ಬೆಂಗಳೂರು: ಕೋವಿಡ್ ಕಾರಣಕ್ಕಾಗಿ ಸುಮಾರು ಒಂದುವರೆ ವರ್ಷ ಶಾಲೆಗಳನ್ನು ಬಂದ್ ಮಾಡಿದ್ದೆವು. ಇದೀಗ ಮತ್ತೆ ಶಾಲೆ- ಕಾಲೇಜು ಆರಂಭವಾಗುವ ಮೂಲಕ ಮಕ್ಕಳಿಗೆ ಕೋವಿಡ್ನಿಂದ ಸ್ವಾತಂತ್ರ್ಯ ಸಿಕ್ಕಿದೆ! ಎಂದು ಸಿಎಂ ಅಭಿಪ್ರಾಯಪಟ್ಟರು. ಶಾಲಾ -ಕಾಲೇಜು ಆರಂಭದ ಹಿನ್ನೆಲೆಯಲ್ಲಿ ಮಲ್ಲೇಶ್ವರಂ ಕಾಲೇಜು ಕ್ಯಾಂಪಸ್ಗೆ ಭೇಟಿ ನೀಡಿ ಬಳಿಕ ಮಾತನಾಡಿದ ಅವರು, ಕೋವಿಡ್ ಸಂದರ್ಭದಲ್ಲಿ ಮಕ್ಕಳಿಗೆ ಆನ್ಲೈನ್, ಶಾಲಾ ಆವರಣ ಹೊರಗಡೆ ಶಿಕ್ಷಣ ಕೊಡುವ ಕೆಲಸ ಮಾಡಿದ್ದೆವು. ಮಕ್ಕಳನನ್ನು ನಿರಂತರವಾಗಿ ಸಂಪರ್ಕ ಇಡುವ ಪ್ರಯತ್ನ ಶಿಕ್ಷಣ ಇಲಾಖೆ ಮಾಡಿದೆ ಎಂದರು. ಕೋವಿಡ್ ಮೊದಲನೇ ಹಾಗೂ ಎರಡನೇ ಅಲೆಯಲ್ಲಿ ಶಿಕ್ಷಣ ಹಾಗೂ ಮಕ್ಕಳ ನಿಭಾಯಿಸುವುದು ಸವಾಲಿನ ಸಂಗತಿ ಆಗಿತ್ತು. ಶಿಕ್ಷಣ ಇಲಾಖೆ ಉತ್ತಮವಾದ ಕೆಲಸ ಮಾಡಿದೆ. ಮಕ್ಕಳಿಗೆ ತೊಂದರೆ ಆಗದಂತೆ ಹಲವು ಕಾರ್ಯಕ್ರಮ ರೂಪಿಸಿದೆ ಎಂದು ಶಿಕ್ಷಣ ಇಲಾಖೆಯ ಕೆಲಸ ಕಾರ್ಯಗಳನ್ನು ಶ್ಲಾಘಿಸಿದರು. ತಜ್ಞರ ವರದಿ ಆಧರಿಸಿ ಶಾಲೆ ಪ್ರಾರಂಭದ ಘೋಷಣೆ ಮಾಡಿದ್ದೆವು. ಇವತ್ತ ರಾಜ್ಯಾಂದ್ಯಂತ 9,10,11 ಹಾಗೂ 12 ನೇ ತರಗತಿಗಳು ಪ್ರಾರಂಭವಾಗಿದೆ. ಮಲ್ಲೇಶ್ವರಂ ಪದವಿ ಪೂರ್ವ ಕಾಲೇಜಿಗೆ ಭೇಟಿ ನೀಡಿ ಶಿಕ್ಷಕರು ಹಾಗೂ ಮಕ್ಕಳ ಜೊತೆ ಮಾತನಾಡಿದ್ದೇನೆ. ಸಚಿವರಾದ ಅಶ್ವತ್ಥ ನಾರಾಯಣ, ನಾಗೇಶ್ ಕೂಡಾ ನಿರಂತರ ಕೆಲಸ ಮಾಡಿದ್ದಾರೆ ಎಂದು ಇದೇ ವೇಳೆ ತಿಳಿಸಿದರು. ಶಾಲೆ ಆರಂಭದ ಹಿನ್ನೆಲೆಯಲ್ಲಿ ಶಿಕ್ಷಕರು ಹಾಗೂ ಶಾಲಾ ಮುಖ್ಯಸ್ಥರು ಸಂತಸ ವ್ಯಕ್ತಪಡಿಸಿದ್ದಾರೆ. ವಿದ್ಯಾರ್ಥಿಗಳ ಜೊತೆಗಿನ ಭಾವನಾತ್ಮಕ ಸಂಬಂಧ ಮತ್ತೆ ಬಂದಿದೆ ಎಂಬ ಸಂತೋಷದಲ್ಲಿ ಶಿಕ್ಷಕರು ಇದ್ದಾರೆ ಹಾಗೂ ಮಕ್ಕಳಿಗೂ ಸಂತೋಷವಾಗಿದೆ. ಆನ್ಲೈನ್ನಲ್ಲಿ ಕೆಲವೊಂದು ಸಮಸ್ಯೆಗಳು ಇದ್ದವು ಎಂದು ವಿದ್ಯಾರ್ಥಿಗಳು ಹೇಳಿಕೊಂಡಿದ್ದಾರೆ. ಕಲಿಕೆಗೆ ಮುಕ್ತ ವಾತಾವರಣ ನಿರ್ಮಾನ ಮಾಡಿದರೆ ಜ್ಞಾನ ಸಂಪಾದನೆ ಸಾಧ್ಯ. ಶಾಲೆ ಕಾಲೇಜು ಆರಂಭ ಮಾಡಿದ ನಿರ್ಧಾರಕ್ಕಾಗಿ ಸರ್ಕಾರಕ್ಕೂ ಮಕ್ಕಳು ಧನ್ಯವಾದ ಸಲ್ಲಿಸಿದ್ದಾರೆ ಎಂದರು. ಕೋವಿಡ್ ನಿಯಮಾವಳಿಗಳನ್ನು ಪಾಲನೆ ಮಾಡುವಂತೆ ಸೂಚಿಸಿದ್ದೇನೆ. ನನಗೂ ಸಾಕಷ್ಟು ಸಂತೋಷವಾಗಿದೆ. ಮಕ್ಕಳಿಗೆ ಕೋವಿಡ್ನಿಂದ ಸ್ವಾತಂತ್ರ್ಯ ಸಿಕ್ಕಿದೆ. ಗಡಿ ಜಿಲ್ಲೆಗಳಲ್ಲಿ ಕೋವಿಡ್ ಪಾಸಿಟಿವಿಟಿ ಪ್ರಮಾಣ ಶೇ. 2 ಕಡಿಮೆ ಆದ ಬಳಿಕ ಶಾಲಾ ಆರಂಭಕ್ಕೆ ಕ್ರಮ ಕೈಗೊಳ್ಳಲಾಗುವುದು. ಹಂತ ಹಂತದಲ್ಲಿ ಶಾಲೆ ಪ್ರಾರಂಭ ಮಾಡಲು ಕ್ರಮ ಕೈಗೊಳ್ಳಲಾಗುವುದು. ಪ್ರಾಥಮಿಕ ಶಾಲೆ ಆರಂಭಿಸುವ ಬಗ್ಗೆ ತಜ್ಞರ ಜೊತೆ ಮಾತನಾಡಿ ವರದಿ ನೀಡುವಂತೆ ಸೂಚನೆ ನೀಡಲಾಗಿದೆ ಎಂದು ತಿಳಿಸಿದರು.
from India & World News in Kannada | VK Polls https://ift.tt/3sCir0K
