ಕಾನ್ಪುರ (ಉತ್ತರ ಪ್ರದೇಶ): ಇಲ್ಲಿನ ಗ್ರೀನ್‌ ಪಾರ್ಕ್‌ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಮೊದಲನೇ ಟೆಸ್ಟ್‌ ಪಂದ್ಯದ ಐದನೇ ದಿನ ಕತ್ತು ನೋವಿನಿಂದ ವಿಕೆಟ್‌ ಕೀಪಿಂಗ್‌ಗೆ ಕಣಕ್ಕೆ ಇಳಿಯಲಿಲ್ಲ. ಆದರೆ, ಮೂರನೇ ದಿನದಂತೆ ಐದನೇ ಹಾಗೂ ಅಂತಿಮ ದಿನವೂ ಕೆ.ಎಸ್‌ ಭರತ್ ಮತ್ತೊಮ್ಮೆ ಕೀಪಿಂಗ್ ಗ್ಲೌಸ್‌ನೊಂದಿಗೆ ಕಣಕ್ಕೆ ಇಳಿದಿದ್ದಾರೆ. "ಪಂದ್ಯದ ದ್ವಿತೀಯ ಇನಿಂಗ್ಸ್‌ನಲ್ಲಿ ವಿಕೆಟ್‌ ಕೀಪಿಂಗ್ ನಿರ್ವಹಿಸುತ್ತಿದ್ದ ವೇಳೆ ವೃದ್ದಿಮಾನ್‌ ಸಹಾ ಅವರ ಕತ್ತಿನಲ್ಲಿ ನೋವು ಕಾಣಿಸಿಕೊಂಡಿತ್ತು. ಈ ಹಿನ್ನೆಲೆಯಲ್ಲಿ ಅವರು ಮೈದಾನದಲ್ಲಿ ಮುಂದುವರಿಯಲು ಸಾಧ್ಯವಾಗಲಿಲ್ಲ. ಈ ಕಾರಣದಿಂದ ಐದನೇ ದಿನ ಅವರಿಗೆ ವಿಕೆಟ್‌ ಕೀಪಿಂಗ್ ಜವಾಬ್ದಾರಿ ನೀಡಲಾಯಿತು," ಎಂದು ಟ್ವೀಟ್‌ ಮಾಡಿದೆ. ಪಂದ್ಯದ ಎರಡನೇ ದಿನ ಇನಿಂಗ್ಸ್‌ನಲ್ಲಿ ವೃದ್ದಿಮಾನ್‌ ಸಹಾ 55 ಓವರ್‌ಗಳವರೆಗೂ ವಿಕೆಟ್‌ ಕೀಪಿಂಗ್‌ನಲ್ಲಿ ತೊಡಗಿದ್ದರು. ಈ ವೇಳೆ ಅವರು ತಮ್ಮ ಕತ್ತಿನಲ್ಲಿ ನೋವು ಕಾಣಿಸಿಕೊಂಡಿದ್ದ ಬಗ್ಗೆ ಟೀಮ್‌ ಮ್ಯಾನೇಜ್‌ಮೆಂಟ್‌ ಬಳಿ ತಿಳಿಸಿದ್ದರು. ಅದರಂತೆ ಮೂರನೇ ದಿನ ಬೆಳಗ್ಗೆ ಕೂಡ ಬಿಸಿಸಿಐ ಈ ವಿಷಯವನ್ನು ಬಹಿರಂಗಪಡಿಸಿತ್ತು. ಅಂದಹಾಗೆ ಪಂದ್ಯದ ನಾಲ್ಕನೇ ದಿನ ತಂಡ ಅಗ್ರ ಕ್ರಮಾಂಕದ ವಿಕೆಟ್‌ಗಳನ್ನು ಬಹುಬೇಗ ಕಳೆದುಕೊಂಡರೂ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್‌ಗಳ ಅತ್ಯುತ್ತಮ ಬ್ಯಾಟಿಂಗ್‌ ಪ್ರದರ್ಶನದ ನೆರವಿನಿಂದ ನ್ಯೂಜಿಲೆಂಡ್‌ ತಂಡಕ್ಕೆ ಕಠಿಣ ಗುರಿ ನೀಡಿತ್ತು. ಕತ್ತು ನೋವಿನ ಹೊರತಾಗಿಯೂ ಬ್ಯಾಟಿಂಗ್‌ಗೆ ಇಳಿದಿದ್ದ ವೃದ್ದಿಮಾನ್‌ ಸಹಾ 126 ಎಸೆತಗಳಿಗೆ ಅಜೇಯ 61 ರನ್‌ ಗಳಿಸಿದ್ದರು. ಆ ಮೂಲಕ 103 ರನ್‌ಗಳಿಗೆ ಪ್ರಮುಖ 6 ವಿಕೆಟ್‌ಗಳನ್ನು ಕಳೆದುಕೊಂಡಿದ್ದ ಭಾರತ ತಂಡವನ್ನು ಮೇಲೆತ್ತಿದ್ದರು. ಇದಕ್ಕೂ ಮುನ್ನ ಶ್ರೇಯಸ್‌ ಅಯ್ಯರ್‌ ಅತ್ಯುತ್ತಮ ಬ್ಯಾಟಿಂಗ್‌ ಪ್ರದರ್ಶನ ತೋರಿದ್ದರು. ಆಡಿದ್ದ 125 ಎಸೆತಗಳಲ್ಲಿ 65 ರನ್‌ ಗಳಿಸಿ ಮತ್ತೊಮ್ಮೆ ದೊಡ್ಡ ಇನಿಂಗ್ಸ್ ಕಟ್ಟುವ ಭರವಸೆ ಮುಡಿಸಿದ್ದರು. ಆದರೆ, ಟಿಮ್‌ ಸೌಥೀ ಎಸೆತದಲ್ಲಿ ಲೆಗ್‌ ಸೈಡ್ ಹೊರಗಡೆ ಹೋಗುತ್ತಿದ್ದ ಎಸೆತಕ್ಕೆ ಕೈ ಹಾಕಿ ವಿಕೆಟ್‌ ಕೀಪರ್‌ಗೆ ಕ್ಯಾಚಿತ್ತರು. ಅಯ್ಯರ್‌ ಹಾಗೂ ಸಹಾ ಜೋಡಿಯ 64 ರನ್‌ ನಿರ್ಣಾಯಕ ಜೊತೆಯಾಟವಾಡಿತ್ತು. ಅಷ್ಟೇ ಅಲ್ಲದೆ ಅಕ್ಷರ್ ಪಟೇಲ್‌ ಅವರೊಂದಿಗೆ ವೃದ್ದಿಮಾನ್‌ ಸಹಾ 7ನೇ ವಿಕೆಟ್‌ಗೆ 67 ರನ್‌ ಜೊತೆಯಾಟವಾಡಿದ್ದರು. 81 ಓವರ್‌ಗಳಿಗೆ ಭಾರತ ತಂಡ ದ್ವಿತೀಯ ಇನಿಂಗ್ಸ್‌ನಲ್ಲಿ 7 ವಿಕೆಟ್‌ ಕಳೆದುಕೊಂಡು 234 ರನ್‌ ಗಳಿಸಿತ್ತು. ಈ ವೇಳೆ ನಾಯಕ ಅಜಿಂಕ್ಯ ರಹಾನೆ ಡಿಕ್ಲೇರ್‌ ಮಾಡಿಕೊಂಡರು. ಆ ಮೂಲಕ ಭಾರತ, ಕಿವೀಸ್‌ಗೆ 284 ರನ್‌ ಗುರಿ ನೀಡಿತ್ತು. ಕಠಿಣ ಗುರಿ ಬೆನ್ನತ್ತಿದ್ದ ನ್ಯೂಜಿಲೆಂಡ್‌ ತಂಡ ನಾಲ್ಕನೇ ದಿನದಾಂತ್ಯಕ್ಕೆ 4 ಓವರ್‌ಗಳಿಗೆ 4 ರನ್‌ಗೆ ಒಂದು ವಿಕೆಟ್‌ ಕಳೆದುಕೊಂಡಿತ್ತು. ಅತ್ಯುತ್ತಮ ಬೌಲ್‌ ಮಾಡಿದ್ದ ಆರ್‌ ಅಶ್ವಿನ್‌ ವಿಲ್‌ ಯಂಗ್‌ ಅವರನ್ನು ಬಹುಬೇಗ ಔಟ್‌ ಮಾಡಿದ್ದರು. ನಂತರ ಸೋಮವಾರ ಬೆಳಗ್ಗೆ ದ್ವಿತೀಯ ಇನಿಂಗ್ಸ್ ಮುಂದುವರಿಸಿದ ನ್ಯೂಜಿಲೆಂಡ್‌ ತಂಡ ಭಾರತದ ಸವಾಲನ್ನು ಮೆಟ್ಟಿ ನಿಂತಿದೆ. ಐದನೇ ಹಾಗೂ ಅಂತಿಮ ದಿನ ಭೋಜನ ವಿರಾಮದ ಹೊತ್ತಿಗೆ ನ್ಯೂಜಿಲೆಂಡ್‌ ತಂಡ 35 ಓವರ್‌ಗಳಿಗೆ ಒಂದು ವಿಕೆಟ್‌ ನಷ್ಟಕ್ಕೆ 79 ರನ್‌ ಗಳಿಸಿದೆ. ಕ್ರೀಸ್‌ನಲ್ಲಿ ಟಾಮ್‌ ಲೇಥಮ್‌(35*) ಹಾಗೂ ವಿಲಿಯಮ್‌ ಸೋಮರ್‌ವಿಲ್ಲೆ (36*) ಅಜೇಯರಾಗಿ ಉಳಿದಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3o9R65z
