ಅಮೆರಿಕದ ಪೌರತ್ವ ಹಾಗೂ ವಲಸೆ ಸೇವೆಯ ಅಂಕಿ ಅಂಶಗಳ ಪ್ರಕಾರ, 8 ಲಕ್ಷಕ್ಕೂ ಹೆಚ್ಚು ಭಾರತೀಯರು ಅಮೆರಿಕದ ಗ್ರೀನ್ ಕಾರ್ಡ್ಗಾಗಿ ಕಾಯುತ್ತಿದ್ದಾರೆ. 12 ಲಕ್ಷ ಅರ್ಜಿಗಳ ಪೈಕಿ ಶೇ. 68ರಷ್ಟು ಅರ್ಜಿಗಳು ಭಾರತೀಯರದ್ದೇ ಇದೆ ಎಂದು ತಿಳಿದುಬಂದಿದೆ. ಉದ್ಯೋಗ ಆಧಾರಿತ ಗ್ರೀನ್ ಕಾರ್ಡ್ಗಾಗಿ 2020ರಲ್ಲಿ ಸಲ್ಲಿಕೆಯಾಗಿರುವ ಅರ್ಜಿಗಳ ಪರಾಮರ್ಶೆ ನಡೆಸುವ ವೇಳೆ ಈ ಅಂಕಿಅಂಶ ಬೆಳಕಿಗೆ ಬಂದಿದೆ. ಇದೀಗ ಬಾಕಿ ಉಳಿದಿರುವ 12 ಲಕ್ಷ ಅರ್ಜಿಗಳ ವಿಲೇವಾರಿ ತ್ವರಿತಗತಿಯಲ್ಲಿ ಆಗಬೇಕಿದೆ. ಏಕೆಂದರೆ, ಈ ಮಟ್ಟಿನ ಬಾಕಿ ಈ ಹಿಂದೆ ಎಂದಿಗೂ ಉಳಿದಿರಲಿಲ್ಲ ಎಂದು ಸಮೀಕ್ಷೆಗಳು ತಿಳಿಸಿವೆ. ಇದನ್ನು 8 ದಶಕಗಳ ವಿಳಂಬ ಎಂದು ಬಣ್ಣಿಸಲಾಗಿದೆ. ಕೆಲವು ಲೆಕ್ಕಾಚಾರಗಳ ಪ್ರಕಾರ ಈ 8 ಲಕ್ಷ ಅರ್ಜಿಗಳ ಪೈಕಿ, 2 ಲಕ್ಷ ಜನರು ತಮ್ಮ ಅರ್ಜಿ ವಿಲೇವಾರಿ ಆಗುವ ಮುನ್ನವೇ ಜೀವಿತಾವಧಿ ಮುಗಿಸುವ ಸಾಧ್ಯತೆ ಇದೆ..! ಭಾರತದ ನಂತರದ ಸ್ಥಾನದಲ್ಲಿ ಇರುವ ದೇಶ ಚೀನಾ.. ದೇಶಕ್ಕೆ ಸಲ್ಲಿಕೆಯಾಗಿರುವ ಉದ್ಯೋಗ ಗ್ರೀನ್ ಕಾರ್ಡ್ ಅರ್ಜಿಗಳ ಪೈಕಿ ಶೇ. 14ರಷ್ಟು ಚೀನೀಯರದ್ದು. ಇನ್ನುಳಿದ ಶೆ. 18ರಷ್ಟು ಅರ್ಜಿಗಳು ವಿಶ್ವದ ಇನ್ನಿತರ ದೇಶಗಳದ್ದು ಎಂದು ತಿಳಿದುಬಂದಿದೆ. ಅಮೆರಿಕದ ನಿವಾಸಿ ಎಂದು ಗುರ್ತಿಸಿಕೊಳ್ಳಬೇಕಾದ್ರೆ, ತಮ್ಮ ಉದ್ಯೋಗದಲ್ಲಿ ಅತ್ಯುನ್ನತ ಕೌಶಲ್ಯ ಹೊಂದಿರಬೇಕು. ಇಂಥವರನ್ನು ಶಾಶ್ವತ ಉದ್ಯೋಗ ಕಾರ್ಯಕ್ರಮದಡಿ ಔದ್ಯೋಗಿಕ ನೀಡಿ ಅಮೆರಿಕದಲ್ಲಿ ಉಳಿಸಿಕೊಳ್ಳಲಾಗುತ್ತದೆ. ಒಟ್ಟು 1,40,000 ಮಂದಿಯ ಪೈಕಿ ಪ್ರತಿ ವರ್ಷ ಕೇವಲ ಶೇ. 7ರಷ್ಟು ಮಂದಿಗೆ ಈ ಸೌಲಭ್ಯ ಸಿಗುತ್ತದೆ. ಸಿಎಟಿಒ ವರದಿಗಳ ಪ್ರಕಾರ, ಈವರೆಗೂ ಬಾಕಿ ಇರುವ 8 ಲಕ್ಷ ಅರ್ಜಿಗಳ ವಿಲೇವಾರಿ ತಡ ಆಗಲು ಶೇ. 7ರಷ್ಟು ನಿರ್ಬಂಧ ಹೇರಿರೋದೇ ಕಾರಣ ಎನ್ನಲಾಗಿದೆ. 2021ರಲ್ಲಿ ಇಬಿ-2 ಹಾಗೂ ಇಬಿ-3 ಅಡಿ 1,21,609 ಗ್ರೀನ್ ಕಾರ್ಡ್ ನೀಡಲು ಉದ್ದೇಶಿಸಿತ್ತಾದ್ರೂ, ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ವಲಸೆ ವಿರೋಧಿ ನೀತಿಯಿಂದಾಗಿ ತೊಡಕು ಉಂಟಾಗಿದೆ. ಇದೀಗ ನೂತನ ಅಧ್ಯಕ್ಷ ಜೋ ಬಿಡೆನ್ ಅವರು ಸುಧಾರಣಾ ನೀತಿಗಳನ್ನು ಜಾರಿಗೆ ತರಲೇಬೇಕಿದೆ. ಏಕೆಂದರೆ, ಸದ್ಯದ ನಿಯಮಾವಳಿ ಪ್ರಕಾರ ಬಾಕಿ ಉಳಿದಿರುವ ಅರ್ಜಿ ವಿಲೇವಾರಿಗೆ ಕನಿಷ್ಟ 84 ವರ್ಷ ಬೇಕಾಗುತ್ತದೆ..!
from India & World News in Kannada | VK Polls https://ift.tt/3pMbd8q