ರಾಯ್ಪುರ (ಛತ್ತೀಸ್ಗಡ): ಬಿಜೆಪಿ ನೇತೃತ್ವದ ಸರ್ಕಾರ ಪೆಟ್ರೋಲ್ ಹಾಗೂ ಡೀಸೆಲ್ ಮೇಲಿನ ಅಬಕಾರಿ ಸುಂಕವನ್ನು ವಿಪರೀತ ಏರಿಕೆ ಮಾಡಿದೆ ಎಂದು ಛತ್ತೀಸ್ಗಡ ಮುಖ್ಯಮಂತ್ರಿ ಅವರು ಆರೋಪಿಸಿದ್ದಾರೆ. ಅವಧಿಯಲ್ಲಿ ಸಾಕಷ್ಟು ಕಡಿಮೆ ಇತ್ತು. ಆ ಮಟ್ಟಕ್ಕೆ ವಾಪಸ್ ತಂದು ನಿಲ್ಲಿಸಿ ಎಂದು ಭೂಪೇಶ್ ಆಗ್ರಹಿಸಿದ್ದಾರೆ. ಒಂದು ವೇಳೆ ಮೋದಿ ಸರ್ಕಾರವು ಹಾಗೂ ಡೀಸೆಲ್ ಮೇಲಿನ ಅಬಕಾರಿ ಸುಂಕವನ್ನು ಯುಪಿಎ ಅವಧಿಯ ಸುಂಕದ ಮಟ್ಟಕ್ಕೆ ವಾಪಸ್ ತಂದು ನಿಲ್ಲಿಸಿದರೆ, ಆಗ ದೇಶದಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ಬೆಲೆ 50 ರಿಂದ 60 ರೂ. ಗೆ ಬಂದು ನಿಲ್ಲುತ್ತೆ ಎಂದು ಭೂಪೇಶ್ ಲೆಕ್ಕಾಚಾರ ಹಾಕಿದ್ದಾರೆ. ಯುಪಿಎ ಅವಧಿಯಲ್ಲಿ ದೇಶದಲ್ಲಿ ಅಬಕಾರಿ ಸುಂಕ ಪ್ರತಿ ಲೀಟರ್ಗೆ 9 ರೂ. ಇತ್ತು. ಆದ್ರೆ, ಬಿಜೆಪಿ ನೇತೃತ್ವದ ಎನ್ಡಿಎ ಸರ್ಕಾರವು ಪ್ರತಿ ಲೀಟರ್ ಪೆಟ್ರೋಲ್ಗೆ ಈಗ 27 ರೂ.ನಿಂದ 32 ರೂ.ವರೆಗೆ ಅಬಕಾರಿ ಸುಂಕ ವಿಧಿಸುತ್ತಿದೆ. ಮೊದಲು ಈ ಏರಿಕೆಯನ್ನು ತಡೆಯಿರಿ. ಯುಪಿಎ ಅವಧಿಯಲ್ಲಿ ಇದ್ದ ಸುಂಕದ ಮಟ್ಟಕ್ಕೆ ವಾಪಸ್ ತಂದು ನಿಲ್ಲಿಸಿ ಎಂದು ಆಗ್ರಹಿಸಿದ್ದಾರೆ. ಇನ್ನು ಛತ್ತೀಸ್ಗಡ ರಾಜ್ಯದ ಮಟ್ಟಿಗೆ ಹೇಳೋದಾದ್ರೆ ಹಿಂದಿನ ಮುಖ್ಯಮಂತ್ರಿಗಳಾದ ರಮಣ್ ಸಿಂಗ್ ಅವರ ಅವಧಿಯಲ್ಲಿ ಇದ್ದಷ್ಟೇ ವ್ಯಾಟ್ ಈಗಲೂ ಇದೆ. ಯಾವುದೇ ಏರಿಕೆಯನ್ನು ತಾವು ಮಾಡಿಲ್ಲ. ಬಿಜೆಪಿ ನಾಯಕರು ಬೇಕಿದ್ದರೆ ಪರೀಕ್ಷೆ ಮಾಡಿಕೊಳ್ಳಲಿ ಎಂದು ಭೂಪೇಶ್ ಹೇಳಿದ್ದಾರೆ. ಇನ್ನು ಬಿಜೆಪಿ ಆಡಳಿತದ ರಾಜ್ಯಗಳಲ್ಲಿ ಪೆಟ್ರೋಲ್ ಹಾಗೂ ಡೀಸೆಲ್ ಮೇಲಿನ ವ್ಯಾಟ್ ಕಡಿತ ಮಾಡಿರುವ ಕುರಿತಾಗಿ ಕೇಳಲಾದ ಪ್ರಶ್ನೆಗೆ ಉತ್ತರಿಸಿದ ಛತ್ತೀಸ್ಗಡ ಸಿಎಂ ಭೂಪೇಶ್ ಬಘೇಲ್, ಈ ಕುರಿತಾಗಿ ಯಾವ ರಾಜ್ಯ ಅಧಿಸೂಚನೆ ಹೊರಡಿಸಿದೆ? ಗುರುವಾರ ರಜೆ ಇತ್ತು. ಹೀಗಾಗಿ, ಯಾವ ಸರ್ಕಾರ ಅಧಿಸೂಚನೆ ಹೊರಡಿಸಿದೆ ಎಂದು ಮೊದಲು ತೋರಿಸಿ ಎಂದು ಅವರು ಆಗ್ರಹಿಸಿದ್ದಾರೆ. ಅಷ್ಟೇ ಅಲ್ಲ, ಪೆಟ್ರೋಲ್ ಹಾಗೂ ಡೀಸೆಲ್ ದರವನ್ನು ಸರ್ಕಾರ ಮತ್ತಷ್ಟು ಕಡಿತ ಮಾಡಬಹುದು ಎಂದು ಭೂಪೇಶ್ ಅಭಿಪ್ರಾಯಪಟ್ಟಿದ್ದಾರೆ. ಕಾಂಗ್ರೆಸ್ ಪಕ್ಷವು ಪೆಟ್ರೋಲ್ ಹಾಗೂ ಡೀಸೆಲ್ ಮೇಲಿನ ಅಬಕಾರಿ ಸುಂಕ ಕಡಿಮೆ ಮಾಡುವಂತೆ ಆಗ್ರಹಿಸಿ ಬಹಳ ಹಿಂದಿನಿಂದಲೂ ಪ್ರತಿಭಟನೆ ಮಾಡುತ್ತಿದೆ. ಈಗ ಕೂಡಾ ಮಾಡುತ್ತಿದೆ. ಯುಪಿಎ ಅವಧಿಯಲ್ಲಿ 2014ರಲ್ಲಿ ಇದ್ದಷ್ಟೇ ಅಬಕಾರಿ ಸುಂಕವನ್ನು ಈಗಲೂ ವಿಧಿಸಿ ಎಂದು ಆಗ್ರಹಿಸುತ್ತಿದೆ. ಆದ್ರೆ, ಕೇವಲ 5 ರೂ. ಕಡಿತ ಮಾಡಿ ಜನರಿಗೆ ಲಾಲಿಪಾಪ್ ಕೊಟ್ಟಿದ್ದಾರೆ. 30 ರೂ. ಸುಂಕ ಏರಿಕೆ ಮಾಡಿ ಅದರಲ್ಲಿ ಕೇವಲ 5 ರೂ. ಕಡಿತ ಮಾಡಿ ಜನರನ್ನು ವಂಚಿಸುತ್ತಿದ್ದಾರೆ. ಕಡೇ ಪಕ್ಷ 9 ರೂ. ಆದ್ರೂ ಕಡಿತ ಮಾಡಿದ್ದರೆ ಒಂದು ಹಂತಕ್ಕೆ ಹೇಳಬಹುದಿತ್ತು ಎಂದು ಭೂಪೇಶ್ ಹೇಳಿದ್ದಾರೆ. ಕಳೆದ ಬುಧವಾರವಷ್ಟೇ ಕೇಂದ್ರ ಹಣಕಾಸು ಇಲಾಖೆ ಪೆಟ್ರೋಲ್ ಮೇಲಿನ ಅಬಕಾರಿ ಸುಂಕವನ್ನು 5 ರೂ. ಕಡಿತ ಮಾಡಿತ್ತು. ಜೊತೆಯಲ್ಲೇ ಡೀಸೆಲ್ ಮೇಲಿನ ಅಬಕಾರಿ ಸುಂಕವನ್ನು 10 ರೂ. ಕಡಿತ ಮಾಡಿತ್ತು. ಕಳೆದ ಮೂರು ವರ್ಷಗಳಲ್ಲಿ ಇದೇ ಮೊದಲ ಬಾರಿಗೆ ಕೇಂದ್ರ ಸರ್ಕಾರವು ಅಬಕಾರಿ ಸುಂಕ ಕಡಿತ ಮಾಡಿದೆ.
from India & World News in Kannada | VK Polls https://ift.tt/302ELGW
