ಬೆಂಗಳೂರು: ಟೂರ್ನಿಯಲ್ಲಿ ಮಾಡು ಇಲ್ಲವೆ ಮಡಿ ಹೋರಾಟ ನಡೆಸುತ್ತಿದೆ. ಸೂಪರ್ 12 ಹಂತದಲ್ಲಿ ಆಡಿದ ಮೊದಲ ಎರಡೂ ಪಂದ್ಯಗಳನ್ನು ಸೋತು ಸಂಕಷ್ಟಕ್ಕೆ ಸಿಲುಕಿರುವ ಭಾರತ ತಂಡಕ್ಕೆ ಕೊನೆಯ ಮೂರೂ ಪಂದ್ಯಗಳಲ್ಲಿ ಗೆದ್ದರಷ್ಟೇ ಸೆಮಿಫೈನಲ್ಸ್ ತಲುಪುವ ಅಲ್ಪ ಅವಕಾಶ ಎಂಬಂತ್ತಾಗಿದೆ. ಈ ನಿಟ್ಟಿನಲ್ಲಿ ಮೊದಲ ಹೆಜ್ಜೆಯಾಗಿ ಅಫಘಾನಿಸ್ತಾನ ಎದುರು 66 ರನ್ಗಳ ಭರ್ಜರಿ ಜಯದೊಂದಿಗೆ ಮುನ್ನುಗ್ಗಿರುವ ಭಾರತ ತಂಡಕ್ಕೆ ಇದೀಗ ಮತ್ತು ನಮಿಬಿಯಾ ಎದುರು ಅಂಥದ್ದೇ ಭರ್ಜರಿ ಗೆಲುವಿನ ಅಗತ್ಯವಿದೆ. ನವೆಂಬರ್ 5ರಂದು (ಶುಕ್ರವಾರ) ಕ್ರಿಕೆಟ್ ಕೂಸು ಸ್ಕಾಟ್ಲೆಂಡ್ ಎದುರು ಭರ್ಜರಿ ಜಯ ದಾಖಲಿಸಿ ನೆಟ್ ರನ್ ರೇಟ್ ಸುಧಾರಿಸಿಕೊಳ್ಳುವುದು ವಿರಾಟ್ ಕೊಹ್ಲಿ ಬಳಗದ ಲೆಕ್ಕಾಚಾರವಾಗಿದೆ. ಅಂದಹಾಗೆ ಅಂಕಪಟ್ಟಿಯ 2ನೇ ಸ್ಥಾನದಲ್ಲಿರುವ ಅಫಘಾನಿಸ್ತಾನ ತಂಡ ತನ್ನ ಕೊನೇ ರೌಂಡ್ ರಾಬಿನ್ ಪಂದ್ಯದಲ್ಲಿ ನ್ಯೂಜಿಲೆಂಡ್ ಎದುರು ಗೆದ್ದರೆ ಭಾರತ ತಂಡಕ್ಕೆ ಸೆಮಿಫೈನಲ್ ತಲುಪುವ ಅವಕಾಶದ ಬಾಗಿಲು ತೆರೆದುಕೊಳ್ಳಲಿದೆ. ಆದರೆ ನ್ಯೂಜಿಲೆಂಡ್ ತನ್ನ ಪಾಲಿನ ಉಳಿದೆರಡೂ (ಅಫಘಾನಿಸ್ತಾನ ಮತ್ತು ನಮಿಬಿಯಾ ವಿರುದ್ಧ) ಪಂದ್ಯಗಳನ್ನು ಗೆದ್ದರೆ ಸೆಮಿಫೈನಲ್ಸ್ ರೇಸ್ನಿಂದ ಭಾರತ ಮತ್ತು ಅಫಘಾನಿಸ್ತಾನ ಎರಡೂ ತಂಡಗಳು ಹೊರಬೀಳುತ್ತವೆ. ಭಾರತ ತಂಡದಲ್ಲಿ ಬದಲಾವಣೆ ಸಾಧ್ಯತೆಸ್ಕಾಟ್ಲೆಂಡ್ ವಿರುದ್ಧದ ಪಂದ್ಯಕ್ಕೆ ಭಾರತ ತಂಡ ಒಂದೆರಡು ಬದಲಾವಣೆ ತಂದುಕೊಳ್ಳುವ ಸಾಧ್ಯತೆ ಇದೆ. ಅಫಘಾನಿಸ್ತಾನ ವಿರುದ್ಧದ ಪಂದ್ಯದಲ್ಲಿ ಬ್ಯಾಟಿಂಗ್ ವೇಳೆ ಗಾಯಗೊಂಡಿದ್ದ ಹಾರ್ದಿಕ್ ಪಾಂಡ್ಯ, ಫೀಲ್ಡಿಂಗ್ ವೇಳೆ ಕೆಲ ಓವರ್ಗಳ ಕಾಲ ಹೊರಗುಳಿದಿದ್ದರು. ಹೀಗಾಗಿ ಅವರ ಫಿಟ್ನೆಸ್ ಬಗ್ಗೆ ಖಾತ್ರಿ ಇಲ್ಲ. ಒಂದು ವೇಳೆ ಹಾರ್ದಿಕ್ ಅಲಭ್ಯರಾದರೆ ಅವರ ಜಾಗದಲ್ಲಿ ಇಶಾನ್ ಕಿಶನ್ ಆಡಲಿದ್ದಾರೆ. ಇನ್ನು ತಂಡ ಹೆಚ್ಚುವರಿ ಸ್ಪಿನ್ನರ್ ಬಯಸ್ಸಿದ್ದಲ್ಲಿ ಶಾರ್ದುಲ್ ಠಾಕೂರ್ ಸ್ಥಾನದಲ್ಲಿ ಲೆಗ್ ಸ್ಪಿನ್ನರ್ ರಾಹುಲ್ ಚಹರ್ ಆಡುವ ಸಾಧ್ಯತೆಯೂ ಇದೆ. ಟೀಮ್ ಇಂಡಿಯಾದ ಸಂಭಾವ್ಯ ಇಲೆವೆನ್ ಹೀಗಿದೆ1. ಕೆಎಲ್ ರಾಹುಲ್ (ಓಪನರ್) 2. ರೋಹಿತ್ ಶರ್ಮಾ (ಓಪನರ್) 3. ವಿರಾಟ್ ಕೊಹ್ಲಿ (ನಾಯಕ/ಬ್ಯಾಟ್ಸ್ಮನ್) 4. ಸೂರ್ಯಕುಮಾರ್ ಯಾದವ್ (ಬ್ಯಾಟ್ಸ್ಮನ್) 5. ರಿಷಭ್ ಪಂತ್ (ವಿಕೆಟ್ಕೀಪರ್/ಬ್ಯಾಟ್ಸ್ಮನ್) 6. ಹಾರ್ದಿಕ್ ಪಾಂಡ್ಯ (ಆಲ್ರೌಂಡರ್) 7. ರವೀಂದ್ರ ಜಡೇಜಾ (ಆಲ್ರೌಂಡರ್) 8. ಶಾರ್ದುಲ್ ಠಾಕೂರ್ (ಆಲ್ರೌಂಡರ್) 9. ಆರ್ ಅಶ್ವಿನ್ (ಆಫ್ ಸ್ಪಿನ್ನರ್) 10. ಮೊಹಮ್ಮದ್ ಶಮಿ (ಬಲಗೈ ವೇಗಿ) 11. ಜಸ್ಪ್ರೀತ್ ಬುಮ್ರಾ (ಬಲಗೈ ವೇಗಿ) ಸ್ಕಾಟ್ಲೆಂಡ್ ತಂಡದ ಸಂಭಾವ್ಯ ಇಲೆವೆನ್1. ಜಾರ್ಜ್ ಮುನ್ಸೇ 2. ಕೈಲ್ ಕೋಟ್ಸರ್ 3. ಕಾಲಮ್ ಮೆಕ್ಲಿಯೋಡ್ 4. ರಿಚೀ ಬ್ಯಾರಿಂಗ್ಟನ್ 5. ಮೈಕಲ್ ಲೀಸ್ಕ್ 6. ಮ್ಯಾಥ್ಯೂ ಕ್ರಾಸ್ 7. ಕ್ರಿಸ್ ಗ್ರೇವೆಸ್ 8. ಮಾರ್ಕ್ ವ್ಯಾಟ್ 9. ಸಫ್ಯಾನ್ ಶರಿಫ್ 10. ಜಾಶ್ ಡೇವಿ/ಅಲಾಸ್ಡೈರ್ ಈವನ್ಸ್ 11. ಬ್ರಾಡ್ ವೀಲ್ ಪಿಚ್ ವರದಿದುಬೈ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಭಾರತ ತಂಡ ಸೂಪರ್ 12 ಹಂತದ ಮೊದಲ ಎರಡೂ ಪಂದ್ಯಗಳನ್ನು ಸೋತಿದೆ. ಟಾಸ್ ಗೆದ್ದು ರನ್ ಚೇಸ್ ಆಯ್ಕೆ ಮಾಡುವ ತಂಡಕ್ಕೆ ಇಲ್ಲಿ ಯಶಸ್ಸು ಕಟ್ಟಿಟ್ಟ ಬುತ್ತಿ. ಹೀಗಾಗಿ ರನ್ ಚೇಸ್ ಆಯ್ಕೆ ಟಾಸ್ ಗೆದ್ದ ನಾಯಕನ ತಲೆಯಲ್ಲಿರುತ್ತದೆ. ಮೊದಲ ಮೂರೂ ಪಂದ್ಯಗಳಲ್ಲಿ ಟಾಸ್ ಸೋತಿರುವ ಟೀಮ್ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಗೆ ಇಲ್ಲಿ ಅದೃಷ್ಟ ಒಲಿಯುತ್ತದೆಯೇ ಕಾದು ನೋಡಬೇಕು. ಕಳೆದ 14 ಟಾಸ್ಗಳಲ್ಲಿ ಕೊಹ್ಲಿ 13 ಟಾಸ್ ಸೋತಿದ್ದಾರೆ ಎಂಬುದು ವಿಶೇಷ. ಪಂದ್ಯದ ಕೆಲ ಪ್ರಮುಖ ಅಂಕಿಅಂಶ 01ಭಾರತ ಮತ್ತು ಸ್ಕಾಟ್ಲೆಂಡ್ ತಂಡಗಳು ಟಿ20-ಐನಲ್ಲಿ ಈವರೆಗೆ ಮುಖಾಮುಖಿ ಆಗಿಲ್ಲ. 2007ರ ಚೊಚ್ಚಲ ಆವೃತ್ತಿಯ ಟಿ20 ವಿಶ್ವಕಪ್ನಲ್ಲಿ ಒಂದೇ ಗುಂಪಿನಲ್ಲಿ ಇದ್ದರೂ ಕೂಡ ಮಳ ಕಾರಣ ಇತ್ತಂಡಗಳ ನಡುವಣ ಕಾದಾಟ ಟಾಸ್ ಕೂಡ ಕಾಣದಂತೆ ರದ್ದಾಗಿತ್ತು. 50+2017ರ ಬಳಿಕ ಅನುಭವಿ ಓಪನರ್ ರೋಹಿತ್ ಶರ್ಮಾ 50+ ಸ್ಕೋರ್ ಮಾಡಿದ ಎಲ್ಲ ಪಂದ್ಯಗಳಲ್ಲಿ ಭಾರತ ಗೆದ್ದಿದೆ. 01ಟೀಮ್ ಇಂಡಿಯಾ ವೇಗಿ ಜಸ್ಪ್ರೀತ್ ಬುಮ್ರಾಗೆ ಇನ್ನೊಂದು ವಿಕೆಟ್ ಸಿಕ್ಕರೆ ಟಿ20-ಐನಲ್ಲಿ ಭಾರತದ ಪರ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿ ಆರ್ ಅಶ್ವಿನ್ ದಾಖಲೆಯನ್ನು ಸರಿಗಟ್ಟಲಿದ್ದಾರೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2ZY5Smg
