ಮೆಲ್ಬೋರ್ನ್: ಆಸ್ಟ್ರೇಲಿಯಾದ ವಿಶ್ವಕಪ್ ವಿಜೇತ ಮಾಜಿ ನಾಯಕ ತಮಗೆ '' ಎಂಬ ಅಡ್ಡ ಹೆಸರು ಹೇಗೆ ಬಂತು ಮತ್ತು ಮೊದಲ ಬಾರಿಗೆ ಯಾರು ಸಂಬೋಧಿಸಿದರು ಎಂಬುದರ ಬಗ್ಗೆ ರಹಸ್ಯವನ್ನು ಬಹಿರಂಗಪಡಿಸಿದ್ದಾರೆ. ಟ್ವಿಟರ್‌ನಲ್ಲಿ ಅಭಿಮಾನಿಯೊಬ್ಬ ಕೇಳಿದ ಪ್ರಶ್ನೆಗೆ ಉತ್ತರವಾಗಿ ತಮ್ಮನ್ನು ಮೊದಲ ಬಾರಿಗೆ ಪಂಟರ್ ಎಂಬ ಹೆಸರಿನಿಂದ ಸಂಬೋಧಿಸಿದರು. ಇದರ ಹಿಂದಿನ ಕಾರಣವನ್ನು ಪಾಂಟಿಂಗ್ ವಿವರಿಸುತ್ತಾರೆ. ''1990ರ ದಶಕದಲ್ಲಿ ಕ್ರಿಕೆಟ್ ಅಕಾಡೆಮಿಯಲ್ಲಿದ್ದಾಗ ನಾವು ತಿಂಗಳಿಗೆ 40 ಅಮೆರಿಕನ್ ಡಾಲರ್ ಸಂಭಾವನೆ ಪಡೆಯುತ್ತಿದ್ದೆವು. ಆ ಸಂದರ್ಭದಲ್ಲಿ ನಾವು TABಗೆ ಹೋಗಿ ಶ್ವಾನಗಳ ಮೇಲೆ ಬೆಟ್ಟಿಂಗ್ ಮಾಡುತ್ತಿದ್ದೆವು. ಈ ಸಂದರ್ಭದಲ್ಲಿ ಶೇನ್ ವಾರ್ನ್ ಪಂಟರ್ ಎಂಬ ಅಡ್ಡ ಹೆಸರಿನಿಂದ ಮೊದಲ ಬಾರಿಗೆ ಕರೆದರು'' ಎಂದು ಪಾಂಟಿಂಗ್ ನೆನಪಿಸಿಕೊಳ್ಳುತ್ತಾರೆ. ಆಸ್ಟ್ರೇಲಿಯಾದಲ್ಲಿ 'ಪಂಟ್' ಎಂಬ ಪದವನ್ನು ಸಾಮಾನ್ಯವಾಗಿ ಶ್ವಾನ ಹಾಗೂ ಕುದುರೆ ರೇಸ್‌ಗಳ ಬೆಟ್ಟಿಂಗ್‌ಗಾಗಿ ಕರೆಯಲಾಗುತ್ತಿದೆ. ಬಳಿಕ ಇದೇ ಹೆಸರಿನಿನೊಂದಿಗೆ ಪಾಂಟಿಂಗ್ ವಿಶ್ವದೆಲ್ಲೆಡೆ ಹೆಚ್ಚಿನ ಜನಪ್ರಿಯತೆ ಗಿಟ್ಟಿಸಿಕೊಂಡರು. ಪಂತ್ ಬೆನ್ನಿಗೆ ನಿಂತ ಪಂಟರ್ ಏತನ್ಮಧ್ಯೆ ಉದಯೋನ್ಮುಖ ವಿಕೆಟ್ ಕೀಪರ್ ಬ್ಯಾಟ್ಸ್‌ಮನ್ ರಿಷಬ್ ಪಂತ್ ಶೀಘ್ರದಲ್ಲೇ ಟೀಮ್ ಇಂಡಿಯಾ ಆಡುವ ಬಳಗದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ರಿಕಿ ಪಾಂಟಿಂಗ್ ತಿಳಿಸಿದ್ದಾರೆ. ಇಂಡಿಯನ್ ಪ್ರೀಮಿಯರ್ ಲೀಗ್ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಪರ ಕೋಚ್ ಹಾಗೂ ಮೆಂಟರ್ ಆಗಿರುವ ರಿಕಿ ಪಾಂಟಿಂಗ್, ಭಾರತೀಯ ಯುವ ಆಟಗಾರನ ಪ್ರಗತಿಯನ್ನು ನಿಕಟವಾಗಿ ವೀಕ್ಷಿಸಿದ್ದಾರೆ. ಇದೀಗ ಐಪಿಎಲ್ 2020ನೇ ಸಾಲಿನಲ್ಲೂ ಮಗದೊಮ್ಮೆ ಪಂತ್ ಜೊತೆಗೆ ಕಾರ್ಯ ನಿರ್ವಹಿಸುವುದನ್ನು ಎದುರು ನೋಡುತ್ತಿದ್ದಾರೆ. ರಿಷಬ್ ಪಂತ್ ಯುವ ಆಟಗಾರನಾಗಿದ್ದು, ಅತೀವ ಪ್ರತಿಭೆಯಿದೆ. ನಾನೀಗ ಪಂತ್ ಜೊತೆ ಕೆಲಸ ಮಾಡುವುದನ್ನು ಎದುರು ನೋಡುತ್ತಿದ್ದೇನೆ. ಖಂಡಿತವಾಗಿಯೂ ಪಂತ್‌ಗೆ ಭಾರತ ತಂಡದ ಆಡುವ ಬಳಗದಲ್ಲಿ ಸ್ಥಾನ ದೊರಕಲಿದೆ ಎಂದರು. ಕೆಎಲ್ ರಾಹುಲ್‌ಗೆ ವಿಕೆಟ್ ಕೀಪಿಂಗ್ ಜವಾಬ್ದಾರಿ ವಹಿಸಿದ ಬಳಿಕ ಪಂತ್‌ಗೆ ಅವಕಾಶ ನಿರಾಕರಿಸಲ್ಪಟ್ಟಿದೆ. ಇನ್ನೊಂದೆಡೆ ರಾಹುಲ್ ಎರಡು ಕೈಗಳಿಂದ ಅವಕಾಶ ಬಾಚಿದ್ದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/36AGtMO
