ಮುಂಬಯಿ: ಶಿವಸೇನೆ ಜತೆಗೂಡಿ ಸರಕಾರ ರಚಿಸಲು ಪಕ್ಷದ ಅಧ್ಯಕ್ಷೆ ಅವರಿಗೆ ಸ್ವಲ್ಪವೂ ಇಷ್ಟವಿರಲಿಲ್ಲ ಎನ್ನುವುದನ್ನು ಮಹಾರಾಷ್ಟ್ರದ ಕಾಂಗ್ರೆಸ್ ಮೊದಲ ಬಾರಿ ಒಪ್ಪಿಕೊಂಡಿದೆ. ಉದ್ಧವ್‌ ಠಾಕ್ರೆ ಸಂಪುಟದ ಹಿರಿಯ ಸಚಿವರೂ ಆಗಿರುವ ಕಾಂಗ್ರೆಸ್‌ನ ಮಾಜಿ ಮುಖ್ಯಮಂತ್ರಿ ಅಶೋಕ್ ಚವ್ಹಾಣ್ ಅವರು ಸೋಮವಾರ ಸಮಾರಂಭವೊಂದರಲ್ಲಿ ಈ ವಿಷಯ ಬಹಿರಂಗಪಡಿಸಿದ್ದಾರೆ. ‘ಬಿಜೆಪಿ, ಶಿವಸೇನೆ ಮೈತ್ರಿ ಮುರಿದ ಬಳಿಕ ಶಿವಸೇನೆ, ಎನ್‌ಸಿಪಿ, ಕಾಂಗ್ರೆಸ್ ಸರಕಾರ ರಚಿಸುವ ಪ್ರಸ್ತಾವವನ್ನು ಸೋನಿಯಾ ಬಳಿ ಇರಿಸಲಾಗಿತ್ತು. ಸೈದ್ಧಾಂತಿಕ ಭಿನ್ನಾಭಿಪ್ರಾಯದ ಕಾರಣ ಆರಂಭದಲ್ಲಿ ಅವರು ಖಡಾಖಂಡಿತವಾಗಿ ನಿರಾಕರಿಸಿದರು. ದಿಲ್ಲಿಯ ಬಹುತೇಕ ನಾಯಕರು ಮೈತ್ರಿ ವಿರುದ್ಧವಾಗಿದ್ದರು. ಆದರೆ ಬಿಜೆಪಿ ಮಣಿಸಲು ಮೈತ್ರಿ ಅಗತ್ಯ ಕುರಿತು ಸಾಕಷ್ಟು ವಿವರಿಸಿದ ಬಳಿಕ ಸೋನಿಯಾ ಒಪ್ಪಿಗೆ ನೀಡಿದರು ಎಂದು ಅಶೋಕ್ ಚವ್ಹಾಣ್ ಮಾಹಿತಿ ನೀಡಿದ್ದಾರೆ. ಈ ಬಗ್ಗೆ ಇನ್ನಷ್ಟು ವಿಸೃತವಾಗಿ ವಿವರಿಸಿದ , ಮೈತ್ರಿಯನ್ನು ಅಧಿಕೃತವಾಗಿ ಘೋಷಿಸುವ ಮುನ್ನ ‘ಮಹಾ ವಿಕಾಸ ಅಘಾಡಿ ಸರಕಾರವು ಸಂವಿಧಾನದ ಚೌಕಟ್ಟಿನಲ್ಲೇ ಕಾರ್ಯನಿರ್ವಹಿಸುತ್ತದೆ' ಎಂಬುದಾಗಿ ಶಿವಸೇನೆಯಿಂದ ಪಡೆಯುವಂತೆಯೂ ಸೂಚಿಸಿದ್ದರು ಎಂದು ಹೇಳಿದ್ಧಾರೆ. ಕೊನೆಗೆ ಮೂರೂ ಪಕ್ಷಗಳ ನಡುವೆ ಲಿಖಿತ ಒಪ್ಪಂದ ಮತ್ತು ಸಾಮಾನ್ಯ ಕನಿಷ್ಠ ಕಾರ್ಯಕ್ರಮ ರೂಪುಗೊಂಡ ಬಳಿಕವೇ ಮೈತ್ರಿಯನ್ನು ಅಧಿಕೃತವಾಗಿ ಘೋಷಿಸಲಾಯಿತು ಎಂದು ಸರ್ಕಾರದ ಸಚಿವ ಹಾಗೂ ಹಿರಿಯ ಕಾಂಗ್ರೆಸ್ ನಾಯಕ ಅಶೋಕ್ ಚವ್ಹಾಣ್ ಮಾಹಿತಿ ನೀಡಿದರು.
from India & World News in Kannada | VK Polls https://ift.tt/2RXbBAQ
