ಕೇದಾರನಾಥ: ಪ್ರಧಾನ ಮಂತ್ರಿ ಅವರು ಶುಕ್ರವಾರ ಪ್ರಸಿದ್ಧ ಕೇದಾರನಾಥ ದೇಗುಲಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದರು. ಉತ್ತರಾಖಂಡದ ರುದ್ರಪ್ರಯಾಗ್ ಜಿಲ್ಲೆಯಲ್ಲಿರುವ ಪ್ರಸಿದ್ಧ ಕೇದಾರನಾಥ ದೇಗುಲದಲ್ಲಿ ಇಂದು ಮುಂಜಾನೆ ಪೂಜೆ ಸಲ್ಲಿಸಿದ ಬಳಿಕ ಆದಿ ಶಂಕರಾಚಾರ್ಯರ ಪ್ರತಿಮೆಯನ್ನು ಪ್ರಧಾನಿ ನರೇಂದ್ರ ಮೋದಿ ಅನಾವರಣಗೊಳಿಸಿದರು. ಈ ವೇಳೆ ಮಾತನಾಡಿದ ಪ್ರಧಾನಿ ಮೋದಿ, ‘ಶಂಕರಾಚಾರ್ಯರ ಸಮಾಧಿ ಉದ್ಘಾಟನೆಗೆ ಅವರ ಭಕ್ತರಾದ ನೀವೆಲ್ಲರೂ ಇಂದು ಇಲ್ಲಿ ಉತ್ಸಾಹದಿಂದ ಸಾಕ್ಷಿಯಾಗಿದ್ದೀರಿ. ದೇಶದ ಎಲ್ಲ ಗಣಿತ ಮತ್ತು ಜ್ಯೋತಿರ್ಲಿಂಗಗಳು ಇಂದು ನಮ್ಮನ್ನು ಸಂಪರ್ಕ ಮಾಡುವಂತೆ ಮಾಡಿದೆ’ ಎಂದು ಹೇಳಿದರು. 2013 ರ ಭಾರೀ ಪ್ರವಾಹದ ನಂತರ ಕೇದಾರನಾಥವನ್ನು ಮತ್ತೆ ಪುನರ್ಅಭಿವೃದ್ಧಿ ಮಾಡಲು ಸಾಧ್ಯವೇ ಎಂದು ಜನರು ಯೋಚಿಸುತ್ತಿದ್ದರು. ಆದರೆ ನನ್ನೊಳಗಿನ ಧ್ವನಿಯು ಕೇದಾರನಾಥವನ್ನು ಮತ್ತೆ ಅಭಿವೃದ್ಧಿ ಮಾಡಲು ಖಂಡಿತಾ ಸಾಧ್ಯವಿದೆ ಎಂದು ಹೇಳುತ್ತಿತ್ತು ಎಂದು ಮೋದಿ ಹೇಳಿದರು. ಅಲ್ಲದೇ, ಆದಿ ಶಂಕರಾಚಾರ್ಯರ ಸಮಾಧಿಯ ಬಳಿ ಪ್ರತಿಮೆಯನ್ನು ಅನಾವರಣ ಮಾಡಿದ ನಂತರ ಸಮಾಧಿಯ ಮುಂದೆ ಕುಳಿತು ಧ್ಯಾನಿಸಿದ ಅನುಭವವನ್ನು ವಿವರಿಸಲು ನನ್ನ ಬಳಿ ಪದಗಳೇ ಇಲ್ಲ ಎಂದು ಮೋದಿ ಕೊಂಡಾಡಿದರು. ಇದೇ ವೇಳೆ ಭಕ್ತರಿಗೆ ಅನುಕೂಲ ಆಗುವಂತೆ ಮತ್ತು ಚಾರ್ಧಾಮ್ ಸಂಪರ್ಕಿಸುವ ರಸ್ತೆ ಸಂಪರ್ಕ ಹಾಗೂ ಹೇಮಕುಂಡ ಸಾಹಿಬ್ ಬಳಿ ರೋಪ್ವೇಗೆ ಮೋದಿ ಚಾಲನೆ ನೀಡಿದರು. ಇದೇ ವೇಳೆ ‘ಈ ದಶಕವನ್ನು ಉತ್ತರಾಖಂಡಕ್ಕೆ ಮೀಸಲಿಡಲಾಗಿದೆ. ಉತ್ತರಾಖಂಡ ರಾಜ್ಯವು ಕಳೆದ 100 ವರ್ಷಗಳಲ್ಲಿ ಸ್ವೀಕರಿಸಿದ್ದಕ್ಕಿಂತ ಹೆಚ್ಚಿನ ಪ್ರವಾಸಿಗರಿಗಿಂತ ಮುಂದಿನ ಹತ್ತು ವರ್ಷಗಳಲ್ಲಿ ಸ್ವೀಕರಿಸಲಿದೆ ಎಂದು ಮೋದಿ ಹೇಳಿದರು. ಅಭಿವೃದ್ಧಿ ಯೋಜನೆಗಳ ಉದ್ಘಾಟನೆಗೂ ಮುನ್ನ ಕೇದಾರನಾಥ ಶಿವನ ದೇಗುಲದಲ್ಲಿ ಆರತಿ ಪೂಜೆ ಮಾಡಿದ ಮೋದಿ, ಕೆಲ ಹೊತ್ತು ಪೂಜಾ ಕೈಂಕರ್ಯದಲ್ಲಿ ಪಾಲ್ಗೊಂಡಿದ್ದರು. ಹಿಮಾಲಯದ ದೇಗುಲ ಸಮೀಪ ಇಂದು ಸುಮಾರು ₹ 300 ಕೋಟಿ ಮೌಲ್ಯದ ಯೋಜನೆಗಳ ಉದ್ಘಾಟನೆ ಮತ್ತು ಶಂಕುಸ್ಥಾಪನೆಗಳಿಗೆ ಮೋದಿ ಚಾಲನೆ ನೀಡಿದರು. 2013 ರಲ್ಲಿ ಉತ್ತರಾಖಂಡದಲ್ಲಿ ಉಂಟಾಗಿದ್ದ ಭಾರೀ ಪ್ರವಾಹದಲ್ಲಿ ಆದಿ ಶಂಕರಾಚಾರ್ಯರ ಪ್ರತಿಮೆಗೆ ಹಾನಿಯಾಗಿತ್ತು. ಬಳಿಕ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಸೇರಿ 12 ಅಡಿ ಎತ್ತರದ 35 ಟನ್ ತೂಕದ ಶಂಕರಾಚಾರ್ಯರ ಪ್ರತಿಮೆಯನ್ನು ನಿರ್ಮಿಸಿತ್ತು. ಮೈಸೂರು ಮೂಲದ ಶಿಲ್ಪಿ ಯೋಗಿರಾಜ್ ಅವರು ತಮ್ಮ ಪುತ್ರ ಅರುಣ್ ಜೊತೆ ಸೇರಿ ಪ್ರತಿಮೆಯನ್ನು ನಿರ್ಮಿಸಿದ್ದಾರೆ.
from India & World News in Kannada | VK Polls https://ift.tt/3wk14U0
