ಬೆಂಗಳೂರು: ಮನಮೋಹಕ ಲಯದಲ್ಲಿರುವ ಇಂಗ್ಲೆಂಡ್ ತಂಡದ ನಾಯಕ , ಪ್ರವಾಸಿ ವಿರುದ್ಧದ ಐದು ಪಂದ್ಯಗಳ ಟೆಸ್ಟ್ ಕ್ರಿಕೆಟ್ ಸರಣಿಯಲ್ಲಿ ಹ್ಯಾಟ್ರಿಕ್ ಶತಕ ಬಾರಿಸುವ ಮೂಲಕ ವಿಶೇಷ ದಾಖಲೆಯೊಂದನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಲೀಡ್ಸ್ನ ಹೆಡಿಂಗ್ಲೇ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಸರಣಿಯ ಮೂರನೇ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲ ಬ್ಯಾಟ್ ಮಾಡಿದ್ದ ಭಾರತ ತಂಡವನ್ನು 78 ರನ್ಗಳಿಗೆ ಆಲ್ಔಟ್ ಮಾಡಿದ ಆತಿಥೇಯ ಇಂಗ್ಲೆಂಡ್, ಮೊದಲ ದಿನವೇ ಓಪನರ್ಗಳ ಭರ್ಜರಿ ಬ್ಯಾಟಿಂಗ್ ಬಲದಿಂದ ಇನಿಂಗ್ಸ್ ಮುನ್ನಡೆ ಗಳಿಸಿತ್ತು. ಬಳಿಕ ಪಂದ್ಯದ ಎರಡನೇ ದಿನ ಇಂಗ್ಲೆಂಡ್ಗೆ ಬೃಹತ್ ಮೊತ್ತ ತಂದುಕೊಡುವ ಜವಾಬ್ದಾರಿ ಹೊತ್ತು ಬ್ಯಾಟ್ ಮಾಡಿದ ನಾಯಕ ಜೋ ರೂಟ್, ಟೆಸ್ಟ್ ಕ್ರಿಕೆಟ್ ವೃತ್ತಿ ಬದುಕಿನ 23ನೇ ಶತಕದ ಸಂಭ್ರಮ ಆಚರಿಸಿದರು. ನಾಟಿಂಗ್ಹ್ಯಾಮ್ ಮತ್ತು ಲಾರ್ಡ್ಸ್ ಟೆಸ್ಟ್ ಪಂದ್ಯಗಳಲ್ಲೂ ಮೂರಂಕಿಯ ಸ್ಕೋರ್ಗಳಿಸಿದ್ದ ರೂಟ್, ಈಗ ತಮ್ಮ ಮನೆಯಂಗಣದ ಕ್ರೀಡಾಂಗಣದಲ್ಲೂ ಶತಕ ಬಾರಿಸಿ ಸರಣಿಯಲ್ಲಿ ಒಟ್ಟು ರನ್ ಗಳಿಕೆಯನ್ನು 500ರ ಗಡಿ ದಾಟಿಸಿದ್ದಾರೆ. ಇನಿಂಗ್ಸ್ನ 104ನೇ ಓವರ್ನಲ್ಲಿ ಭಾರತ ತಂಡದ ಅನುಭವಿ ವೇಗದ ಬೌಲರ್ ಇಶಾಂತ್ ಶರ್ಮಾ ಬೌಲಿಂಗ್ನಲ್ಲಿ ಮಿಡ್ ವಿಕೆಟ್ ಕಡೆಗೆ ಫಿಲ್ಕ್ ಶಾಟ್ ಬಾರಿಸುವ ಮೂಲಕ ಫೋರ್ ಗಳಿಸಿದ ರೂಟ್, ಬಹುತೇಕ ಸಂಪೂರ್ಣ ಪ್ರೇಕ್ಷಕರಿದ್ದ ಕ್ರೀಡಾಂಗಣದಲ್ಲಿ ಶತಕದ ಸಂಭ್ರಮ ಆಚರಿಸಿದರು. ಪ್ರೇಕ್ಷಕರ ಗ್ಯಾಲರಿಯಲ್ಲಿದ್ದ ಜೋ ರೂಟ್ ತಂದೆ ಕೂಡ ಎದ್ದು ನಿಂತು ಮಗನ ಅದ್ಭುತ ಸಾಧನೆಗೆ ಚಪ್ಪಾಳೆ ಹೊಡೆದ್ದು ವಿಶೇಷವಾಗಿತ್ತು. ಅಂದಹಾಗೆ ರೂಟ್ ತಮ್ಮ ಈ ಶತಕದೊಂದಿಗೆ ವಿಶೇಷ ದಾಖಲೆ ಒಂದನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಟೀಮ್ ಇಂಡಿಯಾ ಎದುರು ಅತಿ ಹೆಚ್ಚು ಟೆಸ್ಟ್ ಶತಕ ಬಾರಿಸಿದ ಇಂಗ್ಲೆಂಡ್ ಬ್ಯಾಟ್ಸ್ಮನ್ ಎಂಬ ಹೆಗ್ಗಳಿಕೆ ಸಂಪಾದಿಸಿದ್ದಾರೆ. ಇದಕ್ಕೂ ಮುನ್ನ ಮಾಜಿ ನಾಯಕ ಅಲಿಸ್ಟರ್ ಕುಕ್ ಹೆಸರಲ್ಲಿ ಈ ದಾಖಲೆ ಇತ್ತು. ರೂಟ್ ಈಗ ಭಾರತದ ವಿರುದ್ಧ ಒಟ್ಟು 8 ಶತಕಗಳನ್ನು ಬಾರಿಸಿದ್ದು, ಕುಕ್ 7 ಶತಕಗಳ ದಾಖಲೆ ಹೊಂದಿದ್ದಾರೆ. ಇನ್ನು 2021ರಲ್ಲಿ 1000 ಟೆಸ್ಟ್ ರನ್ಗಳ ಗಡಿ ದಾಟಿದ ಮೊತ್ತ ಮೊದಲ ಬ್ಯಾಟ್ಸ್ಮನ್ ಕೂಡ ಆಗಿರುವ ರೂಟ್, ವರ್ಷ ವೊಂದರಲ್ಲಿ ಅತಿ ಹೆಚ್ಚು ಶತಕಗಳನ್ನು ಬಾರಿಸಿದ ಇಂಗ್ಲೆಂಡ್ ಬ್ಯಾಟ್ಸ್ಮನ್ ಎಂಬ ದಾಖಲೆಯನ್ನೂ ಸರಿಗಟ್ಟಿದ್ದಾರೆ. ಭಾರತ ವಿರುದ್ಧ ಅತಿ ಹೆಚ್ಚು ಶತಕ ಬಾರಿಸಿದ ಬ್ಯಾಟ್ಸ್ಮನ್ಗಳುಜೋ ರೂಟ್ (8 ಶತಕ) (7 ಶತಕ) ಕೆವಿನ್ ಪೀಟರ್ಸನ್ (6 ಶತಕ) ವರ್ಷ ಒಂದರಲ್ಲಿ ಅತಿ ಹೆಚ್ಚು ಟೆಸ್ಟ್ ಶತಕ ಬಾರಿಸಿದ ಇಂಗ್ಲೆಂಡ್ ಬ್ಯಾಟ್ಸ್ಮನ್ಗಳುಡೆನಿಸ್ ಕಾಂಪ್ಟನ್ (1947) - 6 ಶತಕ ಮೈಕಲ್ ವಾನ್ (2002) - 6 ಶತಕ ಜೋ ರೂಟ್ (2021) - 6 ಶತಕ ಲೀಡ್ಸ್ ಟೆಸ್ಟ್ ಪಂದ್ಯದ ಸಂಕ್ಷಿಪ್ತ ಭಾರತ: ಮೊದಲ ಇನಿಂಗ್ಸ್ 40.4 ಓವರ್ಗಳಲ್ಲಿ 78 ರನ್ಗಳಿಗೆ ಆಲ್ಔಟ್ (ರೋಹಿತ್ ಶರ್ಮಾ 19, ಅಜಿಂಕ್ಯ ರಹಾನೆ 18; ಜೇಮ್ಸ್ ಆಂಡರ್ಸನ್ 6ಕ್ಕೆ 3, ಕ್ರೇಗ್ ಓವರ್ಟರ್ನ್ 14ಕ್ಕೆ 3, ಓಲ್ಲೀ ರಾಬಿನ್ಸನ್ 16ಕ್ಕೆ 2, ಟಾಮ್ ಕರ್ರನ್ 27ಕ್ಕೆ 2). ಇಂಗ್ಲೆಂಡ್: ಮೊದಲ ಇನಿಂಗ್ಸ್ 129 ಓವರ್ಗಳಲ್ಲಿ 8 ವಿಕೆಟ್ಗೆ 423 ರನ್ (ರೋರಿ ಬರ್ನ್ಸ್ 61, ಹಸೀಬ್ ಹಮೀದ್ 68, ಜೋ ರೂಟ್ 121, ಡಾವಿಡ್ ಮಲಾನ್ 70; ಮೊಹಮ್ಮದ್ ಶಮಿ 87ಕ್ಕೆ 3, ಮೊಹಮ್ಮದ್ ಸಿರಾಜ್ 82ಕ್ಕೆ 2, ರವೀಂದ್ರ ಜಡೇಜಾ 88ಕ್ಕೆ 2). (* ಎರಡನೇ ದಿನದಾಟದ ಅಂತ್ಯಕ್ಕೆ)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3yravAQ
