ದುಬೈ: ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಬಿಡುಗಡೆ ಮಾಡಿರುವ ತಾಜಾ ಟ್ವೆಂಟಿ20 ಬ್ಯಾಟಿಂಗ್ ರ್ಯಾಂಕಿಂಗ್ ಪಟ್ಟಿಯಲ್ಲಿ ಭಾರತದ ಆರಂಭಿಕ ಬ್ಯಾಟ್ಸ್ಮನ್ ಆರನೇ ಸ್ಥಾನವನ್ನು ಕಾಯ್ದುಕೊಂಡಿದ್ದಾರೆ. ಈ ನಡುವೆ ಕಪ್ತಾನ ಒಂದು ಸ್ಥಾನ ನೆಗೆತ ಕಂಡು ಒಂಬತ್ತನೇ ಸ್ಥಾನಕ್ಕೆ ತಲುಪಿದ್ದಾರೆ. ಈ ಮಧ್ಯೆ ಬಲಗೈ ವೇಗದ ಬೌಲರ್ 146 ಸ್ಥಾನಗಳ ಜಿಗಿತ ಕಂಡಿದ್ದಾರೆ. ಶ್ರೀಲಂಕಾ ವಿರುದ್ಧ ನಡೆದ ಮೂರು ಪಂದ್ಯಗಳ ಟ್ವೆಂಟಿ-20 ಸರಣಿಯಲ್ಲಿ ಟೀಮ್ ಇಂಡಿಯಾ 2-0 ಅಂತರದ ಗೆಲುವು ಬಾರಿಸಿದೆ. ಇನ್ನೊಂದೆಡೆ ಟಿ20ನಲ್ಲಿ ಗರಿಷ್ಠ ರ್ಯಾಂಕಿಂಗ್ ಹೊಂದಿದ ಭಾರತೀಯ ಆಟಗಾರ ಎಂಬ ಹಿರಿಮೆಗೆ ಪಾತ್ರವಾಗಿರುವ ಕೆಎಲ್ ರಾಹುಲ್, ಲಂಕಾ ವಿರುದ್ಧ ಭರ್ಜರಿ ಪ್ರದರ್ಶನ ನೀಡಿದ್ದರು. ಮತ್ತಷ್ಟು 26 ಅಂಕಗಳನ್ನು ಪಡೆದಿರುವ ರಾಹುಲ್ ಒಟ್ಟು 760 ರೇಟಿಂಗ್ ಪಾಯಿಂಟ್ಗಳನ್ನು ಗಿಟ್ಟಿಸಿದ್ದಾರೆ. ಲಂಕಾ ವಿರುದ್ಧದ ಪಂದ್ಯದಲ್ಲಿ ರಾಹುಲ್ ಅನುಕ್ರಮವಾಗಿ 45 ಹಾಗೂ 54 ರನ್ ಗಳಿಸಿದ್ದರು. ಟಾಪ್ 10 ಪಟ್ಟಿಯಲ್ಲಿರುವ ನಾಯಕ ವಿರಾಟ್ ಕೊಹ್ಲಿ ಮಗದೊಂದು ಸ್ಥಾನ ಮುನ್ನಡೆದು 683 ಅಂಕಗಳೊಂದಿಗೆ ಒಂಬತ್ತನೇ ಸ್ಥಾನ ಪಡೆದಿದ್ದಾರೆ. ಇನ್ನೊಂದೆಡೆ ಎಲ್ಲ ಒತ್ತಡಗಳನ್ನು ನಿಭಾಯಿಸಿ ಲಂಕಾ ವಿರುದ್ಧ ಅಂತಿಮ ಟಿ20ನಲ್ಲಿ ಅರ್ಧಶತಕ ಸಾಧನೆ ಮಾಡಿರುವ ಶಿಖರ್ ಧವನ್ ಒಂದು ಸ್ಥಾನ ನೆಗೆತ ಕಂಡು 15ಕ್ಕೆ ತಲುಪಿದ್ದಾರೆ. ಕರ್ನಾಟಕ ಮನೀಶ್ ಪಾಂಡೆ ಸಹ ನಾಲ್ಕು ಸ್ಥಾನಗಳ ಬಡ್ತಿ ಪಡೆದು 70ನೇ ಸ್ಥಾನ ಗಿಟ್ಟಿಸಿದ್ದಾರೆ. ಸರಣಿಶ್ರೇಷ್ಠ ಪ್ರಶಸ್ತಿಗೆ ಭಾಜನವಾಗಿರುವ ಬಲಗೈ ವೇಗದ ಬೌಲರ್ ನವದೀಪ್ ಸೈನಿ, ಬೌಲರ್ಗಳ ರ್ಯಾಂಕಿಂಗ್ ಪಟ್ಟಿಯಲ್ಲಿ ಬರೋಬ್ಬರಿ 146 ಸ್ಥಾನಗಳ ನೆಗೆತ ಕಂಡು ಅಗ್ರ 100ರ ರ್ಯಾಂಕಿಂಗ್ ಪಟ್ಟಿಯೊಳಗೆ ಪ್ರವೇಶಿಸಿದ್ದಾರೆ. ಸೈನಿ 98ನೇ ಸ್ಥಾನ ವಶಪಡಿಸಿದ್ದಾರೆ. ಅತ್ತ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನವಾಗಿರುವ ಶಾರ್ದೂಲ್ ಠಾಕೂರ್ 92ನೇ ಸ್ಥಾನಕ್ಕೆ ತಲುಪಿದ್ದಾರೆ. ಬಲಗೈ ವೇಗದ ಬೌಲರ್ ಜಸ್ಪ್ರೀತ್ ಬುಮ್ರಾ ಎಂಟು ಸ್ಥಾನಗಳ ಬಡ್ತಿ ಪಡೆದು 38ನೇ ಸ್ಥಾನಕ್ಕೆ ತಲುಪಿದ್ದಾರೆ. ಶ್ರೀಲಂಕಾ ಪರ ಅರ್ಧಶತಕ ಬಾರಿಸಿರುವ ಧನಂಜಯ ಡಿ ಸಿಲ್ವ 72 ಸ್ಥಾನ ನಗೆದು 115ಕ್ಕೆ ತಲುಪಿದ್ದಾರೆ. ಹಾಗೆಯೇ ರಿಸ್ಟ್ ಸ್ಪಿನ್ನರ್ ಲಕ್ಷ್ಮಣ್ ಸಂಡಕನ್ 10 ಸ್ಥಾನ ಬಡ್ತಿ ಪಡೆದು 29ಕ್ಕೆ ತಲುಪಿದ್ದಾರೆ. ಇನ್ನು ಐಸಿಸಿ ಟ್ವೆಂಟಿ-20 ತಂಡ ರ್ಯಾಂಕಿಂಗ್ ಪಟ್ಟಿಯಲ್ಲಿ ಟೀಮ್ ಇಂಡಿಯಾ ಎರಡು ಅಂಕಗಳನ್ನು ಪಡೆದರೂ ಐದನೇ ಸ್ಥಾನದಲ್ಲೇ ಸ್ಥಿರವಾಗಿದೆ. } ಐಸಿಸಿ ಟಿ20 ಬ್ಯಾಟ್ಸ್ಮನ್ಗಳ ರ್ಯಾಂಕಿಂಗ್ ಪಟ್ಟಿ ಇಂತಿದೆ: 1. ಬಾಬರ್ ಅಜಾಮ್ (879) 2. ಆ್ಯರೋನ್ ಫಿಂಚ್ (810) 3. ಡೇವಿಡ್ ಮಲನ್ (782) 4. ಕಾಲಿನ್ ಮನ್ರೊ (780) 5. ಗ್ಲೆನ್ ಮ್ಯಾಕ್ಸ್ವೆಲ್ (766) 6. ಕೆಎಲ್ ರಾಹುಲ್ (760) 7. ಎವಿನ್ ಲೆವಿಸ್ (699) 8. ಹಜ್ರತುಲ್ಲಾ (692) 9. ವಿರಾಟ್ ಕೊಹ್ಲಿ (683) 10. ಇಯಾನ್ ಮಾರ್ಗನ್ (653) ಐಸಿಸಿ ಟಿ20 ತಂಡ ರ್ಯಾಂಕಿಂಗ್ ಪಟ್ಟಿ ಇಂತಿದೆ: 1. ಪಾಕಿಸ್ತಾನ (270) 2. ಆಸ್ಟ್ರೇಲಿಯಾ (269) 3. ಇಂಗ್ಲೆಂಡ್ (265) 4. ದ.ಆಫ್ರಿಕಾ (262) 5. ಭಾರತ (260) 6. ನ್ಯೂಜಿಲೆಂಡ್ (252) 7. ಅಫಘಾನಿಸ್ತಾನ (236) 8. ಶ್ರೀಲಂಕಾ (236) 9. ಬಾಂಗ್ಲಾದೇಶ (227) 10. ವೆಸ್ಟ್ಇಂಡೀಸ್ (225)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/35EWNff
