ಹಾನಗಲ್‌ನಲ್ಲಿ ಕಾಂಗ್ರೆಸ್ ಗೆಲುವಿಗೆ ಕಾರಣಗಳೇನು..? ಕೋವಿಡ್ ಕಾಲದ ಶ್ರಮಕ್ಕೆ ಈಗ ಫಲ..?

: ವಿಧಾನಸಭಾ ಕ್ಷೇತ್ರದ ಉಪ ಚುನಾವಣೆಯಲ್ಲಿ ಅಭ್ಯರ್ಥಿ ಶ್ರೀನಿವಾಸ್ ಮಾನೆ ಗೆಲುವು ಸಾಧಿಸಿದ್ದಾರೆ. ಹಾನಗಲ್ ಕ್ಷೇತ್ರವನ್ನು ಕಾಂಗ್ರೆಸ್ ಹಾಗೂ ಬಿಜೆಪಿ ಪ್ರತಿಷ್ಠೆಯ ಕಣವನ್ನಾಗಿ ಸ್ವೀಕರಿಸಿತ್ತು. ಸಿಎಂ ಬಸವರಾಜ ಬೊಮ್ಮಾಯಿ ಅವರ ತವರು ಜಿಲ್ಲೆಯ ಕ್ಷೇತ್ರವಾಗಿದ್ದರಿಂದ ಈ ಚುನಾವಣೆ ಅವರಿಗೂ ಪ್ರತಿಷ್ಠೆಯ ಕಣವಾಗಿತ್ತು.‌ ಆದರೆ ಕಾಂಗ್ರೆಸ್ ಅಭ್ಯರ್ಥಿ ಶ್ರೀನಿವಾಸ್ ಮಾನೆ ಹಾನಗಲ್ ನಲ್ಲಿ ಭರ್ಜರಿಯಾಗಿ ಗೆಲುವು ಸಾಧಿಸಿದ್ದಾರೆ. ಅಷ್ಟಕ್ಕೂ ಹಾನಗಲ್ ನಲ್ಲಿ ಶ್ರೀನಿವಾಸ್ ಮಾನೆ ಗೆಲುವಿಗೆ ಕಾರಣಗಳು ಏನೇನು? ಶ್ರೀನಿವಾಸ್ ಮಾನೆ ಅವರ ಗೆಲುವಿಗೆ ಕಾರಣವಾದ ಪ್ರಮುಖ ಅಂಶಗಳ ಪೈಕಿ, ಕ್ಷೇತ್ರದಲ್ಲಿ ಕಾಂಗ್ರೆಸ್ ಅಸಮಾಧಾನ ಬಗೆಹರಿಸುವಲ್ಲಿ ಕಾಂಗ್ರೆಸ್ ಮುಖಂಡರು ಯಶಸ್ವಿಯಾಗಿದ್ದೇ ಅತಿ ದೊಡ್ಡದು ಎನ್ನಬಹುದು..! ಏಕೆಂದರೆ, ಟಿಕೆಟ್ ಆಕಾಂಕ್ಷಿಯಾಗಿದ್ದ ಮನೋಹರ್ ತಹಶಿಲ್ದಾರ್ ಅವರ ಮನವೋಲಿಕೆ ಮಾಡುವಲ್ಲಿ ಕೈ ಮುಖಂಡರು ಯಶಸ್ವಿಯಾದರು. ಜೊತೆಗೆ ಕ್ಷೇತ್ರದಲ್ಲಿ ಶ್ರೀನಿವಾಸ್ ಮಾನೆ ವೈಯಕ್ತಿಕ ವರ್ಚಸ್ಸೂ ಕೂಡಾ ಫಲ ಕೊಟ್ಟಿದೆ. ಕಳೆದ ಚುನಾವಣೆಯಲ್ಲಿ ಕಡಿಮೆ ಅಂತರದಲ್ಲಿ ಶ್ರೀನಿವಾಸ್ ಮಾನೆ ಸೋಲು ಕಂಡಿದ್ದರು. ಇದಾದ ಬಳಿಕ ಹಾನಗಲ್ ಕ್ಷೇತ್ರದಲ್ಲಿ ಶ್ರೀನಿವಾಸ್ ಮಾನೆ ನೆಲೆ ನಿಂತರು. ಅಲ್ಲಿಯೇ ಮನೆ ಮಾಡುವ ಮೂಲಕ ಕೆಲಸ ಕಾರ್ಯ‌‌ ಆರಂಭ ಮಾಡಿದರು. ಇನ್ನು ಕೋವಿಡ್ ಸಂದರ್ಭದಲ್ಲಿ ಶ್ರೀನಿವಾಸ್ ಮಾನೆಯವರ ಕೆಲಸ ಕಾರ್ಯಗಳು ನಿಜಕ್ಕೂ ಶ್ಲಾಘನೀಯ. ಏಕೆಂದರೆ ನಿರಂತರ ಜನ ಸೇವೆಯಲ್ಲಿ ಬ್ಯುಸಿಯಾಗಿದ್ದ ಮಾನೆ, ಕ್ಷೇತ್ರದ ಜನರಿಗೆ ಉಚಿತ ಚಿಕಿತ್ಸೆ ವ್ಯವಸ್ಥೆ ಮಾಡಿದ್ದರು. ಇನ್ನು ಹಾನಗಲ್ ಶಾಸಕರಾಗಿದ್ದ ಸಿಎಂ ಉದಾಸಿ ಅವರು ಅನಾರೋಗ್ಯಕ್ಕೆ ತುತ್ತಾಗಿದ್ದರು. ಹೀಗಾಗಿ, ಕ್ಷೇತ್ರದಲ್ಲಿ ಅವರ ಸಂಪರ್ಕ ಕಡಿತವಾಗಿತ್ತು. ಈ ಸನ್ನಿವೇಶವನ್ನು ಸದುಪಯೋಗ ಮಾಡಿಸಿಕೊಳ್ಳುವಲ್ಲಿ ಶ್ರೀನಿವಾಸ ಮಾನೆ ಯಶಸ್ವಿಯಾದರು. ಇನ್ನು ಹಾನಗಲ್‌ನಲ್ಲಿ ಘೋಷಣೆಯಾದ ಬಳಿಕ ಉದಾಸಿ ಕುಟುಂಬ ಬಿಜೆಪಿ ಟಿಕೆಟ್‌ಗಾಗಿ ಹಂಬಲಿಸಿತು. ಆದ್ರೆ, ಟಿಕೆಟ್ ಅವರ ಕೈ ತಪ್ಪಿತು. ಈ ಕಾರಣದಿಂದ ಉದಾಸಿ ಅವರ ಕುಟುಂಬ ಬಿಜೆಪಿ ಅಭ್ಯರ್ಥಿ ಪರ ಪ್ರಚಾರ ಕಾರ್ಯದಲ್ಲಿ ಸಕ್ರಿಯವಾಗಿ ಭಾಗಿಯಾಗದೆ ದೂರ ಉಳಿಯಿತು. ಒಂದೆಡೆ ಉದಾಸಿ ಕುಟುಂಬ ಬಿಜೆಪಿಯಿಂದ ದೂರವಾದ್ರೆ, ಮತ್ತೊಂದೆಡೆ, ಕಾಂಗ್ರೆಸ್ ಅಭ್ಯರ್ಥಿ ಹಾಗೂ ನಾಯಕರು ಉಪ ಚುನಾವಣೆ ಪ್ರಚಾರ ಕಣದಲ್ಲಿ ಅಬ್ಬರಿಸಿದರು. ಮನೆ ಮನೆಗೂ ತಲುಪಿದ ಶ್ರೀನಿವಾಸ್ ಮಾನೆ ಹಾಗೂ ಕಾಂಗ್ರೆಸ್ ನಾಯಕರು ಪಕ್ಷವನ್ನು ಗೆಲುವಿನ ದಡ ಮುಟ್ಟಿಸಿದರು. ಈ ನಡುವೆ, ಕಾಂಗ್ರೆಸ್ ಪಕ್ಷಕ್ಕೆ ಜೆಡಿಎಸ್ ಮಗ್ಗುಲ ಮುಳ್ಳಾಗಿತ್ತು. ಒಂದು ಕಾಲದ ಕಾಂಗ್ರೆಸ್‌ ಮುಖಂಡನೇ ಇದೀಗ ಜೆಡಿಎಸ್ ಅಭ್ಯರ್ಥಿಯಾಗಿದ್ದ. ಜೊತೆಯಲ್ಲಿ ಆತ ಮುಸ್ಲಿಂ ಅಭ್ಯರ್ಥಿ..! ಹೀಗಾಗಿ, ಕಾಂಗ್ರೆಸ್‌ನ ಸಾಂಪ್ರದಾಯಿಕ ಮತಗಳು ಛಿದ್ರವಾಗುವ ಆತಂಕವಿತ್ತು. ಆದ್ರೆ, ಕಾಂಗ್ರೆಸ್ ಪಕ್ಷ ಮುಸ್ಲಿಂ ಮತಗಳನ್ನು ಒಗ್ಗೂಡಿಸುವಲ್ಲಿ ಸಫಲವಾಯ್ತು. ಹಾನಗಲ್‌ನಲ್ಲಿ ಜೆಡಿಎಸ್ ತಂತ್ರ ಫ್ಲಾಪ್‌ ಆಯ್ತು.

from India & World News in Kannada | VK Polls https://ift.tt/3k0yoKX