ಹೊಸದಿಲ್ಲಿ: ಕೇಂದ್ರ ಸರಕಾರ ತನ್ನ ರಾಷ್ಟ್ರೀಯ ಸಾಮಾಜಿಕ ನೆರವು ಯೋಜನೆಗಳನ್ನು (ನ್ಯಾಶನಲ್‌ ಸೋಶಿಯಲ್‌ ಅಸಿಸ್ಟೆನ್ಸ್‌ ಪ್ರೋಗ್ರಾಮ್‌-ಎನ್‌ಎಸ್‌ಎಪಿ) ಪರಿಷ್ಕರಿಸಲು ಪರಿಶೀಲಿಸುತ್ತಿದ್ದು, ಇದರ ಪರಿಣಾಮ ಹಿರಿಯ ನಾಗರಿಕರು, ವಿಧವೆಯರು ಮತ್ತು ಅಂಗವಿಕಲರಿಗೆ ಪಿಂಚಣೆ ನೆರವು ಏರಿಕೆಯಾಗಲಿದೆ. ಗ್ರಾಮೀಣಾಭಿವೃದ್ಧಿ ಸಚಿವಾಲಯದ ಅಡಿಯಲ್ಲಿ ಈ ಯೋಜನೆಗಳ ಪರಿಷ್ಕರಣೆ ನಡೆಯಲಿದ್ದು, ಪಿಂಚಣಿ ದರವನ್ನು ಹಣದುಬ್ಬರಕ್ಕೆ ಲಿಂಕ್‌ ಮಾಡುವ ಬಗ್ಗೆ ಹಾಗೂ ಫಲಾನುಭವಿಗಳನ್ನು ಸೋಶಿಯಲ್‌ ಎಕನಾಮಿಕ್‌ ಕಾಸ್ಟ್‌ ಸೆನ್ಸಸ್‌ (ಎಸ್‌ಇಸಿಸಿ) ಅಡಿಯಲ್ಲಿ ಗುರುತಿಸುವ ಕುರಿತು ಪರಿಶೀಲಿಸಲಾಗುತ್ತಿದೆ. '' ಈ ಪಿಂಚಣಿ ಯೋಜನೆಗಳ ಮೊತ್ತ ಏರಿಸುವುದು, ನೇರ ನಗದು ವರ್ಗಾವಣೆ ಮೂಲಕ ಫಲಾನುಭವಿಗಳ ಖಾತೆಗೆ ಜಮೆ ಮಾಡುವುದು'' ಪ್ರಸ್ತಾಪದ ಉದ್ದೇಶವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಎನ್‌ಎಸ್‌ಎಪಿಯ ನಾನಾ ಯೋಜನೆಗಳ ಅಡಿಯಲ್ಲಿ ಒಟ್ಟು 3 ಕೋಟಿ ಫಲಾನುಭವಿಗಳಿದ್ದು, ವಾರ್ಷಿಕ 9,000 ಕೋಟಿ ರೂ. ವೆಚ್ಚವಾಗುತ್ತಿದೆ. ಸುರೇಶ್‌ ತೆಂಡೂಲ್ಕರ್‌ ಸಮಿತಿ ಸೂಚಿಸಿರುವ ಬಡತನದ ರೇಖೆಯ ಪ್ರಕಾರ ಫಲಾನುಭವಿಗಳನ್ನು ಗುರುತಿಸಲಾಗುತ್ತಿದೆ.
- ಏನಿದು ಯೋಜನೆ?ನ್ಯಾಶನಲ್‌ ಸೋಶಿಯಲ್‌ ಅಸಿಸ್ಟೆನ್ಸ್‌ ಪ್ರೋಗ್ರಾಮ್‌-ಎನ್‌ಎಸ್‌ಎಪಿ ಶೇ.100ರಷ್ಟು ಕೇಂದ್ರ ಸರಕಾರಿ ಪ್ರಾಯೋಜಿತ ಯೋಜನೆಯಾಗಿದೆ. 1995ರ ಆಗಸ್ಟ್‌ 15ರಿಂದ ಜಾರಿಯಲ್ಲಿದೆ. ಕೆಲ ಪಿಂಚಣಿ ಯೋಜನೆಗಳು ಮತ್ತು ಅಂಗವಿಕಲರಿಗೆ ಸಂಬಂಧಿಸಿದ ಯೋಜನೆಯನ್ನು ಒಳಗೊಂಡಿದೆ.
- ಇಂದಿರಾಗಾಂಧಿ ರಾಷ್ಟ್ರೀಯ ವೃದ್ಧಾಪ್ಯ ಪಿಂಚಣಿ ಎಷ್ಟು ಸಿಗುತ್ತಿದೆ?ಇಂದಿರಾಗಾಂಧಿ ರಾಷ್ಟ್ರೀಯ ವೃದ್ಧಾಪ್ಯ ಪಿಂಚಣಿ ಯೋಜನೆ (ಐಜಿಎನ್‌ಒಎಪಿಎಸ್‌) ಅಡಿಯಲ್ಲಿ 60 ವರ್ಷ ಮೀರಿದ ಬಡ ಹಿರಿಯ ನಾಗರಿಕರಿಗೆ 79 ವರ್ಷದ ತನಕ ಮಾಸಿಕ 200 ರೂ. ಪಿಂಚಣಿ ಹಾಗೂ ನಂತರ 500 ರೂ. ಪಿಂಚಣಿ ಸಿಗುತ್ತದೆ.
- ಇಂದಿರಾಗಾಂಧಿ ರಾಷ್ಟ್ರೀಯ ವಿಧವೆ ಪಿಂಚಣಿ ಎಷ್ಟು ಸಿಗುತ್ತಿದೆ?ಇಂದಿರಾಗಾಂಧಿ ರಾಷ್ಟ್ರೀಯ ವಿಧವೆ ಪಿಂಚಣಿ ಯೋಜನೆಯಡಿಯಲ್ಲಿ( ಐಜಿಎನ್‌ಡಬ್ಲ್ಯುಪಿಎಸ್‌) 40-59 ವರ್ಷ ವಯಸ್ಸಿನ ವಿಧವೆಯರಿಗೆ ಮಾಸಿಕ 200 ರೂ. ಪಿಂಚಣಿ ಲಭ್ಯ.
- ಇಂದಿರಾಗಾಂಧಿ ರಾಷ್ಟ್ರೀಯ ಅಂಗವಿಕಲರ ಪಿಂಚಣಿ ಎಷ್ಟು ಸಿಗುತ್ತಿದೆ?ಇಂದಿರಾಗಾಂಧಿ ರಾಷ್ಟ್ರೀಯ ಅಂಗವಿಕಲರ ಪಿಂಚಣಿ ಯೋಜನೆಯಡಿಯಲ್ಲಿ 18-59 ವರ್ಷ ವಯಸ್ಸಿನ ಅಂಗವಿಕಲರಿಗೆ ನಾಸಿಕ 200 ರೂ. ಪಿಂಚಣಿ ದೊರೆಯುತ್ತದೆ.
- ಇಂದಿರಾಗಾಂಧಿ ರಾಷ್ಟ್ರೀಯ ಪಿಂಚಣಿಯ ಒಟ್ಟು ಫಲಾನುಭವಿಗಳೆಷ್ಟು?80 ವರ್ಷ ಮೀರಿದ ಹಿರಿಯ ನಾಗರಿಕರಿಗೆ ಪಿಂಚಣಿಯು ಮಾಸಿಕ 500 ರೂ.ಗಳಿಂದ 1,000 ರೂ.ಗೆ ಏರಿಕೆಯಾಗುವ ಸಾಧ್ಯತೆ ಇದೆ. 79 ವರ್ಷ ತನಕ ಹಿರಿಯರಿಗೆ ಪಿಂಚಣಿ ಈಗಿನ 200 ರೂ.ಗಳಿಂದ 500 ರೂ.ಗೆ ಏರಿಕೆಯಾಗುವ ನಿರೀಕ್ಷೆ ಇದೆ. ಈ ಪಿಂಚಣಿ ಯೋಜನೆಗಳಲ್ಲಿ ಒಟ್ಟು 2 ಕೋಟಿಗೂ ಹೆಚ್ಚು ಫಲಾನುಭವಿಗಳಿದ್ದಾರೆ.
from India & World News in Kannada | VK Polls https://ift.tt/2RTzsl4
