ಹೊಸದಿಲ್ಲಿ: ಸತತ ವೈಫಲ್ಯಗಳಿಂದ ಭಾರಿ ಟೀಕೆಗೆ ಗುರಿಯಾಗಿದ್ದ ಭಾರತ ತಂಡದ ಟೆಸ್ಟ್‌ ವಿಶೇಷ ಬ್ಯಾಟ್ಸ್‌ಮನ್‌ , ವಿರುದ್ಧದ ಮೂರನೇ ಪಂದ್ಯದ ದ್ವಿತೀಯ ಇನಿಂಗ್ಸ್‌ನಲ್ಲಿ ಶತಕದ ಸನಿಹದಲ್ಲಿದ್ದಾರೆ. ಆರಂಭಿಕ ಬ್ಯಾಟ್ಸ್‌ಮನ್‌ , ಪೂಜಾರ ಬ್ಯಾಟಿಂಗ್ ಪ್ರದರ್ಶನವನ್ನು ಮುಕ್ತಕಂಠದಿಂದ ಗುಣಗಾನ ಮಾಡಿದ್ದಾರೆ. ಶುಕ್ರವಾರ ದ್ವಿತೀಯ ಇನಿಂಗ್ಸ್‌ನಲ್ಲಿ ಚೇತೇಶ್ವರ್ ಪೂಜಾರ ಆರಂಭದಿಂದಲೂ ಆಕ್ರಮಣಕಾರಿ ಬ್ಯಾಟಿಂಗ್ ಪ್ರದರ್ಶನ ತೋರಿದರು. ಆಡಿದ 180 ಎಸೆತಗಳಲ್ಲಿ ಅಜೇಯ 91 ರನ್ ಗಳಿಸಿ ನಾಲ್ಕನೇ ದಿನಕ್ಕೆ ಬ್ಯಾಟಿಂಗ್ ಉಳಿಸಿಕೊಂಡಿದ್ದಾರೆ. ಆ ಮೂಲಕ ಭಾರತ ತಂಡದ ಗೆಲುವನ್ನು ಜೀವಂತವಾಗಿರಿಸಿದ್ದಾರೆ. ಚೇತೇಶ್ವರ್ ಪೂಜಾರ ಅವರು ತಮ್ಮ ಹಳೆಯ ವಿಡಿಯೋಗಳನ್ನು ವೀಕ್ಷಿಸುವ ಮೂಲಕ ವಿಶ್ವಾಸವನ್ನು ಹೆಚ್ಚಿಸಿಕೊಂಡಿದ್ದಾರೆಯೇ? ಎಂದು ರೋಹಿತ್‌ ಶರ್ಮಾಗೆ ನಾಲ್ಕನೇ ದಿನದಾಟದ ಬಳಿಕ ಪ್ರಶ್ನೆ ಕೇಳಲಾಯಿತು. ಇದಕ್ಕೆ ಆರಂಭಿಕ ಬ್ಯಾಟ್ಸ್‌ಮನ್‌ ನಕಾರಾತ್ಮಕ ಉತ್ತರ ನೀಡಿದ್ದಾರೆ ಹಾಗೂ ರನ್ ಗಳಿಸುವ ಉದ್ದೇಶದಿಂದ ಅವರು ಕ್ರೀಸ್‌ಗೆ ಬಂದಿದ್ದರು ಎಂದು ಹೇಳಿದರು. "80 ಟೆಸ್ಟ್‌ ಪಂದ್ಯಗಳಾಡಿರುವ ಆಟಗಾರನ ಬಗ್ಗೆ ನೀವು ಮಾತನಾಡುತ್ತಿದ್ದೀರಿ. ಪಂದ್ಯಕ್ಕೂ ಮುನ್ನ ಯಾವುದೇ ಹಳೆಯ ವಿಡಿಯೋಗಳು ನೋಡಬೇಕಾದ ಅಗತ್ಯವಿಲ್ಲ ಎಂದು ಭಾವಿಸುತ್ತೇನೆ. ಹೌದು, ಇದಕ್ಕೆಲ್ಲ ಸಮಯ ಬೇರೆ ಇರುತ್ತದೆ. ಆದರೆ, ಒಮ್ಮೆ ನೀವು ಟೆಸ್ಟ್‌ ಪಂದ್ಯವಾಡಿದರೆ, ನೀವು ಏನು ಮಾಡುತ್ತಿದ್ದೀರಿ ಹಾಗೂ ನಿಮಗೆ ಏನು ಬೇಕು ಎಂಬಂತೆ ಸಂಪೂರ್ಣ ಮಾಹಿತಿ ನೀಡಲಾಗುವುದಿಲ್ಲ. ಅಂದಹಾಗೆ, ಅವರ ಬ್ಯಾಟಿಂಗ್ ಬಗ್ಗೆ ಹೇಳುವುದಾದರೆ, ರನ್ ಗಳಿಸುವ ಉದ್ದೇಶದಿಂದ ಕ್ರೀಸ್‌ಗೆ ಬಂದಿದ್ದರು. ಈ ಇನಿಂಗ್ಸ್ ನಮ್ಮನ್ನು ಉಳಿಸಿಕೊಳ್ಳುವುದಂತೂ ಅಲ್ಲ. ರನ್ ಗಳಿಸುವುದು ನಮ್ಮ ಉದ್ದೇಶವಾಗಿದೆ ಹಾಗೂ ಪೂಜಾರ ಇದನ್ನು ತೋರಿಸುತ್ತಿದ್ದಾರೆ," ಎಂದು ರೋಹಿತ್‌ ತಿಳಿಸಿದರು. "ಪೂಜಾರ ಅದ್ಭುತ ಆರಂಭ ಕಂಡರು ಹಾಗೂ ಅದನ್ನೇ ಇನಿಂಗ್ಸ್ ಪೂರ್ತಿ ಮುಂದುವರಿಸಿದರು. ಕೆಟ್ಟ ಎಸೆತ ಸಿಕ್ಕಾಗ ಅದಕ್ಕೆ ತಕ್ಕ ದಂಡನೆ ನೀಡುತ್ತಿದ್ದರು. ಈ ಉದ್ದೇಶ ಅವರ ಬ್ಯಾಟಿಂಗ್‌ನಲ್ಲಿ ಕಂಡು ಬಂತು. ಕಳೆದ ಹಲವು ವರ್ಷಗಳಿಂದ ಪೂಜಾರ ಅವರಲ್ಲಿ ನಾವು ಇದನ್ನು ಕಂಡಿದ್ದೇವೆ ಹಾಗೂ ಅವರು ನಿಜಕ್ಕೂ ಶಿಸ್ತಿನ ಬ್ಯಾಟ್ಸ್‌ಮನ್‌. ಹೌದು, ಈ ಹಿಂದೆ ರನ್‌ಗಳು ಬಂದಿರಲಿಲ್ಲ. ಆದರೆ, ಇದರರ್ಥ ಅವರ ಬ್ಯಾಟಿಂಗ್ ಗುಣಮಟ್ಟ ಕಳೆದುಹೋಗಿದೆ ಎಂದಲ್ಲ. ಅವರಲ್ಲಿ ಗುಣಮಟ್ಟ ಇದ್ದೇ ಇರುತ್ತದೆ. ಇದನ್ನು ಅವರು ಇಂದು(ಶುಕ್ರವಾರ) ತೋರಿಸಿದ್ದಾರೆ," ಎಂದು ಸಹ ಆಟಗಾರನನ್ನು ಸಮರ್ಥಿಸಿಕೊಂಡರು. ಮುರಿಯದ ಎರಡನೇ ವಿಕೆಟ್‌ಗೆ ರೋಹಿತ್‌ ಶರ್ಮಾ(59) ಹಾಗೂ ಚೇತೇಶ್ವರ್ ಪೂಜಾರ ಜೋಡಿ 82 ರನ್ ಜೊತೆಯಾಟವಾಡಿತ್ತು. ಈ ಬಗ್ಗೆ ಪ್ರತಿಕ್ರಿಯಿಸಿದ ರೋಹಿತ್‌ ಶರ್ಮಾ, ಒತ್ತಡ ಸನ್ನಿವೇಶದಲ್ಲಿ ಇಂತಹ ಪ್ರದರ್ಶನ ಮೂಡಿಬಂದಿದೆ ಹಾಗೂ ಪೂಜಾರ ಪಾಲಿಗೆ ಇದು ತುಂಬಾ ಮುಖ್ಯವಾಗಿತ್ತು ಎಂದು ಹೇಳಿದರು. "300 ರನ್‌ಗಳ ಹಿನ್ನಡೆಯಲ್ಲಿದ್ದ ನಮಗೆ ಕ್ರೀಸ್‌ಗೆ ಹೋಗಿ ಸುಲಭವಾಗಿ ಆಡುವ ಸನ್ನಿವೇಶ ಇರಲಿಲ್ಲ. ತಮ್ಮ ಶೈಲಿಯ ಬ್ಯಾಟಿಂಗ್ ಪ್ರದರ್ಶನವನ್ನು ಅವರು ತೋರಿದ್ದಾರೆ. ನಿಜಕ್ಕೂ ಅವರ ಬ್ಯಾಟಿಂಗ್ ಅದ್ಭುತವಾಗಿತ್ತು. ಆದರೆ, ಇನ್ನೂ ತಂಡದ ಕೆಲಸ ಮುಗಿದಿಲ್ಲ. ನಿರ್ಣಾಯಕ ಎರಡು ದಿನಗಳು ನಮ್ಮ ಮುಂದೆ ಇವೆ. ಹಾಗಾಗಿ, ತಲೆ ತಗ್ಗಿಸಿ ಅವರು ಬ್ಯಾಟಿಂಗ್ ಮುಂದುವರಿಸಲಿದ್ದಾರೆಂಬ ವಿಶ್ವಾಸವಿದೆ," ಎಂದು ರೋಹಿತ್‌ ಶರ್ಮಾ ಹೇಳಿದ್ದಾರೆ. ಅಂದಹಾಗೆ ಭಾರತ ತಂಡ ಮೂರನೇ ದಿನದಾಟದ ಅಂತ್ಯಕ್ಕೆ 80 ಓವರ್‌ಗಳಿಗೆ ಎರಡು ವಿಕೆಟ್‌ ನಷ್ಟಕ್ಕೆ 215 ರನ್ ಗಳಿಸಿದ್ದು, ಪೂಜಾರ ಹಾಗೂ ವಿರಾಟ್‌ ಕೊಹ್ಲಿ(45*) ಅಜೇಯರಾಗಿ ಉಳಿದಿದ್ದಾರೆ. ಆ ಮೂಲಕ ಭಾರತ ಇನ್ನು 139 ರನ್ ಹಿನ್ನಡೆಯಲ್ಲಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3BhtkIo
