ರಾಮನಗರ: ನಾನು ಜೆಡಿಎಸ್ ಪಕ್ಷದಲ್ಲಿ ಇರುವಷ್ಟು ದಿನ ಚುನಾವಣೆಯಲ್ಲಿ ಗೆಲ್ಲುತ್ತೇನೋ ಇಲ್ಲವೋ ಎಂಬ ಭಯ ಇರುತ್ತಿತ್ತು. ಆದರೆ, ಈಗ ಯಾವುದೇ ಭಯವಿಲ್ಲ ಎಂದು ಎಂದು ಶಿಕ್ಷಕರ ಕ್ಷೇತ್ರದ ವಿಧಾನಪರಿಷತ್ ಬಿಜೆಪಿ ಅಭ್ಯರ್ಥಿ ಪುಟ್ಟಣ್ಣ ಹೇಳಿದರು. ಚನ್ನಪಟ್ಟಣದಲ್ಲಿ ಬುಧವಾರ ಶಿಕ್ಷಕರ ಸಭೆ ನಡೆಸಿ ಚುನಾವಣಾ ಪ್ರಚಾರ ನಡೆಸಿದರು. ಈ ಸಂದರ್ಭದಲ್ಲಿ ಮಾತನಾಡಿದ ಅವರು ಮಾಜಿ ಸಿಎಂ ಹೆಚ್.ಡಿ.ಕುಮಾರಸ್ವಾಮಿ ಹೆಸರೇಳದೆ ಟಾಂಗ್ ಕೊಟ್ಟರು. ಬಿಜೆಪಿಯಿಂದ ಸ್ಪರ್ಧೆ ಮಾಡ್ತಿದ್ದೇನೆ, ಶೇ.100 ರಷ್ಟು ಗೆಲ್ಲುವ ವಿಶ್ವಾಸವಿದೆ. ಜೆಡಿಎಸ್ ನಲ್ಲಿದ್ದಾಗ ಚುನಾವಣೆ ಗೆಲ್ಲುವ ಭಯವಿತ್ತು, ಆದರೆ ಈಗ ತಿಳಿಸಿದರು. ಇನ್ನು ನಾನು ಸುಳ್ಳು ಹೇಳಲ್ಲ. ಮೋಸ ಮಾಡಲ್ಲ. ಮೋಸ ಮಾಡುವ ಮನಸ್ಸು ಬಂದ್ರೆ ನನ್ನ ಕ್ಷೇತ್ರ ಬಿಡ್ತೇನೆ ಎಂದರು. ಜೆಡಿಎಸ್ ನಲ್ಲಿ ತನಗಾಗಿರುವ ತೊಂದರೆ ಬಗ್ಗೆ ಮಾತನಾಡಿ ಅತ್ತೆ ಕೊಟ್ಟ ಕಾಟ ಸೊಸೆಗೆ ಗೊತ್ತು, ಸೊಸೆ ಕೊಟ್ಟ ಕಾಟ ಅತ್ತೆಗೆ ಗೊತ್ತು. ಅದೇ ರೀತಿ ನಮಗಾಗಿರುವ ಸಮಸ್ಯೆಗಳು ನಮಗೆ ಗೊತ್ತಿದೆ ಎಂದರು. ಸಮಯ ಸಂದರ್ಭ ಬರಲಿ ಮಾತಾಡ್ತೇನೆ. ಇನ್ನು ಈ ವ್ಯವಸ್ಥೆಯಲ್ಲಿ ಯಾರ್ಯಾರು ಏನೇನು ಆಗಿದ್ದಾರೆಂದು ನೋಡಿದ್ದೇವೆ. ಈಗ ಗುಡ್ಡವೇ ಕುಸಿಯುತ್ತಿದೆ. ಅದನ್ನ ಕಟ್ಟಿಟ್ಟುಕೊಳ್ಳಲಿ ಅಷ್ಟೇ. ಪ್ರತಿಯೊಬ್ಬ ಕಾರ್ಯಕರ್ತನು ಕೂಡ ಮುಖ್ಯವೇ. ಆ ಮನೋಭಾವನೆ ಇದ್ದರೆ ಮಾತ್ರ ಕಟ್ಟಿದ್ದನ್ನ ಉಳಿಸಿಕೊಳ್ಳಲು ಸಾಧ್ಯ. ಇಲ್ಲದಿದ್ದರೆ ನಮಗೂ ಉಳಿಗಾಲವಿಲ್ಲ ನಮ್ಮ ಜೊತೆಗಿರುವವರಿಗೂ ಉಳಿಗಾಲ ಇರುವುದಿಲ್ಲ. ಒಂದೊಂದೇ ಇಟ್ಟಿಗೆಗಳು ಹೋಗ್ತಾ ಇದೇ. ಅದು ಆಗಬಾರದು. ಅವರಿಗೆ ಒಳ್ಳೆಯದಾಗಲಿ ಎಂದು ಮಾಜಿ ಸಿಎಂ ಹೆಚ್.ಡಿ. ಕುಮಾರಸ್ವಾಮಿ ಅವರ ಹೆಸರೇಳದೆ ಚಾಟಿ ಬೀಸಿದರು.
from India & World News in Kannada | VK Polls https://ift.tt/38MJ0VO
