ಚಿಕ್ಕಮಗಳೂರು: ಸಿ.ಎಂ. ಇಬ್ರಾಹಿಂ ಅವರ ಜೀವನಕ್ಕಿಂತಲೂ ದೇವದಾಸಿಯರ ಜೀವನ ಎಷ್ಟೋ ಪಾಲು ಉತ್ತಮ ಎಂದು ಪ್ರವಾಸೋದ್ಯಮ, ಕನ್ನಡ ಮತ್ತು ಸಂಸ್ಕೃತಿ, ಪ್ರಾಚ್ಯವಸ್ತು ಹಾಗೂ ಸಕ್ಕರೆ ಖಾತೆ ಸಚಿವ ಸಿ.ಟಿ. ರವಿ ಅವರು ಅವರ ಹೇಳಿಗೆ ಟಾಂಗ್ ನೀಡಿದ್ದಾರೆ. ಚಿಕ್ಕಮಗಳೂರಿನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದರು. ಗೆದ್ದಿರುವ ಶಾಸಕರನ್ನು ದೇವದಾಸಿಯರಿಗೆ ಹೋಲಿಸಿ ವಿವಾದಾತ್ಮಕ ಹೇಳಿಕೆ ನೀಡಿದ್ದ ಸಿ.ಎಂ ಇಬ್ರಾಹಿಂ ಅವರಿಗೆ ಪರೋಕ್ಷವಾಗಿ ಟಾಂಗ್ ನೀಡಿದ್ದಾರೆ. ದೇವದಾಸಿಯರ ಹಿನ್ನಲೆ ಇಬ್ರಾಹಿಂ ಅವರಿಗೆ ಗೊತ್ತಿಲ್ಲ. ಅವರದ್ದು ಬಹಳ ಪವಿತ್ರವಾಗಿರುವ ಬದುಕು. ಅವರ ಬದುಕನ್ನು ಅಪಮಾನ ಮಾಡಿರುವುದನ್ನು ಖಂಡಿಸುತ್ತೇನೆ. ಇದು ಹಿಬ್ರಾಹಿಂ ಅವರ ಕೀಳು ಮನಸ್ಥಿತಿಯನ್ನು ತೋರಿಸುತ್ತದೆ ಎಂದು ಇಬ್ರಾಹಿಂ ಅವರ ಹೇಳಿಕೆಗೆ ವಿರೋಧ ವ್ಯಕ್ತಪಡಿಸಿದರು. ಇಬ್ರಾಹಿಂ ಅವರು ತಮ್ಮ ಜೀವನ ಹೇಗೆ? ಮತ್ತು ದೇವದಾಸಿಯವರ ಜೀವನ ಹೇಗೆ ? ಎಂಬುದನ್ನು ಅವರೇ ಹೋಲಿಕೆ ಮಾಡಿಕೊಳ್ಳಲಿ ಎಂದರು.
from India & World News in Kannada | VK Polls https://ift.tt/37zN8Z4
