ಬೆಂಗಳೂರು: ಶಿವಾಜಿನಗರ ಶಾಸಕರಾಗಿ ಆಯ್ಕೆಯಾದ ಹಿನ್ನೆಲೆಯಲ್ಲಿ ರಾಜೀನಾಮೆಯಿಂದ ತೆರವಾಗಿದ್ದ ವಿಧಾನ ಪರಿಷತ್ತಿನ ಒಂದು ಸ್ಥಾನಕ್ಕೆ ಫೆ.17 ರಂದು ಚುನಾವಣೆ ನಡೆಯಲಿದೆ. ಈ ಸ್ಥಾನಕ್ಕೆ ಉಪ ಮುಖ್ಯಮಂತ್ರಿ ಬಿಜೆಪಿ ಅಭ್ಯರ್ಥಿಯಾಗುವುದು ಬಹುತೇಕ ಖಚಿತವಾಗಿದೆ. ಚುನಾವಣಾ ಆಯೋಗ ಸೋಮವಾರ ಮೇಲ್ಮನೆ ಸ್ಥಾನಕ್ಕೆ ಉಪಚುನಾವಣೆಯ ವೇಳಾಪಟ್ಟಿ ಬಿಡುಗಡೆ ಮಾಡಿದೆ. ರಾಜ್ಯದಲ್ಲಿ ಕಳೆದ ತಿಂಗಳು ನಡೆದ 15 ಕ್ಷೇತ್ರಗಳ ಉಪ ಚುನಾವಣೆಯಲ್ಲಿ ಕಾಂಗ್ರೆಸ್‌ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದ ಮೇಲ್ಮನೆ ಸದಸ್ಯ ರಿಜ್ವಾನ್‌ ಅರ್ಷದ್‌ ಜಯಗಳಿಸಿದ್ದರು. ಈ ಹಿನ್ನೆಲೆಯಲ್ಲಿ ಅವರು ಮೇಲ್ಮನೆ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಿದ್ದರು. ಈಗ ಆ ಸ್ಥಾನಕ್ಕೆ ಉಪ ಚುನಾವಣೆ ಘೋಷಣೆಯಾಗಿದೆ. ಸವದಿಗೆ ಗ್ರೀನ್‌ ಸಿಗ್ನಲ್‌: ಜೆಡಿಎಸ್‌-ಕಾಂಗ್ರೆಸ್‌ ಮೈತ್ರಿ ಸರಕಾರ ಪತನಗೊಂಡ ಬಳಿಕ ಬಿಎಸ್‌ ಯಡಿಯೂರಪ್ಪ ಸರಕಾರದಲ್ಲಿ ಲಕ್ಷ್ಮಣ ಸವದಿ ಅವರು ಕಳೆದ ಆಗಸ್ಟ್‌ 26 ರಂದು ಉಪ ಮುಖ್ಯಮಂತ್ರಿಯಾಗಿ ಅಧಿಕಾರ ಸ್ವೀಕರಿಸಿದ್ದರು. ಯಾವುದೇ ಸದನದ ಸದಸ್ಯರಾಗದೇ ಸಚಿವರಾಗಿದ್ದರು. ಅಧಿಕಾರ ಸ್ವೀಕರಿಸಿದ 6 ತಿಂಗಳ ಒಳಗೆ ಅಂದರೆ ಫೆ.26ರ ಒಳಗೆ ಪರಿಷತ್‌ ಇಲ್ಲವೇ ವಿಧಾನಸಭೆಯ ಸದಸ್ಯರಾಗಬೇಕಾದ ಅನಿವಾರ್ಯತೆ ಇತ್ತು. ಅವಿರೋಧ ಆಯ್ಕೆ ಸಾಧ್ಯತೆ: ವಿಧಾನಸಭೆಯಿಂದ ವಿಧಾನ ಪರಿಷತ್ತಿಗೆ ನಡೆಯುವ ಈ ಚುನಾವಣೆಯಲ್ಲಿ ವಿಧಾನಸಭೆಯಲ್ಲಿ ಆಡಳಿತ ಪಕ್ಷ ಬಿಜೆಪಿ ಹೊಂದಿರುವ ಸಂಖ್ಯಾಬಲದ ಮೇಲೆ ಗೆಲುವು ಸಾಧಿಸಲಿದೆ. ಪ್ರತಿಪಕ್ಷದಲ್ಲಿ ಒಡಕು ಉಂಟಾದ್ದರಿಂದ ಸ್ಪರ್ಧಿಸುವದು ಕಡಿಮೆ ಎನ್ನಲಾಗಿದೆ. ಚುನಾವಣೆ ಪ್ರಕ್ರಿಯೆ ಜ.30 ಅಧಿಸೂಚನೆ ಪ್ರಕಟ ಫೆ.6 ನಾಮಪತ್ರಗಳ ಪರಿಶೀಲನೆ ಫೆ.10 ನಾಮಪತ್ರ ವಾಪಸ್‌ ದಿನ ಫೆ.17 ಮತದಾನ ಫೆ.17 ಫಲಿತಾಂಶ ಪ್ರಕಟ ಮತದಾನ ಸಮಯ: ಬೆಳಗ್ಗೆ 9 ರಿಂದ ಸಂಜೆ 4 ಖಾಲಿ ಸ್ಥಾನ: 02 ಸದನದ ಬಲ ಬಿಜೆಪಿ 118 ಕಾಂಗ್ರೆಸ್‌ 68 ಜೆಡಿಎಸ್‌ 34 ಬಿಎಸ್‌ಪಿ 1 ಪಕ್ಷೇತರ 1 ಒಟ್ಟು ಬಲ 222
from India & World News in Kannada | VK Polls https://ift.tt/36w4ZPd
