ಇಸ್ಲಾಮಾಬಾದ್‌: ವಿವಾಹ ಮಂಟಪದಲ್ಲಿದ್ದ ಹಿಂದೂ ಯುವತಿಯನ್ನು ಅಪಹರಿಸಿ, ಬಲವಂತವಾಗಿ ಇಸ್ಲಾಂಗೆ ಮತಾಂತರಿಸಿ ಬಳಿಕ ಮುಸ್ಲಿಂ ವ್ಯಕ್ತಿಯೊಂದಿಗೆ ಮದುವೆ ಮಾಡಿಸಲು ಪೊಲೀಸರೇ ಸಾಥ್‌ ನೀಡಿರುವುದು ಬೆಳಕಿಗೆ ಬಂದಿದೆ. ಈ ಮೂಲಕ ಪಾಕಿಸ್ತಾನದಲ್ಲಿ ಹಿಂದೂಗಳ ಮೇಲಿನ ದೌರ್ಜನ್ಯಕ್ಕೆ ಅಲ್ಲಿನ ಪೊಲೀಸರೇ ನೆರವು ನೀಡುತ್ತಿರುವುದು ಬಹಿರಂಗಗೊಂಡಿದೆ. ಭಾರತಿ ಬಾಯಿ ಎಂಬ ಯುವತಿಯ ವಿವಾಹ ಸಿಂಧ್‌ ಪ್ರಾಂತ್ಯದ ಮತಿಯಾರಿ ಜಿಲ್ಲೆಯ ಹಲಾ ಪಟ್ಟಣದಲ್ಲಿನಡೆಯುತಿತ್ತು. ಆ ವೇಳೆ ಕೆಲವು ದುಷ್ಕರ್ಮಿಗಳು ಆಕೆಯನ್ನು ಅಪಹರಿಸಿ, ಬಲವಂತವಾಗಿ ಮತಾಂತರಿಸಿದ್ದಾರೆ. ದುರ್ಗಮ ಸ್ಥಳದಲ್ಲಿಕೆಲ ದಿನಗಳ ಬಳಿಕ ಆಕೆಗೆ ಮುಸ್ಲಿಂ ವ್ಯಕ್ತಿಯೊಂದಿಗೆ ಮದುವೆ ಮಾಡಿಸಲಾಗಿದೆ ಎಂದು ಅಮೆರಿಕ ಮೂಲದ ಸಂಘಟನೆಯೊಂದು ವರದಿ ಮಾಡಿದೆ. ಪ್ರತಿ ವರ್ಷ ಪಾಕ್‌ನ ಸಿಂಧ್‌ ಪ್ರಾಂತ್ಯದಲ್ಲಿ12 ರಿಂದ 28 ವರ್ಷದ 1000 ಹಿಂದೂ ಯುವತಿಯರನ್ನು ಅಪಹರಿಸಿ ಬಲವಂತವಾಗಿ ಇಸ್ಲಾಂಗೆ ಮತಾಂತರಿಸಲಾಗುತ್ತಿದೆ ಎಂದೂ ಸಂಘಟನೆ ಹೇಳಿದೆ. ಪಾಕಿಸ್ತಾನದಲ್ಲಿ ಇಂತಹ ಹೇಯ ಕೃತ್ಯಗಳು ಮರುಕಳಿಸುತ್ತಲೇ ಇವೆ. ಅಲ್ಪಸಂಖ್ಯಾತ ಸಮುದಾಯಕ್ಕೆ ಸೇರಿದ ಹಿಂದೂ, ಸಿಖ್‌ ಮತ್ತು ಕ್ರಿಶ್ಚಿಯನ್‌ ಯುವತಿಯರನ್ನು ಬಲತ್ಕಾರದಿಂದ ಇಸ್ಲಾಂ ಧರ್ಮಕ್ಕೆ ಪರಿವರ್ತಿಸಿ ಮುಸ್ಲಿಂ ಪುರುಷರ ಜೊತೆ ವಿವಾಹ ಮಾಡಿಸುತ್ತಿರು ಪ್ರಕರಣಗಳು ಎಗ್ಗಿಲ್ಲದೆ ಸಾಗಿದೆ. ಕಳೆದ ಕೆಲವು ತಿಂಗಳಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಇಂತಹ ಕೃತ್ಯಗಳು ಸಂಭವಿಸಿವೆ ಎನ್ನಲಾಗಿದೆ. ಕಳೆದ ವರ್ಷ ಆಗಸ್ಟ್‌ ತಿಂಗಳಲ್ಲಿ 19 ವರ್ಷದ ಜಗಜೀತ್‌ ಕೌರ್‌ ಎಂಬ ಯುವತಿ ನಾಪತ್ತೆಯಾಗಿದ್ದಳು. ಕೊನೆಗೆ ಬಹಿರಂಗವಾಗ ಸಂಗತಿಯೆಂದರೆ ಆಕೆಯನ್ನು ಬಲತ್ಕಾರವಾಗಿ ಮುಸ್ಲಿಂ ಪುರುಷನ ಜೊತೆ ಮದುವೆ ಮಾಡಿಸಲಾಗಿತ್ತು. ಗುರುಧ್ವಾರ ತಂಬು ಸಾಹಿಬ್‌ನ ಧರ್ಮಗುರು ಭಗವಾನ್‌ ಸಿಂಗ್‌ ಅವರ ಮಗಳನ್ನು ಪಿಸ್ತೂಲ್‌ ಗುರಿಯಿಟ್ಟು ಇಸ್ಲಾಂಗೆ ಮತಾಂತರಿಸಲಾಗಿದೆ.
from India & World News in Kannada | VK Polls https://ift.tt/2RvhNkA
