ಟೆಹರಾನ್: ಅಮೆರಿಕಾ ಸೇನಾ ಕಾರ್ಯಾಚರಣೆಯಲ್ಲಿ ಇರಾನ್ ಸೇನೆ ಮುಖ್ಯಸ್ಥ ಜನರಲ್ ಸುಲೈಮಾನಿ ಹತ್ಯೆ ಘಟನೆಗೆ ಪ್ರತಿಕಾರ ತೀರಿಸಿಯೇ ಸಿದ್ದ ಎಂದು ಇರಾನ್ ಪ್ರಧಾನಿ ಹಸನ್ ರುಹಾನಿ ಎಚ್ಚರಿಕೆ ನೀಡಿದ್ದಾರೆ. ಇರಾನ್ನ ಇಸ್ಲಾಮಿಕ್ ರೆವಲ್ಯೂಷನರಿ ಗಾರ್ಡ್ ಕಾರ್ಪ್ಸ್ ಮುಖ್ಯಸ್ಥ ಜನರಲ್ ಖಾಸಿಮ್ ಸುಲೈಮಾನಿಯನ್ನು ಇರಾಕ್ ರಾಜಧಾನಿ ಬಾಗ್ದಾದ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಅಮೆರಿಕಾ ಸೇನೆ ವಾಯು ದಾಳಿ ನಡೆಸುವ ಮೂಲಕ ಹತ್ಯೆಗೈದಿದೆ. ಈ ಘಟನೆಗೆ ಇರಾನ್ ದಿಗ್ಭ್ರಮೆ ವ್ಯಕ್ತಪಡಿಸಿದ್ದು ಅಮೆರಿಕಾದ ಕ್ರಮವನ್ನು ಕಠಿಣ ಪದಗಳಿಂದ ಖಂಡಿಸಿದೆ. ಅಲ್ಲದೆ ಸೂಕ್ತ ರೀತಿಯ ಪ್ರತಿಕಾರದ ಕ್ರಮಗಳನ್ನು ಕೈಗೊಳ್ಳುವ ಎಚ್ಚರಿಕೆಯನ್ನು ಇರಾನ್ ನೀಡಿದೆ. ಈ ಕುರಿತಾಗಿ ಟ್ವೀಟ್ ಮಾಡಿರುವ ಇರಾನ್ ಪ್ರಧಾನಿ ಹಸನ್ ರುಹಾನಿ “ದೇಶದ ಸಮಗ್ರತೆಯನ್ನು ಕಾಪಾಡುವ ನಿಟ್ಟಿನಲ್ಲಿ ಜನರಲ್ ಸುಲೈಮಾನಿ ಅವರ ಪಾತ್ರ ಪ್ರಮುಖವಾಗಿತ್ತು. ದೇಶದಲ್ಲಿ ಭಯೋತ್ಪಾದನೆ ನಿರ್ಮೂಲನೆಗೆ ಸುಲೈಮಾನಿ ಮಹತ್ವದ ಪಾತ್ರವಹಿಸಿದ್ದರು. ಅವರ ಹತ್ಯೆ ಮಾಡುವ ಮೂಲಕ ಅಮೆರಿಕಾ ಘೋರ ಅಪರಾದ ಎಸಗಿದ್ದು ಇರಾನ್ ಪ್ರತಿಕಾರವನ್ನು ಕೈಗೊಳ್ಳಲಿದೆ” ಎಂದು ಟ್ವೀಟ್ ಮೂಲಕ ಎಚ್ಚರಿಕೆ ನೀಡಿದ್ದಾರೆ. ಜನರಲ್ ಸುಲೈಮಾನಿ ಸೆಲೆಬ್ರಿಟಿ ಸೇನಾ ನಾಯಕನಾಗಿದ್ದು, ದೇಶಾದ್ಯಂತ ಭಾರೀ ಜನ ಬೆಂಬಲವಿದೆ. ಇರಾನ್ ಜನರು ಇವರನ್ನು ರಾಷ್ಟ್ರೀಯ ಹೀರೋ ಎಂದೇ ಕರೆಯುತ್ತಾರೆ. ಇದೀಗ ಅಮೆರಿಕಾ ನಡೆಸಿದ ವಾಯುದಾಳಿಯಲ್ಲಿ ಸುಲೈಮಾನಿ ಮೃತಪಟ್ಟಿರುವುದು ಇರಾನ್ನಾದ್ಯಂತ ಆಕ್ರೋಶ ಹುಟ್ಟಿದೆ. ಇರಾನ್ನ ಸರ್ವೋಚ್ಚ ನಾಯಕ ಅಯಾತುಲ್ಲಾ ಖೊಮೇನಿ ಜನರಲ್ ಸುಲೈಮಾನಿಯನ್ನು ಹುತಾತ್ಮ ಎಂದು ಬಣ್ಣಿಸಿದ್ದಾರೆ.
from India & World News in Kannada | VK Polls https://ift.tt/2rU7o8c
