ಹ್ಯಾಮಿಲ್ಟನ್: ನ್ಯೂಜಿಲೆಂಡ್‌ಗರು ಯಾವತ್ತೂ ಸೌಮ್ಯ ಹೃದಯಿಯಾಗಿದ್ದು, ಮೃದು ಸ್ವಭಾವವನ್ನು ಮೆರೆಯುತ್ತಾರೆ ಎಂಬ ಪ್ರತೀತಿಯಿದೆ. ಹಾಗೆಯೇ ಯಾವತ್ತೂ ಆತಿಥಿಗಳನ್ನು ಬರ ಮಾಡಿಕೊಳ್ಳುವುದರಲ್ಲಿ ಎತ್ತಿದ ಕೈ. ಹಾಗಿರಬೇಕೆಂದರೆ ಪ್ರವಾಸಿ ಭಾರತ ವಿರುದ್ಧ ನಡೆಯುತ್ತಿರುವ ಟ್ವೆಂಟಿ-20 ಸರಣಿಯ ವೇಳೆಯಲ್ಲಿ ಕಿವೀಸ್ ಅಭಿಮಾನಿಯೊಬ್ಬ '' ಘೋಷಣೆ ಕೂಗುವ ಮೂಲಕ ಗಮನ ಸೆಳೆದಿದ್ದಾರೆ. ಭಾರತ ಹಾಗೂ ನ್ಯೂಜಿಲೆಂಡ್ ನಡುವಣ ಹ್ಯಾಮಿಲ್ಟನ್‌ನಲ್ಲಿ ನಡೆಯುತ್ತಿರುವ ಮೂರನೇ ಟ್ವೆಂಟಿ-20 ಪಂದ್ಯದಲ್ಲಿ ಈ ದೃಶ್ಯಗಳು ಕಂಡುಬಂದಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿ ಹರಡುತ್ತಿದೆ. ಕಿವೀಸ್ ಅಭಿಮಾನಿಗೆ ಭಾರತ್ ಮಾತಾ ಕೀ ಜೈ ಎಂದು ಘೋಷಣೆ ಕೂಗುವಂತೆ ಭಾರತೀಯ ಅಭಿಮಾನಿಗಳು ವಿನಂತಿಸುತ್ತಾರೆ. ಇದಕ್ಕೆ ಕೈ ಜೋಡಿಸಿದ ನ್ಯೂಜಿಲೆಂಡ್ ಫ್ಯಾನ್, ಭಾರಿ ಜೋಶ್‌ನಿಂದ ಭಾರತ್ ಮಾತಾ ಕೀ ಜೈ ಎಂದು ಘೋಷಣೆ ಕೂಗುತ್ತಾರೆ. ಸರಣಿ ಆರಂಭಕ್ಕೂ ಮೊದಲು ನ್ಯೂಜಿಲೆಂಡ್ ಆಟಗಾರರ ಉತ್ತಮ ನಡವಳಿಕೆಯ ಬಗ್ಗೆ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಪ್ರಶಂಸೆಯ ಮಾತುಗಳನ್ನಾಡಿದರು. ಏಕದಿನ ವಿಶ್ವಕಪ್‌ನಲ್ಲಿ ಸೆಮಿಫೈನಲ್‌ನಲ್ಲಿ ಎದುರಾದ ಸೋಲಿಗೆ ಪ್ರತಿಯಾಗಿ ಸೇಡಿನ ಸರಣಿಯನ್ನು ಎದುರು ನೋಡುತ್ತಿದ್ದಾರೆಯೇ ಎಂಬುದಕ್ಕೆ ಉತ್ತರವಾಗಿ, ಅಂತಹ ಪ್ರಶ್ನೆಯೇ ಉದ್ಭವಿಸುವುದಿಲ್ಲ ಎಂದು ವಿರಾಟ್ ಕೊಹ್ಲಿ ತಿಳಿಸಿದ್ದರು. ನ್ಯೂಜಿಲೆಂಡ್ ಆಟಗಾರರು ಒಳ್ಳೆಯ ವ್ಯಕ್ತಿಗಳಿದ್ದು, ನಾವು ಆ ರೀತಿಯಾಗಿ ಯೋಚನೆ ಮಾಡುತ್ತಿಲ್ಲ. ಅಂತಾರಾಷ್ಟ್ರೀಯ ಕ್ರಿಕೆಟ್‌ಗೆ ಉತ್ತಮ ನಿದರ್ಶನ ಬರೆದಿದ್ದಾರೆ. ಇವೆಲ್ಲವೂ ಮೈದಾನದಲ್ಲಿ ಸ್ಪರ್ಧಾತ್ಮಕ ಕ್ರಿಕೆಟ್‌ಗಷ್ಟೇ ಸೀಮಿತ ಎಂದು ಉಲ್ಲೇಖಿಸಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2GzC3LQ
