ಟೋಕಿಯೋ: ಇಲ್ಲಿ ನಡೆಯುತ್ತಿರುವ ಕ್ರೀಡಾಕೂಟದ ಪುರುಷರ ಜಾವೆಲಿನ್ ಥ್ರೋ ವಿಭಾಗದಲ್ಲಿ(ಎಫ್‌46) ಭಾರತದ ದೇವೆಂದ್ರ ಜಜಾರಿಯಾ ಹಾಗೂ ಅವರು ಕ್ರಮವಾಗಿ ಬೆಳ್ಳಿ ಹಾಗೂ ಕಂಚಿನ ಪದಕಗಳನ್ನು ಮುಡಿಗೇರಿಸಿಕೊಂಡಿದ್ದಾರೆ. ಆ ಮೂಲಕ ಭಾರತದ ಪದಕಗಳ ಪಟ್ಟಿಗೆ ಒಟ್ಟು 7 ಪದಕಗಳು ಸೇರ್ಪಡೆಯಾಯಿತು. ಸೋಮವಾರ ಇಲ್ಲಿನ ನ್ಯಾಷನಲ್‌ ಕ್ರೀಡಾಂಗಣದಲ್ಲಿ ನಡೆದ ಜಾವೆಲಿನ್ ಥ್ರೋ ಅಂತಿಮ ಸುತ್ತಿನಲ್ಲಿ ಅವರು 64.35ಮೀ ಜಾವೆಲಿನ್ ಎಸೆಯುವ ಮೂಲಕ ಬೆಳ್ಳಿ ಪದಕವನ್ನು ತನ್ನದಾಗಿಸಿಕೊಂಡರು. ಇದು ಅವರು ಪ್ಯಾರಾಲಿಂಪಿಕ್ಸ್ ಕ್ರೀಡಾಕೂಟದ ಮೂರನೇ ಪದಕವಾಗಿದೆ. ಇನ್ನು ಭಾರತದ ಮತ್ತೊಬ್ಬ ಸ್ಪರ್ಧಿ ಸುಂದರ್‌ ಸಿಂಗ್‌ ಗುಜ್ರಾರ್‌ ಅವರು ಜಾವೆಲಿನ್ ಅನ್ನು 62.58 ಮೀಟರ್ ಎಸೆಯುವ ಮೂಲಕ ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಂಡರು. ಇದೇ ಸ್ಪರ್ಧೆಯಲ್ಲಿ ಶ್ರೀಲಂಕಾದ ದಿನೇಶ್‌ ಪ್ರಿಯನ್‌ ಹೆರಾಥ್‌ ಅವರು ಜಾವೆಲಿನ್ ಅನ್ನು 67.79 ಮೀಟರ್ ಎಸೆದು ಚಿನ್ನದ ಪದಕವನ್ನು ತನ್ನದಾಗಿಸಿಕೊಂಡರು. ದ್ವೀಪ ನಾಡಿನ ಜಾವೆಲಿನ್ ಪಟುವಿನ ವಿಶ್ವ ದಾಖಲೆಯ ಎಸೆತ ಕೂಡ ಇದಾಯಿತು. ಜಾವೆಲಿನ್ ಥ್ರೋ ಫೈನಲ್‌ ಸ್ಪರ್ಧೆಯಲ್ಲಿ ಭಾರತದಿಂದ ಮೂವರು ಭಾಗವಹಿಸಿದ್ದರು. ಮೊದಲನೇ ಪ್ರಯತ್ನದಲ್ಲಿ ಸುಂದರ್‌ ಸಿಂಗ್‌ 62.58 ಮೀಟರ್ ಜಾವೆಲಿನ್ ಎಸೆಯುವ ಮೂಲಕ ಮುನ್ನಡೆಯಲ್ಲಿದ್ದರು. ಆದರೆ, ದೇವೇಂದ್ರ 60.28 ಹಾಗೂ ಅಜೀತ್ 56.15 ಮೀಟರ್ ಜಾವೆಲಿನ್ ಎಸೆದಿದ್ದರು. ಎರಡನೇ ಪ್ರಯತ್ನದಲ್ಲಿ ದೇವೇಂದ್ರ 60.62 ಮೀಟರ್ ಎಸೆದಿದ್ದರು. ನಂತರ ಮೂರನೇ ಪ್ರಯತ್ನದಲ್ಲಿ 64.35 ಎಸೆದರು. ಆದರೆ, ಶ್ರೀಲಂಕಾದ ದಿನೇಶ್‌ ಪ್ರಿಯನ್‌ ಅವರು ಮೂರನೇ ಪ್ರಯತ್ನದಲ್ಲಿ 67.79 ಮೀಟರ್ ಜಾವೆಲಿನ್ ಎಸೆದು ವಿಶ್ವ ದಾಖಲೆಯನ್ನು ಮಾಡಿದರು. ಆ ಮೂಲಕ ಕಳೆದ ಪ್ರದರ್ಶನವನ್ನು ಇನ್ನಷ್ಟು ಉತ್ತಮಪಡಿಸಿಕೊಂಡರು. ಆದರೆ, 3 ಹಾಗೂ 4ನೇ ಪ್ರಯತ್ನದಲ್ಲಿ ಸುಂದರ್‌ ಸಿಂಗ್‌ಗೆ ಕೆಂಪು ಭಾವುಟ ತೋರಿಸಲಾಯಿತು. ನಂತರ ಐದನೇ ಪ್ರಯತ್ನದಲ್ಲಿ ಅವರು ಪ್ರಸಕ್ತ ಆವೃತ್ತಿಯ ಅತ್ಯುತ್ತಮ ಪ್ರದರ್ಶನ ತೋರುವ ಮೂಲಕ ಜಾವೆಲಿನ್ ಅನ್ನು 64.01 ಮೀಟರ್ ದೂರ ಎಸೆದರು. ಆ ಮೂಲಕ ಕಂಚಿನ ಪದಕವನ್ನು ತಮ್ಮ ಖಾತೆಗೆ ಸೇರಿಸಿಕೊಂಡರು. ಆದರೆ, ಭಾರತದ ಅಜೀತ್ ಅವರ ನಾಲ್ಕು ಪ್ರಯತ್ನಗಳು ಅನರ್ಹವಾಗಿದ್ದರಿಂದ ನಿರಾಶೆ ಅನುಭವಿಸಿದರು. ಕೊನೆಯ ಪ್ರಯತ್ನದಲ್ಲಿ ದೇವೇಂದ್ರ 61.23 ಮೀಟರ್ ಎಸೆದರೆ, ಸುಂದರ್‌ ಅವರ ಪ್ರಯತ್ನ ಅನರ್ಹವಾಗಿತ್ತು. ಅವಿನ ಲೆಖಾರಾಗೆ ಚಿನ್ನದ ಪದಕ: ಸೋಮವಾರ ಇದಕ್ಕೂ ಮುನ್ನ ಮಹಿಳೆಯರ 10 ಮೀಟರ್ ಏರ್‌ ರೈಫಲ್‌ ಸ್ಟ್ಯಾಂಡಿಂಗ್‌ ಎಸ್‌ಎಚ್‌1 ವಿಭಾಗದಲ್ಲಿ ಚಿನ್ನದ ಪದಕ ಮುಡಿಗೇರಿಸಿಕೊಂಡಿದ್ದಾರೆ. ಆ ಮೂಲಕ ಪ್ಯಾರಾಲಿಂಪಿಕ್ಸ್ ಕ್ರೀಡಾಕೂಟದಲ್ಲಿ ಚಿನ್ನದ ಪದಕ ಗೆದ್ದ ಭಾರತದ ಮೊದಲ ಮಹಿಳೆ ಎಂಬ ದಾಖಲೆಗೆ ಅವನಿ ಭಾಜನರಾಗಿದ್ದಾರೆ. ನ್ನದ ಪದಕದ ಜೊತೆಗೆ ಭಾರತದ ಪ್ಯಾರಾ ಶೂಟರ್‌ 249.6 ಪಾಯಿಂಟ್ಸ್‌ಗಳೊಂದಿಗೆ ಪ್ಯಾರಾಲಿಂಪಿಕ್ಸ್ ವಿಶ್ವ ದಾಖಲೆಯನ್ನು ಸರಿಗಟ್ಟಿದ್ದಾರೆ. ಪುರುಷರ ಡಿಸ್ಕಸ್‌ ಥ್ರೋನಲ್ಲಿ ಯೋಗೇಶ್ ಕಥುನಿಯಾಗೆ ಬೆಳ್ಳಿ: ಅವನಿ ಲೆಖಾರಾ ಅವರು ಐತಿಹಾಸಿಕ ಚಿನ್ನದ ಪದಕ ಗೆದ್ದ ಕೆಲವೇ ನಿಮಿಷಗಳಲ್ಲಿ ಪುರುಷರ ಡಿಸ್ಕಸ್‌ ಥ್ರೋ ವಿಭಾಗದಲ್ಲಿ ಭಾರತದ ಯೋಗೇಶ್ ಕಥುನಿಯಾ ಬೆಳ್ಳಿ ಪದಕ ತನ್ನದಾಗಿಸಿಕೊಂಡಿದ್ದಾರೆ. ಟೋಕಿಯೋ ನ್ಯಾಷನಲ್‌ ಸ್ಟೇಡಿಯಂನಲ್ಲಿ ನಡೆದಿದ್ದ ಡಿಸ್ಕಸ್‌ ಥ್ರೋ ಅಂತಿಮ ಸುತ್ತಿನಲ್ಲಿ ಯೋಗೇಶ್ ಕಥುನಿಯಾ ಅವರು 44.38 ಮೀಟರ್ ಡಿಸ್ಕಸ್‌ ಎಸೆಯುವ ಮೂಲಕ ಬೆಳ್ಳಿ ಪದಕವನ್ನು ಗೆದ್ದಿದ್ದಾರೆ. ಹಾಲಿ ಚಾಂಪಿಯನ್‌ ಬ್ರೆಜಿಲ್‌ನ ಕ್ಲೌಡಿನಿ ಬಟಿಸ್ಟಾ ಡಾಸ್ ಸ್ಯಾಂಟೋಸ್ ಅವರು 45.33ಮೀಟರ್ ದೂರ ಎಸೆಯುವ ಮೂಲಕ ಚಿನ್ನದ ಪದಕಕ್ಕೆ ಮುತ್ತಿಟ್ಟರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3ztRO0y
