ಕಾನ್ಪುರ (ಉತ್ತರ ಪ್ರದೇಶ): ಇಲ್ಲಿನ ಗ್ರೀನ್‌ ಪಾರ್ಕ್‌ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದ ನಾಲ್ಕನೇ ದಿನ ಮೇಲುಗೈ ಸಾಧಿಸಿದ್ದ , ಇಂದು ಐದನೇ ಹಾಗೂ ಅಂತಿಮ ದಿನ ಗೆಲುವಿನ ಮೇಲೆ ಕಣ್ಣಿಟ್ಟಿದೆ. ಶ್ರೇಯಸ್ ಅಯ್ಯರ್(65) ಹಾಗೂ ವೃದ್ದಿಮಾನ್‌ ಸಹಾ(61*) ಅವರ ಅರ್ಧಶತಕಗಳ ನೆರವಿನಿಂದ ಭಾರತ ತಂಡ ಭಾನುವಾರ ಪ್ರವಾಸಿ ನ್ಯಜಿಲೆಂಡ್‌ಗೆ 284 ರನ್ ಕಠಿಣ ಗುರಿ ನೀಡಿತ್ತು. ಅಂತಿಮ ದಿನವಾದ ಇಂದು ಇಲ್ಲಿನ ವಿಕೆಟ್ ಅತ್ಯಂತ ಕಠಿಣವಾಗಿದೆ. ಇದಕ್ಕೆ ತಕ್ಕಂತೆ ಭಾರತದ ಬೌಲರ್‌ಗಳು ಬೌಲಿಂಗ್‌ ದಾಳಿ ನಡೆಸಿದರೆ, ಇನ್ನುಳಿದ 9 ವಿಕೆಟ್‌ಗಳನ್ನು ಪಡೆದುಕೊಳ್ಳಬಹುದು. ಸತ್ವ ಕಳೆದುಕೊಂಡಿರುವ ಪಿಚ್‌ನಲ್ಲಿ ಸ್ಪಿನ್ನರ್‌ಗಳಾದ ಆರ್‌ ಅಶ್ವಿನ್ ಹಾಗೂ ಅಕ್ಷರ್ ಪಟೇಲ್ ಜೋಡಿ ಪ್ರಥಮ ಇನಿಂಗ್ಸ್‌ನಲ್ಲಿ ಸ್ಪಿನ್‌ ಮೋಡಿ ಮಾಡಿದ ರೀತಿಯಲ್ಲೇ ದ್ವಿತೀಯ ಇನಿಂಗ್ಸ್‌ನಲ್ಲಿಯೂ ಮಾಡಿದರೆ, ಟೀಮ್‌ ಇಂಡಿಯಾಗೆ ಗೆಲುವು ಕಟ್ಟಿಟ್ಟ ಬುತ್ತಿ ಎಂದೇ ಹೇಳಬಹುದು. ಕಾನ್ಪುರ ಟೆಸ್ಟ್‌ ಪಂದ್ಯದ ಸಂಕ್ಷಿಪ್ತ ಸ್ಕೋರ್‌ (ನಾಲ್ಕನೇ ದಿನದ ಅಂತ್ಯಕ್ಕೆ) ಭಾರತ: ಮೊದಲ ಇನಿಂಗ್ಸ್ 111.1 ಓವರ್‌ಗಳಲ್ಲಿ 345ಕ್ಕೆ ಆಲ್‌ಔಟ್‌ (ಶುಭಮನ್ ಗಿಲ್ 52, ಚೇತೇಶ್ವರ್‌ ಪೂಜಾರ 26, ಅಜಿಂಕ್ಯ ರಹಾನೆ 35, ಶ್ರೇಯಸ್ ಅಯ್ಯರ್ 105, ರವೀಂದ್ರ ಜಡೇಜಾ ಅಜೇಯ 50; ಕೈಲ್‌ ಜೇಮಿಸನ್‌ 91ಕ್ಕೆ 3, ಟಿಮ್ ಸೌಥೀ 69ಕ್ಕೆ 5, ಎಜಾಝ್ ಪಟೇಲ್ 90ಕ್ಕೆ 2). ನ್ಯೂಜಿಲೆಂಡ್: ಮೊದಲ ಇನಿಂಗ್ಸ್ 142.3 ಓವರ್‌ಗಳಲ್ಲಿ 296ಕ್ಕೆ ಆಲ್‌ಔಟ್‌ (ಟಾಮ್ ಲೇಥಮ್‌ 95, ವಿಲ್‌ ಯಂಗ್ 89; ಅಕ್ಷರ್ ಪಟೇಲ್ 62ಕ್ಕೆ 5, ಆರ್‌ ಅಶ್ವಿನ್ 82ಕ್ಕೆ 3). ಭಾರತ: ಎರಡನೇ ಇನಿಂಗ್ಸ್ 81 ಓವರ್‌ಗಳಲ್ಲಿ 7 ವಿಕೆಟ್‌ಗೆ 234 ರನ್ ಡಿಕ್ಲೇರ್‌ (ಮಯಾಂಕ್ ಅಗರ್ವಾಲ್ 17, ಚೇತೇಶ್ವರ್‌ ಪೂಜಾರ 22, ಶ್ರೇಯಸ್ ಅಯ್ಯರ್ 65, ವೃದ್ಧಿಮಾನ್ ಸಹಾ ಅಜೇಯ 61, ಅಕ್ಷರ್ ಪಟೇಲ್ ಅಜೇಯ 28; ಟಿಮ್ ಸೌಥೀ 75ಕ್ಕೆ 3, ಕೈಲ್‌ ಜೇಮಿಸನ್‌ 40ಕ್ಕೆ 3). ನ್ಯೂಜಿಲೆಂಡ್: ಎರಡನೇ ಇನಿಂಗ್ಸ್ 4 ಓವರ್‌ಗಳಲ್ಲಿ 1 ವಿಕೆಟ್‌ಗೆ 4 ರನ್ (ವಿಲ್‌ ಯಂಗ್ 2; ಆರ್‌ ಅಶ್ವಿನ್ 3ಕ್ಕೆ 1). ಭಾರತ ಟೆಸ್ಟ್‌ ತಂಡ ಅಜಿಂಕ್ಯ ರಹಾನೆ (ನಾಯಕ), ಮಯಾಂಕ್ ಅಗರ್ವಾಲ್, ರವಿಚಂದ್ರನ್ ಅಶ್ವಿನ್, ಶ್ರೀಕರ್ ಭರತ್ (ವಿಕೆಟ್ ಕೀಪರ್), ಶ್ರೇಯಸ್ ಅಯ್ಯರ್, ರವೀಂದ್ರ ಜಡೇಜಾ, ಮೊಹಮ್ಮದ್ ಸಿರಾಜ್, ಅಕ್ಷರ್ ಪಟೇಲ್, ಪ್ರಸಿದ್ಧ್ ಕೃಷ್ಣ, ಚೇತೇಶ್ವರ ಪೂಜಾರ, ವೃದ್ಧಿಮಾನ್ ಸಹಾ (ವಿಕೆಟ್ ಕೀಪರ್), ಇಶಾಂತ್ ಶರ್ಮಾ, ಶುಭಮನ್ ಗಿಲ್, ಉಮೇಶ್ ಯಾದವ್, ಜಯಂತ್ ಯಾದವ್. ಕಿವೀಸ್‌ ಟೆಸ್ಟ್‌ ತಂಡ ಕೇನ್‌ ವಿಲಿಯಮ್ಸನ್ (ನಾಯಕ), ಟಾಮ್ ಬ್ಲಂಡಲ್‌ (ವಿಕೆಟ್‌ಕೀಪರ್‌), ಡೆವೋನ್‌ ಕಾನ್ವೇ, ಕೈಲ್‌ ಜೇಮಿಸನ್‌, ಟಾಮ್ ಲೇಥಮ್‌, ಹೆನ್ರಿ ನಿಕೋಲ್ಸ್‌, ಎಜಾಝ್ ಪಟೇಲ್, ಗ್ಲೆನ್‌ ಫಿಲಿಪ್ಸ್‌, ರಚಿನ್‌ ರವೀಂದ್ರ, ಮಿಚೆಲ್‌ ಸ್ಯಾಂಟ್ನರ್‌, ವಿಲ್‌ ಸಮರ್‌ವಿಲ್ಲೇ, ಟಿಮ್ ಸೌಥೀ, ರಾಸ್‌ ಟೇಲರ್‌, ವಿಲ್‌ ಯಂಗ್ ಮತ್ತು ನೈಲ್‌ ವ್ಯಾಗ್ನರ್‌.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3d0sG7U
