ಮಹಾಬಲೇಶ್ವರ ಕಲ್ಕಣಿ ಬೆಂಗಳೂರು ಬೆಂಗಳೂರು: ರಾಜ್ಯದಲ್ಲಿ ಮತ್ತು ಸ್ತ್ರೀಯರಲ್ಲಿ ಸಂತಾನ ಶಕ್ತಿಯ ಫಲವತ್ತತೆ() ಪ್ರಮಾಣ ಶೇ.1.7ಕ್ಕೆ ಕುಸಿದಿರುವ ಬಗ್ಗೆ ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷಾ ವರದಿಯಲ್ಲಿ ಹೇಳಲಾಗಿದೆ. 2019-20ರ ವರದಿ ಪ್ರಕಾರ ಗ್ರಾಮೀಣ ಭಾಗದಲ್ಲಿ ಕಳೆದ ಐದು ವರ್ಷಗಳಲ್ಲಿ ಫರ್ಟಿಲಿಟಿ ಪ್ರಮಾಣದಲ್ಲಿ ಯಾವುದೇ ಬದಲಾವಣೆಯಾಗಿಲ್ಲ. ಆದರೆ, ನಗರ ಪ್ರದೇಶಗಳಲ್ಲಿ ಈ ಹಿಂದೆ ದಾಖಲಾಗಿದ್ದ ಫರ್ಟಿಲಿಟಿ ಪ್ರಮಾಣ ಶೇ.1.8ರಿಂದ ಶೇ.1.5ಕ್ಕೆ ಕುಸಿದಿರುವುದು ಕಂಡು ಬಂದಿದೆ. ಕುಸಿತಕ್ಕೆ ಕಾರಣ ಏನು?: ರಾಜ್ಯದಲ್ಲಿ 18 ವರ್ಷದೊಳಗೆ ಮದುವೆಯಾಗಿ ಸದ್ಯ 20-24 ವರ್ಷ ವಯೋಮಾನದ ಸ್ತ್ರೀಯರಲ್ಲಿನ ಫರ್ಟಿಲಿಟಿ ಪ್ರಮಾಣ ಶೇ.21.3ಕ್ಕೆ ಕುಸಿದಿದೆ. 2015-16ರಲ್ಲಿ ಶೇ. 21.4ರಷ್ಟಿತ್ತು. ಇದೇ ವೇಳೆ 21 ವರ್ಷಕ್ಕೆ ಮದುವೆಯಾಗಿ ಸದ್ಯ 25-29 ವಯೋಮಾನದ ಪುರುಷರಲ್ಲಿ ಫರ್ಟಿಲಿಟಿ ಪ್ರಮಾಣ ಶೇ.9.1ರಿಂದ 6.1ಕ್ಕೆ ಇಳಿಕೆಯಾಗಿದೆ. ಪುರುಷ ಮತ್ತು ಮಹಿಳೆಯರಲ್ಲಿ ಫರ್ಟಿಲಿಟಿ ಪ್ರಮಾಣ ಕಡಿಮೆಯಾಗುವುದಕ್ಕೆ ಪರಿಸರ ಮಾಲಿನ್ಯ, ಬದಲಾದ ಜೀವನ ಶೈಲಿ ಹಾಗೂ ಆಹಾರ ಪದ್ಧತಿಯೇ ಪ್ರಮುಖ ಕಾರಣ. ''ಪರಿಸರ ಮಾಲಿನ್ಯದಿಂದ ದೇಹದೊಳಗೆ ಸೇರುವ ಅನಗತ್ಯ ವಸ್ತುಗಳು, ದೇಹದಲ್ಲಿನ ಹಾರ್ಮೋನ್‌ಗಳಲ್ಲಿ ವ್ಯತ್ಯಾಸವನ್ನು ಉಂಟು ಮಾಡುತ್ತವೆ. ಇದು ಫರ್ಟಿಲಿಟಿ ಮೇಲೆ ನೇರ ಪರಿಣಾಮ ಬೀರುತ್ತದೆ. ಕೆಲಸದ ಒತ್ತಡದಿಂದ ಜೈವಿಕ ಚಕ್ರ(ಬಯಾಲಾಜಿಕ್‌ ಕ್ಲಾಕ್‌) ವ್ಯತ್ಯಾಸವಾಗುತ್ತಿದೆ. ಇದು ಪುರುಷರಲ್ಲಿ ವೀರ್ಯಾಣು ಗುಣಮಟ್ಟ ಕುಸಿಯುವಂತೆ ಮಾಡಿದೆ. ಸ್ತ್ರೀಯರಲ್ಲಿ ಪಿಸಿಒಡಿ ತೊಂದರೆ, ಬೊಜ್ಜು, ಥೈರಾಯ್ಡ್‌ ಸಮಸ್ಯೆಗಳು ಅಧಿಕವಾಗುತ್ತಿರುವುದರಿಂದ ಸಂತಾನೋತ್ಪತ್ತಿ ಪ್ರಕ್ರಿಯೆ ನಡೆದರೂ ಫಲವತ್ತತೆ ಕ್ಷೀಣಿಸುತ್ತಿದೆ,'' ಎನ್ನುತ್ತಾರೆ ಲೈಂಗಿಕ ತಜ್ಞೆ ಡಾ. ಪದ್ಮಿನಿ ಪ್ರಸಾದ್‌. ಹರೆಯದವರಲ್ಲೂ ತಗ್ಗಿದ ಫಲವತ್ತತೆ 15ರಿಂದ 19 ವರ್ಷದೊಳಗೆ ಮದುವೆಯಾಗಿ ಈಗಾಗಲೇ ತಾಯಂದಿರಾಗಿರುವ ಅಥವಾ ಸಮೀಕ್ಷೆ ನಡೆಸುವ ಸಂದರ್ಭದಲ್ಲಿ ಗರ್ಭಿಣಿಯಾಗಿರುವವರಲ್ಲಿ ಫರ್ಟಿಲಿಟಿ ಪ್ರಮಾಣ ಶೇ.7.8ರಿಂದ 5.4ಕ್ಕೆ ಕುಸಿದಿದೆ. ಹರೆಯದ ಹೆಣ್ಣುಮಕ್ಕಳ ಫಲವತ್ತತೆಯ ಪ್ರಮಾಣ ಕೂಡ ತೀವ್ರವಾಗಿ ಕುಸಿದಿದೆ. 2015-16ರಲ್ಲಿ ಶೇ.51ರಷ್ಟಿದ್ದ ಪ್ರಮಾಣ ಶೇ.40ಕ್ಕೆ ಕುಸಿದಿದೆ. ಫರ್ಟಿಲಿಟಿ ವೃದ್ಧಿಗೆ ಏನು ಮಾಡಬೇಕು?'ತಾರುಣ್ಯದಲ್ಲಿ ಫಲವತ್ತತೆ ಕುಸಿಯುವುದಕ್ಕೆ ಆಹಾರ ಪದ್ಧತಿ ಮೊದಲ ಕಾರಣ. ಬಹುತೇಕರು ಜಂಕ್‌ ಆಹಾರವನ್ನೇ ಹೆಚ್ಚಾಗಿ ಸೇವಿಸುತ್ತಾರೆ. ದೈಹಿಕವಾಗಿ ದೇಹ ದಂಡಿಸುವುದಿಲ್ಲ. ಇಂದಿನ ಯುವಕ-ಯುವತಿಯರು ಬಹಳ ಹೊತ್ತು ಮೊಬೈಲ್‌ ಮತ್ತು ಲ್ಯಾಪ್‌ಟಾಪ್‌ ಹಾಗೂ ಇನ್ನಿತರ ಎಲೆಕ್ಟ್ರಾನಿಕ್‌ ಗೆಜೆಟ್‌ನಲ್ಲಿ ಕಾಲಕಳೆಯುವುದರಿಂದ ಫರ್ಟಿಲಿಟಿ ಪ್ರಮಾಣ ಕಡಿಮೆಯಾಗುತ್ತಿದೆ'' ಎನ್ನುತ್ತಾರೆ ತಜ್ಞರು. 'ನಿಯಮಿತ ದೈಹಿಕ ವ್ಯಾಯಾಮ ರೂಢಿಸಿಕೊಳ್ಳಬೇಕು. ಜಂಕ್‌ ಆಹಾರದಿಂದ ದೂರ ಇರಬೇಕು. ದೇಹದಲ್ಲಿ ಕೊಬ್ಬು ಶೇಖರಣೆಯಾಗದಂತೆ ನೋಡಿಕೊಳ್ಳಬೇಕು. ಮಾನಸಿಕ ಒತ್ತಡ ಕಡಿಮೆ ಮಾಡಿಕೊಳ್ಳುವುದು. ಚೆನ್ನಾಗಿ ನಿದ್ದೆ ಮಾಡುವ ಮೂಲಕ ಫರ್ಟಿಲಿಟಿ ಪ್ರಮಾಣವನ್ನು ವೃದ್ಧಿಸಿಕೊಳ್ಳಬಹುದು,'' ಎನ್ನುವುದು ತಜ್ಞರ ಸಲಹೆ. ಇಂದು ಪ್ರತಿ ಐವರು ಮಹಿಳೆಯರದಲ್ಲಿ ಒಬ್ಬರು ಪಿಸಿಒಡಿ ತೊಂದರೆಯಿಂದ ಬಳಲುತ್ತಿದ್ದಾರೆ. ರಸಾಯನಿಕ ಸಿಂಪಡಿಸಿದ ಆಹಾರವನ್ನು ಹೆಚ್ಚಾಗಿ ಸೇವಿಸುತ್ತಿರುವುದು, ನಿಯಮಿತ ವ್ಯಾಯಾಮ ಮಾಡದೇ ಇರುವುದು ಪ್ರಮುಖ ಕಾರಣ. ಕೊಬ್ಬಿನಾಂಶದ ಆಹಾರ ಸೇವನೆ ಹಾಗೂ ಮದುವೆಯ ವಯಸ್ಸನ್ನು ಮುಂದೂಡುತ್ತಿರುವುದರಿಂದ ಫರ್ಟಿಲಿಟಿ ಪ್ರಮಾಣ ಕಡಿಮೆಯಾಗುತ್ತಿದೆ. ಜೀವನ ಶೈಲಿ ಬದಲಾವಣೆ ಮೂಲಕ ಸಮಸ್ಯೆಯಿಂದ ಹೊರಬರಲು ಸಾಧ್ಯ. ಡಾ. ಗೀತಾ ಶಿವಮೂರ್ತಿ, ವಾಣಿವಿಲಾಸ ಆಸ್ಪತ್ರೆಯ ನಿರ್ದೇಶಕಿ
from India & World News in Kannada | VK Polls https://ift.tt/3CWatTL
