ಹೊಸದಿಲ್ಲಿ: ಮಾಜಿ ಆಟಗಾರರು ದುಡ್ಡಿಗಾಗಿ ಭಾರತೀಯ ಆಟಗಾರರನ್ನು ಹೊಗಳುತ್ತಾರೆ ಎಂಬ ಭಾರತದ ಮಾಜಿ ಡ್ಯಾಶಿಂಗ್ ಓಪನರ್ ಹೇಳಿಕೆಗೆ ಪಾಕ್ ಮಾಜಿ ವೇಗದ ಬೌಲರ್ ಶೋಯಬ್ ಅಖ್ತರ್ ತಿರುಗೇಟು ನೀಡಿದ್ದರು. ಇದೀಗ ಮಗದೊಬ್ಬ ಪಾಕಿಸ್ತಾನ ಮಾಜಿ ವೇಗದ ಬೌಲರ್ ಇದಕ್ಕೆ ಸಮಾನವಾದ ಹೇಳಿಕೆಯನ್ನು ನೀಡಿದ್ದಾರೆ. ಪಾಕಿಸ್ತಾನದ ಮಾಜಿ ವೇಗದ ಬೌಲರ್ ತಿರುಗೇಟು ನೀಡಿದ್ದಾರೆ. ಈ ಹಿಂದೆ ವೀರೇಂದ್ರ ಸೆಹ್ವಾಗ್ ನಾಯಕತ್ವವನ್ನು ರಾಣಾ ನವೀದ್ ಹೊಗಳಿದಿದ್ದರು. ಇದಕ್ಕೆ ಪ್ರತಿಯಾಗಿ ಸಂದರ್ಶನವೊಂದರಲ್ಲಿ ವೀರೇಂದ್ರ ಸೆಹ್ವಾಗ್, ಭಾರತೀಯ ಕ್ರಿಕೆಟ್ ಚಾನೆಲ್ ಚರ್ಚೆಯಲ್ಲಿ ಕುಳಿತುಕೊಳ್ಳುವುದಕೋಸ್ಕರ ಭಾರತೀಯ ಆಟಗಾರರನ್ನು ಹೊಗಳುತ್ತಾರೆ ಎಂದು ಹೇಳಿದ್ದರು. ಇದಕ್ಕೆ ರಾಣಾ ನವೇದ್ ಪ್ರತ್ಯುತ್ತಮ ನೀಡಿದ್ದಾರೆ. "ಹಿಂದೊಮ್ಮೆ ದುಬೈನಲ್ಲಿ ನಡೆದ ಲೀಗ್‌ವೊಂದರಲ್ಲಿ ಸೆಹ್ವಾಗ್ ನಮ್ಮ ನಾಯಕರಾಗಿದ್ದರು. ಅಲ್ಲಿ ನಾನು ಇನ್ಜಾಮಾನ್ ಉಲ್ ಹಕ್ ಉತ್ತಮ ನಾಯಕ ಎಂದು ಶ್ಲಾಘನೆ ಮಾಡಿದ್ದೆ. ಅವರ ನಾಯಕತ್ವದಲ್ಲಿ ಪಾಕಿಸ್ತಾನ ನಂ.1 ತಂಡವಾಯಿತು. ಅವರೆಲ್ಲವೂ ಲೆಜೆಂಡ್. ಈ ಸಂದರ್ಭದಲ್ಲಿ ಸೆಹ್ವಾಗ್ ಅವರನ್ನು ಹೊಗಳಿದ್ದೆ. ಎಂಸಿಎಲ್ ಆಡುವಾಗ ಸೆಹ್ವಾಗ್ ನಮ್ಮ ತಂಡದ ನಾಯಕರಾಗಿದ್ದರು. ಅಲ್ಲದೆ ಟೂರ್ನಿಯನ್ನು ನಾವು ಗೆದ್ದಿದ್ದೆವು. ನಾಯಕನಿಂದಲ್ಲ ಬದಲಾಗಿ ಆಟಗಾರರಿಂದಾಗಿ ನಾವು ಗೆದ್ದೆವು. ಆದರೂ ನಾಯಕನಾದ ನಿಮಗೆ ಶ್ರೇಯಸ್ಸು ಸಲ್ಲುತ್ತದೆ. ಆದರೆ ನನ್ನ ಮಾತನ್ನು ನೀವು ತಪ್ಪಾಗಿ ಅರ್ಥೈಸಿಕೊಂಡು ಲಾಭ ಎತ್ತಲು ಪ್ರಯತ್ನ ಮಾಡುತ್ತಿದ್ದಾರೆ. ಚಾನೆಲ್‌ನಲ್ಲಿ ಕುಳಿತುಕೊಳ್ಳುವುದಕೋಸ್ಕರವಲ್ಲ. ದೇವರು ನಮಗೆ ಬೇಕಾದಷ್ಟು ಕೊಟ್ಟಿದ್ದಾರೆ. ಎರಡು ವರ್ಷಗಳ ಹಿಂದೆಯೂ ನೀವು ಇದೇ ಮಾತುಗಳನ್ನು ಆಡಿದ್ದೀರಿ. ಆದರೆ ನಾವು ಪ್ರತಿಕ್ರಿಯೆ ನೀಡಲಿಲ್ಲ. ಆದರೆ ಈಗ ನಿಮ್ಮ ನಾಳಿಗೆಯನ್ನು ಮುಚ್ಚಲೇಬೇಕಾಗುತ್ತದೆ. ನಮ್ಮ ಲೆಜೆಂಡ್‌ಗಳ ಬಗ್ಗೆ ಒಂದು ಮಾತನ್ನು ತಪ್ಪಾಗಿ ಆಡಿದರೆ ಜೋಕೆ! ಯಾಕೆಂದರೆ ಯಾವತ್ತೂ ನಾವು ಮಹಾನ್ ಆಟಗಾರರಿಗೆ ಗೌರವ ಕೊಡುವುದನ್ನು ಕಲಿತುಕೊಂಡಿದ್ದೇವೆ. ನೀವು ಕೂಡಾ ದೊಡ್ಡವರಿಗೆ ಗೌರವ ಕೊಡಲು ಕಲಿಯಿರಿ. ಥ್ಯಾಂಕ್ಯೂ ವೆರಿ ಮಚ್, ನಿಮ್ಮ ಆರೋಗ್ಯ ನೋಡಿಕೊಳ್ಳಿ" ಎಂದು ನವೇದ್ ಸೇರಿಸಿದರು. ಸೆಹ್ವಾಗ್ ತಮ್ಮ ಹೇಳಿಕೆಯಲ್ಲಿ ನಿವೃತ್ತಿ ಬಳಿಕ ಯೂಟ್ಯೂಬ್ ಚಾನೆಲ್ ನಡೆಸಿಕೊಳ್ಳುತ್ತಿರುವ ಪಾಕ್ ಮಾಜಿ ಆಟಗಾರರು, ದುಡ್ಡಿಗಾಗಿ ಭಾರತೀಯ ಆಟಗಾರರನ್ನು ಶ್ಲಾಘಿಸುತ್ತಾರೆ ಎಂದಿದ್ದರು. ವೀರು ಇಂತಹದೊಂದು ಹೇಳಿಕೆಗೆ ಶೋಯಬ್ ಅಖ್ತರ್ ಕೂಡಾ ತಕ್ಕ ಶಾಸ್ತಿ ಮಾಡಿದ್ದರು. ''ನನ್ನ ಮಾತು ಕೇಳಿ. ಭಾರತದ ನಿರ್ವಹಣೆಯ ಬಗ್ಗೆ ಹೊಗಳಿಕೆಯನ್ನಾಡದ ಪಾಕಿಸ್ತಾನದ ಯಾವ ಯೂಬ್ಯೂಬರ್ ಇದ್ದಾರೆ? ರಮೀಜ್ ಬಾಯ್, ರಶೀದ್ ಲತೀಫ್, ವಾಸೀಂ ಅಕ್ರಂ, ಶಾಹೀದ್ ಆಫ್ರಿದಿ ಎಲ್ಲರೂ ಭಾರತೀಯ ತಂಡದ ಬಗ್ಗೆ ಒಳ್ಳೆಯ ಮಾತುಗಳನ್ನು ಆಡುತ್ತಾರೆ. ನಿಸ್ಸಂಶಯವಾಗಿಯೂ ಭಾರತ ಉತ್ತಮವಾಗಿ ಆಡುತ್ತಿದೆ. ನನಗೀಗ ಈ ವಿಷಯ ಹೇಳಿ, ಈ ವಿಷಯ ಸತ್ಯವಲ್ಲವೇ? ಹಿಂದೂಸ್ತಾನ್ ವಿಶ್ವದ ನಂ.1 ತಂಡವಲ್ಲವೆ? ವಿರಾಟ್ ಕೊಹ್ಲಿ ನಂ.1 ಬ್ಯಾಟ್ಸ್‌ಮನ್ ಅಲ್ಲವೇ? ಆಸ್ಟ್ರೇಲಿಯಾ ವಿರುದ್ದ ಕಳಪೆ ಕ್ರಿಕೆಟ್ ಆಡಿ ಗೆದ್ದಿದೆಯೇ?'' ಎಂದು ಅಖ್ತರ್ ಪ್ರಶ್ನಿಸಿದರು. ಮಾತು ಮುಂದುವರಿಸಿದ ಅಖ್ತರ್, ನಿಮ್ಮ ತಲೆಯಲ್ಲಿರುವ ಕೂದಲಿಗಿಂತಲೂ ಹೆಚ್ಚು ದುಡ್ಡು ನನ್ನಲ್ಲಿದೆ ಎಂದು ಛೇಡಿಸಿದರು. ರಾಣಾ ನವೇದ್ ಉಲ್ ಹಸನ್ ಹೇಳಿಕೆಯ ವಿಡಿಯೋ ವೀಕ್ಷಿಸಿ
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3aQOIb3
