ಹತ್ಯೆ ಅರಬ್ ರಾಷ್ಟ್ರಗಳಲ್ಲಿ ತಲ್ಲಣ ಹುಟ್ಟುಹಾಕಿದ್ದು, ಬೆನ್ನಿಗೇ ಕಚ್ಚಾ ತೈಲ ದರದಲ್ಲಿ ಕನಿಷ್ಠ ಶೇ. 4ರಷ್ಟು ಏರಿಕೆಯಾಗಿದೆ. ಶುಕ್ರವಾರ ಬೆಳಿಗ್ಗೆ ಇರಾನ್ನ ಸೆಲೆಬ್ರಿಟಿ ಮಿಲಿಟರಿ ನಾಯಕ ಜನರಲ್ ಖಾಸಿಮ್ ಸುಲೈಮನಿಯನ್ನು ಇರಾಕ್ನ ಬಾಗ್ದಾದ್ ವಿಮಾನ ನಿಲ್ದಾಣ ಸಮೀಪ ಅಮೆರಿಕಾ ವಾಯುದಾಳಿಯಲ್ಲಿ ಹತ್ಯೆ ಮಾಡಿತ್ತು. ಇದು ಮಧ್ಯ ಪೂರ್ವ ದೇಶಗಳಲ್ಲಿ ಉದ್ವಿಗ್ನ ವಾತಾವರಣಕ್ಕೆ ಕಾರಣವಾಗಿದ್ದು, ತೈಲ ಪೂರೈಕೆಯಲ್ಲಿ ವ್ಯತ್ಯಯವಾಗಿದೆ. ಪರಿಣಾಮ ತೈಲ ಬೆಲೆ ಏರಿಕೆಯಾಗಿದೆ. ಬ್ರೆಂಟ್ ಕಚ್ಚಾ ತೈಲ ಬೆಲೆಯಲ್ಲಿ 3 ಡಾಲರ್ ಏರಿಕೆಯಾಗಿದ್ದು 69.16 ಡಾಲರ್ಗೆ ಏರಿಕೆಯಾಗಿದೆ. ಸೆಪ್ಟೆಂಬರ್ 17ರ ನಂತರ ಇದೇ ಮೊದಲ ಬಾರಿಗೆ ಕಚ್ಚಾ ತೈಲ ಬೆಲೆ ಗರಿಷ್ಠ ಮಟ್ಟವನ್ನು ಮುಟ್ಟಿದೆ. ಡಬ್ಲ್ಯೂಟಿಐ ಕಚ್ಚಾ ತೈಲದ ಬೆಲೆಯಲ್ಲೂ 1.76 ಡಾಲರ್ ಏರಿಕೆಯಾಗಿದ್ದು, 62.94 ಡಾಲರ್ ತಲುಪಿದೆ.
ತನ್ನ ಪ್ರಮುಖ ಸೇನಾ ನಾಯಕನ ಹತ್ಯೆಗೆ ಇರಾನ್ ಪ್ರತೀಕಾರ ತೀರಿಸಿಕೊಳ್ಳಲಿದ್ದು, ಮಧ್ಯ ಪೂರ್ವ ದೇಶದಲ್ಲಿರುವ ಅಮೆರಿಕಾ ಮತ್ತು ಅದರ ಮಿತ್ರ ಪಡೆಗಳ ಮೇಲೆ ದಾಳಿ ನಡೆಸಬಹುದು ಎಂಬ ಆತಂಕ ಕಚ್ಛಾತೈಲ ಮಾರುಕಟ್ಟೆಯನ್ನು ಆವರಿಸಿದೆ. ಈ ಹಿಂದೆಯೂ ತನ್ನ ಮೇಲಾದ ದಾಳಿಗಳಿಗೆ ಇರಾನ್ ಪ್ರತೀಕಾರ ತೀರಿಸಿಕೊಂಡಿರುವುದರಿಂದ ಈ ಬಾರಿಯೂ ಕೈಕಟ್ಟಿ ಕೂರುವುದಿಲ್ಲ ಎಂಬ ಅಭಿಪ್ರಾಯಗಳು ಮಾರುಕಟ್ಟೆ ತಜ್ಞರಿಂದ ವ್ಯಕ್ತವಾಗಿದೆ. ಈ ಕಾರಣಕ್ಕೆ ತೈಲ ಬೆಲೆ ಏರಿಕೆಯಾಗಿದೆ.
from India & World News in Kannada | VK Polls https://ift.tt/2SNiI0X
