ಪ್ರಕಾಶ್‌ ಬಬ್ಬೂರು, ಹಿರಿಯೂರು ದಾವಣಗೆರೆ: ಮಾಯದಂತೆ ಸುರಿದ , ಸತತ ಮೂರನೇ ವರ್ಷ ನಿರಂತರವಾಗಿ ಹರಿಯುತ್ತಿರುವ ಭದ್ರಾ ಸೇರಿ ಬಯಲು ಸೀಮೆಯ ಜೀವನಾಡಿ ಮಾರಿಕಣಿವೆ ಡ್ಯಾಂ ನೀರಿನ ಮಟ್ಟ 122.55 ಅಡಿಗೆ ಮುಟ್ಟಿದೆ. 21 ವರ್ಷಗಳ ನಂತರ ದಾಖಲೆ ನೀರು ಸಂಗ್ರಹವಾಗಿದ್ದು ಈ ಬಾರಿ ಡ್ಯಾಂ ತುಂಬುವ ವಿಶ್ವಾಸದಲ್ಲಿ ಈ ನಾಡಿನ ಜನರ ಸಂಭ್ರಮ ಮುಗಿಲು ಮುಟ್ಟಿದೆ. ರಾಜ್ಯ, ದೇಶದ ಎಲ್ಲ ಡ್ಯಾಂಗಳು ಮುಂಗಾರು ಮಳೆಗೆ ತುಂಬುವುದು ವಾಡಿಕೆ, ಆದರೆ ಈ ಜಲಾಶಯದ ನೀರಿನ ಹರಿವು ಪರಂಪರೆ ಪ್ರಕಾರ ಹಿಂಗಾರು ಮಳೆಗೆ ಈ ಡ್ಯಾಂಗೆ ಹೆಚ್ಚು ನೀರು ಬಂದಿದೆ. ಈ ವರ್ಷ ಕೂಡ ಕಳೆದ ಇದೇ ರೀತಿ ಆಗಿದೆ. ಭದ್ರಾ ಡ್ಯಾಂನಿಂದ ಹರಿಸಿದ ನೀರು ಜತೆ ಕಳೆದ ಒಂದು ತಿಂಗಳಿಂದ ಎಲ್ಲೆಡೆ ಅಬ್ಬರಿಸಿದ ಮಳೆಯಿಂದ ಸಾಕಷ್ಟು ನೀರು ಶೇಖರಣೆ ಆಗಿದೆ. 21 ವರ್ಷದ ಹಿಂದೆ ಇದೇ ರೀತಿ ಚಂಡಮಾರುತದ ಎಫೆಕ್ಟ್ನಿಂದ ವಾರಗಟ್ಟಲೇ ಮಳೆ ಸುರಿದು ನೀರಿನ ಮಟ್ಟ 122 ಅಡಿ ದಾಟಿತ್ತು. ಈ ವರ್ಷ ಶುಕ್ರವಾರಕ್ಕೆ 122. 55 ಅಡಿ ಆಗಿದ್ದು, ಕಳೆದ ಒಂದು ವಾರದಿಂದ 8 ರಿಂದ 10 ಸಾವಿರ ಕ್ಯುಸೆಕ್‌ ತಲುಪಿದ್ದ ಒಳಹರಿವು 1063 ಕ್ಕೆ ಇಳಿದಿದೆ. ಇನ್ನೂ ಮಳೆಯ ಸಾಧ್ಯತೆಯಿದ್ದು ಈ ಬಾರಿ ಡ್ಯಾಂ ತುಂಬಿದರೂ ಅಚ್ಚರಿಯಿಲ್ಲ ಎಂಬಂತಾಗಿದೆ. ನೂರು ವರ್ಷದ ಇತಿಹಾಸದಲ್ಲಿಈ ವರ್ಷ ಸೇರಿ 13 ನೇ ಬಾರಿ 120 ಅಡಿಗಿಂತ ಹೆಚ್ಚಿನ ನೀರು ಸಂಗ್ರಹ ಆಗಿದೆ. 1917ರಲ್ಲಿ ಮೊದಲ ಬಾರಿಗೆ 120.60ಅಡಿ, ಅನಂತರ ಸತತ ಮೂರು ವರ್ಷಗಳು, 1932 ರಿಂದ ಸತತ ನಾಲ್ಕು ವರ್ಷ, 1956ರಿಂದ ಸತತ ಮೂರು ವರ್ಷ ಹಾಗೂ 2000ರಲ್ಲಿ 122.50 ಅಡಿ ಬಂದಿದ್ದು ದಾಖಲೆ. ಅಲ್ಲಿಂದ ಡ್ಯಾಂನಲ್ಲಿ ನೀರು ಕಡಿಮೆಯಾಗುತ್ತಾ 2019ರ ಮಾರ್ಚ್ ವೇಳೆಗೆ 61.5 ಅಡಿಗೆ ಬಂದು ಡೆಡ್‌ಸ್ಟೋರೇಜ್‌ ತಲುಪಿತ್ತು. ಆದರೆ ಮಳೆ ಹಾಗೂ ಭದ್ರೆಯ ಪ್ರಭಾವ ಮತ್ತೆ ನೀರು ಬಂದಿದ್ದು, ಶುಕ್ರವಾರ 122.55ಅಡಿ ನೀರು ಸಂಗ್ರಹ ಮೂಲಕ 21 ವರ್ಷಗಳ ನಂತರ ಅತಿ ಹೆಚ್ಚು ನೀರು ಬಂದಿರುವ ದಾಖಲೆ ಬರೆದಿದೆ. ಅಲ್ಲದೇ 1958ರಲ್ಲಿ ಸಂಗ್ರಹವಾಗಿದ್ದ 124.25ಅಡಿ ದಾಖಲೆಯನ್ನು ಮುರಿಯುತ್ತ ಮುನ್ನುಗ್ಗುತ್ತಿದೆ. ಡ್ಯಾಂ ಚರಿತ್ರೆಯಲ್ಲಿ 58ಬಾರಿ ನೂರು ಅಡಿಗೂ ಹೆಚ್ಚಿನ ನೀರು ಬಂದಿದೆ. ಅಳತೆ ಮಾಪನಗಳಿಗೆ ಮೆರಗುಒಂದು ಕಾಲದಲ್ಲಿ ವೈಭವ ಸಾರಿದ್ದ ಈ ಡ್ಯಾಂ ಇತ್ತೀಚೆಗೆ ಇತಿಹಾಸದ ಪುಟ ಸೇರಿತ್ತು. ಇತ್ತೀಚಿನ ವರ್ಷಗಳಲ್ಲಿ ಡ್ಯಾಂಗೆ ನೀರು ಹರಿದು ಬರಲಿಲ್ಲ, ಡ್ಯಾಂನಲ್ಲಿನ ಅಳತೆ ಮಾಪನ ಸಂಪೂರ್ಣ ಅಳಿಸಿ ಹೋಗಿತ್ತು. ಈಗ ನೀರು ಸಂಗ್ರಹ ಹೆಚ್ಚುತ್ತಿದ್ದಂತೆ ಮಾಪನಗಳು ಬಣ್ಣ ಕಂಡು ಹೊಸದಾಗಿವೆ. ನೀರಿನ ಮಟ್ಟ 135 ಅಡಿವರೆಗೂ ಸ್ಕೇಲ್‌ ಬರೆಯಲಾಗಿದೆ. ನೀರು ಶೇಖರಣೆಯ ದಾಖಲಿಸುವ ಮ್ಯಾಪ್‌ ಕೂಡ ಹಳೆಯದಾಗಿ, ಅಂಕಿ ಅಂಶಗಳೂ ಅಳಿಸಿ ಹೋಗಿದ್ದವು. ಮ್ಯಾಪ್‌ ಕೂಡ ಹೊಸದಾಗಿದೆ. ಅಳತೆ ಮಾಪನಗಳಿಗೆ ಹೊಸ ಮೆರಗು ಬಂದಿದೆ.
from India & World News in Kannada | VK Polls https://ift.tt/2Zrlgra
