ಗುರುಗ್ರಾಮ: ಮರದ ರೆಂಬೆ ಕತ್ತರಿಸಲು ಹೋಗಿ ವ್ಯಕ್ತಿಯೊಬ್ಬ ಪ್ರಾಣವನ್ನೇ ಕಳೆದುಕೊಂಡಿರುವ ಘಟನೆ ಹರಿಯಾಣದ ಗುರುಗ್ರಾಮದಲ್ಲಿ ನಡೆದಿದೆ. ನಗರದ ಫ್ರೆಂಡ್ಸ್ ಕಾಲೋನಿಯಲ್ಲಿ ಭಾನುವಾರ ಈ ದಾರುಣ ಘಟನೆ ನಡೆದಿದೆ. ಉತ್ತರ ಪ್ರದೇಶದ ಮುಜಾಫರ್‌ನಗರದ ನಿವಾಸಿ 37 ವರ್ಷದ ಸನೋಜ್‌ ತಿವಾರಿ ಕಳೆದ ಐದು ವರ್ಷಗಳಿಂದ ತನ್ನ ತಂದೆಯ ಜತೆ ಗುರುಗ್ರಾಮ ಬಳಿಯ ಸಿಲೋಖೆರಾ ಗ್ರಾಮದಲ್ಲಿ ಬಾಡಿಗೆ ಮನೆಯಲ್ಲಿ ವಾಸ ಮಾಡುತ್ತಿದ್ದ. ಅಲ್ಲದೆ, ಆತ ಫ್ರೆಂಡ್ಸ್ ಕಾಲೋನಿಯಲ್ಲಿ ವಾಸವಾಗಿರುವ ಹರ್‌ಭಗವಾನ್‌ ಅರೋರಾ ಎಂಬುವರ ಮನೆಯಲ್ಲಿ ಮಾಲಿಯಾಗಿ ಕಳೆದ 3 ವರ್ಷಗಳಿಂದ ಕೆಲಸ ಮಾಡುತ್ತಿದ್ದ. ಭಾನುವಾರ ಮರದ ರೆಂಬೆ ಕತ್ತರಿಸಲು ಅರೋರಾ ತ್ರಿವೇದಿಗೆ ಹೇಳಿದ್ದರು. ಈ ಹಿನ್ನೆಲೆ ಪಿಲ್ಲರ್‌ ಹತ್ತಿ ಮರದ ರೆಂಬೆ ಕತ್ತರಿಸುವ ವೇಳೆ ಆಯತಪ್ಪಿ ಗ್ರಿಲ್‌ ಮೇಲೆ ಬಿದ್ದು, ಅದು ಆತನ ದೇಹಕ್ಕೆ ಚುಚ್ಚಿ ಮೃತಪಟ್ಟಿದ್ದಾನೆ. ಬಳಿಕ ಆತನನ್ನು ಸೆಕ್ಟರ್ 10ನಲ್ಲಿದ್ದ ಸಿವಿಲ್‌ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ನಂತರ, ಹೊಸದಿಲ್ಲಿಯ ಸಫ್ದರ್‌ಜಂಗ್‌ ಆಸ್ಪತ್ರೆಗೆ ಕರೆದೊಯ್ಯಲು ಸೂಚಿಸಲಾಯಿತು. ಆದರೆ, ರಾಷ್ಟ್ರ ರಾಜಧಾನಿಯ ಸಫ್ದರ್‌ಜಂಗ್‌ ಆಸ್ಪತ್ರೆಯಲ್ಲಿ 37 ವರ್ಷದ ತ್ರಿವೇದಿ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾನೆ ಎಂದು ತಿಳಿದುಬಂದಿದೆ. ಈ ಸುದ್ದಿ ಓದಿ: ಈ ಘಟನೆ ಸಂಬಂಧ ಅರೋರಾ ವಿರುದ್ಧ ಸಿವಿಲ್‌ ಲೈನ್ಸ್ ಪೊಲೀಸ್‌ ಠಾಣೆಯಲ್ಲಿ ಎಫ್‌ಐಆರ್‌ ದಾಖಲಾಗಿದೆ. ಇದನ್ನೂ ಓದಿ:
from India & World News in Kannada | VK Polls https://ift.tt/2tWjkqX
