ಕಾನ್ಪುರ: ಗ್ರೀನ್‌ ಪಾರ್ಕ್‌ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ 2 ಪಂದ್ಯಗಳ ಟೆಸ್ಟ್‌ ಕ್ರಿಕೆಟ್ ಸರಣಿಯ ಮೊದಲ ಹಣಾಹಣಿಯಲ್ಲಿ ಗೆಲ್ಲುವ ಉತ್ತಮ ಸ್ಥಿತಿಯಲ್ಲಿದ್ದ ನಾಲ್ಕನೇ ದಿನದಾಟದ ಮೊದಲ ಅವಧಿಯಲ್ಲಿನ ಕಳಪೆ ಬ್ಯಾಟಿಂಗ್‌ ಕಾರಣ ಸೋಲಿನ ಸುಳಿಗೆ ಸಿಲುಕಿದೆ. ಮೂರನೇ ದಿನದಾಟದ ಅಂತ್ಯಕ್ಕೆ ಎರಡನೇ ಇನಿಂಗ್ಸ್ ಬ್ಯಾಟಿಂಗ್‌ ಆರಂಭಿಸಿದ್ದ ಭಾರತ ತಂಡ ಆರಂಭದಲ್ಲೇ ಶುಭಮನ್ ಗಿಲ್ (1) ವಿಕೆಟ್ ಕಳೆದುಕೊಂಡಿತ್ತು. ಬಳಿಕ ಜೊತೆಯಾಗಿದ್ದ ಮಯಾಂಕ್ ಅಗರ್ವಾಲ್ (17) ಮತ್ತು ಚೇತೇಶ್ವರ್‌ ಪೂಜಾರ (22) ಎರಡನೇ ವಿಕೆಟ್‌ಗೆ 30 ರನ್‌ಗಳ ಜೊತೆಯಾಟ ನಡೆಸಿ ಚೇತರಿಕೆ ತಂದಿದ್ದರು. ಆದರೆ, ನಾಲ್ಕನೇ ದಿನದಾಟದ ಮೊದಲ ಅವಧಿಯಲ್ಲಿ ಭಾರತ ತಂಡದ ಭುಜಂಗ ಬಲವೇ ಅಲುಗಾಡಿ ಹೋಯಿತು. ವೇಗಿಗಳಾದ ಕೈಲ್‌ ಜೇಮಿಸನ್‌ (21ಕ್ಕೆ 2) ಮತ್ತು ಟಿಮ್ ಸೌಥೀ (27ಕ್ಕೆ 2) ಮಾರಕ ದಾಳಿ ನಡೆಸಿ ಟೀಮ್ ಇಂಡಿಯಾಗೆ ಮರ್ಮಾಘಾತ ನೀಡಿದರು. ಉತ್ತಮವಾಗಿ ಆಡುತ್ತಿದ್ದ ಪೂಜಾರಗೆ ಜೇಮಿಸನ್‌ ಪೆವಿಲಿಯನ್‌ ದಾರಿ ತೋರಿದರೆ, ಇದರ ಬೆನ್ನಲ್ಲೇ ನಾಯಕ ಅಜಿಂಕ್ಯ ರಹಾನೆ (4) ಸ್ಪಿನ್ನರ್‌ ಎಜಾಝ್ ಪಟೇಲ್ ಬೌಲಿಂಗ್‌ನಲ್ಲಿ ಎಲ್‌ಬಿ ಬಲೆಗೆ ಬಿದ್ದರು. IND vs NZ ಪ್ರಥಮ ಟೆಸ್ಟ್‌ ಪಂದ್ಯದ Live ಒಂದೇ ಓವರ್‌ನಲ್ಲಿ ಸೌಥೀಗೆ ಎರಡು ವಿಕೆಟ್‌ತಮ್ಮ ದೀರ್ಘಾವಧಿಯ ಸ್ಪೆಲ್‌ಗಳ ಮೂಲಕ ಗಮನ ಸೆಳೆದಿರುವ ಅನುಭವಿ ವೇಗಿ ಟಿಮ್ ಸೌಥೀ, ದಾಳಿ ಆರಂಭಿಸಿದ ಆರಂಭದಲ್ಲೇ ಒಂದೇ ಓವರ್‌ನಲ್ಲಿ 2 ವಿಕೆಟ್ ಕಿತ್ತರು. ಮೊದಲಿಗೆ ಓಪನರ್‌ ಮಯಾಂಕ್ ಅಗರ್ವಾಲ್ ಅವರನ್ನು ಅದ್ಭುತ ಔಟ್‌ ಸ್ವಿಂಗ್‌ ಮೂಲಕ ಸ್ಲಿಪ್ಸ್‌ನಲ್ಲಿ ಕ್ಯಾಚ್‌ ನೀಡುವಂತೆ ಮಾಡಿದರು. ಅದೇ ಓವರ್‌ನಲ್ಲಿ ಎಡಗೈ ಬ್ಯಾಟ್ಸ್‌ಮನ್‌ ರವೀಂದ್ರ ಜಡೇಜಾ (0) ಅವರನ್ನು ಇನ್‌ಸ್ವಿಂಗ್‌ ಎಸೆತದ ಮೂಲಕ ಎಲ್‌ಬಿಡಬ್ಲ್ಯು ಬಲೆಗೆ ಬೀಳಿಸಿದರು. ಕಾನ್ಪುರ ಟೆಸ್ಟ್‌ ಪಂದ್ಯದ ಸಂಕ್ಷಿಪ್ತ (ನಾಲ್ಕನೇ ದಿನದ ಭೋಜನದ ಅಂತ್ಯಕ್ಕೆ)ಭಾರತ: ಮೊದಲ ಇನಿಂಗ್ಸ್ 111.1 ಓವರ್‌ಗಳಲ್ಲಿ 345ಕ್ಕೆ ಆಲ್‌ಔಟ್‌ (ಶುಭಮನ್ ಗಿಲ್ 52, ಚೇತೇಶ್ವರ್‌ ಪೂಜಾರ 26, ಅಜಿಂಕ್ಯ ರಹಾನೆ 35, 105, ರವೀಂದ್ರ ಜಡೇಜಾ ಅಜೇಯ 50; ಕೈಲ್‌ ಜೇಮಿಸನ್‌ 91ಕ್ಕೆ 3, ಟಿಮ್ ಸೌಥೀ 69ಕ್ಕೆ 5, ಎಜಾಝ್ ಪಟೇಲ್ 90ಕ್ಕೆ 2). ನ್ಯೂಜಿಲೆಂಡ್: ಮೊದಲ ಇನಿಂಗ್ಸ್ ವಿಕೆಟ್ ನಷ್ಟವಿಲ್ಲದೆ 142.3 ಓವರ್‌ಗಳಲ್ಲಿ 296ಕ್ಕೆ ಆಲ್‌ಔಟ್‌ (ಟಾಮ್ ಲೇಥಮ್‌ 95, ವಿಲ್‌ ಯಂಗ್ 89; ಅಕ್ಷರ್ ಪಟೇಲ್ 62ಕ್ಕೆ 5, ಆರ್‌ ಅಶ್ವಿನ್ 82ಕ್ಕೆ 3). ಭಾರತ: ಎರಡನೇ ಇನಿಂಗ್ಸ್ 32 ಓವರ್‌ಗಳಲ್ಲಿ 5 ವಿಕೆಟ್‌ಗೆ 84 ರನ್‌ (ಮಯಾಂಕ್ ಅಗರ್ವಾಲ್ 17, ಚೇತೇಶ್ವರ್‌ ಪೂಜಾರ 22; ಟಿಮ್ ಸೌಥೀ 27ಕ್ಕೆ 2, ಕೈಲ್‌ ಜೇಮಿಸನ್‌ 21ಕ್ಕೆ 2). ಭಾರತ ಟೆಸ್ಟ್‌ ತಂಡಅಜಿಂಕ್ಯ ರಹಾನೆ (ನಾಯಕ), ಮಯಾಂಕ್ ಅಗರ್ವಾಲ್, ರವಿಚಂದ್ರನ್ ಅಶ್ವಿನ್, ಶ್ರೀಕರ್ ಭರತ್ (ವಿಕೆಟ್ ಕೀಪರ್), ಶ್ರೇಯಸ್ ಅಯ್ಯರ್, ರವೀಂದ್ರ ಜಡೇಜಾ, ಮೊಹಮ್ಮದ್ ಸಿರಾಜ್, ಅಕ್ಷರ್ ಪಟೇಲ್, ಪ್ರಸಿದ್ಧ್ ಕೃಷ್ಣ, ಚೇತೇಶ್ವರ ಪೂಜಾರ, ವೃದ್ಧಿಮಾನ್ ಸಹಾ (ವಿಕೆಟ್ ಕೀಪರ್), ಇಶಾಂತ್ ಶರ್ಮಾ, ಶುಭಮನ್ ಗಿಲ್, ಉಮೇಶ್ ಯಾದವ್, ಜಯಂತ್ ಯಾದವ್. ಕಿವೀಸ್‌ ಟೆಸ್ಟ್‌ ತಂಡಕೇನ್‌ ವಿಲಿಯಮ್ಸನ್ (ನಾಯಕ), ಟಾಮ್ ಬ್ಲಂಡಲ್‌ (ವಿಕೆಟ್‌ಕೀಪರ್‌), ಡೆವೋನ್‌ ಕಾನ್ವೇ, ಕೈಲ್‌ ಜೇಮಿಸನ್‌, ಟಾಮ್ ಲೇಥಮ್‌, ಹೆನ್ರಿ ನಿಕೋಲ್ಸ್‌, ಎಜಾಝ್ ಪಟೇಲ್, ಗ್ಲೆನ್‌ ಫಿಲಿಪ್ಸ್‌, ರಚಿನ್‌ ರವೀಂದ್ರ, ಮಿಚೆಲ್‌ ಸ್ಯಾಂಟ್ನರ್‌, ವಿಲ್‌ ಸಮರ್‌ವಿಲ್ಲೇ, ಟಿಮ್ ಸೌಥೀ, ರಾಸ್‌ ಟೇಲರ್‌, ವಿಲ್‌ ಯಂಗ್ ಮತ್ತು ನೈಲ್‌ ವ್ಯಾಗ್ನರ್‌.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3FUvDUc
