ಕೇಪ್ ಟೌನ್: ಸೆಂಟೂರಿಯನ್ ಟೆಸ್ಟ್ ಪಂದ್ಯಲ್ಲಿ ನೀಡಿದ್ದ ನೀರಸ ಪ್ರದರ್ಶನವನ್ನು ಬದಿಗೊತ್ತು ಭರ್ಜರಿ ಕಮ್ಬ್ಯಾಕ್ ಮಾಡಿರುವ ತಂಡದ ವೇಗಿ , ಆತಿಥೇಯ ದಕ್ಷಿಣ ಆಫ್ರಿಕಾ ಎದುರು 2ನೇ ಟೆಸ್ಟ್ನಲ್ಲಿ 40ಕ್ಕೆ 5 ವಿಕೆಟ್ ಉರುಳಿಸಿ ಹಲವು ದಾಖಲೆಗಳನ್ನು ಮುರಿದಿದ್ದಾರೆ. ಇಲ್ಲಿನ ನ್ಯೂಲ್ಯಾಂಡ್ಸ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ 4 ಟೆಸ್ಟ್ಗಳ ಸರಣಿಯ 2ನೇ ಪಂದ್ಯದಲ್ಲಿ ಆಂಡರ್ಸನ್ ತಮ್ಮ ವೃತ್ತಿ ಬದುಕಿನಲ್ಲಿ 28ನೇ ಬಾರಿ ಇನಿಂಗ್ಸ್ ಒಂದರಲ್ಲಿ 5 ವಿಕೆಟ್ಗಳನ್ನು ಉರುಳಿಸಿದ ಸಾಧನೆ ಮಾಡಿದರು. ಇಂಗ್ಲೆಂಡ್ ಪರ ಟೆಸ್ಟ್ ಕ್ರಿಕೆಟ್ನಲ್ಲಿ ಅತಿ ಹೆಚ್ಚು ಬಾರಿ 5 ವಿಕೆಟ್ ಸಾಧನೆ ಮಾಡಿದ ಹೆಗ್ಗಳಿಕೆಯನ್ನೂ ತಮ್ಮದಾಗಿಸಿಕೊಂಡರು. ಈ ಮೂಲಕ ಟೀಮ್ ಇಂಡಿಯಾದ ಅನುಭವಿ ಆಫ್ ಸ್ಪಿನ್ನರ್ (27 ಬಾರಿ) ಮತ್ತು ತಮ್ಮದೇ ದೇಶದ ಬೌಲಿಂಗ್ ದಂತಕತೆ (27 ಬಾರಿ) ಅವರ 5 ವಿಕೆಟ್ಗಳ ದಾಖಲೆಯನ್ನು ಆಂಡರ್ಸನ್ ಮುರಿದಿದ್ದಾರೆ. ಈ ಮೂಲಕ ಅತಿ ಹೆಚ್ಚು ಬಾರಿ 5 ವಿಕೆಟ್ ಪಡೆದ ಸಾಧನೆ ಮಾಡಿರುವ ಬೌಲರ್ಗಳ ಪಟ್ಟಿಯಲ್ಲಿ ಆಂಡರ್ಸನ್ 8ನೇ ಸ್ಥಾನಕ್ಕೇರಿದ್ದಾರೆ. ಶ್ರೀಲಂಕಾದ ಸ್ಪಿನ್ ಬೌಲಿಂಗ್ ದಿಗ್ಗಜ ಮುತ್ತಯ್ಯ ಮುರಳೀ ಧರನ್ ಅತಿ ಹೆಚ್ಚು ಬಾರಿ 5 ವಿಕೆಟ್ ಪಡೆದ ವಿಶ್ವ ದಾಖಲೆ (67 ಬಾರಿ) ಹೊಂದಿದ್ದು, ಆಸ್ಟ್ರೇಲಿಯಾದ ಮಾಜಿ ಲೆಗ್ ಸ್ಪಿನ್ನರ್ ಶೇನ್ ವಾರ್ನ್ (37), ನ್ಯೂಜಿಲೆಂಡ್ನ ರಿಚರ್ಡ್ ಹ್ಯಾಡ್ಲೀ (36), ಭಾರತದ ಅನಿಲ್ ಕುಂಬ್ಳೆ (35), ಲಂಕಾದ ರಂಗನ ಹೆರತ್ (34) ಮತ್ತು ಆಸ್ಟ್ರೇಲಿಯಾ ಗ್ಲೆನ್ ಮೆಗ್ರಾತ್ (29) ನಂತರದ ಸ್ಥಾನಗಳಲ್ಲಿದ್ದಾರೆ. ನಿವೃತ್ತಿಯ ಅಂಚಿನಲ್ಲಿರುವ 37 ವರ್ಷದ ಅನುಭವಿ ಬಲಗೈ ವೇಗಿ ಆಂಡರ್ಸನ್, ದಕ್ಷಿಣ ಆಫ್ರಿಕಾ ತಂಡದ ನಾಯಕ ಫಾಫ್ ಡು'ಪ್ಲೆಸಿಸ್ (1), ಡ್ಯಾನ್ ಪ್ರೆಟೋರಿಯಸ್ (4), ಕೇಶವ್ ಮಹಾರಾಜ್ (4), ಕಗಿಸೊ ರಬಾಡ (0) ಮತ್ತು ಎನ್ರಿಚ್ ನಾರ್ಜೆ (4) ಅವರನ್ನು ಔಟ್ ಮಾಡುವ ಮೂಲಕ ಅಬ್ಬರಿಸಿದರು. ಇದರೊಂದಿಗೆ ಇಂಗ್ಲೆಂಡ್ ತಂಡದ ಮೊದಲ ಇನಿಂಗ್ಸ್ನ 269 ರನ್ಗಳಿಗೆ ಉತ್ತರವಾಗಿ ಪ್ರಥಮ ಇನಿಂಗ್ಸ್ ಬ್ಯಾಟಿಂಗ್ ನಡೆಸುತ್ತಿದ್ದ ದಕ್ಷಿಣ ಆಫ್ರಿಕಾ ತಂಡ 89 ಓವರ್ಗಳಲ್ಲಿ 223 ರನ್ಗಳಿಗೆ ಆಲ್ಔಟ್ ಆಗಿ, ಎದುರಾಳಿ ತಂಡಕ್ಕೆ ಅಲ್ಪ ರನ್ಗಳ ಇನಿಂಗ್ಸ್ ಮುನ್ನಡೆ ಬಿಟ್ಟುಕೊಟ್ಟಿತು. ಟೆಸ್ಟ್ನಲ್ಲಿ ಅತಿ ಹೆಚ್ಚು ಬಾರಿ 5 ವಿಕೆಟ್ ಸಾಧನೆ ಮಾಡಿದ ಬೌಲರ್ಗಳು ಮುತ್ತಯ್ಯ ಮುರಳೀಧರನ್ (ಶ್ರೀಲಂಕಾ): 67 ಶೇನ್ ವಾರ್ನ್ (ಆಸ್ಟ್ರೇಲಿಯಾ): 37 ರಿಚರ್ಡ್ ಹ್ಯಾಡ್ಲೀ (ನ್ಯೂಜಿಲೆಂಡ್): 36 ಅನಿಲ್ ಕುಂಬ್ಳೆ (ಭಾರತ): 35 ರಂಗನ ಹೆರತ್ (ಶ್ರೀಲಂಕಾ): 34 ಗ್ಲೆನ್ ಮೆಗ್ರಾತ್ (ಆಸ್ಟ್ರೇಲಿಯಾ): 29 ಜೇಮ್ಸ್ ಆಂಡರ್ಸನ್ (ಇಂಗ್ಲೆಂಡ್): 28* ಆರ್ ಅಶ್ವಿನ್ (ಭಾರತ): 27* ಇಯಾನ್ ಬಾಥಮ್ (ಇಂಗ್ಲೆಂಡ್): 27
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/37GRBcb
