಬಂದಿರುವ ಹೂಗಳು ಮಳೆಗೆ ಸಿಲುಕಿ ಹಾಳಾಗುತ್ತಿವೆ. ಹತ್ತಿರದಲ್ಲಿ ಯಾವುದೇ ಹಬ್ಬಗಳಿಲ್ಲದೆ ರೈತರು ಹೂವಿನ ಬೇಡಿಕೆ ಹೆಚ್ಚಲು ಇನ್ನಷ್ಟು ದಿನ ಕಾಯಬೇಕಿದೆ. ಪ್ರಮುಖಾಂಶಗಳು
- ಮಳೆಯಿಂದ ತರಕಾರಿಗಳೊಂದಿಗೆ ಹೂಗಳಿಗೆ ಅಪಾರ ಹಾನಿ
- ಹೊಲದಲ್ಲಿ ನೀರು ತುಂಬಿ ಹೂ ಗುಣಮಟ್ಟ ಕುಸಿತ
- ಒಂದು ಎಕರೆಗೆ 50 ಸಾವಿರದಿಂದ 1ಲಕ್ಷ ನಷ್ಟ
- ಹೂಬೆಳೆಗಾರರಿಗೆ ಮುಂದುವರೆದ ಮಾರುಕಟ್ಟೆ ಸಮಸ್ಯೆ
- ಹಬ್ಬಗಳಿಲ್ಲದೆ ಹೂಗಳ ಬೇಡಿಕೆ ಕುಸಿತ
from India & World News in Kannada | VK Polls https://ift.tt/3xsAVmy
