ಬೆಂಗಳೂರು: ತಂಡ ಸೀಮಿತ ಓವರ್‌ಗಳ ಕ್ರಿಕೆಟ್ ಸರಣಿಗಳನ್ನಾಡಲು ಪ್ರವಾಸ ಕೈಗೊಳ್ಳಲಿದೆ. ಈ ಸಲುವಾಗಿ ಸಾರಥ್ಯದ ಬಲಿಷ್ಠ ಏಕದಿನ ಕ್ರಿಕೆಟ್ ಮತ್ತು ಟಿ20 ಕ್ರಿಕೆಟ್ ತಂಡಗಳನ್ನು ವಿಂಡೀಸ್‌ ಕ್ರಿಕೆಟ್ ಮಂಡಳಿ ಶನಿವಾರ ಪ್ರಕಟ ಮಾಡಿದೆ. ತಲಾ ಮೂರು ಪಂದ್ಯಗಳ ಒಡಿಐ ಕ್ರಿಕೆಟ್ ಮತ್ತು ಟಿ20-ಐ ಪಂದ್ಯಗಳ ಕ್ರಿಕೆಟ್ ಸರಣಿಗಳ ಪಂದ್ಯಗಳನ್ನು ಡಿಸೆಂಬರ್‌ 13ರಿಂದ 22ರವರೆಗೆ ಕರಾಚಿಯ ರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಆಯೋಜಿಸಲು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ಮುಂದಾಗಿದೆ. ಚೊಚ್ಚಲ ಆವೃತ್ತಿಯ ಐಸಿಸಿ ಒಡಿಐ ಸೂಪರ್ ಲೀಗ್‌ ಚಾಂಪಿಯನ್‌ಷಿಪ್‌ ಭಾಗವಾಗಿ ಪಾಕಿಸ್ತಾನ-ವೆಸ್ಟ್‌ ಇಂಡೀಸ್‌ ನಡುವಣ ಒಡಿಐ ಸರಣಿ ನಡೆಯಲಿದೆ. ಸದ್ಯ 13 ತಂಡಗಳ ಪೈಕಿ 8ನೇ ಸ್ಥಾನದಲ್ಲಿರುವ ವೆಸ್ಟ್‌ ಇಂಡೀಸ್‌ ತಂಡ ಪಾಕ್ ವಿರುದ್ಧದ ಸರಣಿ ಗೆದ್ದು ತನ್ನ ಸ್ಥಾನ ಸುಧಾರಣೆ ಕಡೆಗೆ ಕಣ್ಣಿಟ್ಟಿದೆ. ಈ ಮಹತ್ವದ ಸರಣಿಯಿಂದ ಸ್ಟಾರ್‌ ಆಲ್‌ರೌಂಡರ್‌ ಜೇಸನ್‌ ಹೋಲ್ಡರ್‌ಗೆ ವಿಶ್ರಾಂತಿ ನೀಡಿರುವುದು ಮಾತ್ರ ಬಹಳಾ ಅಚ್ಚರಿಯ ನಿರ್ಧಾರವಾಗಿದೆ. ಆಟಗಾರರ ಮೇಲಿನ ಹೊರೆ ನಿರ್ವಹಣೆ ಉದ್ದೇಶದಿಂದ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ವಿಂಡೀಸ್‌ ಟೀಮ್‌ ಮ್ಯಾನೇಜ್ಮೆಂಟ್‌ ಹೇಳಿದೆ. ಇನ್ನು ವೈಯಕ್ತಿಕ ಕಾರಣ ಕೊಟ್ಟಿರುವ ಎವಿನ್‌ ಲೂಯಿಸ್‌, ಶಿಮ್ರಾನ್‌ ಹೆಟ್ಮಾಯೆರ್‌, ಮತ್ತು ಲೆಂಡ್ಲ್‌ ಸಿಮನ್ಸ್‌ ಈ ಸರಣಿಯಿಂದ ಹೊರಗುಳಿಯುವ ನಿರ್ಧಾರ ಪ್ರಕಟಿಸಿದ್ದಾರೆ. ಜೊತೆಗೆ ಗಾಯಾಳುಗಳಾದ ಫೇಬಿಯೆನ್‌ ಆಲೆನ್‌ ಮತ್ತು ಒಬೆಡ್‌ ಮೆಕಾಯ್‌ ಅಲಭ್ಯರಾಗಿರುವ ಕಾರಣ ವಿಂಡೀಸ್‌ ಹೆಚ್ಚು ಯುವ ಆಟಗಾರರೊಂದಿಗೆ ಈ ಸರಣಿಯಲ್ಲಿ ಪೈಪೋಟಿ ನಡೆಸಲು ಮುಂದಾಗಿದೆ. ಇತ್ತೀಚೆಗೆ ನಡೆದ ಐಸಿಸಿ ಟಿ20 ಕ್ರಿಕೆಟ್ ವಿಶ್ವಕಪ್‌ ಟೂರ್ನಿಯಲ್ಲಿ ವಿಂಡೀಸ್‌ ತಂಡದ ಹೀನಾಯ ಪ್ರದರ್ಶನದ ಹೊರತಾಗಿಯೂ ಆಲ್‌ರೌಂಡರ್‌ ಕೈರೊನ್‌ ಪೊಲಾರ್ಡ್ ನಾಯಕನ ಸ್ಥಾನದಲ್ಲಿ ಮುಂದುವರಿಯಲಿದ್ದು, ಬ್ಯಾಟ್ಸ್‌ಮನ್‌ ಶೇಯ್‌ ಹೋಪ್‌ ಒಡಿಐ ತಂಡದ ನೂತನ ಉಪನಾಯಕನಾಗಿ ನೇಮಕಗೊಂಡಿದ್ದಾರೆ. ಟಿ20-ಐನಲ್ಲಿ ವಿಕೆಟ್‌ಕೀಪರ್‌ ನಿಕೋಲಸ್‌ ಪೂರನ್‌ಗೆ ವೈಸ್‌ಕ್ಯಾಪ್ಟನ್‌ ಜವಾಬ್ದಾರಿ ಸಿಕ್ಕಿದೆ. ಜಸ್ಟಿನ್ ಗ್ರೇವೆಸ್‌, ಶಾಮ್ರಾಹ್ ಬ್ರೂಕ್ಸ್‌, ಗುಡಕೇಶ್ ಮೋಟೀ ಮತ್ತು ಒಡೇನ್ ಸ್ಮಿತ್‌ ತಂಡದಲ್ಲಿ ಸ್ಥಾನ ಪಡೆದಿರುವ ಹೊಸ ಮುಖಗಳಾಗಿದ್ದಾರೆ. "ಎಲ್ಲಾ ಮಾದರಿಯ ಕ್ರಿಕೆಟ್‌ನಲ್ಲಿ ವಿಂಡೀಸ್‌ ತಂಡಕ್ಕೆ ಕೆಲ ಯುವ ಪ್ರತಿಭೆಗಳ ಆಗಮನವಾಗಿದೆ. ಈ ಆಟಗಾರರು ಅಂತಾರಾಷ್ಟ್ರೀಯ ಮಟ್ಟದಲ್ಲೂ ಸೈ ಎನಿಸಿಕೊಳ್ಳುವ ಸಾಮರ್ಥ್ಯವಿದೆ ಎಂದು ತೋರುವ ಅವಕಾಶ ಸಂಪಾದಿಸಿದ್ದಾರೆ. ಜಸ್ಟಿನ್ ಗ್ರೇವೆಸ್‌ ಅತ್ಯಂತ ಪ್ರಮುಖ ಆಟಗಾರ. ಐರ್ಲೆಂಡ್‌ ವಿರುದ್ಧದ ಸರಣಿಯಲ್ಲಿ ಆತ ಗಮನ ಸೆಳೆದಿದ್ದ. ಒಡೇನ್ ಸ್ಮಿತ್‌ ಸಿಪಿಎಲ್‌ ಟೂರ್ನಿಗಳಲ್ಲಿ ಮಿಂಚಿದ್ದಾರೆ. ಅವರಲ್ಲಿ ಉತ್ತಮ ವೇಗವಿದ್ದು ವಿಕೆಟ್‌ ಟೇಕರ್‌ ಎನಿಸಿಕೊಂಡಿದ್ದಾರೆ," ಎಂದು ವಿಂಡೀಸ್‌ನ ಚೀಫ್‌ ಸೆಲೆಕ್ಟರ್‌ ರೋಜರ್‌ ಹಾರ್ಪರ್‌ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. "ಶಾಮ್ರಾಹ್ ಬ್ರೂಕ್ಸ್‌ ಸಿಪಿಎಲ್‌ನಲ್ಲಿ ಮಿಂಚಿದ ಬಳಿಕ ಇತ್ತೀಚಿಸ ಲಿಸ್ಟ್‌ 'ಎ' ಟೂರ್ನಿಯಲ್ಲೂ ಸ್ಥಿರತೆ ಕಾಯ್ದುಕೊಂಡಿದ್ದಾರೆ. ಅದೇ ರೀತಿ ಉತ್ತಮ ಪ್ರದರ್ಶನ ತೋರಿದ ಗುಡಕೇಶ್ ಮೋಟೀ ಅವರಿಗೂ ಅವಕಾಶ ಕೊಡಲಾಗಿದೆ. ಡಾಮಿನಿಕ್‌ ಡ್ರೇಕ್‌ ಸಾರ್ವಕಾಲಿಕ ಶ್ರೇಷ್ಠ ಆಲ್‌ರೌಂಡರ್‌ ಆಗಿ ಬೆಳೆಯುವ ಸಾಮರ್ಥ್ಯ ಹೊಂದಿದ್ದಾರೆ," ಎಂದು ವಿವರಿಸಿದ್ದಾರೆ. ಪಾಕಿಸ್ತಾನ ಪ್ರವಾಸಕ್ಕೆ ಪ್ರಕಟಿಸಲಾದ ವೆಸ್ಟ್‌ ಇಂಡೀಸ್‌ ತಂಡಗಳು ಹೀಗಿದೆ ಒಡಿಐ ತಂಡ: ಕೈರೊನ್‌ ಪೊಲಾರ್ಡ್ (ನಾಯಕ), ಶೇಯ್‌ ಹೋಪ್‌ (ಉಪನಾಯಕ), ಡರ್ರೆನ್‌ ಬ್ರಾವೊ, ಸಾಮ್ರಾ ಬ್ರೂಕ್ಸ್‌, ರಾಸ್ಟನ್‌ ಚೇಸ್‌, ಜಾಸ್ಟಿನ್‌ ಗ್ರೇವೆಸ್‌, ಅಕೆಲ್ ಹೊಸೇನ್, ಅಲ್ಝಾರಿ ಜೋಸೆಫ್, ಗುಡಕೇಶ್ ಮೋಟೀ, ಆಂಡರ್ಸನ್‌ ಫಿಲಿಪ್‌, ನಿಕೋಲಸ್‌ ಪೂರನ್‌, ರೇಮನ್‌ ರೀಫರ್‌, ರೊಮಾರಿಯೊ ಶೆಫರ್ಡ್‌, ಒಡೇನ್ ಸ್ಮಿತ್‌, ಹೇಡೆನ್‌ ವಾಲ್ಷ್‌ ಜೂನಿಯರ್‌. ಟಿ20 ತಂಡ: ಕೈರೊನ್‌ ಪೊಲಾರ್ಡ್ (ನಾಯಕ), ನಿಕೋಲಸ್‌ ಪೂರನ್‌ (ಉಪನಾಯಕ), ಡರ್ರೆನ್‌ ಬ್ರಾವೋ, ರಾಸ್ಟನ್‌ ಚೇಸ್‌, ಶೆಲ್ಡಮ್‌ ಕಾಟ್ರೆಲ್‌, ಡಾಮಿನಿಕ್‌ ಡ್ರೇಕ್ಸ್‌, ಶೇಯ್‌ ಹೋಪ್‌, ಅಕೇಲ್‌ ಹೊಸೇನ್, ಬ್ರಾಂಡನ್‌ ಕಿಂಗ್‌, ಕೈಲ್‌ ಮೇಯರ್ಸ್‌, ಗುಡಕೇಶ್ ಮೋಟೀ, ರೊಮಾರಿಯೊ ಶಫರ್ಡ್‌, ಒಡೇನ್ ಸ್ಮಿತ್‌, ಒಶೇನ್‌ ಥಾಮಸ್‌, ಹೇಡೆನ್‌ ವಾಲ್ಷ್‌ ಜೂನಿಯರ್‌.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3rczub3
