ಜೈಪುರ: ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರು 2 ಕೋಟಿ ಉದ್ಯೋಗ ಸೃಷ್ಟಿಯ ಭರವಸೆ ನೀಡಿದ್ದರು. ಆದರೆ, ಕಳೆದ ವರ್ಷ 1 ಕೋಟಿ ಯುವಕರು ಉದ್ಯೋಗ ಕಳೆದುಕೊಂಡಿದ್ದಾರೆ ಎಂದು ಕಾಂಗ್ರೆಸ್‌ ನಾಯಕ ಹೇಳಿದ್ದಾರೆ. ಜೈಪುರದಲ್ಲಿ ನಡೆಯುತ್ತಿರುವ 'ಯುವ ಆಕ್ರೋಶ ರ್ಯಾಲಿ'ಯಲ್ಲಿ ಪಾಲ್ಗೊಂಡು ಮಾತನಾಡಿದರು. ಪ್ರಧಾನ ಮಂತ್ರಿಗಳು ಎಲ್ಲೇ ಹೋದರೂ,, ಸಿಎಎ, ಎನ್‌ಆರ್‌ಸಿ ಕುರಿತೇ ಮಾತನಾಡುತ್ತಾರೆ. ಆದರೆ ಅದಕ್ಕಿಂತಲೂ ಗಂಭೀರ ವಿಷಯವಾಗಿರುವ ನಿರುದ್ಯೋಗದ ಕುರಿತು ಪ್ರಸ್ತಾಪವನ್ನೇ ಮಾಡುವುದಿಲ್ಲ. ಪ್ರಸ್ತಾಪ ಮಾಡುವುದಿರಲಿ, ಈ ಕುರಿತು ಒಂದು ಶಬ್ಧವನ್ನೂ ಹೇಳುವುದಿಲ್ಲ ಎಂದು ಹೇಳಿದರು. ಯುವಜನತೆ ದೇಶದ ಬಹುದೊಡ್ಡ ಆಸ್ತಿ. ಇಷ್ಟು ದೊಡ್ಡ ಪ್ರಮಾಣದ ಯುವ ಸಂಪನ್ಮೂಲ ಉದ್ಯೋಗವಿಲ್ಲದೆ ವ್ಯಯವಾಗುತ್ತಿದೆ. ಹಳೆಯ ಮಾನದಂಡಗಳ ಆಧಾರದಲ್ಲಿ ನೋಡುವುದಾದರೆ ಭಾರತ ಕೇವಲ ಶೇ.2.5 ರ ಬೆಳವಣಿಗೆ ದರ ಸಾಧಿಸುತ್ತಿದೆ. ಇದು ನಿಜಕ್ಕೂ ನಾಚಿಕೆಗೇಡಿನ ವಿಚಾರ ಎಂದು ಹೇಳಿದರು. ನೀವು 8 ವರ್ಷದ ಬಾಲಕನನ್ನು ಬೇಕಾದರೆ ಕೇಳಿ ನೋಡಿ. ನೋಟು ಅಮಾನ್ಯೀಕರಣದಿಂದ ಲಾಭವಾಯಿತೇ? ಅಥವಾ ತೊಂದರೆಯಾಯಿತೇ? ಎಂದು? ಆ ಮಗು ಕೂಡ ತೊಂದರೆಯಾಯಿತು ಎಂದೇ ಹೇಳುತ್ತದೆ. ಮೊದಲೆಲ್ಲ ನಾವು ಚೀನಾದೊಂದಿಗೆ ಸ್ಪರ್ಧೆ ಮಾಡುತ್ತಿದ್ದೆವು. ಆದರೆ, ಈಗ ಚೀನಾ ನಮ್ಮನ್ನು ಹಿಂದಕ್ಕೆ ಹಾಕಿ ಹೋಗಿದೆ. ಇಡೀ ವಿಶ್ವಕ್ಕೇ ಗೊತ್ತಿದೆ. ಚೀನಾಕ್ಕೆ ಇರುವ ಏಕೈಕ ಪ್ರತಿಸ್ಪರ್ಧಿ ಎಂದರೆ, ಅದು ಭಾರತದ ಯುವಜನತೆ ಎಂದು ಹೇಳಿದರು.
from India & World News in Kannada | VK Polls https://ift.tt/38MdDuA
